Morgunblaðið - 10.05.1984, Blaðsíða 8

56
MORGUNBLAÐIÐ. FIMMTUDAGUR 10. MAÍ 1984
Uafnarfjarrtarhöfn. Ljósm. Mbl. KEE.
Séd yfir Hafnarfjörð.
„Hafnarfjörður stendur betur öðr-
um sveitarfélögum fjárhagslega“
Rætt við Arna Grétar Finnsson, forseta
bæjarstjórnar Hafnarfjarðar, og Einar
Inga Halldórsson, bæjarstjóra
FJÁRHAGSÁÆTLUN Hafnarfjaröarbæjar var samþykkt á bæjarstjórnarfundi
þann 28. febrúar síðastliðinn. Blm. Morgunblaðsins fór á fund Kinars I.
Ilalldórssonar, bæjarstjóra í Hafnarfirði, og Árna Grétars Finnssonar, forseta
bæjarstjórnar, til þess að grennslast fyrir um hvað helst væri á döfinni í
málefnum Hafnarfjarðarbæjar, en spurði í upphafi hvernig hefði árað hjá
Hafnarfjarðarbæ á síöasta ári.
Árni Grétar og Einar voru sam-
mála um það að nokkrir erfiðleikar
hefðu verið í rekstri bæjarins
vegna mikillar óðaverðbólgu og á
síðari hluta ársins þurfti því að
draga lítils háttar úr framkvæmd-
um. Staða bæjarsjóðs hefði engu að
síður verið mjög traust um síðustu
áramót og kvað Einar hlutfall milli
skulda og handbærs fjár hafa verið
mjög hagstætt, skuldir hefðu verið
45 milljónir, en handbært fé 109
milljónir. Árni Grétar bætti við að
Hafnarfjörður stæði betur öðrum
sveitarfélögum fjárhagslega.
Þeir sögðu að á síðasta ári hefði
verið hafist handa við að reisa
íbúðarhverfi við Setberg og úthlut-
að hefði verið 180 lóðum í Hafnar-
firði, þar af 93 einbýlishúsalóðum.
Hér væri um 130 til 140 íbúðir að
ræða. Einnig var úthlutað allmörg-
um lóðum fyrir atvinnustarfsemi.
Einar sagði að umsóknarfrestur
um lóðir í Setbergi væri nú nýút-
runninn og hefði talsverð eftir-
spurn verið eftir lóðum. Með íbúð-
arhverfinu í Setbergi hefði því
Iangþráða takmarki verið náð að
geta fullnægt eftirspurn eftir
íbúðarhúsalóðum í Hafnarfirði, og
bætti við: „Okkur telst til að þegár
hverfið verður fullbyggt í lok þessa
áratugar muni þar búa tæplega
4.000 manns."
Þá voru hafnar framkvæmdir við
leikskóla í Suðurbæ og var hann
opnaður í febrúar. Hafið var að
reisa viðbyggingar við Öldutúns-
skóla og Sólvangssjúkrahúsið.
Einar kvað Hafnarfjarðarbæ
hafa verið mjög athafnasaman í
gatnagerðarmálum á undanförnum
árum og nú væri lokið malbikun
gatna í eldri íbúðarhverfum. Nú
væri miðað við að götur væru
malbikaðar um leið og þær væru
fullbyggðar og í framhaldi væri
gengið frá gangstéttum.
Hafnarframkvæmdum var fram-
haldið í Suðurhöfn, þar sem áform-
uð er aðstaða fyrir vöruflutninga.
Tveimur stórum lóðum var úthlut-
að nýlega til Eimskipafélagsins og
Skipafélagsins Víkur.
Þá voru þeir spurðir hvernig
málum væri háttað á þessu ári og
um helstu þætti nýafgreiddrar
fjárhagsáætlunar.
„í ár eru tekjur af álögðum
gjöldum áætlaðar um 267 milljónir
króna sem er um 36% hækkun frá
sömu tekjuliðum í fyrra. Þar bæt-
ast við endurgreiðslur vegna ýmiss
konar þjónustu og framlag ríkis
vegna sameiginlegs rekstrar ríkis
og bæjar, þannig að heildartekjur
eru áætlaðar um 340,9 milljónir
króna," sagði Einar. „70% tekna
verður varið til rekstrar og við-
halds, tæpum 26% til fram-
kvæmda, en um 4% til styrkja
handa rafveitunni, Bæjarútgerð
Hafnarfjarðar og til afborgana."
Árni Grétar gat þess að bæjar-
stjórn hefði ákveðið að koma til
móts við borgarana og því hafi út-
svar verið lækkað úr 11,88% í
10,5%, fasteignagjöld af íbúðar-
húsum úr 0,421% í 0,4%, en af at-
vinnuhúsnæði úr 1,15% í 1%.
Lækkanir þessar þýddu um 22,5
milljóna króna lækkun á tekjum
bæjarsjóðs. Nú væri svo komið að
tekjur bæjarsjóðs á hvern bæj-
arbúa væru lægri en hjá hinum
stóru bæjarfélögunum, Reykjavík,
Kópavogi og Akureyri.
Einar sagði að á þessu ári væru
áformaðar talsverðar framkvæmd-
ir hjá Hafnarfjarðarbæ. „Haldið
verður áfram að endurleggja og
breikka Reykjavíkurveg og fegra
umhverfi hans. Stefnt er að því að
ljúka gatnagerð í nýja iðnaðar-
hverfinu ofan Reykjanesbrautar.
Lokið verður við malbikun húsa-
götu, við Lækjargötu og í
Hvammahverfi, sem þegar er nær
fullreist, verður gangstéttalagn-
ingu og malbikun lokið í stærstum
hluta hverfisins. Þá verða botn-
langar í gamla Vesturbænum mal-
bikaðir og gangstéttir lagðar víða.“
Einar I. sagði að lokið yrði við að
reisa viðbyggingar við Sólvang og
Öldutúnsskóla. Endurbótum og
viðbyggingu Sundhallar Hafnar-
fjarðar yrði lokið. Einnig ætti að
hefjast handa við byggingu nýrrar
sundlaugar í Suðurbæ og byrjað
verður að reisa nýtt dagheimili við
Smárabarð.
„Unnið er að byggingu verka-
mannabústaða, en þar hafa orðið á
tafir vegna dráttar á lánveitingu úr
verkamannabústaðakerfinu. Þegar
eru tilbúnar lóðir undir rúmlega 50
íbúðir, en byggingarhraði ræðst af
lánveitingum úr Byggingarsjóði
verkamanna, en bærinn hefur þar
fjármagnað sinn hlut,“ sagði Árni
Grétar.
Einar kvað áformað að reisa
rúmlega 40 sölu- og leiguíbúðir
fyrir aldraða við Hjallabraut.
„Árið 1978 var byrjað að reisa
nýtt iðnaðar- og þjónustuhverfi
fyrir ofan Reykjanesbraut," sagði
Einar, „og hefur eftirspurn eftir
lóðum verið slík að þær eru nánast
á þrotum og uppbygging hverfisins
hefur gengið vonum framar, en
upphaflega • var ætlað að hverfið
myndi duga í tæp 20 ár. Því er nú
unnið að deiliskipulagi nýs iðnað-
ar- og þjónustuhverfis sunnan
Hvaleyrarholts. Þar á Bæjarsjóður
hentugt landsvæði undir slíka
Þórður Kristinsson skrifar:
Hugvit við Laugaveg
Að ganga niður Laugaveginn í
Reykjavík getur orðið slík upp-
ljóman andans að vart finnast
sambærileg dæmi í öðrum sveit-
um, þorpum eða löndum. En hvers
konar uppljóman? Hún er skilj-
anlega undir hverjum og einum
komin og verður vísast engin hjá
sumum, en hjá öðrum stendur
ekkert í vegi fyrir að hún nái
hæstu hæðum. Eina skilyrðið er
að litið sé upp af götunni. Og við
slíkar aðstæður er um að gera að
lofa henni að leika lausum hala í
hugskotinu svo henni daprist ekki
flugið og menn nái að njóta til
fulls þess sem hún hefur fram að
færa. Og hvað skyldi það nú vera?
1 hnotskurn er um að ræða al-
veg einstakt dæmi þess að íslensk
menning hefur lokið upp gáttum
fyrir heimsmenningunni, dæmi
sem um leið ber vott um ólýsan-
lega fjörugt hugvit þeirra sem um
hafa vélt. Reyndar eru vart orð til
að lýsa því ímyndunarafli, þeirri
skapandi hugsun, sem býr að baki.
En nái uppljómanin tökum á
manni fyllist maður strax sann-
færingu um að þrátt fyrir allt böl-
sýnishjal og þrengingar, þá kunni
íslendingar svo sannarlega að
bregðast við fátækt tungunnar.
Alþjóðlegur andi svífur yfir göt-
unni og hangir á margvíslegum
gljáskiltum utan á öðru hverju
húsi. Hvílík orðagnótt, tungu-
málakunnátta, sagnfræði, landa-
fræði, hvílík andans loftköst: Híg-
as, Domus, Rína, Salon Ritz, Mad-
am, Fígaró, Gresco, Plaza, Top
Class, Pom Dápi, Sparta, Faco,
Bonny, Amazon, Blondie, Papilla,
Global Village, Milano, Bonanza,
Nesco, Bon bon, Studio 8, Bristol,
Citizen. Hollywood og Broadway
eru við aðra vegi.
Tungumálið hefur menn yfir
aðrar skepnur og auðveldar þeim
á stundum lífsbaráttuna. íslensk-
an barst hingað með landnáms-
mönnum fyrir þúsund árum eða
meir, en sá böggull hefur ætíð
fylgt að málið er ógnar fátækt af
orðum, einkum þó heitum. Reynd-
ar hefur ekki borið tiltakanlega á
þessu fyrr en á síðustu hundrað
árum eða svo, en með síaukinni
framför á öllum sviðum og nýj-
ungum hverskonar kemur málið
auðvitað upp um sig. Orðaforði
málsins, sem er öll þau orð sem
notuð eru og notuð hafa verið í
málinu, hefur í megingreinum
verið hinn sami frá fornmáli til
nútíðar, og ef eitthvað er þá hefur
hann aukist ögn; ný orð hafa verið
smíðuð og tökuorð tekin í gagnið.
Orðaforði daglegs talmáls venju-
legs fólks telur trauðla fleiri en
tvöþúsund orð. Hin tvöhundruð-
þúsund orðin í orðaforða íslensk-
unnar eru í bókum og tilheyra
svonefndu bókmáli; sum eru
steindauð, önnur einungis lifandi í
skáldskap. Og enda þótt merking-
arforðinn sé meiri en orðaforðinn,
með þvi að sum orð eru margræð
og auðvelt einnig að skeyta saman
orðum til að mynda nýja merk-
ingu, auk þess sem málið liggur
„Einungis einn stóran
skugga ber á hugvitið
mikla við Laugaveginn,
og ætti reyndar að
bahna með öllu strax á
morgun. En það eru
heiti eins og t.a.m.
Hljóðfærahúsið, Brynja,
Helgafell, Von, Iðunn,
Stjörnuskóbúðin og
fleiri þvflík af íslensku
bergi sem skjóta upp
kolli hér og þar við veg-
inn þvert ofan í heims-
menninguna.“