Morgunblaðið - 07.02.1985, Síða 23

MORGUNBLAÐIÐ, FIMMTUDAGUR 7. FEBRÚAR 1985
23
LÍF AÐ FÆRAST í
TAMNINGARNAR
— spjallað við nokkra tamningamenn á Selfossi og Hvolsvelli
Við stefnum á úrtökuna til að byrja með, sögðu þau Olil til vinstri og
Hermann, tamningamenn á Hvoisvelli.
Það hefur sjálfsagt ekki farið
framhjá neinum, sem með hesta-
mótum fylgjast, að á þessu ári
verður haldið Fjórðungsmót á Suð-
urlandi. Aðdragandi að slíkum
mótum er ávallt nokkuð langur,
allt að sex til sjö mánuðir sem not-
aðir eru til tamningar og þjálfunar
á þeim hrossum sem hugsanlega
mæta til leiks.
Blaðamaður Morgunblaðsins
brá sér austur fyrir fjall á dög-
unum og leit við hjá nokkrum af
þeim mörgu sem þar stunda
tamningar.
Á Selfossi eru fjórir tamn-
ingamenn starfandi og eru þeir
allir með aðstöðu í hesthúsa-
hverfinu þar i bæ. Reyndar var
einn þeirra, Einar Öder Magnús-
son, ekki byrjaður þegar blaða-
maður var þar á ferð en eigi að
síður fullbókað hjá honum út
allan veturinn. Hinir eru Gunn-
ar Ágústsson, Davíð Guðmunds-
son og Leifur Bragason. Eru þeir
með þetta frá átta til tíu hross
hver.
Um verðið sögðu þeir að það
væri 7.000 krónur á mánuði og
væri innifalið í því fóður, hirðing
og járning. Gunnar Ágústsson
kvaðst gera nokkuð af því að
ganga í hús sem kallað er og á
hann þá við að sum tamninga-
hrossanna eru í umsjá eigenda
og sagðist hann þá taka fimm
þúsund krónur.
„Það virðist vera nóg framboð
af tamningatrippum," sagði Ein-
ar Öder og Davíð bætti við að
margir bændur í uppsveitum
réðu til sín tamningamenn frek-
ar en senda hross sín til tamn-
ingamanna.
Á Hvolsvelli eru við tamn-
ingar þau Olil Amble og Her-
mann Ingason og voru þau spurð
hvort ekki væri stefnt á Fjórð-
ungsmótið með eitthvað af þeim
hrossum sem þau væru með.
„Ætli það ekki," svaraði Her-
mann að bragði og Olil bætti við:
„í það minnsta stefnum við að
úrtökukeppni gæðinga og for-
skoðun kynbótahrossa."
Hermann kvaðst vera með 14
hross undir hnakk en Olil með 12
og var verðlagning hin sama og
hjá Selfyssingunum.
Á stóðhestastöðinni í Gunn-
arsholti var allt komið í fullan
gang, um fimmtíu folar á ýmsum
aldri komnir á hús. Nú sem fyrr
starfa þar Páll Bjarki Pálsson og
Jakobína Jónsdóttir auk þess
sem Gísli Gíslason frá Hofsstöð-
um mun verða þar í vetur en
hann vann á stöðinni, eins og
kunnugt er, veturinn ’83. Um
fimmtán folar voru komnir á
járn þegar blaðamaður var þar á
ferð.
Nú í fyrsta skipti verða folarn-
ir fóðraðir á forþurrkuðu vot-
heyi í rúllum og var ein slík á
fóðurganginum, voru það reynd-
ar hafrar. Sagði Páll þetta gefa
góðar vonir en auk þess fengju
þeir grasköggla.
Haldið verður áfram að temja
þá fola sem nú eru á fimmta
vetri auk þess sem byrjað verður
á folum á fjórða vetri eins og
venja er til.
Skammt frá Hvolsvelli var á út-
reiðum Þorvaldur Ágústsson, einn
kunnasti tamningamaðurinn í
Sunnlendingafjórðungi galvaskur
að vanda. Reiðskjótinn er hrein-
ræktaður Kolkuóshestur, Ós frá
Hvolsvelli undan Byl frá Kolkuósi
og hryssu þaðan.
Tamningamennirnir á Selfossi. Frá vinstri: Einar Öder Magnússon á Sóma frá Sauðárkróki, Leifur Bragason á
Björk frá Tóftum, Gunnar Ágústsson á Brúnblesu frá Stóra-Hofi og Davíð Guðmundsson á Ljósfaxa frá
Grímstungu. MorjrunbUðió/V.ldimir
—
80 nýir titlar
bneytt veroá DYNASTY
Nýkomnir 80 nýirtitlaraf völdu úrvalsefni,
bæði kvikmyndir ogsjónvarpsefni.
Nú kosta 2 þættir af Dynasty aðeins 110 kr.
og þættir nr. 1 -15 leigjast þrír í pakka
fyrir sama verð - aðeins 110 kr.
HAGKAUP
Skeifunni 15
«