Morgunblaðið - 25.05.1984, Blaðsíða 13

MORGUNBLAÐIÐ, FÖSTUDAGUR 25. MAÍ 1984
13
Þroskaþjáifaskóli íslands:
24 útskrifaðir
og nýtt húsnæði
tekið í notkun
„í DAG HÖLDUM við hátíð, í dag er hér gleði og mikil ánægja. Við útskrifum
í dag 24 nýja þroskaþjálfa, við vígjum nýtt húsnæði skólans og fjöldi góðra
gesta hefur þegið boð okkar um að koma og fagna með okkur heimamönnum."
Svo fórust Bryndísi Víglundsdóttur, skólastjóra Þroskaþjálfaskóla íslands,
m.a. orð í skólaslitaræöu sinni þann 17. maí sl. Útskrift þroskaþjálfanna 24 fór
fram að Skipholti 31, hinu nýja húsnæði skólans, sem heilbrigðismálaráðherra,
Matthías Bjarnason, vígði við sama tækifæri.
1 ræðu heilbrigðisráðherra kom
m.a fram að hann teldi þjónustu
við þroskahefta á fslandi á margan
hátt betri en gerðist hjá öðrum
Evrópuþjóðum og til eftirbreytni.
Kvað hann það þó valda nokkrum
áhyggjum hve margir hösluðu sér
völl utan starfsmenntunnar sinnar
að loknu námi. Sagðist hann vona
að svo yrði ekki með þann hóp
þroskaþjálfa sem nú útskrifaðist,
þeir væru þarfir starfskraftar í ís-
lensku þjóðfélagi. Þá vék ráðherra
að hinu nýja skólahúsnæði Þroska-
þjálfaskólans og þakkaði þeim sem
lögðu hönd á plóginn við að gera
það sem best úr garði. Kvað hann
kostnað við byggingu hússins, sem
hófst fyrir ári síðan, losa nú 3
milljónir króna.
Við athöfnina flutti Inga Sigurð-
ardóttir, formaður félags þroska-
þjálfa, skólanum kveðju féiagsins,
og Karólína Gunnarsdóttir flutti
kveðju fyrir hönd þeirra sem út-
skrifuðust, auk þess sem hún af-
henti skóianum að gjöf málverk
eftir Diderot frá útskriftarnem-
endum. Þá var skólanum einnig
færð að gjöf stytta frá Styrktarfé-
lagi vangefinna, og skólastjóri
flutti samkomunni kveðju Vigdísar
Finnbogadóttur, forseta íslands,
sem ekki gat verið viðstödd athöfn-
ina. Hallveig Thorlacius, leikari og
kennari við skólann, flutti síðan
leikbrúðuþátt og Skólakór Garða-
skóla söng, undir stjórn Guðfinnu
Ólafsdóttur.
Hinir nýútskrifuðu þroskaþjálf-
ar héldu síðan utan til Bandaríkj-
anna laugardaginn 19.maí sl. til
Boston og New York, en slíkar ferð-
ir hafa á undanförnum árum verið
farnar í samráði við heilbrigðis- og
menntamálayfirvöld þeirra landa
sem heimsótt eru hverju sinni. Til-
gangur ferðanna er að „nemendum
opnist sýn í starfshætti annarra
þjóða, að þeir öðlist skilning á kjör-
um þroskaheftra i öðrum löndum
og kynnist aðstöðu starfsfélaga
ytra“, eins og skólastjórinn, Bryn-
dís Víglundsdóttir, sagði í ræðu
sinni.
Skólanum færð gjöf frá nýútskrifuðum þroskaþjálfum. F.v.: Bryndis Víg-
lundsdóttir, skólastjóri og Karólína Gunnarsdóttir, sem afhenti gjöfina fyrir
hönd útskriftarhópsins. LjóHm. MbL/RAX
Helgi Pétursson um kjör fréttamanna:
„Erum að hala okkur
upp í sömu vinnuað-
stöðu og á blöðunum“
„ÞAÐ HEFUR svo sem ekkert stór-
kostlegt gerst í okkar málum annað en
að við erum að reyna að hala okkur
upp í hliðstæða vinnuaðstöðu og tíðk-
ast á öðrum fréttastofum, þ.e. á blöð-
unum. Það hefur verið mikill kurr
meðal fréttamanna á ríkisfjölmiðlun-
um og við höfum mjög nýleg dæmi um
þrautreynda menn, sem hafa leitað á
önnur mið, þar sem kaupið gerist
betra,“ sagði Helgi Pétursson, vara-
formaður Félags fréttamanna ríkis-
fjölmiðlanna, er Mbl. leitaði upplýs-
inga hjá honum um árangur kjaravið-
ræðna við yfirstjórn Kíkisútvarpsins
og fulltrúa fjármálaráðuneytisins. í
Félagi fréttamanna eru 28 manns, eða
allir fréttamenn hljóðvarps og sjón-
varps.
„Þaö sem við höfum loks fengið
viðurkennt er réttur okkar til að fá
endurgreiddan kostnað vegna blaða-
áskrifta, réttur okkar til tveggja
mánaða leyfis eftir fimm ára starf
eins og blaðamenn hafa, og ætlað er
til að auka víðsýni í starfi, og loks
hefur Ríkisútvarpið fallist á að
borga 1% af launum allra starfs-
manna stofnunarinnar í menningar-
sjóð starfsmanna," sagði Helgi.
„Stofnunin greiðir í menningarsjóði
ýmissa stétta, t.d. leikara og tón-
skálda, og þvi ekki nema eðlilegt að
greitt sé í menningarsjóð þess fólks,
sem vinnur alla sina vinnu hjá
Ríkisútvarpinu."
Helgi sagði að um þessi lagfær-
ingaratriði hefði samist við fram-
kvæmdastjórn útvarpsins eftir it-
arlegar viðræður við formenn
starfsmanna félaga hljóðvarps og
sjónvarps. Ekki hefðu náðst fram
neinar beinar launahækkanir. „Yf-
irstjórn útvarpsins er loks að átta
sig á því, að það er rekin hörð
fréttamennska á ríkisfjölmiðlunum.
Þótt við séum ekki mörg höfum við
flest áhuga á að gera þetta að ævi-
starfi og erum atvinnumenn með
faglegan metnað. Það verður að
meta við okkur ef ekki á að verða
enn frekari flótti frá fréttastofum
útvarpsins,“ sagði hann.
Heilbrigðismálaráðherra ávarpaði samkomugesti og vígði hið nýja húsnæði skólans.
»UT FTBIR
ÚTIGRILLIÐ

1

Kryddlegið
tilbúið á grillið
Silungur og úthafsrækja.
Lamba: kótilettur, lærissneiöar, framhryggur og rif.
Kinda: buff, smásteik á pinnum.
KARTÖFLUR
frá ísrael og Hollandi