Morgunblaðið - 06.07.1984, Blaðsíða 15

Morgunblaðið - 06.07.1984, Blaðsíða 15
MORGUNBLAÐIÐ, FÖSTUDAGUR 6. JÚLÍ 1984 15 Enginn árangur varð- andi sambúð Kín- verja og Rússa Pekíng, 5. júlf. AP. QIAN Qichen, aðstoðarutanríkis- ráðherra Kína, sneri heim frá Moskvu í dag og sagði þá, að rætt hefði verið um „fjölmörg vanda- mál“, en enginn árangur hefði samt náðst varðandi batnandi sambúð Kína og Sovétríkjanna. Sagði hann, að ekkert væri ákveð- ið, hvort nokkuð yrði úr fyrirhug- aðri heimsókn Ivan Arkhipovs, að- stoðarforsætisráðherra Sovétríkj- anna, til Kína, en henni var frestað á síðustu stundu í maí. Arhkipov hefði orðið æðsti stjórnmálamaðurinn í Kreml til þess að heimsækja Kína allt frá Strauss til Togo Miinrhen, 5. júlí. AP. Forsætisráðherra Bæjara- lands, Frans Josef Strauss, fór í dag í opinbera heimsókn til Togo-ríkisins í Vestur-Afríku til að halda upp á 100 ára sam- skipti Þjóðverja og Tógobúa. Strauss fór ásamt stórum hópi þingmanna til Togo, en ríkið var undir verndarvæng þýska heimsveldisins þar til 1919, ári eftir að Þjóðverjar biðu ósigur í seinni heims- styrjöldinni. árinu 1969. Skýring Sovétmanna á frestun heimsóknarinnar var sú, að undirbúningi hennar hefði ekki verið fullkomlega lokið. Sendistarfsmenn í Peking halda því hins vegar fram, að það hefði verið afar óþægilegt fyrir Arkh- ipov að vera þar í opinberri heimsókn á sama tíma og landa- mæraátök milli Kína og Víet- nams fóru dagvaxandi. Qian kvaðst hafa átt 40 mín- útna langan fund með Andrei Gromyko, utanríkisráðherra Sovétríkjanna, og hefðu þeir rætt þar öll þau þrjú aðalatriði, sem standa helzt í vegi fyrir bættu samkomulagi milli Sov- étríkjanna og Kína. Kínverjar gera það að skilyrði, að Sovétrík- in flytji herlið sitt frá Afganist- an, Sovétríkin hætti að styðja hernám Víetnama á Kambódíu og að herlið Sovétmanna á kín- versku landamærunum verði flutt brott. „Ég held ekki, að neinn árang- ur hafi náðst," sagði Qian við heimkomuna. ERLENT Ungur hjartaþegi J.P. Lovette, sem er fjögurra og hálfs árs, situr bér hjá móóur sinni, Patriciu, í Columbia-sjúkrahúsinu í New York. Hann fékk nýtt hjarta fyrir rúmum þremur vikum og sagði, er þessi mynd var tekin fyrir nokkrum dögum: „Mér líður vel.“ Náðu þjófar lyklum að skrifstofu Palmes? Sænska öryggislögreglan óttast hryðjuverk ÞJÓFAR hafa stolið ístungutöfl- um fyrir hið leynilega öryggis- kerfi í sænsku stjórnarskrifstof- unum í miðborg Stokkhólms. Gerir sænska öryggislögreglan jafnvel ráð fyrir því, að hópur hryðjuverkamanna kunni að standa að baki þjófnaðinum og hyggi á stórfelld illvirki. Stjórnarskrifstofurnar ná einnig yfir skrifstofu Olof Palmes forsætisráðherra. í þeim hefur verið komið fyrir öflugasta viðvörunarkerfi Evr- ópu, sem kostaði um 30 millj. s.kr. Sænska öryggislögreglan, Sápo, hefur nú skýrt frá því, að framið hafi verið innbrot í fé- lagsmálaráðuneytið 14. febrúar og ístungutöflu verið stolið þar úr herbergi, sem átti að vera læst. Heldur Sápo því fram, að þaðan hafi verið reynt að stela tölvulyklum að aðaltölvubanka sænskra stjórnvalda og ýmsum öðrum gögnum. Hjá Sápo ríkir jafnvel ótti um, að þjófarnir hafi náð að ljósmynda þarna alls konar gögn, sem varða öryggisbúnað stjórnarskrifstofanna. Það eyk- ur enn á þennan ótta, að þjófar Olof Palme hafa einnig brotizt inn í tölvu- fyrirtækið, sem sér um eftirlit með þessum öryggisbúnaði. Jarðsprengjur á sól- arströnd Frakklands SALA á svaladrykkjum og ís er skyndilega orðin að mjög viðkvæmu deilumáli á sólarströnd Frakklands. Svo langt hefur verið gengið, að komið hefur verið fyrir jarðsprengjum eftir Rivierunni endilangri. Hefur Daniel Auclair, sem á meðal sumargesta gengur undir nafninu svala- drykkjakóngurinn, nú verið handtekinn og er hann í gæzluvarðhaldi í Marseille samtímis því sem lögreglan hefur byrjað ákafa leit að heima- tilhúnum sprengjum, sem hann hefur grafið víða í sandinn og eru þannig stilltar, að þær eiga að springa í næstu hitabylgju. Auclair hefur neitað að skýra frá því, hvar sprengjurnar eru faldar, nema því aðeins að lög- reglan heiti þvi að láta sölumenn hans, um 40 talsins, í friði. Seg- ist hann hafa komið sprengjun- um fyrir meðfram tjaldstæðum, bátaskýlum, hótelum, tjald- vagnastæðum og alls staðar, þar sem yfirleitt má gera ráð fyrir því, að ferðamenn leggi leið sína. Bernard Hini, lögmaður i Marseille, sem í 12 ár hefur bar- izt fyrir rétti Auclairs, hefur lát- ið hafa eftir sér: „Auclair er ekki maður, sem lætur gera grín að sér. Sprengjurnar eru örugglega til staðar þarna.“ Sala á ís og svaladrykkjum hefur verið brennandi deiluefni á Rivieraströndinni árum saman milli þeirra, sem leyfi hafa til slíkrar verzlunar og hinna leyf- islausu. Sala á slíkum verzlun- arleyfum hefur gefið bæjar- og sveitarstjórnum á þessu svæði mikið í aðra hönd og hefur Au- clair alltaf haldið því fram, að hann hafi verið fórnarlamb slíkra hagsmuna. Hvað eftir annað hafa þessi stjórnvöld stefnt honum fyrir rétt og borið þá málsástæðu fyrir sig, að hann hefði gerzt brotlegur við heilbrigðisreglu- gerðir eða önnur lagafyrirmæli. Én þau hafa aldrei haft erindi sem erfiði og einn æðsti áfrýjun- ardómsóll Frakklands sýknaði hann meira að segja i einu slíku máli. Samt sem áður hefur Auclair ekki fengið að halda ís- og gos- drykkjasölu sinni áfram. A síð- asta ári dreifði hann því plaggi, þar sem sagði, að lögreglan beitti sölumenn hans harðræði. Dreifibréfinu lauk með þessum orðum: „Það er ekkert annað að gera fyrir götusala en að breyta sér í Palestinumenn. Þegar eina aðferðin, sem eftir er, felst í því að taka upp hryðjuverk, þá er eitthvað virkilega rotið í þjóðfé- lagi okkar." Til marks um það, hve alvar- lega hótun Auclairs hefur verið tekin um að „fæla burt alla ferðamenn frá Cote d’Azur", þá hefur lögreglan kært hann fyrir að „framleiða og koma fyrir sprengiefni". Austur-Berlín: Farnir úr sendi- ráðinu Berlín, 5. júlí. AP. SEX Austur-Þjóðverjar, sem dvalizt höfðu í sendiráði Vestur-Þýzkalands í Austur-Berlín, fóru burt þaðan t dag. Þeir voru hinir síðustu úr hópi 55 Austur-Þjóðverja, sem leitað höfði hælis í sendiráðinu til þess að þrýsta á austur-þýzk stjórnvöld til að veita þeim vegabréfsáritun, svo að þeir gætu farið úr landi. í hópi þeirra sex, sem fóru úr sendiráðinu í dag, voru fjórir full- orðnir og tvö börn. Hinir fóru úr sendiráðinu á þriðjudag og mið- vikudag, eftir að þeir höfðu fengið tryggingu frá austur-þýzkum stjórnvöldum fyrir því, að þeim yrði ekki refsað og að umsóknir þeirra um vegabréfsáritun yrðu teknar til athugunar. Jozeph Dolezal, talsmaður vestur-þýzku stjórnarinnar, sagði í dag, að lausn þessa máls vekti vonir um, að fleiri Austur-Þjóð- verjar fengju að flytjast úr landi. Morðtíðni að hækka í Noregi Osló, 4. júlí. Frá frétUriUra Mbl. Jan Erik Lauré. LÖGREGLAN í Noregi óttast að 1984 verði metár í morðtíðni þar í landi. Til þessa hefur verið framið 21 morð og voni fiest framin í höfuð- borginni. Um svipað leyti í fyrra höfðu verið framin 26 morð, en yfirleitt eru flest morð framin í skamm- degismánuðunum. I fyrra var vor- ið undantekning. Öll morðin hingað til voru fram- in af karlmönnum og í flestum til- fellum voru menn einnig fórnar- lömb. Fimm sinnum voru þó morð framin vegna kvenna. Þrjú morð- anna voru framin innan kjarna- fjölskyldunnar og í átta tilfellum voru hnífar notaðir til ódæðis- verkanna. Vara við loforðum Kínverja Loudon, 5. júlí. AP. AÐALRÁÐHERRA tíbetska trúarleið- togans Dalai Lama varaði f dag við að trrysta á loforð kínverskra stjórnvalda varðandi framtíð Hong Kong. Ráðherrann, Kalon Tashi Wangdu, ræddi við fréttamenn eftir ávarp Dalai Lama á samkomu Tíb- eta í London. Wangdu sagði að Hong Kong ætti að læra af sögu Tíbet og vara sig á öllum samkomu- lögum. „Aldrei var nokkuð hirt um þau loforð sem Tíbet voru gefin árið 1952,“ sagði Wangdu. Kína öðlast vald yfir Hong Kong árið 1997 þegar leigusamningur Breta rennur út. Bretar hafa reynt að semja við Kína um að breyta engu varðandi lagalega og félags- lega skipun í Hong Kong og búist er við samkomulagi milli landanna 1 haust. Kína réðst inn í Tíbet árið 1950 og hófu Tíbetar uppreisnir gegn þeim 1959. Kína braut niður uppreisnir þeirra og flúði Dalai Lama, trúar- leiðtogi, ásamt 100.000 fylgjendum til Indlands þar sem honum var veitt pólitískt hæli. Dalai Lama er 48 ára gamall og álitinn konungur af guðs náð af fylgjendum sínum. Hann kom til London seint f júní og segist ekki munu snúa aftur til Tfbet fyrr en Kínverjar yfirgefa Tíbet fyrir fullt og allt.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.