Morgunblaðið - 14.07.1988, Blaðsíða 13
MORGUNBLAÐIÐ, FIMMTUDAGUR 14. JÚLÍ 1988
V erslunarmannahelgin:
Útihátíðir
um land allt
NOKKRAR útíhátíðir verða haldnar um verslunarmannahelgina, í
Galtalækjarskógi, Atlavík, Vestmannaeyjum, Vík í Mýrdal og á Mel-
gerðismelum i Eyjafirði. Flestar þessara hátíða eru hefðbundnar
þótt dagskráin sé breytileg frá ári til árs. Ekki er haldin hátíð í
Húsafelli í ár, en þar var ein fjölmennasta hátíðin i fyrra.
Að sögn forsvarsmanna hjá Ung-
menna- og íþróttasambandi Austur-
lands, sem heldur hátíðina í Atlavík,
er þar ýmislegt á dagskrá. Samið
hefur verið við hljómsveitimar
Stuðmenn, Strax og Bubba
Morthens og hljómsveit. Einnig er
hugsanlegt að Megas, Bjami Ara-
son og hljómsveit og Sú Ellen fáist
á hátíðina.
Að bindindismótinu í Galtalækj-
arskógi standa Umdæmisstúkan nr.
1 og íslenskir ungtemplarar. Af
dagskránni má nefna hljómsveit
Birgis Gunnlaugssonar og ungl-
ingahljómsveitimar Kvass og Fjör-
kalla sem báðar eru íslenskar og
„Que“ frá Danmörku. Pálmi Gunn-
arsson, tríóið_ „Fine Country Kids“
frá Kanada, Ómar Ragnarsson, Jó-
hannes Kristjánsson eftirherma og
Jón Páll Sigmarsson skemmta einn-
ig mótsgestum.
Fyrirtækið Fjör hf. stendur fyrir
útihátíð á Melgerðismelum í Eyja-
firði og að sögn Ómars Pétursson-
ar, eins af forsvarsmönnum há-
tíðarinnar, er um 20 mínútna akst-
ur á Melgerðismela frá Akureyri.
Hljómsveitin „Big Country" frá
Skotlandi skemmtir á hátiðinni og
af íslenskum hljómsveitum má
nefna Sálina hans Jóns míns, Skrið-
jökla, Sniglabandið og hljómsveit-
ina Víxlar í vanskilum og ábeking-
ur. Þá skemmtir hljómsveitin Vik-
ing band frá Færeyjum, en hljóm-
sveitin flytur íslensk lög með fær-
eyskum textum. Af öðrum dag-
skráratriðum má nefna Spaugstof-
una og haldin verður hljómsveitar-
keppni.
I Eyjum verður að venju þjóð-
hátíð um verslunarmannahelgina.
Iþróttafélögin í Vestmannaeyjum;
Týr og Þór skiptast á um að halda
hátíðina. í ár er það Þór sem sér
um framkvæmdina en félagið á 75
ára afmæli í haust. Auk hefðbund-
inna dagskrárliða svo sem messu,
hátíðarræðu, bjargsigs og brekku-
söngs, skemmta Jón Páll og Hjalti
Ursus, Jóhannes Kristjánsson eftir-
herma og Halli og Laddi.
Lagið „Ég meyjar á kvöldin
kyssi," hefur verið valið þjóðhá-
tíðarlag Vestmannaeyja 1988. Ólaf-
ur M. Aðalsteinsson, kirkjugarðs-
vörður í Eyjum, samdi lagið ogtext-
inn er eftir Guðjón Weihe.
í Vík í Mýrdal verður haldin hát-
íðin Vík 88. Hátfðina halda Ung-
mennafélagið Drangur og Björgun-
arsveitin Víkveiji. Að sögn for-
svarsmanna hátíðarinnar er um
fjölskylduhátíð að ræða og munu
i;
Morgunblaðið/Einar Falur
Frá útihátiðinni í Húsafelli í fyrra.
hátíðargestir una sér við útivist,
siglingar og hestamennsku. Hesta-
leiga verður á staðnum. Á laugar-
dag kemur Jón Páll Sigmarsson og
dregur tæplega 6 tonna hjólabát. Á
kvöldin leikur hljómsveitin Kaktus
fyrir dansi. Gestir þurfa ekki að
borga aðgangseyri annan en leigu
á tjaidstæði.
Að sögn forsvarsmanna flestra
hátíðanna er miðaverð á útihátíðim-
ar enn ekki fastákveðið. Boðið er
upp á sértilboð ferða á flestar há-
tiðimar og standa samningar enn
yfir í sumum tilvikum en þessi mál
skýrast væntanlega á næstunni.
Nokkrar hátíðir, sem haldnar
voru í fyrra, hafa nú lagst af. Mjög
fjölmennt var í Húsafelli um versl-
unarmannahelgina í fyrra, en sam-
kvæmt upplýsingum frá Ung-
mannasambandi Borgarfjarðar var
ekki lagt í að halda aðra hátíð f
ár, fyrst og fremst vegna mikils
löggæslukostnaðar.
Um verslunarmannahelgina árin
1986 og 1987 var haldin Skeljavík-
urhátíð af félagasamtökum á
Hólmavík. Hátíðin verður ekki hald-
in í sumar og sagði sveitarstjóri að
aðalorsökin fyrir því væri sú að
íbúar Hólmavíkur væm of fáir til
að standa í slíkum stórræðum.
Á útihátíðina Gaukurinn 87, sem
Héraðssambandið Skarphéðinn
hélt, mættu fáir sem allir fengu
endurgreitt. Að sögn forsvars-
manna Héraðssambandsins munu
þeir hvíla sig á hátíðarhöldum í ár
en í fyrra var tap vegna hátíðarinn-
ar nokkuð. Að fmmkvæði nokkurra
einstaklinga vom haldnir tónleikar
við Kerið sfðasta haust og rann
ágóði af þeim til Héraðssambands-
ins. Minnkuðu skuldir vegna Gauks-
ins 87 þá til muna.
Öflug löggæsla verður um versl-
unarmannahelgina og það er von
forsvarsmanna hátíðanna að mesta
skemmti- og ferðahelgi landsmanna
líði vandræða- og slysalaust.
BKCAID
WAT
Hraustur staður
ÚTSALA - ÚTSALA
Við seljum úrval notaðra uppítökubíla í eigu Bílvangs með stórkostlegum
afslætti frá neðangreindu verði og góðum greiðslukjörum
Tegund Arg. Km/þús. Verð
Opel Ascona Fastback ’85 21 460.000
Saab 90 2 dyra '85 50 450.000
Opel Kadett 2 dyra ’85 25 350.000
Chev. Caprice Classic d. '85 70 850.000
Toyota Tercel 4x4 '84 73 430.000
Chev. Monza SL/E, bsk. ’87 23 495.000
Chev. Monza SL/E, sjsk. '87 69 545.000
Chev. Monza, 3 dyra '86 25 450.000
Ford Fiesta ’86 36 300.000
Saab 900 '80 134 220.000
Suzuki Alto ’81 85 100.000
Ch. BlazerSIOsjsk. '85 41 m 990.000
Lada Sport '84 74 210.000
Ch. Blazer S10 sjsk. ’83 80 780.000
Ford Fiesta >82 99 130.000
Mazda 626 4 dyra ’81 80 240.000
Mazda 323 ’81 95 170.000
Opel Kadett Caravan ’85 37 430.000
Lada Samara ’86 8 200.000
Isuzu Gemini ’81 61 120.000
Opel Corsa '87 36 330.000
Opel Kadett ’87 18 470.000
GM II
OPEL ISUZU
Skelltu þér á ódýran bíl
frá okkur fyrir sumarfríið
BÍLVANGURsf
HÖFÐABAKKA 9 SIMI 687300
Bein lína sími 39810