Morgunblaðið - 12.08.1986, Side 51

MORGUNBLAÐIÐ, ÞRIÐJUDAGUR 12. ÁGÚST 1986
51
VELVAKANDI
SVARAR í SÍMA
691100 KL. 11-12
FRÁ MÁNUDEGI
TIL FÖSTUDAGS
Þessir hringdu . . .
Sérkennilegl
hálsmen týndist
Helga hringdi:
„Á föstudaginn var ég niðri í
miðbæ og var þá svo óheppin að
tapa mjög sérkennilegu hálsmeni
með ljóni í miðjunni á einhvers
konar skildi. Keðjan í hálsmeninu
er fremur gróf.
Finnandi getur náð í mig í síma
671262 á kvöldin.
Slök skemmtun
hjá Faraldi
María Jóliannsdóttir hringdi:
„Ég var að lesa í Velvakanda
sl. föstudag frásögn konu sem
sagði sínar farir ekki sléttar af
samskiptum sínum við Faraldur.
Ég get nú ekki annað en tekið
heils hugar undir þessa gagnrýni.
í byijun júlí skemmti Faraldur í
Festi, Grindavík en það var nú
litla skemmtun að hafa af því.
Við hjónin fórum á þessa svoköli-
uðu skemmtun en þar voru ekkert
nema krakkar og skemmtiatriðin
vægast sagt bágborin.
Ég hef hingað til haldið mikið
upp á Amar Jónsson sem leikara
og hélt því að þetta yrði eitthvað
sérstakt en svo var ekki. Þetta
var hundleiðinlegt svo að við fór-
um út af miðju balli.“
Gult plastveski
týndist
íris hringdi:
Síðastliðinn miðvikudag varð
ég fyrir því óhappi að týna gulu
plastveski einhvers staðar milli
Stóragerðis og endastöðvar SVR
við Háaleitisbraut. Lítið var í
veskinu, nær eingöngu persónu-
legir munir sem mér þætti vænt
um að fá til baka.
Finnandi vinsamlega hringi í
síma 688071.
Úlpa gleymdist
á Laugum í
Hvammsfirði
EUen hringdi:
„Fyrir um þremur vikum fór
systir mín í sundlaugina að Laug-
um í Hvammsfirði. Meðal þess
sem hún hafði meðferðis var
dökkblá, fóðruð úlpa á um það
bil 7 ára stúlku. Þegar hún fór
gleymdi hún úlpunni og hefur
ekki getað náð sambandi við neinn
sem veit hvar úlpan er niðurkom-
in.
Ef einhver getur aðstoðað í
þessu máli er sá hinn sami vin-
samlega beðinn að hringja í síma
12252.“
Rétt mál
Sveinbjöm Beinteinsson
skrifar:
„Ég sá um daginn Morgun-
blaðið frá 17. júlí. Þar er grein
undir nafninu Réttu máli hallað.
Greinin er eftir Einar Einarsson
í Hveragerði og fjallar um þessa
vísu:
Ellin hallar öllum leik
ættum varla að státa.
Hún mun alla eins og Bleik
eitt sinn falla láta.
Vísan er prentuð i þremur út-
gáfum af ljóðum Páls Olafssonar,
nú síðast 1984. Vísan er þar með-
al annarra visna um Bleik, reið-
hest Páls, bls. 157 í útgáfu frá
1984.
Nú var vitað, þegar eftir að
fýrsta útgáfan kom á prent um
aldamótin, að vísan var eftir
Björgu Sveinsdóttur í Kilakoti í
Kelduhverfí. Þetta vissi líka Páll
þegar honum hafði verið bent á
það. Snæbjöm Jónsson bóksali
benti á það rétta í þessu máli í
Sagnakveri sem gefíð var út 1944.
En best er úr þessu greitt í þætti
eftir Árna Ola í bókinni Hverra
manna sem gefín var út 1971.
Þar er þáttur sem heitir Bjargar
þáttur á bls. 94 til 107.
Björg í Kílakoti var langamma
Árna svo honum var málið skylt
og heimildir kunnar. Systir Bjarg-
ar var Guðný móðir Kristjáns
fjallaskálds. Margt af þessu ætt-
fólki var skáldmælt.
Er hægt að bjóða
landsbyggðinni
hvað sem er?
Vinnufélagar fyrir austan
fjall hringdu:
„Við ætluðum að gera okkur
dagamun sl. fímmtudagskvöld og
fjölmenntum því á tískusýningu í
Eden í Hveragerði til þess að sjá
nýjustu hausttískuna. En viti
menn, Karon-samtökin sýndu þá
einungis útsölufatnað frá verslun-
unum Tangó og Dömugarðinum
í Reykjavík. Eða eins og þulurinn
sagði voru hér kynntir litir sem
eru búnir að renna sitt skeið í
bili. Því spyijum við: Hvað yrði
sagt ef verslanir úti á lands-
byggðinni færu til Reykjavíkur
og héldu tískusýningu þar á út-
sölufatnaði sem þær losnuðu ekki
við? Við erum ansi hræddar um
að það þætti heldur „sveitó" en
þetta er greinilega boðlegt fýrir
landsbyggðina."
Geiri og Gúa eru
frábær
Nokkur úr Fellahelli skrifa:
„Við erum nokkrir krakkar úr
Fellahelli og við viljum þakka
Geira og Gúu fyrir frábært starf
í diskótekinu og sjoppunni.
Geiri og Gúa, Fellahellir verður
aldrei sá sami aftur.“
Þessar ungu dömur efndu til hlutaveltu i Álftamýri 6 tíl ágóða fyr-
ir Styrktarfél. vangefinna, og söfnuðu rúmlega 1.800 krónum. Þær
heita Jóhanna M. Fleckenstein, Tinna Rúnarsdóttir og Lára M.
Fleckenstein.

Þessar dömur færðu Hjálparstofnun kirkjunnar rúmlega 1.000 kr.
að gjöf, en það var ágóðinn af hlutaveltu sem þær efndu til fyrir
nokkru.
n AMC Jeep
í 40 ár á íslandi
Það er staðreynd
að AMC Jeep er alltaf nr. 1

Cherokee 2ja dyra, kr. 990.000
Við bjóðum árgerð 1987
á sérstöku afmælistilboði
Snúum bökum saman
Spakur skrifar:
„Nú á þessum síðustu og verstu
tímum þegar allt virðist vera að
fara i hund og kött fer að verða
tímabært fyrir okkur íslendinga að
standa saman.
Svívirðileg framkoma Banda-
ríkjamanna gagnvart okkur, vina-
þjóð þeirra, í hvalveiðirnálum ætti
að vekja hvem heilvita mann til
umhugsunar.
Hlustum ekki á væmnar kerling-
ar og grasætur sem vilja leggja
skottið á milli fótanna í hvert sinn
sem einhveijir síðhærðir, afdankað-
ir og illa rakaðir hippar úti í heimi
þykjast ætla að fá almenning til
að hætta að borða íslenskan fisk.
Það er fjarstæða að þessir efna-
hagsskæruliðar eigi hug og hjörtu
almennings í Bandaríkjunum. Al-
menningur tekur álíka mikið mark
á þeim og hveijum öðrum öfgahóp
en af þeim er nóg í landi Rambós.
Siðprúði meirihlutinn, Hare krishna
og hvað þetta allt heitir eru hópar
af sama sauðahúsi og grænfriðung-
ar. Öfgamenn sem hlusta ekki á rök
annarra, koma bara saman á sínum
lokuðu klíkufundum og heilaþvo
hver annan.
Meirihluti Bandaríkjamanna er
hins vegar heiðvirt fólk sem hlustar
ekki á þvaðrið í þessum skýjaglóp-
um. Það er það fólk sem kaupir
fískinn okkar og það eru þeir sem
við eigum að beina orðum okkar til.
Blækumar í ráðuneytum kvik-
myndaleikarans geta bara leikið sér
með sínar skýrslur. Þeir eru bara
að gera það sem næsta pappírsæta
í skrifstofunni á hæðinni fyrir ofan
skipar þeim. Þetta eru sauðmein-
laus grey sem þrá bara að komast
heim til konunnar og hundsins á
kvöldin og hafa ekki minnsta áhuga
á hvalveiðum.
Við íslendingar erum eins og allt-
of sjaldan er bent á afkomendur
berserkja og vígamanna blandaðir
írskri þrætugimi og það er fyrir
neðan virðingu okkar að hlusta á
röflið í þessum hamborgaraætum."
Gerið verðsamanburð
Cherokee 4ra dyra, kr. 1.040.000
Stuttur afgreiðslufrestur
EGILL
VILHJÁLMSSON HF.
Smiðjuvegi 4, Kópavogi. Símar 77200 — 77202