Morgunblaðið - 11.10.1985, Blaðsíða 7

MORGUNBLAÐIÐ, FOSTUDAGUR11. OKTÓBER1985
7
í
’r
'i
<
Talning háhyrninga
hafin hér við land
TALNING og könnun á atferli háhyrninga á vegum Hafrannsóknastofn-
unar og erlendra vísindamanna er nú hafin hér við land. Talningin fer
fram á sfldarvertíðinni þar sem háhyrningurinn er mjög fíkinn í sfld og
fær sér oft bita er nótaskipin eru að snurpa. Vísindamenn vsnta sam-
starfs við sjómenn við talninguna. Auk talningar og annarra skoðana
er fyrirhugað að taka upp hljóð háhyrninga hér við land til ^amanburðar
við mállýskur háhyrninga á öðrum hafsvæðum.
Jóhann Sigurjónsson, sjávar-
líffræðingur, veitir rannsóknum
þessum forstöðu af hálfu Haf-
rannsóknastofnunar. Hann sagði
í samtali við Morgunblaðið, að
háhyrningar, stærsta tegund
smáhvala af höfrungakyni, væru
vinsæl skemmtun öllum þeim,
sem á horfðu. Þeir yrðu meira
en 8 metra langir og væru þekkt-
ir af fallegu litu mynstri, stórum
bakugga, allt að einum til tveggja
metra háum, og líflegu atferli,
bæði í sædýrasöfnum víða um
heim og í náttúrulegu umhverfi
á hafi úti. Þeir væru einnig
kunnir sjómönnum og öðrum
sæfarendum fyrir aðgangshörku
við önnur sjávarspendýr, seli,
höfrunga og jafnvel stórhveli, þó
aðalfæða þeirra væri fyrst og
fremst ýmislegt fiskmeti.
Jóhann sagði, að á undanförn-
um árum hefði Hafrannsókna-
stofnun gert nokkrar tilraunir
til að áætla fjölda háhyrninga
hér við land með skipulagðri
talningu. Tilgangur þess væri að
afla upplýsinga um stofnstærð
háhyrninga hér við land og um
göngur þeirra á miðin, sem meðal
annars gæti varpað ljósi á þátt
þeirra í fæðukeðjunni á hafsvæð-
inu í kringum landið. Vitað væri
að háhyrningum fyndist fátt
betra en að háma í sig feita síld-
ina á haustin og væru þeir því
árvissir gestir á síldarmiðunum.
Hvort fjöldi þeirra væri nægur
til að hafa nokkur afgerandi
áhrif á afkomu sildarstofnanna
hér við land, væri hins vegar lítið
vitað um. Talningarnar hefðu
aðallega farið fram á aðalsíld-
veiðitímabilinu, þar sem haft
Háhyrningar á sundi. Vísindamenn vió flugvélina sem notuð er við talning-
nna.
hefði verið samstarf við sjómenn
um skráningu allra dýra, sem
sæjust á tilteknu tímabili. í
október 1982 hefði þátttaka í
talningunni verið mest og hefðu
stofnuninni þá borizt upplýsing-
ar um ferðir nálægt 3.000 dýra,
þar af að minnsta kosti 300 sama
aaginn. Ljóst væri að nokkuð
vantaði á að marktækar niður-
stöður um stofnstærðina lægju
fyrir, en vonazt væri til að með
yfirstandandi rannsóknum
fengjust mun haldbetri gögn en
áður.
„Háhyrningarannsóknirnar í
ár eru framkvæmdar í samvinnu
við Hubbs-rannsóknastofuna í
Bandaríkjunum með þátttöku
bandarískra, brezkra og sænskra
vísindamanna. Rannsóknirnar
verða þríþættar, það er talning
frá fiskiskipum, talning úr lofti
og ljósmyndun háhyrninga á
miðunum. Eins og fyrr munu
talningarnar frá fiskiskipum að
verulegu leyti byggjast á góðri
samvinnu við sjómenn og þess
er vænzt, að með víðtækri þátt-
töku fiskiskipa og annarra
þeirra, sem upplýsingar geta
veitt, fáist gagnlegar upplýsing-
ar um útbreiðslu og fjölda há-
hyrninga á næstu vikum.
Á undanförnum árum hefur
verið gert átak í að safna góðum
ljósmyndum af háhyrningum hér
við land og annars staðar í Norð-
ur-Atlantshafi. Með nákvæmri
skoðun ljósmynda má nefnilega
oft þekkja hvalina í sundur og
þannig er unnt að læra ýmislegt
um greiningu hvalanna í stofna,
um ferðir þeirra og hópatferli.
Sérstakt átak verður nú gert í
þessu í haust, en auk þess er
fyrirhugað að taka upp hljóð
háhyrninga hér við land til
sámaburðar við mállýskur há-
hyrninga á öðrum hafsvæðum,"
sagði Jóhann Sigurjónsson.
Seljendur mótmæla
verði á sfld í frost
YFIRNEFND Verðlagsráðs sjávarútvegsins ákvað verð á sfld til frystingar
síðastliðinn flmmtudag. Verðið miðast við tvo stærðarflokka, sfld 30 centi-
metrar og stærri og 25 til 30 centimetrar. Verð fyrir hvert kfló í stærri
flokknum verður 4,60 en 3,10 krónur fyrir minni flokkinn.
Verðið var ákveðið með atkvæð-
um fulltrúa kaupenda og odda-
manns gegn atkvæðum seljenda.
Kristján Ragnarsson, annar full-
trúi seljenda, sagði í samtali við
Morgunblaðið, að þeir teldu kaup-
endur færa um að greiða sama
verð fyrir sild til frystingar og
söltunar. Þó menn héldu því fram,
að verðið á þessum tveimur flokk-
um væri meðaltalsverð fjögurra
stærðarflokka á sild til söltunar
og verð því það sama, væri það
ekki rétt. Hlutfall stærstu síldar-
innar í aflanum nú væri mun
meira en gert væri ráð fyrir í
þessari verðlagningu. „Fyrst þetta
fór svona, tel ég að við hefðum
heldur átt að samþykkja tilboð
kaupenda um frjálsa verðlagningu
á sild til frystingar," sagði Krist-
ján Ragnarsson.
Athugasemd vegna fréttar um
Kvennaathvarfið í Reykjavík
MORGUNBLAÐINU hefur borist
eftirfarandi athugasemd frá Ingi-
björgu Sólrúnu Gísladóttur, borgar-
fulltrúa Kvennaframboðsins:
„í blaði yðar í dag þann 10.
október birtist frétt um Kvenna-
athvarfið í Reykjavík undir fyrir-
sögninni „Starfsmanni vikið úr
starfi án nokkurrar skýringar". í
fréttinni er eftirfarandi m.a. haft
eftir Áslaugu Ragnars: „Kjarni
þessa máls er að mínu mati flokks-
pólitískur ágreiningur sem konur
úr röðum Alþýðubandalags og
Kvennaframboðs hafa talið sér
henta að gera. Má þar til nefna
forystukonur á borð við Ingibjörgu
Sólrúnu Gísladóttur, borgarfull-
trúa Kvennaframboðs og Alfheiði
Ingadóttur varaborgarfulltrúa Al-
þýðubandalagsins." I lok fréttar-
innar er síðan frá því sagt að Morg-
unblaðið hafi haft samband við
undirritaða sem hafl ekki viljað tjá
sig um málið.
Er skemmst frá því að segja að
Ásdis Haraldsdóttir blaðamaður
Morgunblaðsins hafði samband við
mig laust eftir hádegi í gær til þess
að fá uppgefnar ástæðurnar fyrir
þvi að félagsfundur í Samtökum
um kvennaathvarf ákvað að víkja
nýráðnum starsfmanni úr starfi.
Svör mín til hennar voru efnislega
á þá leið að ég teldi það ekki deilu-
aðilum í málinu né Kvennaathvarf-
inu til framdráttar að gera mál
þetta að fjölmiðlamat. Auk þess
hefði ég ekki séð neitt eftir þeim
starfsmanni haft, sem fyrir brott-
vikningunni varð, og væri því alls
ekki viss um að honum væri neinn
greiði gerður með því að ræða mál-
ið á síðum dagblaðanna. llmmæli
Áslaugar Ragnars um „kjarna
málsins" þar sem vegið er að mér
persónulega voru aldrei undir mig
borin og gaf Morgunblaðið mér því
aldrei kost á að svara fyrir mig.
Hlýt ég að átelja slík vinnubrögð
sem að mínu mati samræmast illa
þeim kröfum sem gera verður til
heiðarlegrar blaðamennsku.
Hvað ummæli Áslaugar varðar
þá vísa ég þeim algerlega á bug
sem tilhæfulausum rógi sem er
henni til lítils sóma. Hafi Áslaug
fylgst eitthvað með gangi mála
innan Samtaka um kvennaathvarf
síðustu vikurnar veit hún að ég var
í þeim hópi sem reyndi að miðla
málum milli deiluaðila en því mið-
ur, án árangurs. Það má öllum ljóst
vera að deilumál sem þessi eru síst
samtökunum til framdráttar og
það þjónar vægast sagt vafasömum
tilgangi að gera þau að flokks-
pólitísku máli, þvert á allar stað-
reyndir."
Aths. ritstj.
Vegna ummæla Ingibjargar Sól-
rúnar Gisladóttur um „heiðarlega
blaðamennsku" skal tekið fram að
það er ekki venja Morgunblaðsins
að lesa ummæli eins aðila í samtali
við blaðið fyrir annan áður en þau
birtast í Morgunblaðinu. 1 þessu
tilfelli var þvi ekki um það að ræða
aö ummæli Áslaugar Ragnars yrðu
lesin fyrir Ingibjörgu Sólrúnu
Gísladóttur frekar en ummæli
hennar hefðu verið lesin fyrir Ás-
laugu Ragnars.
Það fer svo eftir atvikum hvort
Morgunblaðið leitar eftir áliti
manna eða birtir frá þeim vfirlýs-
ingu eða athugasemd eins og þessa
hér að framan frá Ingibjörgu Sól-
rúnu Gísladóttur.
HEIMSKLASSAKVOLUI
(:fl. 4AI
SUNNUDAGSKVÖLD
í tilefni opnunar Heilsustúdíósins,
Skeifunni 3c, efnum viö til sérstaks
hátíöarkvölds í Broadway.
Jónína Benedikts-
dóttir sýnir aerobic
Kári Ellertsson,
Hrafnhildur Val-
björnsdóttir og
Júlíus Ág. Guö-
mundsson sýna
»pósur“.
Karatesýning.
Prótein-bar verður
opinn á vegum Sól
hf.
Sólbaösstofan Sól-
bær kynnir starf-
semi sína.
Hin frábæra söngkona
Anna Carin Larsson
kemur fram og syngur
lög af nýútkominni LP
plötu sem ber heitið
Anna.
Anna hefur einmitt
sungið við opnun
World Class heilsustöðva
um allan heim
Matseðill
Rjómasúpa Argenteuil
Heiðarlamb m. villikryddsósu
Verð kr. 700
Aðgangseyrir kr. 300
BCCACWAT
Miðasala og borðapantanir í Broadway,
sími 77500
WorldClass
Heilsustúdh
Skeitunni 3, Reykjavík,
simi 39123.