Morgunblaðið - 17.11.1984, Blaðsíða 1

48 SÍÐUR OG LESBÓK
STOFNAÐ 1913
225. tbl. 71. árs
LAUGARDAGUR 17. NÓVEMBER 1984
Prentsmiðja Morgunblaðsins
Moskvuförin íitskyrð
Simamynd AP.
Svetlana Alliluyeva, dóttir Jósefs heitins Stalín,
efndi í gær til fundar með erlendum fréttamönnum i
Moskvu, þar sem hún skýrði frá því hvers vegna hún
hefði snúið aftur til Sovétríkjanna. Svetlönu til
vinstri handar er Valentin Kamenev fulltrúi utanrík-
isráðuneytisins, og til hægri handar henni er túlkur.
Svetlana talaði rússnesku á fundinum þótt hún hefði
verið í 17 ár í Bandaríkjunum og Bretlandi.
Sjá nánar á bls. 20.
Discovery lent
með tvo hnetti
Kanaverftl-börda. FKrida, 16. névember. AP.
GEIMFERJAN Discovery lenti í
dag heilu og höldnu á Kanaveral-
höfða eftir 5,3 milljón km ferð um
jörðu. Með í farangrinum voru
tveir gervihnettir, sem bjargað var
um borð, og er það í fyrsta sinn
sem það lánast.
Um tíma var óttast, að ekki
yrði unnt að lenda í Flórída
vegna þess hve þar var skýjað
og var áhöfn ferjunnar farin að
búa sig undir lendingu í Kalif-
orníu þegar aftur rættist úr
með veðrið í Flórída.
Ferð Discovery að þessu sinni
er merkilegust fyrir það, að nú
tókst að þjarga um borð og
flytja til jarðar tvo gervihnetti,
sem voru á rangri braut og
komu þess vegna að engu gagni.
Verður nú hugað að þeim á
rannsóknastofum en síðan verð-
ur þeim komið á rétta braut.
Hver gervihnöttur kostar
óhemjufé og ávinningurinn því
mikill.
Scargill óskar eftir
aðstoð Sovétmanna
— til að hindra að námamenn hætti átta mánaða löngu, ólöglegu verkfalli
London, 16. nóvember. AP.
ARTHUR Scargill, leiðtogi náma-
manna í Bretlandi, átti í gær fund
með sovéskum sendiráðsmönnum
þar sem hann fór fram á frekari
stuðning við ólöglegt verkfall
námamanna, sem nú hefur staðið f
átta mánuði. Var rætt bæði um fjár-
stuðning og að Sovétmenn reyndu
að beita bresk stjórnvöld viðskipta-
þvingunum. Hefur þessi fundur
Scargills með Sovétmönnum vakið
mikinn úlfaþyt i Bretlandi og segja
sumir, að samband Scargills við
Líbýumenn og Sovétmenn gangi
landráðum næst.
Arthur Scargill, leiðtogi breskra
námamanna, og tveir aðstoðar-
manna hans áttu í gærkvöldi fund
með fulltrúum sovéska sendiráðs-
ins í London til að ræða „frekari
aðstoð sovéskra verkalýðsfélaga
við breska námamenn" að sögn
Scargills. Einnig mun hafa verið
rætt um, að Sovétmenn gripu til
ýmissa viðskiptaþvingana til
stuðnings námamönnum, eins og
t.d. að selja ekki Bretum kol og
olíu. Um svipað leyti og fundurinn
fór fram tilkynnti Tass-fréttastof-
an rússneska, að sovéskir náma-
menn hefðu lagt fram 500.000
pund, rúmlega 21 milljón ísl. kr., í
verkfallssjóð breskra náma-
manna.
Orr-Ewing, lávarður, sagði á
þingi í dag, að augljóst væri, að
Scargill teldi sig meðal annars
þjóna sovéskum hagsmunum með
því að vinna bresku atvinnulífi
það tjón, sem hann gæti. „Það er
kominn tími til, að leyniþjónustan
skýri frá því, sem hún veit um
Scargill," sagði Orr-Ewing. Hann
benti einnig á, að Scargill, sem
væri marxisti og hefði verið í
kommúnistaflokknum en nú f
Verkamannaflokknum, hefði verið
í sex mánuði í Sovétríkjunum árið
1972.
„Sovétmenn eru með námskeið í
Moskvu, Prag og á Kúbu þar sem
verkalýðsleiðtogum er kennt að
grafa undan, eyðileggja eða trufla
efnahagskerfi hins frjálsa heims,“
sagði Orr-Ewing.
Þessa vikuna hafa 5.000 náma-
menn hætt verkfalli og snúið aftur
til vinnu. Scargill, sem óttast, að
tök hans á verkfallsmönnum séu
að bresta, hyggst hefja nýja
fundaherferð á næstu dögum til
að sannfæra námamenn um, að
rétt sé að halda áfram í ólöglegu
verkfalli, sem staðið hefur frá því
í mars á liðnu vori. Auk þess ætlar
hann að reyna að afla sér stuðn-
ings einhverra kirkjunnar manna.
í blaðinu „Sun“, útbreiddasta
blaði í Englandi, var aðalfyrir-
sögnin þessi í dag: „Örvæntingar-
fullur Scargill leitar jafnt til
kirkjunnar manna sem kommún-
ista.“
Baby Fae
látin
Loma Linda, Kaliforníu,
16. aÓTember. AP.
BABY FAE, litla stúlkan með bav-
íanahjartað, lést í nótt, þremur
vikum eftir hina sögulegu aðgerð.
Hafnaði líkami hennar nýja hjart-
anu þrátt fyrir allar tilraunir
lækna til að koma í veg fyrir það.
Níunda nóvember sl. fór Baby
Fae að sýna þess merki, að
ónæmiskerfi líkamans ætlaði að
hafna hjartanu og þótt lækn-
arnir reyndu hvað þeir gátu til
að vinna gegn því hrakaði henni
stöðugt. Var reynt að örva
hjartsláttinn með lyfjum og
stúlkunni gefin næring í æð og
látin anda i gegnum súrefnis-
grímu til að hún reyndi sem
minnst á sig. Allt kom þó fyrir
ekki.
Bavíanahjartað var grætt í
Baby Fae 26. október og hefur
engin manneskja lifað lengur
með hjarta úr annarri dýrateg-
und. Hefur þetta verið reynt
fjórum sinnum áður en sá, sem
þá lifði lengst, Suður-Afríku-
maður með hjarta úr sjimp-
ansa, lifði i 3'A dag. Miklar deil-
ur hafa verið um þennan
hjartaflutning og finnst sumum
sem læknarnir hafi verið með
óréttlætanlegar tilraunir á
manneskju, tilraunir, sem allir
vissu, að gæti ekki tekist.
Skipulagði sendifulltrúi
í Noregi morðið á Indiru
Ósló, 16. ■óvember. AP.
FYRRUM sendifulltrúi Ind-
lands í Noregi og á íslandi, Har-
inder Singh, er maðurinn, sem
skipulagði samsærið og morðið
á Indiru Gandhi. Er þessu hald-
ið fram í indverska blaðinu
Hindustan Times. Harinder
Singh, sem gekk nsstur sendi-
herranum, baðst í sumar hælis í
Noregi eftir að indverskir
stjórnarhermenn höfðu ráðist á
Gullna musterið í Amritsar og
drepiö þar hundruð eða þúsund-
ir sikha en Harinder er sikhi.
Harinder Singh býr nú í Ósló
ásamt konu sinni og þremur
börnum og segist varla þora út
úr húsi eftir að hann vissi um
frásögn indverska blaðsins. „Ég
á von á því, að einhverjir Ind-
verjar reyni að ná fram hefndum
á mér en sannleikurinn er bara
sá, að ég hef hvergi komið nærri
þessu,“ segir Harinder.
Satwant Singh, sá morðingja
Indiru, sem lifði af, sagði við yf-
irheyrslu hjá lögreglunni, að
Harinder hefði fjármagnað
morðsamsærið. „Hann borgaði
okkur 100.000 dollara fyrir að
drepa Indiru Gandhi. Hann
skipulagði morðið fyrir öfga- Harindcr Singh
Indlands
Gandhi?
mennina i hópi sikha,“ sagði
hann. Hinn morðingi Indiru, Be-
ant Singh, var i fylgdarliði Ind-
iru í Noregi fyrir einu ári og þá á
að hafa verið lagt á ráðin um
morðið.
Harinder Singh segir í viðtali
við blaðið Verdens Gang, að
þetta sé allt liður í áróðursher-
ferð gegn sér fyrir að hafa leitað
hælis erlendis. „Ég átti engan
hlut að máli. Ég vona, að ég fái
hæli i Noregi því að ég get aldrei
aftur farið til Indlands. Þar eru
700 milljónir manna, sem vilja
hefna sín á mér vegna þessara
lyga,“ sagði Harinder.