Morgunblaðið - 28.03.1984, Side 16

16
MORGUNBLAÐIÐ, MIÐVIKUDAGUR 28. MARZ 1984
Qpinn fundur í MH um stöðu öldungadeilda í framtíðinni:
Öldungar vilja lagaákvæði um tilhögun
öldungadeilda í framhaldsskólakerfinu
ÖLDUNGARÁÐ og Hagsmunaráð
Mcnntaskólans við Hamrahlíð geng-
ust fyrir opnum fundi um stöðu og
framtíð öldungadcilda í landinu í há-
tíðarsal skólans síðastliðið miðviku-
dagskvöld.
Gestir fundarins voru Ragnhild-
ur Helgadóttir menntamálaráð-
herra, Guðmundur Magnússon
Háskólarektor, Örnólfur Thorlaci-
us rektor MH og Guðmundur Arn-
Iaugsson fyrrv. rektor MH. Fluttu
þau öll framsöguerindi á fundin-
um sem sóttur var af um 200
manns, nemendum og kennurum
öldungadeiidar MH, fulltrúum
öldungadeilda við sex aðra skóla
og fleirum.
Við upphaf fundarins fluttu
formenn Öldungaráðs og Hags-
munaráðs framsöguerindi. Fyrst
talaði formaður Öldungaráðs, Sig-
urrós Þorgrímsdóttir. Rakti hún
þróun fullorðinsfræðslu í heim-
inum og greindi frá samþykkt
UNESCO um þessi mál frá 1976,
sem ísland er er aðili að. Síðan vék
hún að ástandi þessara mála á ís-
landi. Formaður Hagsmunaráðs,
Elísabet Óskarsdóttir, skýrði með-
ai annars frá tilhögun fullorðins-
fræðslu á Norðurlöndum.
Frá fundinum sem haldinn var í hátíðarsal Menntaskólans við Hamrahlíð síðastliðið miðvikudagskvöld.
Öldungadeildir mikilvægar í
sambandi við menntun kvenna
Ragnhiidur Helgadóttir
menntamálaráðherra sagði meðal
annars i framsöguerindi sínu að
starfræksla öldungadeilda hefði
verið mjög mikilvæg í sambandi
við menntun kvenna hin síðari ár
og það bæri að stefna að eflingu
öldungadeilda í framtfðinni.
Einnig kvaðst hún reiðubúin að
beita sér fyrir því að lagaákvæði
sem staðfesti tilvist öldungadeilda
yrði sett.
Guðmundur Magnússon rektor
Háskóla íslands greindi frá því að
nú væri unnið að þvf að kanna
möguleika á breyttri starfsemi
Háskólans, meðal annars með þvi
að opna hann meira, það er að
segja að nám gæti til dæmis átt
sér stað í gegnum útvarp og sjón-
varp.
Guðmundur Arnlaugsson fyrrv.
rektor MH sagði meðal annars frá
stofnun öldungadeildarinnar við
MH og að upphaflega hefði deild-
inni verið ætlað að aðstoða fólk
við sjálfsmenntun, en hún hefði
þróast upp í það að verða raun-
verulegur skóli.
Örnólfur Thorlacius rektor MH
greindi meðai annars frá þvf að nú
væru um 600—700 skráðir nem-
endur í öldungadeild skólans. Alls
hefðu 602 stúdentar verið
brautskráðir frá öldungadeildinni
á þeim áratug sem hún hefði verið
starfrækt.
Að loknum framsöguerindum
Byggingaþjónustan 25 ára á þessu ári:
Veitum fjölda fólks ráðgjöf og
upplýsingar allan ársins hring
BYGGINGAÞJÓNUSTAN í Reykjavík verður tuttugu og fimm ára nú á
þessu ári, en hún var stofnuð árið 1959 að frumkvæði Arkitektafélags
Islands. Skyldi verkefni hennar vera að safna saman á einn stað sem allra
mestum hagnýtum upplýsingum um byggingaiðnaðinn hér á landi, standa að
og stuðla að rannsóknum í þágu byggingaiðnaðarins og miðla gagnlegum
upplýsingum um þessi efni til húsbyggjenda, iðnaðarmanna, opinberra stofn-
anna og annarra þeirra, er láta húsbyggingar sig einhverju varða.
Blaðamaður hitti fyrir nokkru Ólaf Jensson, framkvæmdastjóra Bygginga-
þjónustunnar, og spurði hann um starfsemi þá, sem hún nú rekur.
Fleiri aðilar nú
með í myndinni
„Hlutverk og starfssvið Bygg-
ingaþjónustunnar er enn hið sama
og var í upphafi," sagði ólafur,
„þótt vissulega hafi margt breyst
á þeim tfma, sem liðinn er frá
stofnun hennar. Við vinnum hér
að margvíslegri upplýsingasöfnun,
göngumst fyrir ráðstefnum um
byggingaiðnaðinn, öflum frétta af
nýjungum erlendis, miðlum þekk-
ingu áfram hér á landi, og svo
framvegis.
Arkitektafélagið er enn einn
þeirra aðila, sem að Bygginga-
þjónustunni standa, en ýmsir aðil-
ar hafa þar bæst við, og nú er
Byggingaþjónustan sjálfseign-
arstofnun í eigu nokkurra sam-
taka og stofnana, Arkitektafélags
íslands, Akureyrarbærjar, Rann-
sóknastofnunar byggingaiðnaðar-
ins, Iðntæknistofnunar, Félags ís-
lenskra iðnrekenda og Landssam-
bands iðnaðarmanna og Reykja-
víkurborgar.
Með þátttöku þessara aðila hef-
ur starfsemin aukist verulega,
ekki sist sú upplýsinga- og ráð-
gjafastarfsemi, sem hér er veitt,
án endurgjalds fyrir allan al-
menning. Byggingameistarar hafa
til dæmis verið hér með ráðgjafa-
starf, einnig arkitektar og fleiri
aðilar, og hefur slíkt hlotið mjög
góðar undirtektir og verið gagn-
legt.“
Vörukynningar á 650 m2
sýningarfleti
— Geturðu gefið dæmi um
daglega þjónustustarfsemi hér í
húsnæði Byggingaþjónustunnar
við Hallveigarstíg?
„Já, hér stendur fólki margvís-
leg þjónusta til boða alla virka
dag. Við erum hér með stóran sýn-
ingarsal, 650 fermetra að gólffleti,
þar sem hin margvíslegustu fyrir-
tæki í byggingaiðnaðinum kynna
vöru sína og framleiðslu, og er
þetta bæði hugsað til hjálpar hin-
um almenna húsbyggjanda, sem
og fagmönnum, sem vilja fylgjast
með nýjungum í sínu fagi. Ásamt
kynningarbásum frá hinum ýmsu
fyrirtækjum eru svo hér einnig
kynningardeildir frá ýmsum
rannsóknaaðilum, Rannsókna-
stofnun byggingaiðnaðarins og
fleirum. Þar er leitast við að gera
grein fyrir tilraunum og rann-
sóknum, sem geta verið fólki
gagnlegar.
Sýningarsalurinn hér er opinn
alla virka daga milli klukkan 10 og
18, og starfsfólk Byggingaþjónust-
unnar er hér reiðubúið til að leysa
úr þeim spurningum, sem kunna
að vakna. Einnig getum við leitað
svara við spurningum annars
staðar, og þá komið þeim áleiðis
Rætt við Ólaf Jens-
son framkvæmda-
stjóra Bygginga-
þjónustunnar
til fólks ef því er að skipta. Enn-
fremur höfum við hér all gott safn
blaða og tímarita um bygginga-
iðnaðinn, sem fólki stendur opið,
og við erum hér með ýmsar fróð-
legar videomyndir um þessi mál,
sem fólk getur horft á þegar það
kemur hingað."
Mikill fjöldi fólks
leitar upplýsinga
— Er mikið um að fólk komi
hingað til að leita upplýsinga, er
þetta nægilega vel þekkt stofnun,
til dæmis meðal húsbyggjenda?
„Um það má sjálfsagt deila,
hvort við höfum auglýst þessa
starfsemi nægileg, og ég er ekki í
vafa um að betur mætti gera í
þeim efnum. En mér er þó ánægja
af, að geta sagt, að hingað leitar
mikill fjöldi fólks allan ársins
hring. Hingað koma iðnaðarmenn
og verktakar, foreldrar með börn í
byggingahugleiðingum, ungt fólk
að kaupa í fyrsta skipti, framleið-
endur og sölumenn og fleiri og
fleiri. Alla daga ársins erum við
að veita þessu fólki svör við hinum
margbreytilegustu spurningum.
Það er erfitt að vera dómari í
eigin málum, en ég held þó að al-
mennt telji fólk sig fá hér eitthvað
fyrir sinn snúð, og hingað kemur
fólk aftur og aftur. Nú fyrir
skömmu kom til dæmis hingað inn
kona, sem var að koma vegna
íbúðakaupa í fjórða sinn. Fyrst
kom hún hingað fyrir tæpum 25
árum vegna íbúðakaupa, síðan aft-
ur er hún stækkaði við sig og í
þriðja sinn er hún og maður henn-
ar byrjuðu að byggja. Nú var er-
indið að afla upplýsinga ásamt
syninum og tengdadóttur, sem
hyggja á íbúðakaup. Betri með-
mæli get ég varla hugsað mér að
nokkur fái.“
— Og öll þjónusta er veitt án
endurgjalds, er það rikið, sem
stendur undir kostnaðnum?
Engir styrkir eða
opinber aðstoð
„Nei, Byggingaþjónustan er rek-
in alveg án allra opinberra styrkja
eða framlaga. Fyrst og fremst er
hún rekin fyrir það fé, sem kemur
inn frá fyrirtækjum sem sýna hér
framleiðslu sína, þá höfum við
tekjur af ráðstefnuhaldi og fleira
mætti nefna, og þeir aðilar, sem
standa að Byggingaþjónustunni,
eru bakhjarlar hennar og fela
henni ýmis verkefni. En um 95%
allra útgjalda aflar Byggingaþjón-
ustan sjálf tekna til að standa
straum af.“
— Hvers kyns ráðstefnur takið
þið að ykkur?