Morgunblaðið - 14.07.1988, Blaðsíða 31
MORGUNBLAÐIÐ, FIMMTUDAGUR 14. JÚLÍ 1988
31
Morgunblaðið/JI
Sólveig Erlendsdóttir með stóra bikarinn sinn fyrir sigur í árlegu
sjóstangaveiðimóti, sem fram fer á Akureyri, ísafirði og í Eyjum.
Mér leið eins og feg-
urðardrottningn
- segir Sólveig Erlendsdóttir, sem
sigraði í árlegu sjóstangaveiðimóti,
sem fram fór á Akureyri, Vest-
mannaeyjum og ísafirði
Solveig Erlendsdóttir, 42 ára gömul og fjögurra barna móðir á
Akureyri, skaut eiginmanni sinum og öðrum karlmönnum ref fyrir
rass þegar hún sigraði á árlegu sjóstangaveiðimóti, sem haldið er á
þremur stöðum á landinu. Eftir samanlagðan stigafjölda úr öllum
þremur keppnunum, kom í ljós að Sólveig hafði sigrað og var henni
afhentur veglegur farandbikar í lokahófi á Isafirði fyrir skömmu.
Hjónin Úlfar Agústsson og Jósefíra Gisladóttir frá ísafirði gáfu
bikarinn til keppninnar árið 198'j í tilefni af 50 ára afmæli vinar
þeirra Theódórs Norðkvists og hefur bikarinn siðan þá gengið manna
á meðal i þessum árlegu keppnum.
Fyrsta keppnin er ávallt haldin á
haustin á Akureyri, síðan er haldið
til Vestmannaeyja um hvítasunnu
þar sem fer fram önnur umferð og
þriðja og síðasta keppnin fer fram
á Isafirði á sumrin þar sem fæst
úr því skorið hver hefur haft heppn-
ina með sér. Þetta er í fyrsta og
eina skiptið sem kvenmaður hefur
hreppt hnossið og hefur bikarinn
alltaf farið til Akureyrar utan einu
sinni er hann fór til Eyja. Andri
Páll Sveinsson húsvörður í Glerár-
skóla fékk bikarinn árið 1983, árið
eftir vann hann Páll A. Pálsson ljós-
myndari, Jóhann Kristinsson for-
stjóri bifreiðaverkstæðisins Viking
fékk hann 1985, Matthías Einars-
son varðstjóri 1986 og Amþór Sig-
urðsson kokkur og útgerðarmaður
í Eyjum í fyrra.
Keppendur í ár vom alls 42, þar
af tíu konur, og á þetta sport sívax- e
andi vinsældum að fagna. Stóri
farandbikarinn var ekki bara einn
og yfirgefinn á hillunum heima hjá
Sólveigu þegar blaðamaður heim-
sótti hana í vikunni, heldur mátti
sjá mun fleiri verðlaunagripi, sem
hún hafði unnið sér inn síðan árið
1984, en það var fyrst þá sem eigin-
manninum, Magnúsi Ingólfssyni,
tókst að draga hana út á sjó með
sér. „Hann var búinn að nauða í
mér í fleiri ár, en ég bókstaflega
hélt að ég yrði sjóveik. Það var ein-
mitt í Eyjum að ég fór á sjóinn í
fyrsta sinn. Maðurinn minn fór í
keppnina þar og eg fór með til að
skoða mig um. Eg var hinsvegar
komin með bakteríuna áður en ferð-
inni lauk og hef verið óstöðvandi
síðan.“
Haldið er á miðin í bítið á morgn-
ana og dorgað viðstöðulaust í átta
klukkutíma. Hver keppandi hefur
sinn kassa til að fiska í og eftir að
komið er að landi, er fiskurinn
mældur, vigtaður og aðgerður.
Ákveðnar keppnisreglur segja þó
til um að ýsa megi ekki vera styttri
en 45 sm og þorskur að lágmarki
50 sm. Ef afli er undir þessurn
málum, verður einfaldlega að henda
honum. Sólveig segir suma fiskna
og aðra ekki. Yfirleitt væru það
sömu manneskjurnar sem væru að
bítast um efstu sætin. „Sjálfur get-
ur maður fiskað látlaust, en svo
getur næsti maður við hliðina á
manni staðið með veiðistöngina
tímunum saman án þess að draga
haus eða sporð úr sjó. Ég hafði
ekki minnsta grun um að ég hefði
unnið keppnina í ár og vissi ekkert
af því fyrr en úrslitin voru tilkynnt
í lokahófinu á ísafirði. Mér leið eins
og fegurðardrottningu, held ég
bara, ég varð svo steinhissa," segir
Sólveig og hlær.
Fyrir utan einstaklingsbundinn
árangur, er keppendum skipt upp
í sveitir, íjögurra manna karla- og
kvennasveitir, og fara þeir sem eru
saman í sveit aldrei á sama bátinn.
Sérstakir bikarar eru veittir til
stigahæstu sveitanna og fóru þeir
báðir til Akureyrar að þessu sinni. ■
Sveit Sólveigar, sem einnig skipa
þær Linda Ragnarsdóttir, Helga
Sigfúsdóttir og Friðrikka Árnadótt-
ir, hlaut kvennabikarinn og karla-
bikarinn fór til Akureyringanna
Rúnars Sigmundssonar, Páls A.
Pálssonar, Bjarka Arngrímssonar
og Kristmundar Björnssonar.
Sólveig sagði þau hjónin eiga
bát, sem þau notuðu mikið til veiða,
og færu þau yfirleitt á sjóstöng við
Hrísey. Áðspurð um önnur áhuga-
mál fjölskyldunnar, sagði Sólveig
alla fjölskylduna stunda skíði á vet-
urna auk þess sem þau hjónin spil-
uðu saman badminton á vetuma.
Akureyri, sem miðstöð fiármálalífs:
)
Næsta skref verði til
dæmis kaup á banka
— segir Sigfús Jónsson bæjarsljóri
„Markmiðið með stofnun
Kaupþings Norðurlands hf. var
einn þáttur í því að efla Akur-
eyri sem miðstöð viðskipta og
þjónustu á Norðurlandi en ekki
það að fyrirtækið sjálft veitti
fjölda manns atvinnu," segir í
svari Sigfúsar Jónssonar bæjar-
stjóra til Heimis Ingimarssonar
bæjarfulltrúa, sem spurði á
siðasta fundi bæjarstjórnar á
hvern hátt starfsemi Kaupþings
Norðurlands hf. hefði komið
atvinnulifi á Akureyri til góða.
Mat bæjarstjóra er að fyrirtæk-
ið hafi, þótt smátt sé, náð mark-
miði sínu í að efla Akureyri sem
miðstöð viðskipta og þjónustu og
má nefna að útibú frá verðbréfa-
fyrirtæki í Reykjavík hefur fylgt
í kjölfarið. Bæjarstjóri lítur svo á
að atvinnumálanefndar bíði enn
frekari verkefni í að efla Akureyri
sem miðstöð ijármálalífs í fjórð-
ungnum, til dæmis með því að
kaupa banka.
Kaupþing Norðurlands hf. var
stofnað í apríl á síðasta ári að til-
hlutan Akureyrarbæjar. Hluthafar
auk bæjarins eru Kaupþing hf.,
Kaupfélag Eyfirðinga og sjö spari-
sjóðir á Norðurlandi. Félagið hefur
starfað af fullum krafti í níu mán-
uði eða frá því í september og eru
starfsmenn tveir.
Útihraðskák-
mót í göngu-
götunni
Skákfélag Akureyrar og Hljóð-
bylgjan standa fyrir útihrað-
skákmóti á morgun, föstudag,
í göngugötunni. Fremstu skák-
menn Akureyrar taka þátt i
mótinu auk tveggja skákmanna,
sem valdir voru í unglingalands-
liðið er heldur til Danmerkur í
næstu viku.
Keppt verður á sex til sjö borð-
um og geta vegfarendur fylgst
með gangi mála frá kl. 14.00 á
morgun. Bikar verður veittur fyrir
fyrsta sætið auk verðlaunapeninga
úr gulli, silfri og bronsi, fyrir þijú
efstu sætin.
58 atvinnu-
lausir í maí
í lok maímánaðar voru 58
manns skráðir atvinnulausir á
Akureyri, 27 konur og 31 karl.
Á sama tíma fyrir ári voru 50
á skrá, 26 konur og 24 karlar.
Fjöldi atvinnuleysisdaga svarar
til þess að 49 manns hafi verið
atvinnulausir allan mánuðinn. Á
landinu öllu voru skráðir tæplega
12 þúsund atvinnuleysisdagar í
maímánuði sem svarar til þess að
544 hafi að meðaltali verið á at-
vinnuleysisskrá í maí eða 0,4% af
áætluðum mannafla á vinnumark-
aði.
í framhaldi var leitað til Kaup-
þings Norðurlands hf. og fyrirtæk-
ið beðið um að svara því hver
áhrifin væru af starfseminni. í
svarinu kemur fram að fyrirtækið
hefur miðlað verulegum fjár-
hæðum til fyrirtækja, einstaklinga
og stofnana hér á Norðurlandi
með sölu skuldabréfa, til dæmis
má nefna bréf Akureyrarbæjar.
Samkvæmt úttekt á greiðsluflæði
fjár um Kaupþing Norðurlands
hf., inn og út af svæðinu Norður-
land, þá hefur mun meira §ár-
magn komið inn á svæðið en farið
út af því og er hér um tugi millj-
óna að ræða. Fyrirtækið hefur
flutt þekkingu og þjónustu á sviði
verðbréfaviðskipta til Norðurlands
sem ekki var til staðar utan
Reykjavíkur áður. Þá hefur fyrir-
tækið aukið upplýsingaflæði til
Norðurlands, til dæmis með náms-
stefnu um fjármagnsmarkaðinn
og fundum um efnahags- og hús-
næðismál. Starfsemi Kaupþings
Norðurlands veitir bönkum og
sparisjóðum samkeppni og aðhald,
segir í svari fyrirtækisins.
Morgunblaðið/Benedikt H. Guðmundsson
Seglum þöndum
Mikið siglingamót var haldið á Akureyri um síðustu helgi og voru
þátttakendur um 50 talsins. Hart var barist, en félagar í Ými í
Kópavogi voru iðnastir við að safna verðlaunum. Myndin er tekin
er keppnin stóð sem hæst.
Ferðafólk
á Akureyri
Verzlun okkar er við göngugötuna
í þessu fallega húsi (gömlu París).
Við seljum fatnað á unga sem aldna
og margt fleira áhugavert.
Ferðafólk hefur stundum ekki ratað
til okkar.þvíbendum
viðágömlu París, þar
erumviðtil húsa.
Verið öll velkomin.
Stgítbar Gubtmmílssonarhf
HAFNARSTRÆTI 96 SÍMI96-24423 AKUREYRI