Morgunblaðið - 02.12.1984, Blaðsíða 7

MORGUNBLAÐIÐ, SUNNUDAGUR 2. DESEMBER 1984
7
Gerðuberg:
Þorpið
í upplestri
leiklistarnema
„ÞAÐ má kalla það létta aðkenn-
ingu af skelfingu," sagði einn nem-
andi á öðru ári Leiklistaskóla ís-
lands um fyrstu sporin á sviðinu, en
annars árs nemar hafa nú undanfar-
ið flutt Ijóðabálk Jóns úr Vör, „Þorp-
ið“, í Húsi Æskulýðsráðs á Frl-
kirkjuveginum, „frammi fyrir þeim
sem koma vilja,“ eins og einn orðaði
það. Klukkan hálffjögur í dag,
sunnudag, flytja nemendurnir Ijóðin
í menningarmiðstöðinni við Gerðu-
berg í Breiðholti, og verður það
fyrsti liðurinn í svokallaðri menning-
araðventu sem húsið stendur fyrir
Erlendur Jónsson
Skáldsaga
eftir
Erlend
Jónsson
BÓKAÚTGÁFAN örn og örlygur
hefur gefið út fyrstu skáldsögu Er-
lends Jónssonar. Nefnist hún Laufið
grænt Áður hafa komið út eftir Er-
lend fjórar Ijóðabækur, útvarpsleik-
rit, bókmenntasaga og fleira.
í frétt frá útgefandanum segir
m.a.:
„Skáldsagan Laufið grænt segir
frá ellefu ára gömlum dreng sem
býr með fráskilinni móður sinni í
litlu húsi í Vesturbænum. Frið-
helgi heimilisins er rofin með
heimsókn mikils metins borgara.
Drengurinn lítur þennan kunn-
ingsskap óhýru auga, en móðirin
sendir drenginn í sveit og fer sjálf
í sólarlandaferð. Dvölin í sveitinni
reynist drengjunum viðburðarík.
Minnisstæðasti atburður sumar-
sins verður skemmtun sem haldin
er um verslunarmannahelgina þar
í grenndinni. Þar birtist mannlífið
drengnum í allri sinni ólgu og fjöl-
breytni."
Bókin Laufið grænt er filmusett
og prentað í prentstofu G. Bene-
diktssonar. Bókband er unnið hjá
Arnarfelli hf. Kápu teiknaði Brian
Pilkington.
Sjálfstæðisflokkurinn:
Dregið í
happdrætti
á morgun
Á MORGUN, 3. desember, verð-
ur dregið í Hausthappdrætti
Sjálfstæðisflokksins. f frétt frá
flokknum segir m.a. að þeir sem
ekki hafa enn gert skil á heim-
sendum happdrættismiðum, séu
hvattir til að taka þátt í enda-
sprettinum. Greiðslur á miðum
eru sóttar beim ef óskað er.
Skrifstofa happdrættisins
er í Valhöll, Háaleitisbraut 1,
og er hún opin i dag kl. 10 til
18 og allan daginn á morgun,
síðasta dag happdrættisins.
fram að jólum. Það er Helga Bach-
man leikkona, sem stjórnar flutn-
ingnum og allri framsetningu verks-
ins.
Hópurinn hefur útbúið svið og
leiktjöld fyrir flutninginn og tínt
til gömul föt til að skapa rétta
stemmningu fyrir flutninginn.
Helga Bachman sagði að ljóð Jóns
væru mjög litrík og lifandi og
hentuðu því mjög vel til slíkrar
uppfærslu. „Þetta er fyrst og
fremst hugsað sem æfing og skól-
un þessa unga fólks,“ sagði Helga,
en þetta mun vera i fyrsta sinn í
tíu ára sögu skólans sem annars
árs nemar sýna opinberlega. Alls
eru 22 nemendur við Leiklistar-
skólann um þessar mundir.
Flytjendur ásamt leiðbeinanda sín-
um Helgu Bachman. Frá vinstri:
Helga Bachman, Þórarinn Eyfjörð,
Stefán Sturla Sigurjónsson, Ingrid
Jónsdóttir, Ólafia Jónsdóttir, Hall-
dór Björnsson og Þórdís Arnljóts-
dóttir. Á myndina vantar Valgeir
Skagfjörð og Hjálmar Hjálmarsson.
Morgunblaðið/Július
Aðferðin var í sjálfu sér einföld: Við kynntum okkur alla
þekktustu skíðastaði Austurríkis og völdum síðan þann besta
EINSTÖK AÐSTAÐA
[ Sölden færö þú á einum staö allt sem til þarf í frábæra
skíðaferð. Hvort sem þú ert einn á ferö, meö
fjölskylduna eða í stærri hóp, uppfyllir Sölden allar þínar
kröfur - og heldur meira.
Umhverfiö er heillandi og veðursæld mikil. Ótrúlega þétt
lyftukerfi teygir sig upp eftir hlíðunum og skilar þér í allt
að 3.100 m hæð. Brautimar eru vel merktar og allt lagt
upp úr því að hver maður finni brekkur við sitt hæfi.
Mörg hundruð skíðakennarar eru til taks, útsýnisstaðir,
veitingastaðir og hvíldarstaðir eru á hverju „strái" og
dagurinn líður hratt, fullur af skemmtilegum atvikum, -
ævintýri líkastur.
FRÁBÆRT NÆTURLÍF
Þegar líður að kvöldi læturðu notalega þreytuna
líða úr skrokknum í sundlaugum, nuddpottum og
gufuböðum, og færð þér síðan hressingu á
huggulegum bar þar sem útsýnin til snæviþakinna
fjalla verður ógleymanleg í Ijósaskiptunum.
Kvöldið tekur síöan við í eldfjörugum Tírólabænum:
Veitingastaðir, diskótek, skemmtistaðir, nætur-
klúbbar og hressilegt götulíf gefur hverju kvöldi
nýjan lit og setur punktinn yfir i-ið í glæsilegri
skíðaferð.
SÖLDEN Á EKKI SINN LÍKAN - ÞVÍ GETURÐU TREYST
VERÐ FRÁ KR.
19.700.-
og mjög góðir greiðsluskilmálar að auki!
(MiSaft við gengi 21.11 ‘84)
Gistlng er fjölbreytt og við allra hæfi.
Ferðatilhögun gæti ekki veirð öllu þægilegri. Beint leiguflug til
Innsbruck og örstuttur akstur til Sölden.
Brottfarardagar: 26. janúar, 9. febrúar, 23. febrúar.

Samvinnuferdir - Landsýn
AUSTURSTRÆTI 12 - SÍMAR 27077 & 28899
* Sbr. niðurstöður fjölmargra skíðasérfræðinga evrópskra tímarita. söluskrifstofa akureyri: skipagötu is - símar 21400 & 23727
SA BESTI VARÐ FYRIR VALINU