Morgunblaðið - 11.04.1984, Blaðsíða 5

MORGUNBLAÐIÐ, MIÐVIKUDAGUR 11. APRÍL 1984
53
tillits til þess, hvort hann hefur
staðist próf eða ekki."
Nemendur létu Hannes Blöndal
vita af bréfi rektors strax í næstu
viku og krafðist Hannes þess þá að
hver og einn nemandi sækti skrif-
lega um að fá að sjá próf sitt.
Á fundi nemenda þann 7. mars
voru Hannesi sendar þær skrif-
legu umsóknir sem hann hafði
óskað eftir og 2. apríi hafði enn
ekki borist svar frá honum.
Sakir aðgerðaleysis yfirvalda
háskólans í máli þessu afréðu
nemendur að ráða sér lögfræðing,
Jón Oddsson, sem sendi rektor,
Guðmundi Magnússyni, ítrekaða
beiðni um formlega afgreiðslu
málsins í Háskólaráði þann 3.
mars.
Háskólaráð hélt fund þann 15.
mars og sá ekki ástæðu til að
fjalla um málefni nýnema í
læknadeiid þrátt fyrir bréf lög-
fræðings þeirra. Því sneru nem-
endur sér tii iögfræðings síns á
nýjan leik og sendi hann aðra
ítrekun til Guðmundar Magnús-
sonar, rektors, og krafðist svars
hans fyrir 27. mars um væntan-
legar aðgerðir af hálfu Háskóla-
ráðs svo ekki þyrfti að grípa til
frekari aðgerða. Lögmanni nem-
enda bárust síðar í sömu viku þær
upplýsingar frá rektor að honum
hefði borist bréf hans frá 19.
mars.
Að morgni 29. mars sendi Jón
Oddsson, lögmaður nemenda, há-
skólarektor skeyti, þar sem hann
krafðist meðferðar og formlegrar
afgreiðslu málsins fyrir kl. 18.00
sama dag. Háskólaráð efndi til
fundar kl. 14.15 þennan dag og
sögðu nýnemar á áðurnefndum
blaðamannafundi, að rektor hafi
slitið fundi Háskólaráðs án þess
að afgreiða þetta hagsmunamál
nemenda, hann hafi kynnt efni
skeytisins á fundinum, en talið af-
greiðslu þess óþarfa.
Jón Oddsson, lögmaður, sagði að
lögsókn yrði beint gegn Háskóia
íslands. Hún yrði tvíþætt, annars
vegar yrði gripið til fógetagerðar,
það væri fljótlegast, og hins vegar
yrði þess krafist að menntamála-
ráðuneyti setji á laggir rann-
sóknanefnd vegna gruns um af-
glöp og ræktarleysi í starfi.
Björn Hjálmarsson, læknanemi,
talaði fyrir hönd nemenda og
sagði að hér væri um brýnt hags-
munamál að ræða. Próf væru hluti
kennslu og það kæmi nemendum
því mjög að gagni að fá að sjá
úrlausnir sínar vegna áframhald-
andi náms. Hann gat þess að rök
Hannesar fyrir því að vilja ekki
sýna umgetin próf væru þau, að
hann, Hannes, væri svo störfum
hlaðinn að hann hefði ekki tíma og
vildi vinna þessi störf á auka-
vinnukaupi. Björn kvað það yrði
erfitt í framkvæmd því að Hannes
gegndi l'/fe prófessorsstöðu, sem
væri 12 tíma vinna á sólarhring og
væri jafnframt við störf hjá
Landspítalanum sem væri 8 tíma
vinna á sólarhring og Hannes
hefði samkvæmt því 20 tíma
vinnudag.
Björn Hjálmarsson sagði að hér
væri almennt verið að berjast
fyrir réttindum nemenda sem víða
væri fyrir borð borinn. Hann tók
dæmi um hjúkrunarfræðinga, þeir
hefðu þreytt sama próf 7. janúar,
en ekki fengið einkunnir fyrr en
29. mars, þrátt fyrir að reglugerð
Úttekt gerð á 4
ríkisstofnunum
ALBERT GUÐMUNDSSON,
fjármálaráðherra, hefur ákveðið að
láta gera sér taka úttekt á starfsemi
og þjónustuhlutverki fjögurra ríkis-
stofnana, sem heyra undir ráðuneyti
hans. Þessar stofnanir eru Innkaupa-
stofnun ríkisins, ÁTVR, cmbætti toll-
stjóra og Fasteignamat ríkisins.
Að sögn ráðherrans verða fengnir
menn með sérþekkingu á viðkom-
andi sviði til þess að annast þessar
úttektir. Fyrsti hópurinn af þessu
tagi hefur þegar hafið störf og fjall-
ar um embætti tollstjóra og hvernig
bæta megi þjónustu þess. Þeim hópi
er stýrt af Árna Árnasyni, fram-
kvæmdastjóra Verslunarráðs ís-
lands.
háskólans kvæði skýrt á um að
kennari, sem í þessu tilfelli væri
einnig Hannes Blöndal, skuli skila
inn einkunnum innan þriggja
vikna. Björn sagði þetta hafa verið
bagalegt fyrir ýmsa nemendur, af-
greiðsla námslána hefði tafist þar
sem þeir hjúkrunarfræðinemar,
sem þreyttu prófið, gátu ekki upp-
fyllt námskröfur Lánasjóðs, fyrr
en þeir höfðu einkunn þessa í
höndum.
Málssókn er nú í undirbúningi
og sagðist Jón Oddsson vænast
þess að lyktir yrðu þær sömu og
hjá Lögskýringarnefnd, en erfitt
yrði að framfylgja dómi. Sagði
hann helstu viðurlög í slíkum mál-
um vera dagsektir sem sakborn-
ingi yrði gert að greiða þar til
hann hefði hlýtt dómi. Sagði hann
ennfremur að enn væri ekki víst
hvort fram færi eitt prófmál eða
mörg mái.
Dalvík:
Vinna rækju
allan sólar-
hringinn
Dalvík, 28. marz.
RÆKJUVINNSLA er hafin að nýju í
verksmiðju Söltunarfélags Dalvíkur.
Vinnsla á rækju hefur legið niðri hjá
verksmiðjunni í nokkur ár og var
búið að selja vélar. Nú með aukinni
sókn og góðum rækjuafla var keypt
rækjupillunarvél að nýju í verk-
smiðjuna til að vinna rækju og þurfa
nú Dalvíkingar ekki lengur að sjá af
öllum rækjuafla burt frá staðnum.
Auk togara Söltunarfélags
Dalvíkur, Dalborgar, landa hjá fé-
laginu Bliki frá Dalvík og Sólfell Bliki 120 lestir og Sólfell milli
frá Hrísey. Það sem af er hefur 40—50 lestir.
Dalborg þegar aflað 200 lestir, Fréttaritarar
Áskorunarkjör Bunaðarbankans
tryggja hámarksávöxtun á innlánsskírteinum
Elísabet Björg Jónsdóttir, afgreiðslustúlka f Þórsbakaríi.
„ÉG ER ÖRUGG UM
BESTU KJÖR
SEM BOÐIN ERU Á ÍSLANDI"
Áskorunarkjör Búnaöarbankans fela í sér dýr-
maeta tryggingu fyrir sparifjáreigendur. Þau tryggja
þér ávallt hæstu vexti á innlánsskírteini eöa sam-
svarandi innlánsform sem íslenskir bankar hafa á
boðstólum.
6% vaxtaálag að lágmarki
Innlánsskírteini Búnaðarbankans bera ársvexti
almennra sparireikninga og að auki 6% vaxtaálag.
Það er lágmarksálag. Við tryggjum þér vaxtakjör
sem eru sambærileg þeim bestu sem innlánsstofn-
anir bjóða á hverjum tíma með þessu innlánsformi.
Þetta köllum við ósvikin áskorunarkjör.
6 mánuðir
Innlánsskírteini Búnaðarbankans eru útgefin til 6
mánaða og eru ársvextir þeirra 21% en ávöxtun
þeirra 22,1% á ári verði ný skírteini tekin að 6
mánaða tímabilinu liðnu. Innlánsskírteinin eru gefin
út á nafn, þau eru framseljanleg og getur eigandi
þeirra innleyst þau hvenær sem er með fullum
vöxtum að liðnum sex mánuðum frá útgáfudegi.
Verði skírteinin ekki innleyst hjá bankanum að
tímabilinu loknu leggur Búnaðarbankinn áfallna
vexti við upphæð skírteinanna og ávaxtar síðan
inneignina eftir það með kjörum almennra spari-
sjóðsbóka.
Lágmarksupphæð aðeins kr. 1.000
Þú ræður sjálfur upphæðinni sem þú leggur fyrir
með Innlánsskírteinum Búnaðarbankans. Þau eru í
heilum þúsundum króna og lágmarkið er 1.000 kr.
Enginn stimpilkostnaður né þóknun fylgir útgáfu
á Innlánsskírteinum Búnaðarbankans. Heildarupp-
hæð og vextir skírteinanna eru skattfrjáls til jafns
við annað sparifé.
Innlánsskírteini Búnaðarbankans eru afgreidd á
afgreiðslustöðum hans um allt land.
rPBljNAÐARBANKI
VfV ÍSLANDS