Morgunblaðið - 26.01.1986, Blaðsíða 38
MORGUNBLAÐIÐ, SUNNUDÁGUR 26. JANÚAR1986
m bh
i
L)C tiEIMI EVIEAiyNEANNA
Donald Stuherland
leikur breska
liðþjálfann Peasy.
Háskólabíó:
FRELSISSTRÍÐ
BANDARÍKJANNA
HVERS vegna hefur engin viða-
mikii kvikmynd verið gerð um
frelsisstrfð Bandaríkjamanna
gegn Bretum 1775—1783? Það
var spurningin sem kvikmynda-
framleiðandinn Irwin Winkler
spurði sjálfan sig. Hann renndi í
gegnum kvikmyndasöfn og komst
að raun um að engin meiri háttar
mynd hafði verið gerð um þennan
merkisatburð, aðeins sjónvarps-
þáttur áríð 1976.
Irwin Winkler féllust ekki hend-
ur. Hann lét kanna þekkingu hins
almenna borgara á frelsisstríðinu
sem blossaði upp er nýlenduþing
Bandaríkjanna lýsti yfir sjálfstæði
sínu 4. júlí 1776. Niðurstaða könn-
unarinnar var Winkler ekki að
skapi. Flestir, aðallega ungt fólk,
hafði þá hugmynd um frelsisstríðið
að íbúar nýlendunnar hefðu rekiö
Breta burt þegar árið 1776 og lifaö
í sátt og samlyndi allar götur síðan.
Staðreyndin er hins vegar sú, að
húsbændur og hjú háðu grimmi-
lega baráttu, blóðuga styrjöld í sjö
ár eftir sjálfstæöisyfirlýsingu ný-
lenduþingsins. „Lái mér svo hver
sem vill fyrir að gera þessa mynd,"
segirWinkler.
Myndin sem Winkler talar um
heitir einfaldlega Bylting (Revolu-
tion) og er splunkuný; frumsýnd í
desember síðastliðnum. Há-
skólabíó mun taka hana til sýninga
á allra næstu dögum.
Það er ekkert áhlaupaverk að
gera mynd eins og Byltinguna.
Stærsti vandinn er hvesu fjarlæg
sagan er í tíma. Það kostar mikla
peninga og ærna fyrirhöfn að
endurskapa tvö hundruð ára
gamalt umhverfi. Winkler byrjaði á
því að ráða til sín færasta fólk sem
völ var á. Þeirra á meðal var bún-
ingahönnuðurinn John Mollo.
Hugh Hudson var fenginn til að
stjórna gerð myndarinnar. Winkler
er mjög hrifinn af fyrri myndum
Hudsons, en þær eru „Chariots
of Fire" og hin vandaða mynd um
Tarzan, „Greystoke".
Winkler og Hudson fundu engan
stað í öllum Bandaríkjunum sem
líktist New York gamla tímans, en
sagan gerist að miklu leyti í þeirri
borg. Og þar eð nausynlegar
breytingar, ef þær hefðu verið
leyfðar, mundu kosta u.þ.b. 40
milljón dali, ákváðu þeir félagar að
taka myndina í Bretlandi. Þeir
sömdu við Goldcrest, sem var í
mikilli uppsveiflu eftir vinsældir
myndanna „Chariots of Fire" og
„Gandhi". Nýja myndin varð næsta
stóra verkefni þessa ört vaxandi
fyrirtækis. Goldcrest lagði tii 15
milljón dali. Þrír frægir leikarar
voru ráðnir: Al Pacino, Nastassia
Kinski og Donald Sutherland. Þús-
undir aukaieikara voru fengnir til
að taka þátt í hópsenum og viða-
miklum bardögum milli hinna stríð-
andi fylkinga.
En kvikmyndatakan dróst á
langinn. Hugh Hudson er vandvirk-
ur og því seinvirkur. Al Pacino
veiktist og þúsundir voru á launa-
skrá meðan hann jafnaði sig.
Kostnaður fór því langt fram úr
áætlun. Hann er nú talinn vera um
25 milljónir dala. Framtíð Gold-
crest, stærsta kvikmyndaframleið-
anda á Bretlandseyjum, er því ekki
örugg.
Það eru liðin nær tvö ár síðan
íslenskum bíógestum gafst kostur
á að sjá Al Pacino í kvikmynd; það
var í Scarface. Byltingin er því
fyrsta mynd þessa merka leikara
síðan 1983. Al Pacino á aö baki
margar góðar myndir, en þær
helstu eru Guðfaðirinn I og II,
Serpico og Dog Day Afternoon.
Hann var útnefndurtil Óskarsverð-
launa fyrir allar þessar myndir, en
hlaut aldrei verðlaunin.
HJÓ
Sundurleitt fið leggur af stað í stríð gegn breska heimsveldinu.
Al Pacino og lelkstjórinn Hugh Hudson slappa af milli atriða.
Stjörnubíó:
Enn ein
unglingamyndin
— Helmingurinn af„MorgunverÖarklúbbnum"
hittist aftur i„St. Elmo’sFire“
sem Stjörnubíó sýnir ánœstunni
Unglingamyndum er hægt
skipa í marga flokka og einn
flokkurinn er klfkumyndir:
myndir sem segja frá krökkum
í klíku, öriögum þeirra og ást-
um. St. Elmo’s Flreer sú tegund
unglingamynda og það er
Stjörnubíó, sem mun sýna hana
á næstunni.
Efni myndarinnar er á þessa
leið; Krakkarnir í sjömannaklík-
unni eru eins ólík og þau eru
mörg en þau eru bundin sterkum
vináttu- og ástarböndum. Eitt
eiga þau sameiginlegt, þótt ólík
séu. Eigi eitthvert þeirra í vanda
koma hin til hjálpar, hvort sem
er á nóttu eða degi. Öll skólaárin
hafa þau lifað áhyggjulausu lífi
en nú, þegar alvara lífsins og
ákvarðanir blasa við kemur það
róti á klíkuna. Þau finna að slit
er komið í gamla þræði og brátt
muni leiðir skilja. Það veldur þeim
Joel Schumacher leikstjóri St.
Elmo’s Fire.
I
sársauka en styrkir þó á vissan
hátt tryggðabönd, sem aldrei
bresta.
Leiðtogi hópsins er Alec (Judd
Nelson). Hann veit hvað hann
ætlar að taka sér fyrir hendur,
stjórnmálin eiga hug hans allan.
Hann og Leslie (Ally Sheedy) búa
saman. Hún er arkítekt og Alec
vill giftast henni en Leslie er treg
í taumi. Kirbo (Emilio Estevez)
er í laganámi og af tilviljun hittir
hann Dale Biberman (Andie
MacDowell) og ástin blossar
upp. Dale er í læknisnámi og vill
lítið með Kirbo hafa. Og svo er
það vandræðagripurinn. Hann
heitir Billy (Rob Lowe) og er
drykkfelldur, óáreiðanlegur og
lauslátur. Hann skiptir vikulega
um starf og ábyrgðartilfinningu
þekkir hann ekki. Hann á konu
og barn en konan hans Wendy
(Mare Winningham) er að eilífu
skotin í honum. Kevin (Andrew
McCarthy) er hæglátur einfari.
Hann vill verða góður blaðamað-
ur og rithöfundur en ekkert bólar
á að þeir draumar rætist. Og svo
er það Jules (Demi Moore), sem
er ávallt hrókur alls fagnaðar —
falleg, fín og fjörug. Hún hefur
unun af næturlífi og vafasömum
hressingarlyfjum.
Leikararnir í St. Elmo’s Fire
eru, þótt ungir séu, talsvert vel
að sér í kvikmyndaleik og flestar
þær mynda sem þeir hafa leikið
í hafa verið sýndar hér á landi.
Emilio Estevez, sonur banda-
ríska leikarans Martins Sheen,
og Rob Lowe léku saman í mynd
Francis Ford Coppola The
Outsiders og Estevez lék einnig
í The Breakfast Club (Morgun-
verðarklúbburinn) ásamt þeim
Judd Nelson og Ally Sheedy. Rob
Lowe og Andrew McCarthy léku
saman i Class en óþarft er
kannski að taka fram að allt eru
þetta svokallaðar ungllngamynd-
ir.
Leikstjóri St. Elmo’s Fire er
Joel Schumacher en Car Wash
er sjálfsagt hans frægasta mynd.
— ai.