Morgunblaðið - 17.11.1984, Blaðsíða 5

MORGUNBLAÐIÐ, LAUGARDAGUR 17. NÓVEMBER 1984
Aðalfundur Sambands sveitarfélaga á Vesturlandi:
Afli minnkadi
og landbúnað-
ur dróst saman
5
—
Teikning *ð útilauginni sem verður um 25 metra löng og 12,50 metra breið.
Stjkknaólmi, 16. ■ófpmbrr.
AÐALFUNDUR Samtaka sveitarfélaganna í Vesturlandskjördæmi bófst í
Stykkishólmi eftir hádegi í dag og er hann haldinn i félagsheimilinu í
tengslum við hótelið. Fundurinn hófst með því að formaður, Kristinn Jóns-
son, Búðardal, bauð fundarmenn velkomna og lýsti dagskrá. Kosinn var
fundarstjóri, Finnur Jónsson Stykkishólmi og til vara Ragnheiður Ólafsdótt-
ir, Akranesi.
Kjörbréfanefnd hóf störf. Gert
hafði verið ráð fyrir að
félagsmálaráðherra, Alexander
Stefánsson, mætti og flytti ávarp,
en skeyti barst frá honum, þar
sem hann kvað annir aftra sér frá
því. Mættir voru fulltrúar úr flest-
um sveitarfélögum á svæðinu,
einnig mættu alþingismennirnir
Friðjón Þórðarson, Valdimar
Indriðason og Davíð Aðalsteins-
son. Þá flutti Kristinn Jónsson
skýrslu stjórnar um þau viðfangs-
efni, sem verið hefðu á döfinni.
Kom m.a. fram að afli á svæðinu
hefði stórminnkað og samdráttur f
landbúnaði var þannig að 18%
minna hefði verið af sláturfé i
haust.
Guðjón Ingvi Stefánsson, fram-
kvæmdastjóri samtakanna,
greindi frá ýmsum nýjungum i
starfi sambandsins, sérstaklega á
sviði atvinnumála og ýmsu, sem
nú væri á umræðustigi. Magnús
Oddsson flutti skýrslu fræðslu-
ráðs. Kom þar m.a. fram að
grunnskólar og aðrir skólar i um-
dæminu eru tvísetnir og jafnvel
meira og eðlilegu skólastarfi háði
nú skortur betra húsnæðis. Þetta
væri þó í framþróun.
Ólafur Sveinsson, sem hefur
verið iðnaðarráðunautur sam-
bandsins flutti skýrslu iðnráð-
gjafa, en ólafur er nú að láta af
störfum hjá sambandinu. Kvað
hann ráðstefnur hafa verið haldn-
ar um nýjan iðnað og styrk við
þann eldri og í þvi tilefni hefðu öll
sveitarfélögin verið heimsótt. Þá
var skýrsla framhaldsskólanefnd-
ar, en umræður um framhalds-
skóla og skipulag hafa verið mjög
til umræðu undanfarin ár. Af-
henti hann fundarmönnum frétta-
bréf, þar sem skýrt er frá áform-
um um rekstur og fyrirkomulag
fjölbrautarskóla á Vesturlandi, en
hann er í tengslum við Akranes. í
þessu fréttabréfi kemur fram
samkomulag um rekstur fjöl-
brautaskóla Vesturlands, sem er í
13 liðum og undirritað af mennta-
málaráðuneytinu og fjármála-
ráðuneytinu og viðkomandi sveit-
arfélögúm á Vesturlandi, en sam-
ningur þessi er stílaður á 1. janúar
á þessu ári. Framsögumaður, Eng-
ilbert Guðmundsson, rakti i
ávarpi sínu nánar hvernig
fræðslumálum á Vesturlandi yrði
háttað í framtíðinni.
Næsta atriðið á dagskránni
voru nýir valkostir í atvinnumál-
um Vesturlands. Bjarni Guð-
mundsson, aðstoðarmaður land-
búnaðarráðherra, ræddi um ýmsa
valkosti í landbúnaði og því til-
heyrandi. Ingjaldur Hannibals-
son, forstjóri Iðntæknistofnunar
íslands, ræddi um þróun iðnaðar
og framtíðarverkefni.
Fundi verður haldið áfram I
kvöld og verður kvöldverður í boði
samtakanna á hótelinu í tilefni af
15 ára afmæli þeirra. Þar verður
m.a. Stykkishólmskynning, sem
Sturla Böðvarsson, sveitarstjóri í
Stykkishólmi, annast. Þá verður
einnig frumsýnd 20 minútna
kvikmynd, Vesturlandsmynd, sem
ísmynd sf. hefur gert fyrir Ferða-
málasamtök Vesturlands. Einnig
verður minnst 15 ára afmælis
samtakanna. Þá er gert ráð fyrir
að fundur haldi áfram í fyrramál-
ið kl. 9 og nefndir skili þá áliti.
Umræður verða um nefndarálit og
skýrslur og mál afgreidd og gengið
til kosninga. Stefnt mun að þvi að
ljúka fundi um hádegisbil.
Samningum á Vestfjörðum frestað til sunnudags:
Samstarf um að
tryggja byggð á
þessu landshorni
— segir Pétur Sigurðsson forseti ASV
SAMNINGAGERÐ Alþýðusambands Vestfjarða og Vinnuveitendafélags
Vestfjarða, sem ætlunin hafði verið að Ijúka í gær, var ( gærmorgun frestað
þar til síðdegis á morgun, sunnudag, að sögn Péturs Sigurðssonar, forseta
ASV. „Þetta var gert af tæknilegum ástæðum, eins og það er kallað," sagði
Pétur í samtali við blaðamann Mbl.
„Við ákváðum nefnilega í haust
að hefja samstarf í framhaldi af
þeirri óáran, sem hrín á útkjálk-
um þessa lands. Þetta samstarf er
nú verið að forma og væntanlega
verður gengið frá því í tengslum
við samningana á sunnudaginn,"
sagði hann. „Þetta samstarf verð-
ur væntanlega í því fólgið, að hvar
sem því verður við komið munum
við — verkafólk og atvinnurek-
endur — í sameiningu reyna að
halda í hlut okkar Vestfirðinga. í
félagi við atvinnurekendur viljum
við leita sameiginlegra ráða til að
tryggja byggð á þessu landshorni
— hér eru ekki aðrir atvinnu-
möguleikar en þeir, sem snúa að
sjávarútvegi og þeir kostir eru sí-
fellt að þrengjast," sagði Pétur.
Hann sagðist ekki eiga von á
öðru en að samningar um kaup og
kjör milli ASV og atvinnurekenda
á Vestfjörðum tækjust á skömm-
um tíma. „Það hlýtur að verða
samið hér eins og annars staðar —
við ætlum okkur ekki stærri hlut
en aðrir. Og þótt við ætlum að
hafa samstarf við þá um lífsaf-
komu íbúanna hér þá munum við
áfram deila við þá um skiptingu
kökunnar. Ríkissáttasemjari kem-
ur hingað um hádegi á sunnudag
og þá verður gengið í málið,“ sagði
Pétur Sigurðsson.
Hafnarfjöróur:
Ný sundlaug á Hvaleyrarholti
FRAMKVÆMDIR eru hafnar við
nýja sundlaug í suðurbæ Hafnar-
fjarðar, ( svokölluðu Hvamma-
hverfi, í mýrinni skammt fyrir neð-
an Brandsbæ. í mannvirki þessu er
gert ráð fyrir bæði inni- og útilaug
ásamt tilheyrandi búningsaðstöðu
og böðum, svo og bflastæði.
Þór Gunnarsson, formaður
byggingarnefndar, sagði í sam-
tali við blaðamann Morgunblaðs-
ins, að jarðvinna við hina nýju
sundlaug væri nú hafin og hefði
verið samið við Jón V. Jónsson
um þá framkvæmd, og miðað við
að henni verði lokið i mars á
næsta ári. Jarðvinnan er unnin
fyrir um það bil 1,9 milljónir
króna, en kostnaðaráætlun við
þann hluta verksins var um 3,7
milljónir króna.
Eins og áður greinir verða
laugarnar tvær, annars vegar
útilaug 25 metra löng og 12,50 m
á breidd, en út frá þeirri laug
verður grunn vaðlaug. Innilaugin
er heldur minni, 12,50 metra löng
og 9 metra breið og mun grynnri.
Laugarnar eru tengdar saman
þannig að hægt er að synda á
milli þeirra í rennu.
Mannvirkið er allt á einni hæð,
og sérstaklega hannað með það
fyrir augum að fatlaðir eigi auð-
velt með að fara ferða sinna, m.a.
er sérstök renna niður í laugina.
Vatnsyfirborð verður jafnhátt
bökkunum þannig að ekkert
öldufrákast verður og vatnið því
kyrrara en ella. Að sögn Þórs
Gunnarssonar er hér um að ræða
„tiltölulega hóflegt mannvirki",
eins og hann orðaði það og hefur
það fengið þá umsögn verkfræð-
inga að vera „skynsamlegt
mannvirki" að því er Þór sagði.
Má m.a. nefna að laugin er þann-
ig byggð, að auðvelt er að stækka
og breyta eftir því sem henta
þykir. Þór sagði að fram-
kvæmdahraði væri ekki endan-
lega ákveðinn en menn gerðu sér
vonir um að að unnt verði að
taka útilaugina í notkun eftir um
það bil fjögur ár. Þór gat þess
einnig að búið væri að ráða
landslagsarkitekt til að huga að
umhverfi laugarinnar, en arki-
tekt mannvirkisins er Sigurþór
Aðalsteinsson.
V V V
▼ERTU ▼IÐBÚIN/N ▼ETRINUM
ORMSSON HF.
LÁGMÚLA 9 SÍMI 38820