Morgunblaðið - 07.08.1988, Page 5
MORGUNBLAÐIÐ, SUNNUDAGUR 7. ÁGÚST 1988
5
Egilsstaðir og Fellabær:
Malarnám ógnar
vatnsbólum 1.600
manna byggðar
Egilsstöðum.
GRUNNVATNSSTAÐA í vatns-
bólum Egilsstaða og Fellabæjar
hefur lækkað verulega vegna
malarnáms Vegagerðar ríkisins
úr botni Eyvindarár og hefur
borið á vatnsskorti af þessum
sökum. Vatnsból þessara bæja
eru á Egilsstaðanesi sitthvoru-
megin við núverandi flugbraut
og fá þau vatn úr Eyvindará
sem síast hefur í gegn um mal-
arlög í Egilsstaðanesi.
Á undanförnum tveimur árum
er áætlað að Vegagerð ríkisins
hafi tekið nálægt 70 þúsund rúm-
metra af möl úr eyrum við ána
og árbotninum. Þetta hefur orðið
til þess að yfírborð árinnar hefur
lækkað verulega en það leiðir til
lækkandi grunnvatnsstöðu á Eg-
illsstaðanesi og virðist sú lækkun
nema um einum metra. Tækni-
fræðingar Egilsstaða og Fellabæj-
ar hafa áhyggjur vegna þessa og
hafa verið haldnir tveir fundir með
hagsmunaaðilum til að leita leiða
til úrbóta.
Fyrir tveimur árum hóf Vega-
gerðin stórfellt malarnám úr Ey-
vindará og eyrum hennar á Egils-
staðanesi og er áætlað að á því
tímabili hafi verið teknir um 70
þúsund rúmmetrar af möl úr ánni
en það jafngildir rúmlega 10 þús-
und vörubílsförmum. Síðan hefur
grunnvatnsstaðan ekki mátt vera
lægri á haustin en verið hefur svo
ekki hljótist af stórfelld vandræði
og alvarlegur vatnsskortur bæði á
Egilsstöðum og í Fellabæ. Á
haustin er vatnsnotkun mikil í
þessum bæjum m.a. vegna rekstr-
ar tveggja sláturhúsa samfara
lágri grunnvatnsstöðu af náttú-
runnar völdum. „Við þolum því
alls ekki þessa lækkun af manna-
völdum og væntum þess að Vega-
gerðin geri þær lagfæringar sem
þarf til að hækka yfirborð Eyvind-
arár aftur,“ segir Hafsteinn Sæ-
mundsson sveitarstjóri Fella-
hrepps. Lækkandi vatnsborð eykur
líka dælingarkostnað verulega
bæði vegna öflugri og dýrari dælu-
búnaðar og aukinnar rafmagn-
snotkunar. Kostnaður við borholur
og brunna verður líka mun meiri.
Svo er líka óvíst hversu lengi e'r
hægt að fá vatn af þessu svæði
ef malarnámi verður haldið áfram
á eyrum Eyvindarár svo því verður
að linna, segir Hafsteinn Sæ-
mundsson.
Hagsmunaaðilar sem eru
RARIK, Fellahreppur, Egilsstaða-
bær ásamt landeigendum og Orku-
stofnun hafa haldið tvo fundi um
málið og réynt að finna leiðir til
úrbóta en ákvörðun um lagfæring-
ar liggur ekki fyrir. Ljóst er að
núverandi vatnsból Fellabæjar fer
undir nýja Egilsstaðaflugvöllinn
og er áformað að gera nýtt vatns-
ból fýrir Fellabæ austan við flug-
brautina á svipuðum stað og Egils-
staðabær er með sín vatnsból.
Sérfræðingar Orkustofnunar hafa
verið til ráðgjafar vegna þessa.
Jafnframt hafa þessi sveitarfélög
lagt í kostnað við að kanna önnur
svæði til vatnsöflunar en Haf-
steinn segir þau ekki hafa verið
fýsileg og áfram verði tekið vatn
á Egilsstaðanesi enda sé þar um
ágætis vatn að ræða. Hafsteinn
bendir á að í skýrslum sérfræðinga
Orkustofnunar komi fram að
áframhaldandi malarnám geti
reynst alvarlegt og hafa þeir
mælst eindregið til þess að því
verði hætt nú þegar enda ekki
seinna vænna því tjarnir séu þegar
famar að þorna upp vegna lækk-
andi grunnvatnsstöðu.
— Björn
Við Eyvindaráreyrar hefur
Vegagerðin haft verulegt mal-
arnám undanfarin ár svo vatns-
ból eru nú i hættu.
Morgunblaðið/Bjöm Sveinsson
Amarflug á uppleið!
Farþegar okkar verða strax
varir við aukna samkeppni.
Ný rekstrarstefna
- betri afkoma
Það er engin launung að mörg
undanfarin ár hafa verið erfið í
rekstri Arnarflugs.
Til þess að snúa dæminu við
var staða félagsins tekin til gagn-
gerrar endurskoðunar og ný
rekstrarstefna mörkuð; áhættu-
samt leiguflug var látið víkja og
megináherslan lögð á áætlunarflug
til Evrópu.
Önnur Boeing 737-200 þota er staðfesting á
öflugri markaðssókn félagsins.
Þessi endurskipulagning á rekstrinum hefur nú
sannað ágæti sitt og sýndu rekstrartölur fyrirtækisins
hagnað á síðasta ári.
Betri þjónusta með samkeppni
Reksturinn er kominn á rétta braut og bjart
framundan.
Arnarflug stefnir markvisst að því að verða leið-
andi á ýmsum sviðum þjónustu við flugfarþega á
Islandi eins og farþegar okkar hafa
þegar orðið varir við.
Nokkur dæmi um betri þjónustu:
• Farþegar okkar fá brottfarar-
spjald sem gildir alla leið á
áfangastað þótt skipt sé um vél.
Engin hlaup á flugvöllum
erlendis.
• Sætabilið er meira í allri vélinni.
Það jafnast á við „Business
Class“ annarra flugfélaga.
• Tollfrjáls verslun um borð.
• Fyrsta flokks þjónusta í mat og drykk.
Við erum ekki einir um hituna, heldur í hörku
samkeppni.
Þannig viljum við hafa það og því leggur allt
starfsfólk Arnarflugs hart að sér í vinnunni.
Það er staðreynd að samkeppni í flugi, eins og
öðru, tryggir neytendum meira val og betri þjón-
ustu.
Þess vegna er þörf fyrir Arnarflug.
ARNARFLUG
- félag í samkeppni!
!
SÖLUSKRIFSTOFA ARNARFLUGS OG KLM AUSTURSTRÆTI 22 SÍMI 623060 SÖLUSKRIFSTOFA ARNARFLUGS LÁGMÚLA 7 SÍMI 84477