Morgunblaðið - 16.04.1987, Side 19

MORGUNBLAÐIÐ, FIMMTUDAGUR 16. APRÍL 1987
19
HVERNIG VERÐ-
UR FLOKKUR TIL?
eftir Sólveigu
Pétursdóttur
Matthías Johannessen, skáld og
ritstjóri, skrifaði ævisögu Ólafs
Thors og kom hún út árið 1981
hjá Almenna bókafélaginu. Þetta
ritsafn er afskaplega merkilegt
fyrir margra hluta sakir, en
kannski ekki síst fyrir þær, að þar
er svo mikill fróðleikur um
íslenska stjómmálasögu saman
kominn.
Á bls. 79 í bókinni Ólafur
Thors, Ævi og störf I segir m.a.
svo um stofnun og tilurð Sjálf-
stæðisflokksins: „Sjálfsijóm,
Utanflokkabandalagið, þ.e. Morg-
unblaðsflokkurinn, Borgara-
flokkurinn (1923), Kosninga-
bandalagið og Sparnaðarbanda-
lagið vom vörður á langri og
villugjamri leið íslenskarar stjórn-
málasögu. En samtök þessi vom
til þess stofnuð að sameina and-
stæðinga Alþýðuflokks og
FVamsóknar undir eitt merki. Það
gekk þó brösulega. Flokkadrættir
vom miklir í röðum borgaralegra
stjómmálamanna. Fortíðin elti þá
eins og skuggi. Þeir vom sjálfum
sér sundurþykkir. En það sem
sameinaði þá voru andstæðing-
arnir og að dómi margra pólitísk
misnotkun þeirra á verkalýðsfé-
lögum og samvinnuhreyfingu.
Þeir áttu þá hugsjón að sætta
ólík þjóðfélagsöfl og gagnrýndu
t.a.m. forystu Alþýðuflokks og
Framsóknar fyrir óvild í garð sjáv-
arútvegsins." Og ennfremur segir
í sömu bók á bls. 81: „Flokkur
allra stétta var í deiglunni. En
áður en hann var fullmótaður úr
eldinum þurfti hann að herðast í
þeim tveimur flokkum, sem Sjálf-
stæðisflokkurinn óx úr, íhalds-
flokknum og Frjálslynda
flokknum." (Undirstrikanir em
mínar, S.P.).
Ólafur Thors
Sjálfstæðisflokkurinn
er síðan stofnaður
árið 1929!
Ástæðan fyrir því að ég rifja
þessi atriði nú upp er sú, að með
stofnun Borgaraflokksins gerir Al-
bert Guðmundsson tilraun til þess
að færa okkur 60 ár aftur í tímann.
Forystumenn hins nýja flokks guma
jafnvel af því, að stefnusrká hans
hafi verið samin á mettíma, 24
klukkustundum, af fólki, sem þekk-
ist sama og ekki neitt. Er ekki
ástæða til að gjalda varhug við
slíkum vinnubrögðum? Albert Guð-
mundsson hefur oftlega í viðtölum
rökstutt gerðir sínar, m.a. með
tilvísun til fallinna forystumanna
Sjálfstæðisflokksins, t.a.m. Ólafs
Thors, og sagt, að Borgaraflokkur-
inn ætti að líkjast Sjálfstæðis-
flokknum undir stjóm Ólafs.
Sjálfstæðisflokkurinn í dag væri
kaldur og andsnúinn mannúðar-
hyggju. I pólitík er ekkert óhugs-
andi. Það má því ekki láta hið
ótrúlega, þegar það gerist, koma
sér á óvart. En þessi rök Alberts
Guðmundssonar fyrir stofnun nýs
Borgaraflokks eru blekking. Þetta
er röksemd, sem gripið er til eftir
á og virðist notuð til réttlætingar á
athæfinu. Nú er Sjálfstæðisflokkur-
inn allt í einu orðinn einhver
„Grýla", sem öllu góðu fólki ber að
varast! Ekki er nóg með, að
„flokksræðið“ sé að sliga flokks-
menn, heldur er „miðstýringin“
aldeilis að kæfa þá. Þetta eru rök
a.m.k. nokkurra óánægðra sjálf-
stæðismanna, sem að eigin mati
hafa verið afskiptir í Sjálfstæðis-
flokknum og kannski ekki náð nógu
langt í prófkjörum á hans vegum.
Einhvem veginn hefur það á þann
veg æxlast, að málflutningur þess-
ara manna virðist ekki hafa hlotið
nægilegan hljómgrunn á vettvangi
Sjálfstæðisflokksins. Þannig er
þetta með lýðræðið. Meirihlutinn
ræður, það þykir eðlilegt. En em
þetta haldbær rök fyrir Albert Guð-
mundsson, sem hefur um áraraðir
verið einn helsti forystumaður sjálf-
stæðismanna og líklega aldrei orðið
undir í prófkjöri í Sjálfstæðisflokkn-
um? Þvert á móti er Albert búinn
að gegna flestum trúnaðarstörfum
á vegum Sjálfstæðisflokksins, sem
hann hefur sóst eftir, og komist til
æðstu metorða. Því vil ég svara
neitandi hvað Albert varðar. Þetta
kann að eiga við um nokkra með-
reiðarsveinanna, sem hugsa sér nú
gott til glóðarinnar. En við skulum
kalla hlutina sínum réttu nöfnum.
Hér er um persónulegan metnað
að ræða. Hér er spurningin um
vald, ekki málefni eða hugsjónir. í
þessum tilgangi er Borgaraflokkur-
inn stofnaður, hann er stofnaður
til höfuðs Sjálfstæðisflokknum.
Sá maður, sem hefur það beinlínis
að markmiði að kljúfa Sjálfstæðis-
flokkinn, getur ekki haldið því fram,
að hann sé sjálfstæðismaður í hjarta
sínu, eins og það hefur verið orðað.
Slíkt er ekkert annað en móðgun
við allt það fólk, sem lagt hefur til
hliðar öll ágreiningsmál og jafnvel
persónulegan metnað í þeim til-
gangi að stuðla að framgangi
sjálfstæðisstefnunnar. Þetta er
fólkið, sem hingað til hefur tengt
sjálfstæðismenn saman í eina órofa
fylkingu, þegar á reynir.
Nú heftir það gerst, að á 24
klukkustundum settu nokkrir
óánægðir sjálfstæðismenn ásamt
með fólki úr öðrum flokkum, m.a.
Alþýðubandalaginu, niður á blað
fáein atriði héðan og þaðan, sem
þeir segja stefnuskrá Borgara-
flokksins. Á þessi atburður að verða
til þess, að ötult starf sjálfstæðis-
manna, unnið á tæpum 60 árum,
glatist og hafí því verið unnið fyrir
gýg? Þetta er alvarlegasta tilraun
til að lama það afl, sem Sjálfstæðis-
flokkurinn hefur verið í íslenskum
stjómmálum frá stofnun hans 1929.
Engin ríkisstjóm, sem mynduð hef-
ur verið án þátttöku hans, hefur
þorað að ganga í berhögg við þau
grundvallarsjónarmið, sem Sjálf-
stæðisflokkurinn hefur lagt mesta
áherslu á.
Ástæðan er augljós, Sjálfstæð-
Albert Guðmundsson
Sólveig Pétursdóttir
„Nú er Sjálfstæðis-
flokkurinn allt í einu
orðinn einhver „Grýla“,
sem öllu góðu fólki ber
að varast! Ekki er nóg
með, að „flokksræðið“
sé að sliga flokksmenn,
heldur er „miðstýring-
in“ aldeilis að kæfa þá.“
isflokkurinn hefur frá stofnun
verið stærsta og áhrifamesta
stjórnmálaafl á íslandi.
Þetta má ekki breytast!
Sjálfstæðisflokkurinn gerir ekki
upp á milli manna, þar er mönnum
ekki skipt upp í hópa Iítilla
manna og öðruvísi manna! í Sjálf-
stæðisflokknum em allir menn
jafnir. Þar er einstaklingurinn í
öndvegi.
Ég vil að endingu hvetja menn
til að íhuga val sitt vel, er þeir
ganga til kosninga hinn 25. apríl
nk. Öflugur Sjálfstæðisflokkur er
eina tiyggingin gegn því, að glund-
roði hefji innreið sína í íslenska
pólitík á ný.
Höfundur skipar 7. sætiá fram-
boðslista Sjálfstæéisflokks i
Reykjavíkurkjördæmi.
Á sviðinu fer starfsmannakórinn í Húnaríki á kostum.
Morgunblaðið/Jón Sig.
Stormur í glasi
hjá Leikfé-
lagi Blönduóss
Blönduósi.
HJÁ Leikfélagi Blönduóss er
nú að ljúka æfingum á leikverk-
inu Stormur í glasi sem fjallar
um máttarstólpa og minnipoka-
menn í samfélaginu. Höfundur
þessa verks er Örn Ingi en
ýmsir Ieikfélagar hjá Leikfé-
lagi Blönduóss hafa lagt verk-
inu lið. Storminn á að frumsýna
nk. laugardag í félagsheimilinu
á Blönduósi.
Þessi frumsýning Leikfélags
Blönduóss er alheimsfrumsýning
og frumandinn í þessari upp-
færslu austur-húnvetnskur. Om
Ingi er aðalhöfundur verksins og
er hann jafnframt leikstjóri og
hönnuður leikmynda og búninga.
Örn Ingi sagði í samtali við
Morgunblaðið að æfingar hefðu
hafist um miðjan febrúar og allt
frá þeirri stundu hefði leikritið
verið að taka breytingum og að-
lagast þeim leikurum sem með
hlutverkin fara. Öm Ingi sagði
að ekki væri um að ræða sérhún-
vetnskan kabarett, en þó bæri
þessi uppfærsla þó nokkum keim
af sínu nánasta umhverfi.
Leikritið gerist á einum sólar-
hring í Húnaríki, bráðhugguleg-
um skemmtistað í byggðarlaginu,
o g má segja að starfsfólk
skemmtistaðarins innrammi allt
sem viðkemur þessu leikverki eins
og Öm Ingi orðaði það. Það hefur
hvflt töluverð leynd yfir verkinu
í allan vetur og bæði höfundur
og leikarar varist flestra frétta,
en eitt er víst, að á íjölum Leik-
félags Blönduóss verður ýmislegt
afhjúpað og atriði sem einungis
heimsreisufarar verða vitni að
sjást á Blönduósi nk. laugardag.
34 leikarar taka þátt í þessari
uppfærslu en í allt hafa unnið við
leikritið á milli 55 og 60 manns.
— Jón Slg.