Morgunblaðið - 28.03.1984, Blaðsíða 20

20
MORGUNBLAÐIÐ, MIÐVIKUDAGUR 28. MARZ 1984
Frá danskeppninni, hópur sex til átta ára.
íslandsmeistarakeppni
í gömlum dönsum
Vogum, 26. mars.
íslandsmeistarakeppni í gömlum
dönsum fór fram að Hótel Sögu í lok
febrúar. Var það öðru sinni sem
keppnin fór fram, en fyrsta keppni
fór fram um haustið 1982. Alls 87
pör tóku þátt í keppninni, frá mörg-
um stöðum í landinu. Keppt var í
fjórum flokkum barna og unglinga,
auk keppni í flokki fullorðinna (16
ára og eldri). Mikill áhugi var fyrir
keppninni, enda húsið troðfullt af
áhorfendum.
fslandsmeistararnir í flokki 16
ára og eldri, Kristín Vilhjálms-
dóttir og Guðmundur Hjörtur
Einarsson, Vogum, endurheimtu
titilinn eftir harða keppni. í öðru
sæti urðu Guðrún Þorbergsdóttir
og Örvar Möller, Reykjavík, og í
þriðja sæti urðu Magðalena Axels-
dóttir og Þorbjörn Jónsson,
Reykjavík. Keppendur í þessum
flokki voru 12 talsins.
í flokkum barna og unglinga
urðu úrslit þannig:
6—8 ára. Þátttakendur 21. par.
fslandsmeistarar: Jóna Einars-
dóttir og Jón Helgason, Vogum.
2. Nína Þórsdóttir og Óskar Krist-
inn óskarsson, Hafnarfirði.
3. Áróra Kristín Guðmundsdóttir
og Þyrí Halla Steingrímsdóttir,
Hafnarfirði.
9—11 ára: Þátttakendur 26 pör.
íslandsmeistarar: Guðrún Lovísa
Ólafsdóttir og Gunnar Helgason,
Vogum.
2. Marie Björk Steingrímsdóttir
og Aðalsteinn Þór Guðmundsson,
Hafnarfirði.
3. Dögg Hilmarsdóttir og Hlynur
Guðmundsson, Hafnarfirði.
12—13 ára: Þátttakendur 18 pör.
fslandsmeistarar: Ester Inga Ní-
elsdóttir og Alvar Sverrisson,
Hafnarfirði.
2. Heiðrún S. Níelsdóttir og Niku-
lás S. Óskarsson, Hafnarfirði.
3. Kristín Hreinsdóttir og Guð-
mundur Ólafsson, Vogum.
14—15 ára: Þátttakendur 10 pör.
fslandsmeistarar: Kristín Skjald-
ardóttir og Hilmar Sveinbjörns-
son, Vogum.
2. Magnea Jónsdóttir og Bjartmar
Arnarson, Vogum.
3. Erna Gunnlaugsdóttir og Vignir
Sveinbjörnsson og Jóhanna Jóns-
dóttir og Magnús Hreiðarsson,
Vogum.
Hermann Ragnar Stefánsson
danskennari var formaður fimm
manna dómnefndar, sem hafði það
vandasama hlutverk að dæma
dansana. Nýi dansskólinn og Þjóð-
dansafélag Reykjavíkur stóðu
fyrir keppninni, sem fór vel fram.
E.G.
Wordstar
Ritvinnslukerfið Wordstar er tvímælalaust útbreidd-
asta ritvinnslukerfi sem fram hefur komið. Hérlendis
er það notað m.a. á Televideo-tölvur.
Efni: Námskeiðið er að langmestu leyti í formi verk-
legra æfinga þar sem farið er í allar helstu skipanir
kerfisins og þær útskýrðar.
Tilgangur: Að námskeiði loknu eiga þátttakendur að
vera færir um að nota Wordstar við ritvinnslu.
Leiðbeinandi.
Ragna Sigurðardóttir
Guðjohnsen.
Tími: 2.-4. apríl.
Staður: Síðumúli 23, 3. hæð.
Ath. VR og SFR styrkja félagsmenn sína til þátttöku á
þessu námskeiði. Vinsamlegast hafið samband við við-
komandi skrifstofur.
STJÓRNUNARFÉLAG
ÍSLANDS IWo23
AF ERLENDUM VETTVANGI
eftir GUÐM. HALLDÓRSSON
Stjórn Rawlings í
Ghana völt í sessi
ENN EIN TILRAUN hefur verið gerð til að steypa stjórn Jerry Rawlings
(lugliðsforingja í Vestur-Afríkuríkinu Ghana, sú fimmta síðan hann hrifs-
aði völdin 31. desember 1981, og stjórnir tveggja grannríkja, Fflabeins-
strandarinnar og Togo, hafa á ný verið sakaðar um að skjóta skjólshúsi
yfir uppreisnarmennina.
Þrír hermenn, sem tóku þátt í
síðustu byltingartilrauninni,
hafa verið teknir af lífi fyrir
þátttöku í næstu byltingartil-
raun á undan, 19. júní 1983. Þeir
voru Halidu Gyiwan undirlið-
þjálfi, Martin Ajumba undirlið-
þjálfi og Abdul Malik liðþjálfi.
Sjö aðrir uppreisnarmenn féllu
og einn lézt af sárum, sem hann
hlaut.
Byltingartilraunin í júní 1983
var verk andófsmanna, sem
komust hjá handtökum eftir
fyrri byltingartilraunir, 23. nóv-
ember 1982 og 27. febrúar 1983,
og flúðu til grannríkisins Togo.
Stjórn Rawlings hefur oft haldið
því fram að uppreisnarmenn
hafi bækistöð í Togo og njóti
stuðnings CIA og annarra vest-
rænna og hægrisinnaðra aðila.
í réttarhöldum, sem fóru fram
eftir byltingartilraunina í fyrra-
sumar, var því haldið fram að
leiðtogar hennar hefðu fengið
loforð um stuðning ísraelskra
hermanna, sem mundu ráðast á
landið frá Fílabeinsströndinni.
Seinna var því haldið fram að
leiðtogi Líberíu, Samuel Doe
hershöfðingi, hefði átt fund með
andstæðingum Rawlings-stjórn-
arinnar um áform um að koll-
varpa henni. Sagt var að ráðgert
væri að þjálfa iíberíska hermenn
til að styðja uppreisnarmenn og
að útvega þeim hergögn og skot-
færi. Bandaríkjamenn hafa stór-
aukið hernaðaraðstoð sína við
Líberíu síðan Doe kom til valda.
Leiðtogar byltingartilraunar-
innar í fyrrasumar voru sagðir
yfirmenn í hernum og lögregl-
unni: Solomon Ekow Daniels
undirofursti, S.B. Okyere majór,
Edward Ampofo höfuðsmaður
og William Oduro lögreglufor-
ingi. Tekið var fram að Malik
liðþjálfi, einn þeirra sem teknir
hafa verið af lífi eftir síðustu
byltingartilraun, hefði gegnt
mikilvægu hlutverki. Malik var
lífvörður fv. yfirmanns herráðs-
ins, Nunoo-Mensah hershöfð-
ingja. Hann lét af því starfi dag-
inn fyrir byltingartilraunina í
nóvember 1982 og hélt því fram
að háttsettir yfirmenn í hernum
væru viðriðnir tilræði við leið-
toga virkra andstæðinga Rawl-
ings.
Nunoo-Mransah hershöfðingi
hefur af mörgum verið talinn
líklegur til að taka við af Rawl-
ings, ef hann hrökklast frá völd-
um í Ghana, þar sem ríkt hefur
mikil ólga og mikið pólitískt,
efnahagslegt og félagslegt öng-
þveiti í stað töluverðrar velsæld-
ar fyrst eftir að landið hlaut
sjálfstæði 1957, fyrst allra ný-
lendna Breta í Afríku. Þá voru
Ghanabúar auðugasta þjóð Afr-
íku, nú eru þeir ein fátækasta
þjóð álfunnar. Ghana kallaðist
Gullströndin áður fyrr og þar
finnst enn gull í jörðu.
Eitt sinn var Ghana helzta
kakóframleiðsluland heimsins,
en verð á kakói lækkaði á árun-
um eftir 1960 og tekjur þjóðar-
innar minnkuðu. Fyrsti forset-
inn, Kwame Nkrumah, sem var
gagnrýndur fyrir að ríkja sem
einvaldur og slitna úr tengslum
við þjóðina, kunni ekki önnur
ráð við þessu en að prenta fleiri
peningaseðla. Gengi gjaldmiðils-
ins lækkaði og hefur verið rang-
lega skráð frá því um 1970.
Allar ríkisstjórnir Ghana hafa
verið duglitlar og mikil spilling
hefur mótað stjórnarfarið. Her-
inn tók völdin 1966 og stjórnaði í
þrjú ár. Herinn hrifsaði aftur til
sín völdin 1972 og ríkti til 1979.
Borgaraleg stjórn tók þá við
undir forystu Hilla Liman for-
seta, en sat ekki lengi því að
Rawlings fluglautinant hrifsaði
völdin sama ár til þess að mót-
mæla óstjórninni og spiliing-
unni.
Hann lét taka átta leiðtoga af
lífi, en lagði niður völd eftir
fjóra mánuði og borgaraleg
2% á ári 1979—81 og í fyrra
minnkaði hún um 7%. Verðbólga
hefur verið yfir 100%.
Efnahagsástandið var ein af
orsökum byltingartilraunarinn-
ar í fyrrasumar. Einum mánuði
áður varð að loka öllum þremur
háskólum landsins eftir mót-
mæli stúdenta, sem kröfðust
þess að stjórn Rawlings segði af
sér. Um það leyti lagði Rawlings
fram fjárlagafrumvarp, sex
mánuðum á eftir áætlun, en með
því átti að hrinda í framkvæmd
„þjóðarviðreisn", sem hann hef-
ur oft sagt að krefjast muni
„blóðs svita og tára“.
Rawlings naut upphaflega ein-
dregins stuðnings fátæks fólks,
en mikil óánægja ríkir nú meðal
verkamanna vegna rýrnandi
kaupmáttar. Ýmist er skortur á
lífsnauðsynjum, eða aðeins hægt
að fá þær á svörtum markaði.
Tannkrem, rafmagnsperur og
hjólbarðar fást ekki í Áccra.
Pólitískir útlagar lýsa ástand-
inu m.a. þannig að opinber þjón-
usta hafi dregizt saman vegna
vanrækslu og lélegrar stjórnar,
verksmiðjum hafi verið lokað,
flutningakerfið sé í ólestri.
Vandi Ghana hefur aukizt við það að hundruð þúsunda Ghanamanna,
sem hafa starfað í Nígeríu, hafa verið reknir þaðan auk annarra Vestur-
Afríkubúa. Myndin er frá komu nokkurra Ghanabúa til Accra fyrir rúmu
ári.
margt menntað fólk, sem mikill
skortur er á, hafi flúið land
vegna yfirgangs yfirvalda, ætt-
flokkarígur hafi magnazt og al-
menningur sé óttasleginn.
Um leið og óvinsældir Rawl-
ings hafa aukizt hefur hann ein-
angrazt meir og meir. Aðeins
einn ráðherra ríkisstjórnar
þeirrar, sem hann myndaði eftir
byltinguna, er enn við völd
ásamt honum. Menntað fólk hef-
ur alltaf verið honum andvígt,
en hörð andstaða verkamanna er
nýtilkomin og vaxandi óánægja
verkamanna og hermanna getur
reynzt hættuleg.
Stefnunni í utanríkismálum
hefur verið breytt. Ghana hefur
venjulega fylgt vestrænum ríkj-
um að málum, en síðan Rawlings
kom til valda hefur verið tekið
upp náið samband við Líbýu,
Kúbu og önnur ríki. Vinstri-
stefna Rawlings og vinátta hans
við Líbýumenn hafa vakið tor-
tryggni í öðrum ríkjum Vestur-
Afríku. Andstæðingar Rawlings
hafa bent á þá hættu að líbýsk
hergögn verði notuð til að koma
af stað byltingum í grannríkjun-
um.
Nýlega neyddist Rawlings til
þess að ganga að kröfum Al-
þjóðagjaldeyrissjóðsins til þess
að fá lán frá vestrænum ríkjum,
sem hann hefur hingað til hall-
mælt, að upphæð 150 milljónir
dollara, aðallega til þess að auka
útflutning. Alls mun Rawlings
fá 700 milljón dollara aðstoð frá
Vesturlöndum á næstu þremur
árum.
Rawlings hefur þannig neyðzt
til að horfast í augu við kaldan
veruleikann og viðurkenna að
byltingarslagorð duga ekki til að
reisa við efnahaginn.
Rawlings fluglautinant: Fimmta
byltingartilraunin.
stjórn var mynduð. En á gamla-
ársdag 1981 gerði Rawlings aðra
byltingu og lýsti því yfir að hann
mundi uppræta spillingu og
koma á algerri byltingu.
„Byltingarskipulagi" var tekið
upp, „alþýðudómstólum" komið
á fót og „varnarnefndir" mynd-
aðar í bæjum, þorpum og á
vinnustöðum til að tryggja
framgang byltingarinnar.
Hugmyndir Rawlings hafa að
nokkru leyti verið sniðnar eftir
svokailaðri „grænni bók“ Khad-
afys Líbýuleiðtoga.
Jafnframt hefur þjóðin verið
hvött til að fordæma braskara
gömlu stjórnarinnar og stjórn-
málaflokkar hafa verið bannað-
ir. Erlendum kapitalistum og
spilltum stjórnmálamönnum
hefur verið kennt um efnahags-
ástandið, en það hefur stöðugt
versnað síðan Rawlings tók völd-
in. Framleiðsla dróst saman um