Morgunblaðið - 17.11.1984, Blaðsíða 48
OPID ALLA DAGA FRÁ
KL. 11.45 - 23.30
AUSTURSTRÆTI22
INNSTRÆTI, SlMI 11633
LAUGARDAGUR 17. NÓVEMBER 1984
Vöðvasullur fannst á
mörgum bæjum í haust
Berst á milli bæja með hundum
VÖÐVASULLUR sá sem fannst í
fyrsta skipti bér á landi í fyrrabaust í
lömbum frá nokkrum baejum á Noró-
u'landi hefur borist til Vesturlands.
ViA slátrun f haust fannst hann í
nokkrum lömbum frá 6 til 7 bæjum í
Borgarfírði, Skógarströnd og Miðdöl-
um í Dalasýslu. Ekki er vitað hvernig
sullurinn hefur borist vestur yfir
heiðar en það getur ekki gerst öðru
vísi en með refum eða hundum. Sull-
ur þessi er ekki hættulegur fólki en
gerir kjöt óhæft til neyslu. Sauðfjár-
veikívarnir hvetja bændur til aðgæslu
í meðferð hunda og refa af þessu til-
efni.
Þessi umrædda sullaveiki fannst
fyrst í fyrrahaust við venjulega
rannsókn dýralækna á skrokkum
og innyflum sláturlamba i slátur-
húsunum á Svalbarseyri, Blönduósi
_0g Hvammstanga. Ekki er vitað
hvernig hann hefur borist hingað
til lands en talið er að það hafi
gerst með innfluttum refum eða
ólöglega innfluttum hundum. Talið
er líklegt að fáein ár séu liðin síðan
sullurinn kom hingað til lands en
hann hefur ýmist ekki fundist eða
er fremur sjaldgæfur í nágranna-
löndum okkar. Sullur vex upp af
eggi bandormsins og nær lirfustigi
í kindinni, en bandormurinn tekur
sér bólfestu í innyflum refa og
hunda. Egg hans ganga niður af
viðkomandi hýsli með saurnum og
þaðan komast þau í kindurnar, sem
eru svokallaður millihýsill, því egg-
in ná þar ákveðnu þroskastigi, en
verða ekki að fullþroska bandormi
fyrr en þau komast I hund eða ref á
nýjan leik, sem verður þegar hund-
ur eða refur étur sullarsýkt kinda-
kjöt. Eftir sláturtíð í fyrra var leit-
að nokkuð að fullorðna vöðva-
sullsbandorminum í hundum og
refum en án árangurs.
Sú tegund sulls sem hér um ræð-
ir er ekki hættuleg fólki. Hann
sækir í hjarta, þind og aðra vöðva
skepnunnar og gerir kjötið óhæft
til matar. Sullurinn er nokkrir
millimetrar í þvermál og sést sem
svolítil gráleit arða í vöðvanum.
Sigurður Sigurðarson dýralæknir,
sérfræðingur Sauðfjársjúkdóma-
nefndar, sagði í samtali við blm.
Mbl. í gær að i haust hefði sáralitið
borið á sullinum fyrir norðan. Ekki
vissi hann ástæður þess en sagði að
menn heföu ef til vill verið gætnari
í meðhöndlun hunda.
Sagði Sigurður að ekki væri að
fullu vitað hvernig sullurinn hefði
borist til Vesturlands og á milli
bæja þar en vitað væri um hvolp
sem farið hefði á milli tveggja
þessara bæja og því líklegt að sull-
urinn hefði borist þar á milli með
honum og líklega viðar með hund-
um. Sigurður sagði að áríðandi
væri að bændur létu hunda ekki ná
í hráæti, grafa hræ eða husla vand-
lega svo og úrgang eftir heima-
slátrun og gefa refum ekki ófryst-
an sláturúrgang. Mikilvægt væri að
hreinsa hunda nú þegar heima-
slátrun væri lokið og helst oftar en
einu sinni, og reyna að halda
hundafjölda í skefjum. Sagði Sig-
urður rétt að láta hunda vera sem
allra minnst í fjárhúsum og hlöð-
um og fá ráðleggingar hjá dýra-
lækni þegar menn fengju sér hund.
Þá sagði hann að hundar mættu
alls ekki fara inn í refahús og gæta
þyrfi að úrgangi frá refahúsum
eins og reglur segðu til um.
VERÐ í LAUSASÖLU 25 KR.
Vínþjófarnir enn
gripnir með byssu:
w
I gæzlu
fram á
næsta ár
TVEIR menn voru í gær úrskurðað-
ir í Sakadómi Reykjavíkur í gæzlu-
varðhald til 9. janúar næstkoraandi
að kröfu Rannsóknarlögreglu ríkis-
ins vegna síbrota. Þeir hafa komið
mjög við sögu sakamála að undan-
förnu. Mennirnir voru handteknir í
húsi við Hverfisgötu aðfaranótt
fimmtudagsins. í húsinu fannst
meðal annars riffill. Rannsókn
RLR beinist meðal annars að því í
hvaða tilgangi mennirnir höfðu
skotvopn undir höndum.
Mennirnir voru handteknir
vegna innbrotsins í Áfengis- og
tóbaksverzlun ríkisins á dögun-
um. Þá var áfengi og tóbaki að
verðmæti um 180 þúsund króna
stolið. Annar mannanna var
fyrir nokkrum dögum handtek-
inn með haglabyssu, sem hann
hafði stolið frá manni sem einnig
var viðriðinn ÁTVR-þjófnaðinn.
Sélbaðsstofur:
50—60%
samdrátt-
ur á skömm-
um tíma
„Samdráttur í viðskiptum síð-
ustu daga hefur orðið frá 50%
til 60% hjá þeim tuttugu sól-
baðsstofum sem ég hef haft
samband við, um það ber öllum
saman," sagði Halldóra Helga-
dóttir, sem sjálf rekur tvær sól-
baðsstofur í Reykjavík, í sam-
tali við blm. Mbl. í gær.
Halldóra kvað eigendur sól-
baðsstofa vera uggandi um
sinn hag þessa dagana, vegna
þeirra áhrifa sem umræða um
fjölgum húðkrabbameins-
tilfella og hugsanleg orsaka-
tengsl þeirrar fjölgunar við
sóllampanotkun landsmanna,
kynnu að hafa á aðsókn að
sólbaðsstofum.
„Við ætlum að koma saman
nk. þriðjudag og ræða málið,“
sagði Halldóra og bætti því
við að aðsóknin hefði dottið
niöur á sínum stofum I
nokkra daga, en virtist nú
vera að ná sér upp áftur.
Góða veðrið
helst áfram
LANDSMENN geta verið í sumar-
fötunum um helgina eins og í milda
haustveðrinu undanfarna daga því
um helgina verður austlæg átt og
fremur milt veður um land allt.
Um vestanvert landið verður víða
bjart veður en þokuloft eða smá-
skúrir við strendur austanlands.
„Lægðirnar lognast allar útaf áð-
ur en þær ná til okkar," sagði veð-
urfræðingur á Veðurstofu ísiands
í gærkvöldi þegar spurt var um
ástæður þessa milda veðurs und-
anfarna daga.
25 þúsund sjó-
mílna sigling
SKIPAFÉLAGIÐ Nesskip hefur samið við japanska fyrirtækið Sumitomo
um flutning á 7.000 til 7.500 tonnum af járnblendi frá Járnblendiverksmiðj-
unni á Grundartanga til Japans, en það er fullfermi stærsta skips félagsins,
ms. Akraness. Þessi ferð ms. Akraness er um 25 þúsund sjómílna löng og
sagði Benedikt Sveinsson hrl. stjórnarformaður Nesskips, að hún væri
líklega lengsta ferð íslensks kaupskips til þessa.
Japanska fyrirtækið gerðist ans i næsta mánuði. Sumitomo
fyrr á þessu ári eignaraðili að hefur tryggt flutning til baka og
Járnblendiverksmiðjunni á
Grundartanga og skuldbatt sig
jafnframt til að kaupa hluta
framleiðslunnar. Ms. Akranes er
stærsta skip íslenska kaupskipa-
flotans, burðargeta þess er 7.500
tonn. Skipið heldur áleiðis til Jap-
er áætlað að ferðin taki 3 til 4
mánuði. Skipið fer um Suez-
skurðinn á leið út en Panama-
skurðinn á heimleið og er þetta
því sannkölluð hnattsigling hjá
áhöfn skipsins.
Ms Akranes, stærsta skip íslenskakaupskiptaflotans.