Morgunblaðið - 13.07.1985, Blaðsíða 7

7
________________________________tíÓRGifaBLÁÐiP, MúóÁábÁótíá ii' jiprtif 19&
Forsetinn ferðast um Austurland
FORSETI íslands, frú Vigdís Finnbogadóttir, hefur í dag ferð sína um
Austurland. Forsetinn og fylgdarlið hans koma til Egilsstaða klukkan 9.25,
en síðan verður ekið um Vallahrepp og Skriðudalshrepp. Þá verður snæddur
hádegisverður í Valaskjálf í boði sýshinefnda Norður- og Suður-Múlasýslna
og síðan haldið að Eiðum á sumarhátíð Úí A. Síðdegis verður drukkið kaffi á
dvalarheimili aldraðra á Egilsstöðum og kirkjan skoðuð. Þá verður gróður-
sett við íþróttavöllinn. Snæddur verður kvöldverður f boði Héraðshreppa í
Valaskjálf, en að því loknu verður þar opið hús fyrir íbúa á Héraði.
Á sunnudag heldur forsetinn
frá Egilsstöðum, stansað verður
að Brúarási, en síðan haldið út
Jökulsárhlíð og yfir Hellisheiði.
Eftir hádegi verður guðsþjónusta
á Skeggjastöðum, en komið verður
til Vopnafjarðar síðdegis. Þar tek-
ur hreppsnefnd Vopnafjarðar-
hrepps á móti forsetanum við
hreppamörkin, en síðan verður ek-
ið um kauptúnið og elliheimilið
heimsótt. Þar verður gróðursett.
Snæddur verður kvöldverður á
Hótel Tanga í boði hreppsnefndar-
innar og síðan verður opið hús í
félagsheimilinu.
Forsetinn leggur af stað frá
Vopnafirði um klukkan átta á
mánudagsmorguninn 15. júlí, en
hálftíma síðar verður stansað á
minjasafninu á Burstafelli. Komið
verður í Fellabæ um hádegið, en á
leið þangað verður stansað í
Möðrudal og á Skjöldólfsstöðum.
Hádegisverður verður snæddur í
Samkvæmispáfanum. Síðdegis
verður höfð stutt viðdvöl að
Kirkjubæ í Hróarstungu en í
Vatnsskarði tekur hreppsnefnd
Borgarfjarðarhrepps á móti for-
seta. Þá verður snæddur kvöld-
verður í boði hreppsnefndar Borg-
arfjarðarhrepps í félagsheimilinu
Fjarðarborg og klukkan níu verð-
ur bar opið hús.
Á þriðjudag heldur forsetinn
frá Borgarfirði eystra klukkan
níu, en um klukkustund síðar
verður komið að Hjaltastað þar
sem verða kaffiveitingar. Um
klukkan 11 verður komið í Eiða-
hrepp þar sem Sumarbúðir þjóð-
kirkjunnar verða heimsóttar og
þar verður einnig gróðursett.
Klukkan tólf verður snæddur há-
degisverður á Edduhótelinu á Eið-
um. Klukkan 15 verður komið að
minnisvarða á Neðri Staf á Fjarð-
arheiði þar sem móttökunefnd frá
Seyðisfjarðarkaupstað tekur á
móti forsetanum. Síðdegis verður
skoðunarferð um Seyðisfjörð.
Snæddur verður kvöldverður í
boði bæjarstjómar hótelinu, en að
honum loknum verður opið hús í
félagsheimilinu.
Miðvikudaginn 17. júlí verður
lagt af stað frá Seyðisfirði og ekið
suður með Lagarfljóti að vestan-
verðu. Stansað verður á Valþjófs-
stað. Klukkan 11.30 verður komið
að Edduhótelinu í Hallormsstað
þar sem sýslumaður Norður-
Múlasýslu kveður forsetann og
fylgdarlið hans.
Fimmtudaginn 18. júlí verður
haldið frá Hallormsstað áleiðis til
Mjóafjarðar með viðkomu í
Brekku og á Dalatanga þar sem
kaffiveitingar verða á boðstólum
og vitinn verður skoðaður. Hádeg-
ismatur verður snæddur í Sól-
brekku og þar verður opið hús.
Klukkan 14.15 verður lagt af stað
áleiðis til Neskaupstaðar með
varðskipi. Á Neskaupstað tekur
bæjarstjórnin á móti forseta á
bryggju um klukkan 15.30, en síð-
an verður gengið upp í skrúðgarð
þar sem bæjarstjóri flytur ávarp
og Skólalúðrasveit Neskaupstaðar
leikur. Einnig verður gróðursett
og elliheimilið og fjórðungssjúkra-
húsið heimsótt. Forsetinn skoðar
einnig náttúrugripasafnið. Kvöld-
verður í boði bæjarstjórnar verður
snæddur i Egilsbúð, en að honum
loknum verður þar opið hús.
Forsetinn og fylgdarlið hans
halda frá Neskaupstað að morgni
föstudagsins 19. júli og koma til
Eskifjarðar klukkan tiu. Þá verð-
ur ekið til elliheimilisins þar sem
forystumenn bæjarins taka á móti
forseta. Forsetinn skoðar einnig
Sjóminjasafnið og hraðfrystihús-
ið. Þá verður ekið að Stekksmelum
i Helgustaðahreppi, en hádegis-
verður verður snæddur í nýja
skólanum á Eskifirði og opið hús
verður að honum loknum. Siðdegis
verður haldið frá Eskifirði og
komið að hreppamörkum Reyðar-
fjarðarhrepps á Hólmahálsi þar
sem hreppsnefndin tekur á móti
forseta. Komið verður á Búðareyri
klukkan 16.50 og forsetinn gefur
nýja leikskólanum nafn. Kvöld-
verður verður snæddur i verka-
lýðshúsinu i boði hreppsins, en að
honum loknum verður opið hús i
Félagslundi.
Laugardaginn 20. júlí verður
haldið frá Búðareyri og komið að
Vattarnesi klukkan 9.45. Þar taka
fulltrúar Fáskrúðsfjarðarhrepps
og Búðarhrepps á móti forseta.
Síðan verður haldið að Kolfreyju-
stað og kirkjan þar skoðuð. Komið
verður að Búðum klukkan 10.30 og
þar verður snæddur hádegisverð-
ur i skólanum. Að honum loknum
verður opið hús i félagsheimilinu
Skrúð. Siðdegis verður haldið frá
Búðum og klukkan 16.30 verður
komið að hreppamörkum Stöðvar-
hrepps þar sem fulltrúar hrepps-
ins taka á móti forseta. Klukkan
16.50 verður komið að grunnskóla
Stöðvarfjarðar þar sem fulltrúi
heimamanna ávarpar forseta. Þar
verður gróðursetning og einnig
verður steinasafn Petru Sveins-
dóttur skoðað. Kvöldverður verður
snæddur i grunnskólanum i boði
hreppsins og síðan verður opið hús
í samkomuhúsi Stöðvarfjarðar.
Klukkan 22.30 verður haldið áleið-
is til Staðaborgar i Breiðadal þar
sem gist verður.
Forsvarsmenn Breiðdalshrepps
taka á móti forsetanum á Staða-
borg klukkan 9.15 sunnudaginn 21.
júli, en síðan verður haldið til guð-
sþjónustu í Heydalakirkju. Þá
verður ekið frá Heydölum áleiðis
til Breiðdalsvíkur og komið á út-
sýnisstaðinn Hellur. Þá verður
gróðursett á leikvelli staðarins en
að þvi búnu snæddur hádegisverð-
ur á Hótel Bláfelli i boði hrepps-
ins. Þá verður opið hús á Staða-
borg. Klukkan 15.45 heldur forset-
inn frá Breiðdal áleiðis til Djúpa-
vogs. Á leiðinni verður stansað i
Gautavík í Beruneshreppi. Klukk-
an 17.30 verður komið í Djúpavog
og ekið að félagsaðstöðu hrepps-
ins. Þar verður gróðursett og hald-
ið á útsýnisstaðinn Bóndavörðu.
Kvöldverður verður snæddur á
hótelinu i boði hreppsnefndar Bú-
landshrepps. Þá verður opið hús í
félagsaðstöðunni.
Heimsókn forseta um Austur-
land lýkur mánudaginn 22. júli. Þá
verður lagt af stað frá Djúpavogi
klukkan 9.30 áleiðis til Hafnar i
Hornafirði með viðdvöl í Geit-
hellnahreppi. Sýslumaður Suður-
Múlasýslu kveður forsetann við
Hvalnesskriður skammt frá sýslu-
mörkunum. Forsetinn heldur síð-
an flugleiðis til Reykjavíkur frá
flugvellinum á Höfn i Hornafirði
klukkan 12.35.
Biblíufélagið:
Guðbrandsbiblíu að gjöf
HIÐ ÍSLENSKA BIBLÍUFÉLAG vard 170 ára 11. júlí sl. f tilefni þess
var efnt til hátíðar í Hallgrímskirkju á Skólavörðuhæð, en þar hefur
Biblíufélagið haft aðsetur í 18 ár. Sverrir Kristinsson bókaútgefandi
færði þá Biblíufélaginu Guðbrandsbiblíu að gjöf í tilefni af afmælinu.
Bókin er í forkunnarfögru geitarskinnsbandi. Myndin er tekin við
afhendinguna, er Pétur Sigurgeirsson, biskup fslands, þakkaði Sverri
gjöfina og afhenti hana framkvæmdastjóra félagsins, Hermanni Þor-
steinssyni. Á Skálholtshátíðinni 21. þ.m. verður hhiti dagskrár helgaður
Biblíufélaginu og framhaldsaðalfundur félagsins verður haldinn laugar-
daginn 20. júlí í Skálholtsskólanum. Þar verður aðalumræðuefnið valið
með tilliti til árs æskunnan Biblían og unga kynslóðin.
(Pl
NYRIADA STATION
KYNNINGARVERD
• • P
VEL1300cm3-72 HO.4 GIRA
252800:
KYNNINGARVERÐ
VÉU1500cm-77 HÖ. 5GIRA
277800:
„ ÖPIÐÍ ''S
«Cr BIFREIÐAR OG LANDBÚNAÐARVÉLAR HF.
■1 If1 ntmvmf •amcnniiTT'r v æ c . ooooa C! cnr >mc<TT n. 01 OOC
SUÐURLANDSBRAUT 14 S.: 38600 S. SOLUDEOLD: 31236