Morgunblaðið - 13.04.1989, Blaðsíða 30

30
MORGUNBLAÐIÐ FIMMTUDAGUR 13. APRÍL 1989
Einingaverksmiðja Sæplasts hf. tekin til starfa:
Uppsetning 3000 fermetra iðnað-
arhúss tók einungis einn mánuð
Einingaverksmiðja Sæplasts hf.
á Akureyri er nýlega komin í
gang, en verksmiðjan var flutt frá
Hafiiarfirði um síðustu áramót
og undanfarnar vikur hefur verið
unnið að uppsetningu verksmiðj-
unnar og tilraunaframleiðslu.
Sæplast hf. keypti Börk hf. frá
Hafiiarfirði seint á árinu 1987 og
tók við rekstrinum í ársbyijun
árið 1988. A síðasta ári var unnið
að endurskipulagningu rekstrar-
ins og er gert ráð fyrir að í ná-
inni framtíð muni um tíu manns
starfa í verksmiðjunni og er áætl-
uð velta um 100 milljónir króna
á ári.
í verksmiðjunni eru framleiddar
einingar, samlokur með einangrandi
kjama og stálklæðningu á báðum
hliðum, en einangrun samlokanna
er frauðplast. Framleiðsla eining-
anna fer þannig fram að stálplötur
eru valsaðar í rétta lögun og þær
klipptar í ákveðnar lengdir, en þessi
hluti framleiðslunnar fer fram hjá
Garðahéðni í Garðabæ samkvæmt
sérstökum framleiðslusamningi milli
fyrirtækjanna. Úretani, sem blandað
er úr nokkrum efnum, er dælt inn
á milli platnanna, þar sem það þenst
út og fyllir holrúmið á milli undir
miklum þrýstingi. Frauðið er svo
látið harðna í pressunni við ákveðið
hitastig í tiltekinn tíma. Jónas Vig-
Stromplyft-
an bilaði
EFSTA lyftan í Hliðaríjalli, svo-
kölluð stromplyfta, fór ekki í
gang í gærmorguif, þegar sefja
átti hana af stað. í allan gærdag
var unnið að viðgerð á lyftunni
og taldi ívar Sigmundsson for-
stöðumaður Skíðastaða undir
kvöldið að viðgerð yrði lokið í
gærkvöldi og lyftan yrði komin
í gang í dag.
„Það var einhver draugur í stýri-
búnaði lyftunnar," sagði Ivar í sam-
tali við Morgunblaðið. Hann sagði
að búið væri að finna bilunina, en
ástæður hennar væru mönnum enn
ókunnar. Hrósaði hann happi yfir
að lyftan skyldi bila þennan dag,
en ekki þá næstu á undan þegar
alþjóðlega skíðamótið stóð yfir.
„Þetta er auðvitað hvimleitt, en sem
betur fer afar sjaldgæft að lyftum-
ar hjá okkur bili,“ sagði ívar.
Vatnsleiðsla
fór í sundur
MIKLAR skemmdir urðu í íbúð
við Hólabraut á Akureyri þegar
vatnsleiðsla fór í sundur og vatn
flæddi um alla íbúðina og niður
á næstu hæð.
Lögreglu var tilkynnt um at-
burðinn skömmu fyrir kvöldmat í
gær, miðvikudag, og sagði varð-
stjóri að miklar skemmdir hefðu
orðið vegna heits vatns og gufu í
kjölfar þess að leiðslan sprakk. Þá
lak vatn niður á næstu hæð og
urðu einnig skemmdir á þeirri íbúð.
Varðstjóri sagði ljóst að eigandi
íbúðarinnar yrði fyrir miklu tjóni
vegna vatnsskemmdanna, en sam-
kvæmt þeim upplýsingum sem hann
hefði væri ekki um aðrar trygging-
ar að ræða en á innbúi.
Morgunblaðið/Guðmundur Hrafn
Einingaverksmiðja Sæplasts hf. á Akureyri er
nýlega komin í gang, en frá áramótum hefúr
verið unnið að uppsetningu véla og tilrauna-
framleiðslu. Áætlað er að velta fyrirtækisins
verði um 100 milljónir á ári og þar vinni um
tíu manns. Á innfelldu myndinni eru frá vinstri:
Pétur Reimarsson framkvæmdasfjóri Sæplasts
hf., Steinþór Ólafsson rekstrartæknifræðingur
og Jónas Vigfússon byggingaverkfræðingur.
fússon byggingaverkfræðingur
sagði að einingar framleiddar með
þessari aðferð væru léttar og með-
færilegar, burðarþolið væri mikið og
einangrunargildið hátt, en þykkt ein-
ingar er um helmingur sambærilegs
burðarvirkis með hefðbundinni ein-
angrun. í verksmiðjunni eru fram-
leiddar húseiningar, frysti- og kæli-
einingar og hurðir í kæli- og frysti-
klefa.
Jónas sagði að byggingakostnað-
ur væri svipaður og þegar um venju-
lega byggingaaðferð væri að ræða,
en það tæki mun skemmri tíma að
reisa hús með umræddum einingum.
Sem dæmi mætti nefna að áætlað
væri að það tæki átta menn um viku
að setja upp og ganga frá 1.000
fermetra þaki.
Varðandi skamman bygging-
artíma nefndi Jónas að stærsta verk
fyrirtækisins á síðasta ári, 3.000
fermetra iðnaðarhús fyrir Norma hf.
í Garðabæ, hafi ekki tekið nema um
einn jnánuð í uppsetningu og Stein-
þór Ólafsson rekstrartæknifræðing-
ur sagði að frá því fyrst var farið
að huga að húsbyggingunni og þar
til hún var fullbúinn til notkunar
hafi ekki liðið nema um tveir mánuð-
ir.
Pétur Reimarsson framkvæmda-
stjóri Sæplasts sagði að þessi fram-
leiðsla hentaði einkar vel í þeim til-
fellum þar sem mönnum væri í mun
að koma framleiðslu sinni í gang sem
fyrst. Hann tók sem dæmi þar um
að á síðasta ári hafi verksmiðjan
sett upp á mjög skömmum tíma þak
tveggja húsa er höfðu orðið eldi að
bráð; fiskverkun Sæbergs á Eskifirði
og Hjólbarðasólunar Hafnarfjarðar.
Með hagræðingu og auknum af-
köstum hefur verið unnt að ná niður
framleiðslukostnaði og hefur verðið
á einingunum laékkað frá því sem
áður var og vonast þeir Sæplasts-
menn til að það skili sér í fjölgun
verkefna. Sem fyrr segir fer fram-
leiðsla eininganna fram á Akureyri,
en öll skrifstofuvinna í kringum fyr-
irtækið fer fram á heimaslóðum
Sæplasts, Dalvík. Einingaverk-
smiðja Sæplasts er eina verksmiðja
sinnar tegundar á landinu. Sam-
keppni við innfluttar einingar er
mikil en stefnt er að því að auka
markaðshlutdeild fyrirtækisins með
öflugri vöruþróun og vandaðri vöru.
Morgunblaðið/Guðmundur Hrafn
Sigfus í
sund á reyk-
lausum degi
Á REYKLAUSUM degi var
Akureyringum boðið að
taka léttan sundsprett í
Sundlaug Akureyrar án þess
að greiða gjald og var líflegt
í sundlauginni í morguns-
árið. Að jafnaði mæta þetta
50 til 60 manns í laugina
snemma morguns, en í gær-
morgun voru hátt á annað
hundrað manns mættir til-
búnir til að mæta reyklaus-
um degi.
Sigfús Jónsson bæjarstjóri brá
sér í laugina og tók léttan
sprett áður en daglegar annir
hófust og var þessi mynd tekin
við það tækifæri. En það var
ýmislegt fleira sem gert var á
Akureyri í tilefni dagsins, í
göngugötu var heilmikil uppá-
koma og seinnipart dags var
ókeypis í allar lyftur Hlíðar-
fjalls. Þrátt fyrir þoku nýttu
sér margir endurgjaldslaust
afnot af lyftunum og sagði
starfsmaður Skíðastaða í sam-
tali við Morgunblaðið að um
100 manns hefðu komið með
rútum kl. 17.00 ígær.„Það er
greinilegt að Akureyringar
nýta sér að það er ókeypis í
lyftumar hjá okkur, það væri
örugglega ekki hræða hérna
annars, það er svo mikil þoka,“
sagði starfsmaðurinn.
Aðalfundur Akureyrardeildar KEA:
Einungis þjónustan skilar hagnaði
— verulegnr samdráttur á öðrum sviðum
VERULEGUR halli varð á rekstri
Kaupfélags Eyfirðinga á síðasta
ári, en hversu mikill hann ná-
kvæmlega er verður ekki upplýst
fyrr en á aðalfundi félagsins sem
haldinn verður í byijun maí. Á
aðalfúndi Akureyrardeildar
KEA, sem haldinn var í fyrra-
kvöld, kom fram að við þessum
taprekstri verður að bregðast og
er verið að skoða ýmsa möguleika
svo bæta megi stöðuna. Að þjón-
ustunni undanskilinni varð tap á
öllum sviðum kaupfélagsins. Þeg-
ar hefur verið ákveðið að loka
þremur verslunum félagsins, eins
og sagt var frá í Morgunblaðinu
í gser, og áður hefiir verið sagt
frá athugunum félagsins varð-
andi sölu Snæfellsins.
I skýrslu Magnúsar Gauta Gauta-
sonar kaupfélagsstjóra kom fram að
verulegur halli varð á rekstrinum á
síðasta ári, en einungis innan þjón-
ustusviðs varð raunaukning í veltu
umfram launakostnað. „Það er
kannski dæmigert fyrir þetta þjóð-
félag að vaxtarbroddurinn er í þjón-
ustugreinunum, en undirstöðuat-
vinnugreinarnar eiga erfitt upp-
dráttar," sagði Magnús Gauti.
Kaupfélagsstjóri gerði grein fyrir
dbuÐ
•yjbíúnc
rekstri einstakra deilda síðasta ár.
Verulegur samdráttur varð á rekstri
brauðgerðar kaupfélagsins, veltan á
síðasta ári var 52,6 milljónir á móti
52,2 árið á undan. Magnús Gauti
sagði ástæður samdráttarins margar
og nefndi m.a. vörugjald og sölu-
skatt á brauð í því sambandi, auk
harðnandi samkeppni á markaðnum.
Efnagerðin Flóra velti um 20 millj-
ónum á síðasta ári, Kjötiðnaðarstöð-
in 342,5 milljónum og kjötpökkun
félagsins velti 58 milljónum á síðasta
ári. Smjörlíkisgerðin var með 37
milljóna króna veltu og sala Reyk-
húss KEA var 75,5 milljónir á
síðasta ári. Laun í iðnaði voru 88
milljónir og jukust um 12% á milli
ára. Á flestum sviðum iðnaðar var
um samdrátt frá fyrra ári að ræða.
Stígandi hefur verið í veltu þjón-
ustufyrirtækja og veltan árið 1988
var töluvert meiri en árið 1987.
Hótel KEA kom einna best út með
187 milljónir króna í veltu á árinu
sem er um 40% veltuaukning frá
fyrra ári, en herbergjum hótelsins
var fjölgað um 21 á milli áranna
1987 og 1988. Af öðrum þjónustu-
fyrirtækjum innan Kaupfélags Ey-
firðinga má nefna að Bifreiðastöðin
á Dalvík velti 78 milljónum, bifreiða-
deildin á Akureyri 50 milljónum og
mjólkurtankbílar félagsins veltu 27
milljónum á árinu. Samtals veltu
þjónustufyrirtæki KEA 403,5 millj-
ónum króna og var það eina sviðið
sem sýndi raunaukningu í veltu á
síðasta ári.
Hvað sjávarútveginn varðar þá
keypti félagið togarann Baldur á
síðasta ári og hann aflaði fyrir 58,8
milljónir króna. Fiskhúsið á Akur-
eyri var með sölu upp á 31,6, sem
er samdráttur upp á rúm 2%. Frysti-
húsið á Dalvík er stærsta fyrirtækið
á þessu sviði og velti það tæpum
469 milljónum króna á síðasta ári,
sem er veltuaukning upp á tæp 24%.
Fiskverkun KEA í Grímsey velti 49
milljónum á síðasta ári, en þar var
um að ræða samdrátt upp á 21,88%,
bæði er um að kenna aflabresti og
einnig verkaðist fiskurinn illa þannig
að hann féll í verði. Frystihúsið í
Hrísey velti 210 milljónum króna á
síðasta ári. Mest af aflanum var
verkað í salt, eða 46,9%, og í fryst-
ingu fóru 41,4% aflans.
Samdráttur varð í veltu land-
búnaðar á milli áranna 1987 og
1988, en veltan á því sviði var í
fyrra svipuð og árið 1985. Sauð-
fjársláturhús seldu fyrir 343 milljón-
ir á síðasta ári og sala stórgripaslátr-
unar var 171 milljón króna. Mjólkur-
samlagið velti 1.456 milljónum á
síðasta ári. Samdráttur í innveginni
mjólk var 3,9% á milli ára. Á liðnu
ári fjárfesti félagið fyrir 186 milljón-
ir króna, mestu munar þar um togar-
ann Baldur, en einnig var um að
ræða vélakaup i mjólkursamlag og
í frystihúsið á Dalvík. Kaupfélagið
seldi eignir fyrir 27 milljónir króna.
Langtímalán upp á 223 milljónir
voru tekin á síðasta ári.
Bjöm Baldursson fulltrúi kaup-
félagsstjóra á verslunarsviði gerði
grein fyrir stöðunni á því sviði. í
máli hans kom fram að velta mat-
vöruverslana var tæpar 800 milljón-
ir og þar af var salan mest í verslun-
inni við Hrísalund, eða 365,5 milljón-
ir króna, og í versluninni við Byggða-
veg 144 milljónir króna. Velta Vöru-
húss KEA var 216,5 milljónir króna
á móti 221,2 árið á undan. I bygg-
ingavörudeild sem er önnur stærsta
sölueining verslunardeildar var salan
á síðasta ári rúmar 307 milljónir.
Heildarvelta verslunardeildar á
síðasta ári var tveir milljarðar og
793 milljónir króna, þar af er salan
á Akureyri upp á tvo milljarða og
81 milljón króna.