Morgunblaðið - 12.08.1986, Page 3

MORGUNBLAÐIÐ, ÞRIÐJUDAGUR 12. ÁGÚST 1986
3
Unnið að göngnm undir Miklubraut
o g Reykjanesbraut:
Framkvæmdum á að
ljúka í október
VINNA við bílagöng undir Miklubraut hefur nú staðið yfir í tæpa
tvo mánuði. Að sögn Ólafs Guðmundssonar, yfirverkfræðings í
gatnadeild borgarinnar, á framkvæmdum að ljúka fyrir 1. desem-
ber. Akreinarnar á Miklubraut munu þó komast í gagnið mánuði
fyrr. Einnig er unnið að göngum undir Reykjanesbraut, gegnt
Mjóddinni, fyrir gangandi vegfarendur. Þeim framkvæmdum
lýkur í október.
Göngin undir Miklubrautina
gera ökumönnum á vesturleið
kleift að keyra beint inn í nýja
miðbæinn. Lögð verður akbraut
bakvið bensínstöðina og eftir
henni er hægt að keyra undir
Miklubrautina inn í hverfið. Eins
geta menn á leið úr Kringlunni
ekið undir götuna og tekið stefn-
una í vesturátt. I göngunum
verður stétt fyrir gangandi veg-
farendur. Umferð af syðri akrein
Miklubrautar og inn á hana fer
ekki í gegnum göngin.
Að jafnaði vinna 20 manns að
undirgöngunum. Verktakafyrir-
tækið SH-verktakar annast
framkvæmdir. Sagði Olafur að
þær myndu kosta um 50 milljónir
króna. Göngin undir Reykjanes-
braut eru minni í sniðum. Þar er
verktaki Hamrafell hf. og verður
heildarkostnaður við þau um 8
milljónir króna.
Meðan á vinnu stendur við göngin undir Miklubraut er umferðinni veitt eftir bráðabirgðagötum.
Skurðurinn fyrir undirgöngin sést á miðri mynd.
Arnarflug:
Fyrri hluta
pílagríma-
flugs lokið
ARNARFLUG hefur nú lokið
fyrrihluta pílagrímaflugsins fyr-
ir Air Aigerie í Alsír. Seinni
hlutinn hefst í næstu viku. Verk-
efninu verður lokið 7. september.
Til flutninganna voru notaðar
fímm DC-8 þotur. Flogið var frá 7
borgum í Alsír til Jedda í Saudi-
Arabíu, með alls um 25.000 far-
þega. Aðaltrúarhátíð múhameðs-
trúarmanna „Hadj“ hefst nú í
vikunni og stendur til 18. ágúst.
Þegar henni lýkur flytur Arnarflug
pílagrímana til síns heima. Að sögn
Stefáns Halidórssonar, verkefnis-
stjóra, hafa um 160 manns starfað
við flugið á láði og í lofti. Um 90
þeirra eru Islendingar. Arnarflug
sér um nánast allt pílagrímaflug
Alsírmanna í ár og eru þotur þess
merktar báðum flugfélögunum.
Engey seldi
230 tonn
á rúmar
11,3 millj-
ónir króna
ENGEY RE seldi í Hull á mánu-
dagsmorgun 230 tonn fyrir
rúmar 11,3 milljónir króna, sem
gerir 49,33 krónur í meðalverð
á hvert kíló. Er þetta önnur
mesta sala í Englandi á þessu
ári. Afli skipsins var að mestu
leyti þorskur.
Ásgeir RE seldi í Grimsby 171
tonn á tæpar 7,7 milljónir króna,
meðalverð 45,00 krónur. Uppistaða
aflans var einnig þorskur. Þá seldi
Krossvík í Bremerhaven á mánu-
dagsmorgun 135 tonn, aðallega
karfa, á rúmar 5,3 milljónir, meðal-
verð 39,70 krónur.
Auglýsendur
athugið
Næstkomandi sunnudag
verður blaðið helgað afmæli
Reykjavíkurborgar og er
þeim auglýsendum sem hug
hafa á að auglýsa í blaðinu
vinsamlegast bent á að hafa
samband við auglýsingadeild
Morgunblaðsins sem fyrst en
eigi síðar en fyrir kl. 16.00
fimmtudaginn 14. ágúst.
Alpa og nýtt grœnmeti
... kalla f ram sólskinió