Morgunblaðið - 27.01.1985, Qupperneq 56

56
MORGUNBLAÐIÐ, SUNNUDAGUR 27. JANÚAR 1985
ÞINGBRÉF
Hún á afmæli í vor
Ríkisstjórn Steingríms Hermannssonar, sem hér sést ásamt forseta íslands,
frú Vigdísi Finnbogadóttur, var stofnuð 26. maí 1983, og nálgast því annað
aldursárið; verður tveggja ára í vor ef henni endist aldur til. Alþingi, sem
Nýársboðskapur forsætisráðherra:
kemur saman á morgun, er um margt „spurningarmerki“ í hugum fólks, m.a.
um það er varðar lífdaga stjórnarinnar. Máske rsðst framhaldið af því, hvað
ríkisstjórnin leggur fyrir þingið varðandi stefnumörkun og aðgerðir þegar
það kemur saman.
„Ríkisstjórnin mun ekki hlaupa
frá borði, þótt skipið hallist“
Forðast verður nýja kollsteypu
með alvarlegum afleiðingum
„MikilvKgast er að læra af reynslunni, rétta þjóðarskútuna við og taka á
ný stefnu á stöðugleika heilbrigðs efnahagslífs og nýtt framfaraskeið. Ríkis-
stjórnin mun ekki hlaupa frá borði, þótt skipið ballist Stjórnarflokkarnir
munu endurskoða stefnuna á öllum sviðum og leita samstöðu við þjóðina um
farsæla framkvæmd."
— Þannig komst Steingrímur
Hermannsson, forsætisráðherra,
að orði, í ávarpi til þjóðarinnar á
gamlársdag, 31. desember sl. Þessi
orð er vert að hafa í huga þegar
Alþingi kemur saman til fundar á
morgun, eftir rúmlega mánaðar
starfshlé, sem stjórn og stjórnar-
flokkar hafa vonandi notað af
kostgæfni til að búa sig undir mik-
ilvæg störf í þágu þjóðarheildar-
innar.
„HRIKTIR f STOÐUM
EFNAHAGSLÍFSINS“
STEINGRÍMUR HERMANNS-
SON, forsætisráðherra, segir í
nýjársboðskap sínum að tslend-
ingar hafi á fáum áratugum byggt
upp eitt mesta velferðarríki ver-
aldar, þar sem þegnarnir njóti
verulegs jafnræðis og öryggis.
„Þetta hefur verið gert,“ segir
hann réttilega, „á grundvelli þjóð-
arframleiðslu, sem frá stríðsárum
hefur vaxið að meðaltali á hvern
mann meir en flestar aðrar þjóðir
geta státað af.“ „Afli af ísíands-
miðum á stærsta þáttinn", segir
forsætisráðherra ennfremur,
„mikilvægi sjávarútvegsins verður
ekki sízt ljóst þegar sjávarafli
bregst. Þá hriktir í stoðum efna-
hagslífsins. Svo hefur verið nú um
þriggja ára skeið."
Hér kemur forsætisráðherra að
kjarna máls, sem oft hefur verið
ræddur f þessum pistlum, að hag-
vöxtur liðinna áratuga (þ.e. bætt
lífskjör) hafi fyrst og fremst verið
sóttur til veiða og vinnslu — eða
tæknivæðingar sjávarútvegs, sem
margfaldaði þjóðartekjur á nokkr-
um gengnum áratugum.
Hagvöxtur verður hinsvegar að-
eins í litlum mæli sóttur til hefð-
bundinna atvinnuvega í fyrirsjá-
anlegri framtíð, vegna aflatak-
markana (stöðu fiskistofna) og
framleiðslutakmarkana á búvöru
(þ.e. markaðsstöðu hennar). Það
er því ekki út í hött að horft er til
nýsköpunar í íslenzkum þjóðar-
búskap. Fyrirsjáanlegt er að tug-
þúsundir einstaklinga bætast á ís-
lenzkan vinnumarkað næstu tvo
áratugina; auk þess sem sam-
dráttur hefur sagt til sín í þjóðar-
framleiðslu, þjóðartekjum og lífs-
kjörum næstliðin ár.
VERÐBÓLGAN VAR
HÖFUÐVANDINN
VERÐBÓLGAN, sem komin var í
130% vöxt á fyrsta ársfjórðungi
1983, skekkti samkeppnisstöðu ís-
lenzkrar útflutnings- og sam-
keppnisframleiðslu. Framleiðslu-
lönd, sem bjuggu að stöðugleika í
verðlagi og efnahagslífi, fimm til
tíu prósenta tilkostnaðarhækkun
á ári, stóðu ólíkt betur að vígi í
verðsamkeppni á sölumörkuðum,
erlendis og hérlendis. Á þessum
tíma horfði því, með vaxandi verð-
bólgu, til stöðvunar fjölda fram-
leiðslufyrirtækja og fjöldaat-
vinnuleysis. Það var við þessar að-
stæður sem ríkisstjórnin greip inn
í framvindu mála með „róttækum"
efnahagsráðstöfunum — og mátti
ekki seinna gerast.
Aljóna og Ivan
>riðji bekkur Leiklistarskólans sýnir barnaleikrit
í samvinnu við Tónlistarskólann í Reykjavík
NEMENDUR í þriðja bekk Leik-
listarskóla íslands frumsýna á
sunnudag barnaleikritið „Aljóna
og lvan“ eftir sovéska barnaleik-
ritahöfundinn Lev Ustinov. Leik-
ritið er flutt í samvinnu við Tón-
listarskólann í Reykjavík.
Þetta er ævintýraleikur sem
byggir á gamalli þjóðsögu um
tréð sem talar og töframátt þess.
Sagt er frá systkinunum Ivani
og Aljónu og baráttu þeirra við
að fá áheyrn hjá töfratrénu sem
er í skóginum þar sem úlfar
herramannsins ráða ríkjum.
Sex nemendur í Leiklistar-
skólanum taka þátt í sýning-
unni. Það eru þau Bryndís Petra
Bragadóttir, Eiríkur Guðmunds-
son, Guðbjörg Þórisdóttir, Inga
Hildur Haraldsdóttir, Skúli
Gautason og Valdimar Örn
Flygering. Þau sem flytja tón-
listina eru Ásdís Arnardóttir,
Hanna Margrét Sverrisdóttir,
Herdís Jónsdóttir, Jóhann Ing-
ólfsson og Kristín Guðmunds-
dóttir, öll nemendur í Tónlist-
arskóla Reykjavíkur. Þetta er í
fyrsta skipti sem slík samvinna
er á milli þessara skóla. Einn
gestaleikari, Jóhann Sigurðar-
son, tekur þátt í sýningunni.
Búninga gerði Anna Jóna
Jónsdóttir, lýsingu annast Ólaf-
ur Örn Thoroddsen og leikstjóri
er Þórunn Sigurðardóttir. Öll
tónlist er eftir Finn Torfa Stef-
ánsson sem er nemandi í tón-
fræðadeild Tónlistarskóla
Reykjavíkur.
Leikritið verður frumsýnt í
Lindarbæ sunnudaginn 27. janú-
ar nk. kl. 17.00 og næstu sýn-
ingar verða á þriðjudag og föstu-
dag kl. 17.00 og sunnudaginn 3.
febrúar kl. 15.00. Fyrirhugað er
að sýna leikritið 10 sinnum.
Að sögn Helgu Hjörvar skól-
astjóra Leiklistarskólan ríkisins
er skólinn eini leiklistarskólinn
á Norðurlöndum sem hefur það
fyrir fasta reglu að allir nem-
endur skólans hafi tekið þátt í
uppsetningu á barnaleikriti áður
en þeir útskrifast. Hún sagði
einnig að það væri hefð að bjóða
upp á skólasýningar fyrir nem-
endur grunnskólanna á þessum
leikritum og að þessu sinni einn-
ig fyrir að nemendur tónlist-
arskólanna.