Morgunblaðið - 17.11.1984, Blaðsíða 36
36
MORGUNBLAÐIÐ, LAUGARDAGUR 17. NÓVEMBER 1984
ffclk í (Si
fréttum L. Á1
FYRIR TÍU ÁRUM
VAR HANN
SKÆRASTA ÍÞRÓTTASTJARNA
DANA
EN NÚ EYÐILAGÐUR
AF
EITURLYFJUM
Ekkert eftir
nema dauðinn
eða fangelsið
*
Eg fyrirfer mér ef ég fæ ekki hjálp. Ég er kominn
fram á hengiflugið, verð að skrapa saman
9—10.000 kr. daglega fyrir heróíni. Fyrir tíu árum var
ég allra eftirlæti og efnilegasti íþróttamaður í Dan-
mörku en síðustu átta árin hef ég verið eiturlyfjaneyt-
andi. Verið á upptökuheimilum og í fangelsi, selt mig
kynvillingum og stundað eiturlyfjasölu. Ég fyrirlít sjálf-
an mig og hef oft reynt að stytta mér aldur. Nú grátbið
ég um hjálp.“
Fimmtan ára gamall var Jan Petersen undrabarn
í hnefaleikum og raunar orðinn Danmerkurmeistari
í sínum aldursflokki 14 ára gamall. Þjálfarinn hans
lofaði að gera hann að Ólympíumeistara en það fór á
annan veg.
RÍKISSÁTTASEMJARI
SEXTUGUR
Draugasögurí
kexkassanum
Mikið fjölmenni fagnaði Guðlaugi Þorvaldssyni ríkissátta-
semjara sl. laugardag, þegar hann hafði opið hús í veitinga-
húsinu Hrafninum í Reykjavík í tilefni af sextugsafmæli sínu 13.
október sl.
Guðlaugur ávarpaði gesti sína stuttlega og sagðist ekki hafa
viljað halda upp á afmæli sitt á réttum tíma vegna þess að þá
hefði staðið orrusta á vinnumarkaði. Hann vildi hinsvegar ekki
alveg horfa fram hjá þeim deilum og því væri styrkleiki afmælis-
blöndunnar réttu prósenti ofan við sáttatillöguna frægu — sem
að visu hefði ekki vakið sérstaka hrifningu.
Ýmsir vinir, kunningjar og samstarfsmenn Guðlaugs færðu
honum gjafir í tilefni afmælisins. Alþýðusamband Islands,
Vinnuveitendasamband Íslands og Vinnumálasamband sam-
vinnufélaganna sameinuðust um afmælisgjöf til ríkissáttasemj-
ara og talaði Ásmundur Stefánsson, forseti ASÍ, fyrir hönd
þeirra allra. Sagði hann m.a. að sú hefði helst orðið breyting á
embætti sáttasemjara með þangaðkomu Guðlaugs Þorvaldssonar,
að nú væri samningamönnum boðið upp á kex á fundum. Fyrir
hönd ASÍ, VSÍ og VMSS færði Ásmundur síðan Guðlaugi fullan
kassa af kexi — en á botni kassans var falið draugasögusafn, sem
forseti ASl taldi geta komið sér vel á næturfundum í Karphúsinu.
myndatextar
Efri mynd.
Ásmundur Stefánsson færir Guðlaugi kexkassann með draugasögu-
safninu. Frá vinstri á myndinni: Júlíus Valdimarsson, framkvæmda-
stjóri Vinnumálasambands samvinnufélaganna, Magnús Gunnarsson,
framkvæmdastjóri Vinnuveitendasambands fslands, Ásmundur Stef-
ánsson, forseti ASÍ, og afmælisbarnið, Guðlaugur Þorvaldsson, ríkis-
sáttasemjari.
Torfi Hjartarson, fyrrum sáttasemjari ríkisins, heilsar Kristínu Krist-
insdóttur, eiginkonu ríkissáttasemjara, sem stendur að baki þeim.
„Ég átti að æfa morgna, kvölds og um miðjan dag
og það var of mikið fyrir mig. Ég er skilnaðarbarn
og var komið á barnaheimili 9 ára gömlum og hafði
því ekki þann styrk, sem til þurfti. Þess i stað fór ég
Undrabarn í hnefaleikum
Jan Petersen varð Danmerkurmeistari í sín-
um aidursflokki 14 ára gamall og lagði þá að
velli Evrópumeistarann. Þjálfarinn var stað-
ráðinn í að gera hann að ólympíumeistara en
Jan stóðst ekki kröfurnar, sem til hans voru
gerðar.
að slá mér upp með stelpum og reykja hass. Ég
komst að því, að ég gat haft mikla peninga upp úr
því að selja mig kynvillingum og þá hafði ég alltaf
nóg fyrir hassinu. Siðan lá leiðin i Kristjaniu þar
sem ég byrjaði að sprauta mig og loks i Istedgade
þar sem ég bjó með vændiskonu. Það var fyrst þá
sem ég skildi hvað ég var djúpt sokkinn," segir Jan.
Jan hefur gengið í gegnum þá hroðalegu martröð,
sem fylgir eiturlyfjaneyslunni. Setið í fangelsi fyrir
innbrot og líkamsárásir, legið á milli heims og helju
eftir skotárás, selt sjálfan sig fyrir heróínið og
margoft reynt að fyrirfara sér. í sumar sem leið
hitti hann mann að nafni Arne Rytz, sem hefur
sínar sérstöku aðferðir við að lækna eiturlyfjasjúkl-
inga. Eru þær fólgnar í því að hreinsa líkamann með
gufuböðum og alls kyns náttúrulækningameöulum
en læknar hafa á þeim litla trú og þess vegna fæst
enginn opinber styrkur.
„Ég hef kostað samfélagið, skattborgarana í land-
inu, rúmar sex milljónir króna frá þvi ég var niu ára
gamall. Nú bið ég bara um hjálp í fjóra eða fimm
mánuði svo ég geti losnað við eitrið úr líkamanum og
aftur orðið ég sjálfur. Þetta yrði ekki dýrt en nú vill
enginn hjálpa. Mín bíður ekkert nema dauðinn eða
fangelsið, eftir nokkrar vikur á ég að fara inn aftur,“
segir Jan Petersen.
VANN TIL FYRSTU
VERÐLAUNA
VIÐ LOKAPRÓF
DIDDU
tíð er gaman að frétta að landanum vegni vel í
Blm. heyrði nýlega á skotspónum
að Diddú, öðru nafni Sigrún Hjálmtýsdóttir, hefði
hlotið markverða viðurkenningu á lokaprófi frá
Guildhall School of Music and Drama. Til að sann-
reyna fréttina var slegið á þráðinn til Diddú sem
stödd er hérlendis í augnablikinu.
Er það rétt að þú hafir unnið til fyrstu verðalauna
nú er þú laukst prófi?
Já, annars veit ég nú lítið um þetta sjálf. Þetta er
kallað „Principle Price" og er aðallega tengt fjöl-
hæfni. Skólastjórinn sem nú er við skólann hefur
verið í 7 ár og hans markmið er að tengja þessar
tvær deildir saman, „Music og Drama“. Ég hef verið
í báðum deildunum og þessvegna komið eitthvað
nálægt þessu markmiði hans um að sameina deild-
irnar.
Ég lauk prófi í júlí og það voru mikil formleg
hátíðahöld sem haldin voru i Mansion House að
viðstöddum Lord Mayer o.fl.
Hyggurðu á frekara nám?
Já, ég mun stunda framhaldsnám við Guildhall
School of Drama and Music næstu árin, a.m.k. í
alhliða söng. Ég er ekki farin að sjá fyrir endann á
náminu strax. Skólaárið núna felst að miklu leyti í
því að vera sem virkastur út á við og í deiglunni eru
ýmsar óratoríur. Það eru einnig merk tónskálda-
afmæli sem verður haldið upp á svo það er nóg að
gera.
Ertu semsagt á leiðinni út strax aftur?
Já, núna um helgina þegar upptökunum á Betlara-
óperunni lýkur.