Morgunblaðið - 17.03.1984, Qupperneq 45

MORGUNBLAÐIÐ, LAUGARDAGUR 17. MARZ 1984
45
Aths. við ummæli í útvarpsþætti:
Þeir sem hafa 3. og 4. sund-
stig sökkva ekki til botns
Þorsteinn Kinarsson skrifar:
„Heiðraði Velvakandi.
Þriðjudaginn 13. mars sl. átti sá
sem stjórnar morgunrabbi viðtal
við einhvern á Raufarhöfn. Ég
náði ekki hver það var en hann var
heyranlega gömlu sem nýju kunn-
ugur þar og þá hinni ágætu og
langþráðu sundlaug, sem þeir
Raufarhafnarbúar, 500 talsins,
eru að taka í notkun á erfiðum
tímum.
Þegar viðmælandi vildi leggja
áherslu á nauðsyn laugarinnar, þá
komst hann einhvern veginn
þannig að orði, að jafnvel þeir sem
hefðu 3. og 4. sundstig sykkju til
botns. Þessa gat hann eftir að
hafa lýst hinum undraverða fram-
taki, er sundkennsla fór fram um
árabil í „sundlaug" sem stúkuð var
af í velþveginni síldarþró — og
vatn hennar hitað upp með gufu
frá síldarverksmiðjunni. Þetta
leyfði verksmiðjustjórn vinsam-
lega að væri gert áður en síldveið-
ar hófust á vorin. Og ekki hefur
það torveldað skólastjórn barna-
skólans; Guðmundur Einarsson
var löngum verkstjóri við verk-
smiðjurnar og áhugasamur um
þessa sundframkvæmd. Var það
kennarinn Leifur Eiríksson, er
annaðist sundkennsluna, og flest
árin var hann einnig laugarvörð-
ur. Á þessu athafnasvæði í þreif-
andi gufu og reyk, þurfti að hafa
glöggt eftirlit með sundnemend-
um.
Við þessar einstæðu aðstöðu
tóku börn og unglingar tilskilin
sundpróf. — Eftir að leggja varð
niður þessa sundaðstöðu, voru
börn og unglingar sendir til
sundnáms í Laugaskóla og síðar í
Lundarskóla. Forráðamenn skóla
á Raufarhöfn hafa um langt skeið
séð um að börn og unglingar lærðu
að synda og þeirra áhugi að sigr-
ast á erfiðleikum hefur nú leitt til
þess að fyrsta áfanga íþróttamið-
stöðvar er nærri lokið á Raufar-
höfn.
Það olli mér gremju, er viðmæl-
andinn á Raufarhöfn sagði í gleði
sinni yfir að sundlaugin þar er
komin upp, að sundlistin þarna
væri á svo lágu stigi að þeir sem
hefðu þriðja og fjórða sundstig
sykkju til botns. — Ég greip til
pennans vegna þess að í þessum
orðum felst, að allt það starf til
þess að gera börn og unglinga
sundfær á Raufarhöfn með þeim
aðgerðum sem hér hefur verið
lýst, hafi verið unnið fyrir gýg. Sá
sem einu sinni hefur lært að synda
er ævilangt syndur. Við hina miklu
og almennu þátttöku íslendinga í
fyrstu norrænu sundkeppninni
1951 (200 metra sundið), kom fram
í blöðum, hljóðvarpi og í bréfum
til framkvæmdanefndar, að aldrað
fólk sem ekki hafði komist í laug í
30 til 50 ár, reyndist geta synt, og
lét þetta í ljós á ýmsa vegu. Ég
minnist bréfs frá 83 ára gömlum
manni, sem á miðjum aldri hafði
lært að synda hjá Finnboga Þor-
valdssyni í laug við Tálknafjörð.
Hann kvað þetta stutta sundnám
hafa komið því til leiðar að hann
hefði náð að bjarga manni frá
drukknun, og nú, 83 ára, tókst
honum að synda 200 metrana, en
hafði ekki komið í laug síðan hann
lærði hjá Finnboga.
Mörg dæmi eru haldbær um hve
oft stutt sundnám á vegum skóla
hefur bjargað mannslífum. Síð-
asta dæmið er sund Guðlaugs
Friðþórssonar aðfaranótt mánu-
dagsins 12 mars sl. um 5 km vega-
lengd í 6 stiga heitum sjó og
tveggja stiga frosti. Þetta sund-
afrek ber hæst allra sundafreka
sjómanna í Eyjum, en þau hafa
þeir mörg unnið, þó sundnám
þeirra hafi stundum verið stutt og
um langt skeið (1891—1930) í
köldum sjó. Þeir hafa notið
kennslu ötulla og fórnfúsra sund-
kennara — og svo hefur verið með
þjóð okkar um langt ára bil, þar á
meðal á Raufarhöfn. — Þessum
línum lýk ég svo með hamingju-
óskum íbúum Raufarhafnar til
handa.“
Hrafninn flýgur:
Skora á Hrafn að halda sínu
striki og gefast ekki upp
Gunnar A.H. Jensen skrifar:
„Til Velvakanda.
Mikið var, að við íslendingar
eignuðumst ‘loks mann á heims-
mælikvarða í kvikmyndalistinni.
Hin nýja mynd Hrafns Gunn-
laugssonar, Hrafninn flýgur, er
tvímælalaust sú langsamlega
besta sem birst hefur á hvíta
tjaldinu af íslenskum myndum
hingað til. Þar hjálpast allt að, svo
sem hljóðið, leikurinn, tónlistin og
myndatakan. Satt að segja er
þetta í fyrsta sinn sem ég hef
horft á íslenska mynd og ekki orð-
ið óánægður með neitt.
í Hrafninum bryddar Hrafn
upp á ýmsum nýjungum í íslenskri
kvikmyndagerð, má þar helst
nefna búningana sem eru mjög
frumlegir og ólíkt raunverulegri
en þeir sem áður hafa sést, einnig
má nefna stærsta kostinn sem er
hljóðvinnslan, en allt hljóð var
endurupptekið eftir á, þannig að
áhorfandinn þarf ekki að leggja
sig í líma við að ná því sem sagt
er. Klipping myndarinnar var
einnig með nýstárlegum hætti,
þar naut Hrafn hjálpar vídeó-
tækninnar og tókst mjög vel.
Gestur er aðalpersóna sögunn-
ar, hann hefur komið til fslands til
að hefna harma sinna og systur
sinnar, en henni var rænt af Þór
og Eiríki á írlandi þegar Gestur
var lítill drengur. Én þó „nógu
stór til þess að sjá of mikið“ eins
Helgi Skúlason í hlutverki Þórðar við upptöku myndarinnar.
og sagt var, það reyndust orð að
sönnu. Því að Gesti tekst að etja
fóstbræðrunum þannig saman að
það kostar þá báða lífið.
f myndinni Hrafninn flýgur er
dreginn upp á sannfærandi hátt
sá þjóðsagnaheimur sem hin fornu
handrit geyma. Þar sem blóð-
þorsti, tortryggni og hefndir bar
tíðast á góma, heimur hins heiðna
manns. Þó fékk ég stundum á til-
finninguna að Hrafn væri að hæð-
ast að köppunum og barnalegri
Ásatrú þeirra. Gestur og systir
hans sem eru kristin, eru látin
bera höfuð og herðar yfir hinar
persónurnar hvað siðgæði snertir,
en hatrið í brjósti Gests til bana-
manna foreldra sinna og ræningja
systur sinnar gerir hann grimman
og hefnigjarnan. Eiginleikar sem
tæplega hefðu komið fram ef ör-
lögin hefðu orðið jákvæðari.
Það er sorglegt til þess að vita
að þegar svo vel hefur til tekist
skuli kappinn Hrafn Gunnlaugs-
son ætla að draga sig út úr kvik-
myndagerð sökum fjárhagsörðug-
leika. Skora ég á hann að halda
sínu striki og landa mína að sjá
þessa frábæru mynd.
73ilamatíadutinn
&uttir,Hu 12-18 rimi 25252 (U lirurt)
Nýr bíll
Honda Civlc 1983. beinsk. Ókeyröur Verö
28S þús.
Range Rover 1980
Drapplitur. ekinn 69 pús.. útvarp, segul-
band. snjó- og sumardekk. orginal spil Bill i
sérflokki. Verð 700 þús.
V *
m.
Volvo 244 GL 1982
Maron, rauöur, sjálfsk., m/öllu. Ekinn aöeins
18 þús.. sem nýr. Verö 450 þús.
Honda Accord EX 1983
Ljósblár, ekinn 11 þús., sjálfsk., aflstýri, út-
varp, segulband, topplúga, rafmagn í öllu.
Verö 440 þús.
Framdrifsbíll Rúaai 1979
innréttaöur, sæti fyrir 6 farþega. snyrtilegur
jeppi, ekinn 25 þús. á vél.vVerö kr. 175 þús.
(skipti á ódyrari)
FILLC0AT
gúmmíteygjanleg
samfelld húö
fyrir málmþök.
• Er vatnsheld.
• Inniheldur cinkromat og hindrar
ryömyndun.
• Ódýr lausn fyrir vandamálaþök.
LAUSN ER ENDIST ÓTRÚLEGA
S. Sigurðsson hf.
Hafnarfiröi, sími 50538.
NOTAÐU FRIDAGINN TIL
AÐ SKOÐA ÚRVALIÐ OKKAR
HAGSÝNN VELUR ÞAÐ BESTA
BÍLDSHÖFÐA 20 - 110 REYKJAVÍK « 91-01199 og 81410