Morgunblaðið - 04.05.1985, Síða 19

MORGUNBLAÐIÐ, LAUGARDAGUR 4. MAl 1985
19
Frá aöalfundi Alþýðubankans. Viö aöalborðiö sitja frá vinstri: Halldór Björnsson, Teitur Jensson, Þórunn Valdi-
marsdóttir, Bjarni Jakobsson og Benedikt Davíðsson. Næst ræöustólnum situr Ásmundur Stefánsson, en í ræöustól
er bankastjórinn Stefán Gunnarsson.
Aðalfundur Alþýðubankans:
75 milljóna kr. hluta-
fjárútboð samþykkt
— Tap á rekstri bankans á síðastliðnu ári
— Tveir nýir aðstoðarbankastjórar ráðnir
AÐALFUNDUR Alþýðubankans hf.
var haldinn 27. apríl og kom þar
fram, aö á síðasta starfsári varð halli
á rekstrarreikningi bankans, sem
nam um 2,5 milljónum króna. Eigið
fé bankans jókst um 31 % á árinu.
Þrátt fyrir tap var hagur bankans
góöur um árslok, að því er fram kom
í skýrslu formanns bankaráðs og
bankastjóra.
Innlánsaukning í bankanum var
nokkuð fyrir neðan meðaltal inn-
lánsstofnana í heild eða 25%. Út-
lánsaukning nam 43%. Mikill
vöxtur var í starfsemi veðdeildar
bankans.
Á aðalfundinum kom fram, að á
árinu 1985 taka til starfa tveir að-
stoðarbankastjórar við bankann,
Guðmundur Ágústsson, hag-
fræðingur og ólafur Ottósson,
skrifstofustjóri. í fréttatilkynn-
ingu um aðalfundinn segir að
meðal stjórnenda bankans sé mik-
ill hugur í mönnum til að efla
bankann. Undir þann hug tóku
fundarmenn á aðalfundinum og
var samþykkt þar að bjóða út nýtt
hlutafé að upphæð 75 milljónir
króna, sem gefinn verði kostur á
að greiða á næstu 5 árum. Enn-
fremur samþykkti fundurinn út-
gáfu jöfnunarhlutabréfa upp á
40% á hlutafé í árslok 1984. Sam-
þykkt var að greiða hluthöfum 5%
arð á innborgða og uppfærða
hlutafjáreign i árslok 1984.
1 skýrslu stjórnar bankans segir
um óhagstæðan rekstur bankans á
síðastliðnu ári: „Helstu orsakir
fyrir óhagstæðum rekstri voru
slæm lausafjárstaða, óhagstæð út-
lánssamsetning með hliðsjón af
vaxtaákvörðunum á árinu og
aukning almennra rekstrargjalda
miðað við tekjuhlið rekstrarins."
Launagjöld hækkuðu um 37% og
annar rekstrarkostnaður um 64%
eða alls 12 milljónir króna. Hlutur
þessara tveggja liða nam 29% af
útgjöldum, en var 16% árið áður
og segir í skýrslunni að það stafi
af því að vaxtagjöld hafi lækkað
verulega sem hlutfall af heildar-
rekstrargj öldum.
Bankastjóri Alþýðubankans er
Stefán Gunnarsson. í bankaráði
eiga sæti: Benedikt Davíðsson,
formaður, Bjarni Jakobsson, vara-
formaður, Þórunn Valdimars-
dóttir ritari, Halidór Björnsson og
Teitur Jensson. í varastjórn eiga
sæti: Jón Ágústsson, Sverrir
Garðarsson, Sigurgestur Guð-
jónsson, Auður Guðbrandsdóttir
og Guðmundur Hallvarðsson.
Rainbow Navigation:
Undirbýður flutninga í
skjóli einokunarlaga
— segir Axel Gíslason, framkvæmda-
stjóri Skipadeildar Sambandsins
„Nú hafa bandari.sk stjórnvöld
dregið íslendinga á asnaeyrunum í
eitt ár. Þaö er ár síðan því var lofaö
af hálfu Bandaríkjamanna aö skorið
yrði úr því með hverjum hætti flutn-
ingar fyrir varnarliöiö skyldu vera.
Enn hefur ekkert svar borizt og
Rainbow Navigation situr eitt aö
þessum flutningum og undirbýður
aöra flutninga til landsins frá
Bandaríkjunum," sagði Axel Gísla-
son, framkvæmdastjóri Skipadeildar
Sambandsins, meöal annars er hann
kynnti blaðamönnum hiö nýja skip
deildarinnar, Jökulfell.
Axel ræddi um aukna mögu-
leika á flutningum til og frá Vest-
urheimi með tilkomu hins nýja
skips, sem sameinaði kosti frysti-
skips og gámaskips. Hann sagði
síðan að Rainbow Navigation gæti
í skjóli einokunarlaga frá árinu
1904 einokað flutninga til Varn-
arliðsins á íslandi og undirboðið
íslenzk skipafélög í samkeppninni
um aðra flutninga á þessari leið.
íslenzk stjórnvöld yrðu að krefjast
tafarlausra svara, við yrðum að
vita hvað stjórnvöld vestra ætluð-
ust fyrir. Þetta ástand væri óvið-
unandi fyrir íslenzk skipafélög, ís-
lenzka farmenn og íslenzkt við-
skiptalíf. Bandarísk lög ættu ekki
og mættu ekki kveða á um það
hvernig sjóflutningum milli land-
anna væri háttað.
Karlakór Reykjavíkur
Tónlist
Jórt Ásgeirsson
Árlegir tónleikar Karlakórs
Reykjavíkur voru haldnir í Há-
skólabíói um mánaðamótin og
var söngskráin, samkvæmt hefð,
að fyrri hluta til með íslenskum
lögum en erlendum eftir hlé.
Tónleikararnir voru helgaðir Sig-
urði Þórðarsyni er stjórnaði
kórnum í 36 ár og hefði orðið ní-
ræður 8. apríl sl. Tónleikarnir
hófust á Förumannaflokkar
þeysa, eftir Karl 0. Runólfsson,
sem kórinn söng af reisn þó nokk-
uð virtist gæta þess að tenórarnir
héngju neðan í tóninum. Það er
sem sagt frekar nýtt að tenórarn-
ir hjá Karlakór Reykjavíkur séu
ragir við „háu tónana“. Annað
lagið var raddsetning á þjóðlag-
inu Krummi svaf í klettagjá, en
kórinn söng einnig nokkrar radd-
setningar eftir Jón Leifs, Jakob
Hallgrímsson og Sigurð Þórðar-
son. Einn félagi úr kórnum söng
einsöng í tveimur lögum. Það var
óskar Pétursson, er söng Systk-
inin eftir Bjarna Þorsteinsson og
Frelsisljóð eftir Árna Björnsson.
Óskar hefur fallega og þegar
nokkuð skólaða tenórrödd og
söng þessi lög yfirvegað og vel.
Jakob Hallgrímsson átti nýtt lag
á efnisskránni, við texta eftir
Þorstein Valdimarsson. ó, undur
lífs er á um skeið, er fallegt og
einfalt lag og auðheyrt að Jakob
syngur lög sín. Fyrri hluta efn-
isskrár lauk með Þér landnemar,
hetjur af konungakyni, eftir Sig-
urð Þórðarson. Lög Sigurðar eru
eins og hugsuð fyrir karlakór,
hvellsnörp og glampandi í hljóm
og ætti Karlakór Reykavíkur að
hafa heila tónleika með söng-
verkum eftir Sigurð. Lögin eftir
hlé voru að mestu norræn. Ein-
söngur er ávallt vinsæll hjá
hlustendum karlakóra, enda var
fögnuður þeirra einna mestur eft-
ir kraftmikinn og vel hljómandi
einsöng Hjálmars Kjartanssonar,
í sænska þjóðlaginu Pétur svína-
hirðir. Svo virtist sem kórinn
syngi sig upp, sem gerist oft með
gamalreynda söngmenn, og varð
ekki vart við að tenórarnir
héngju í tóninum er á leið tón-
leikana. Það hefur löngum verið
söngstíll kórsins að leggja
áherslu á glampandi tenórraddir
og halda í við lægri raddirnar.
Þessi sör.gmáti gerir sönginn
svolítið litlausan, einkum í lögum
eins og Því er hljóðnuð þýða
raustin, eftir Síbelíus og Rauða
sarafaninum. Bassaraddirnar í
kórnum eru góðar og hefðu mátt
hljoma sterkar, alveg til jafns við
háraddirnar. Páll P. Pálsson er
mjög lifandi stjórnandi og mótar
sönginn skýrum dráttum, einkum
þó skemmtilega í alls konar
styrkleikabreytingum. Undirleik-
ari kórsins var Guðrún A. Krist-
insdóttir og þó lítið reyndi á hana
að þessu sinni var leikur hennar
fagmannlega af hendi leystur.
Náttúnivemdarfélag Suðvesturlands:
Fjörunytjaferð
NVSV fer fyrstu ferð sína í ferða-
röðinni „Náttúrunytjar" í sam-
vinnu við Hið íslenska náttúru-
fræðifélag, sunnudaginn 5. maí kl.
9.30 frá Umferðarmiðstöðinni (há-
fjara er kl. 12.00). Þátttakendum
verður leiðbeint við að þekkja og
nýta sér nokkrar tegundir þör-
unga og skeldýra sem finnast í
fjörunni. Farið verður í fjöru við
Hvassahraun. Áætlað er að ferð-
inni ljúki milli kl. 3 og 4. Fargjald
verður 200 kr., en frítt fyrir börn í
fylgd fullorðinna. Allir eru velk-
omnir. Leiðbeinendur verða Karl
Gunnarsson þörungafræðingur og
Vilhjálmur Þorsteinsson fiski-
fræðingur.
Fjaran hefur ekki verið mikið
nýtt til útivistar hér á landi. En í
fjörugöngu gefst gott tækifæri til
alhliða hreyfingar í tæru sjávar-
lofti. Fjölbreytni er það mikil að
hægt er að ganga um sama svæðið
árið um kring og vera alltaf að
ganga um nýtt umhverfi. Lífríkið
breytist sífellt og einnig strand-
lengjan því að sjórinn er sífellt að
móta fjöruborðið. Marga hluti er
að finna í fjörunni. Hægt er að
tína þar ýmsar lífverur til matar.
En þá er komið að því mikilvæga
atriði, umgengninni. Vegna þekk-
ingarskorts og af hugsunarleysi er
hægt að skemma þetta einstæða
vistkerfi og við því viljum við ein-
mitt sporna. Því fáum við sérfróða
menn til að kenna okkur að þekkja
nokkrar lífverur fjörunnar, fræða
okkur um starfsemi þeirra og
skynsamlega nýtingu. Rætt verður
um rányrkjuna í leiðinni og til-
gangslitla röskun á náttúrulegu
umhverfi. Við reynum að skýra
muninn á nýtingu sem byggist á
grisjun lífverustofna og nýtingu
sem gæti haft í för með sér eyð-
ingu stofna. Að nýta sér náttúr-
una byggist ekki eingöngu á því að
taka eitthvað sem þú getur neytt,
flutt inn í stofu, eða garð eða selt
öðrum. Að nýta náttúruna byggist
einnig á því að sjá og heyra órask-
að lífkerfi og njóta þess að hafa
það umhverfis þig og þína. Allt
þetta getum við kallað náttúru-
nytjar.
Störfum með náttúrunni en ekki
andstætt henni, þá mun okkur vel
farnast. (Frá NVSV)
Landsmálafélagið Vörður
HLUTAVELTA
Landsmálafélagiö Vöröur heldur hlutaveltu kl. 14.00 í dag, laugardaginn 4. maí, í sjálfstæö-
ishúsinu Valhöll, Háaleitisbraut 1. Glæsilegir vinningar, m.a. utanlandsferð.
Engin núll.
Landsmálafélagiö Vöröur