Morgunblaðið - 27.05.1988, Síða 41

MORGUNBLAÐIÐ, FÖSTUDAGUR 27. MAÍ 1988
41
Um höfunda-
og útgáfurétt
Leiðréttur misskilningur ritstjóra Skírnis
efiir Hannes Jónsson
I Morgunblaðinu í dag er „At-
hugasemd" eftir Vilhjálm Áma-
son, ritstjóra Skímis, þar sem
hann lýsir furðu sinni og vanþókn-
un á því, að ég birti grein mína
„Varnar- og öryggismálin í nýju
ljósi" í Morgunblaðinu 11. þ.m.
Segir hann mig hafa „svikið bæði
ritstjóra Skímis og Morgunblaðs-
ins“ með þeim verknaði, „því ekki
trúi ég því, að þeir (Mbl.) hafi birt
grein Hannesar vitandi að hún er
hluti af ritgerð úr Skírni“.
Hér er í stuttu lesmáli merkilega
margt og mikið missagt, sem þarf
að leiðrétta.
1. Morgunblaðsgrein mín er
ekki „orðrétt samhljóða síðasta
hluta ritgerðar" minnar „Forsend-
ur og framtíð íslenskra öryggis-
mála“, sem birt var í vorhefti
Skímis 1988 og kom út áður en
Mbl. birti grein mína. Getur hver
einasti lesandi beggja greinanna
sannfært sig um þetta með saman-
burði. Skímisgreinin er samin til
birtingar í tímariti, Morgunblaðs-
greinin til birtingar í dagblaði.
Tímaritsgreinin er um þrefalt
lengri en dagblaðsgreinin í hand-
riti. í Skímisgreininni er margt,
sem ekki er í Morgunblaðsgrein-
inni og margt er í blaðagreininni,
sem ekki er í tímaritsgreininni,
þótt báðar fjalli í meginatriðum
um sama efni, hvor með sínum
hætti, önnur lúti stíllögmáli tíma-
ritsgreina, hin dagblaðsgreina.
2. Ég samdi ekki Morgunblaðs- ■
greinina fyrr en eftir símasamtal
við Styrmi Gunnarsson, ritstjóra,
þar sem ég sagði honum frá
Skímisgreininni og spurði hvort
hann hefði áhuga á, að ég tæki
saman styttri grein fyrir Morgun-
blaðið um sama efni. Hann sagði
að blaðið yrði opið fyrir henni, svo
sem raun ber vitni á bls. 24, 25
og 42 í Mbl. 11. þ.m. „Trú“ V.Á.
um að einhver svik hafí verið í
tafli gagnvart Morgunblaðsrit-
stjóranum byggist því á röngum
getsökum og vísa ég henni til föð-
urhúsa.
3. Mér er einnig hulin ráðgáta
á hvem hátt ritsjóri Skímis rétt-
lætir það sjónarmið, að ég hafi
svikið sig með birtingu Morgun-
blaðsgreinarinnar. Hann vissi áður
en Skímisgreinin birtist, að ég
ætlaði að skrifa styttri grein um
þetta efni til birtingar annars stað-
ar. Einnig vissi hann, að ég hef
all lengi unnið að rannsóknum og
ritstörfum með það fyrir augum
að birta að forfallalausu á þessu
eða næsta ári bók um „þróun
íslenska ríkisins og utanríkis- og
ö'Tggisstefnu þess“. Honum var
því Ijóst, að ég myndi halda áfram
að vinna að rökrænni greiningu
þessara mála og birta ýmsa þætti
þess hér og þar, eftir því sem
hugur stæði til. Hann setti engin
einkaréttarskilyrði fyrir að birta
grein mína í Skírni og ég afsalaði
mér ekki einkarétti mínum til að
birta. verk mitt „í upphaflegri
mynd eða breyttri", en rétt þennan
á hver höfundur samkvæmt 3. gr.
höfundarlaga nr. 73/1972. Ekki
hefur heldur verið gert framsal á
höfundarétti til Skímis eða neins
annars. Það er því meiri háttar
misskilningur ritstjórans að telja
höfund Skírnisgreinarinnar hafa
svikið Skími með því að birta í
Mbl. grein um sama efni í styttu
og breyttu formi nokkru eftir út-
komu Skímis, sbr. einnig 33 gr.
höfundarlaga.
í ljósi framanritaðra staðreynda
vísa ég öllum svikabrigslum rit-
stjóra Skímis til föðurhúsa sem
markleysu.
Ritstjóri Skírnis biður lesendur
tímaritsins afsökunar á, að ég
skuli hafa birt í Morgunblaðinu
styttri grein um sama efni og
Skímisgrein mín fjallar um. Ég
vil á hinn bóginn hvetja lesendur
Morgunblaðsins, sem áhuga hafa
á utanríkis- og öryggismálum, til
þess að lesa Skímisgreinina og
lesendur Skímisgreinarinnar til að
lesa Morgunblaðsgreinina. í báð-
um er fjallað um mjög mikilvægt
mál, sem vert er að skoða nánar.
Greinamar bæta hvor aðra upp. í
báðum er margt umhugsunarvert,
sem er ekki í hvorri þeirra fyrir
sig, þótt meginskoðunin í niður-
stöðum beggja sé eðlilega hin
sama.
Reykjavík, 14. maí 1988.
Athugasemd ritstjóra
í samtali við Hannes Jónsson
var sérstaklega tekið fram, að
ekki væri unnt að birta sömu grein
í Morgunblaðinu og Skírni. Hins
vegar væri blaðið reiðubúið að
birta grein um sama efni, sem
skrifuð væri fyrir Morgunblaðið.
Grein Hannesar Jónssonar í
Mbl. er u.þ.b. 270 dálksentimetr-
ar. Samkvæmt athugun eru um
160 dálksentimetrar sami texti og
í Skími.
Sápugerðin Frigg hefur hafið
framleiðslu á tauþvottalegi.
Tauþvotta-
lögur frá
Frigg
SÁPUGERÐIN Frigg hefur nú
hafið sölu á tauþvottaleginum
Bio-Iva. Tauþvottalögur er fljót-
andi lögur sem er notaður á sama
hátt og þvottaduft.
Tauþvottalögur er nýjung á ís-
landi og reyndar er Bio-íva fyrsti
tauþvottalögurinn sinnar tegundar
á íslandi. Tauþvottalögur hefur á
síðustu árum rutt sér til rúms bæði
í Evrógu og Bandaríkjunum.
Bio-Iva er ætlað fyrir allar tau-
tegundir, allar þvottavélategundir
og öll hitastig. Kostir Bio-íva eru
að það nær fullri virkni fyrr en
þvottaduft. Bio-íva rennur beint
niður í vélina og leysist strax upp
í þvottavatninu. Með Bio-íva þarf
því engan forþvott.
Bio-Iva inniheldur m.a. ensím
sem leysa auðveldlega upp erfiða
bletti (svita, súkkulaði, eggjahvítur,
blóð, grasgrænu, olíuóhreinindi
o.fl.).
Tappinn er notaður sem mæliein-
ing og nægilegt er að nota hálfan
tappa í hvern þvott.
(Fréttatilkynning)
Ananda Marga:
Námskeið í
hugrækt og
matreiðslu
Hugræktarskóli Ananda Marga
heldur um þessar mundir námskeið
og einkatíma í alhliða jóga og hug-
rækt. Þá býður Ananda Marga
einnig upp á námskeið í matreiðslu
heilsufæðis.
Nor mark
sjálfum sér Ukur
Frumlegur, fyndinn, hlýr.
- Einfaldlega góður.
„Bækurfallaeinogein
allarsaman holastein!"
Fimm fyrstu bækur Þórarins fást nú í einu failegu
bindi og á verði einnar: Kvæði, Disneyrímur,
Erindi, Ofsögum sagt og Kyrr kjör.
500 blaðsíður með skemmtilegum kvasðum og
sögum. Tilvalin stúdentsgjöf!
Síðumúla 7-9. Simi 688577. Laugavegi 18. Sími 15199-24240.