Morgunblaðið - 13.10.1989, Blaðsíða 15

MORGUNBLAÐIÐ FOSTUDAGUR 13. OKTOBER 1989
15
Er mér barst sú sorgarfregn, að
félagi minn Ásgeir Gunnarsson
væri látinn, hafði ég nýlokið við að
setja í umslög fyrsta fréttabréf Hins
Islenska Senats. Fréttabréf til
þeirra sem stjórn JC International
hefur heiðrað fyrir mikið og óeigin-
gjajnt starf í þágu hreyfingarinnar
á Islandi. Umslagið sem átti að
fara til Ásgeirs lá efst.
Það var með miklum trega, sem
ég tók umslagið og lagði til hliðar.
I langa stund virti ég utanáskriftina
fyrir mér og neitaði að trúa því að
þetta nafn hyrfi nú af póstskrá
Senatsins. Hugurinn hvarflaði aftur
til ársins 1973 er ég kynntist Ás-
geiri, en ég var þá forseti nýstofn-
aðs JC-félags í Hafnarfirði.
Ásgeir hafði starfað um allnokk-
urt skeið í JC þegar félagið í Hafn-
arfirði var stofnað. Það kom sér
vel að geta leitað ti! hans eftir að-
stoð er við vorum að taka fyrstu
sporin. Og aldrei nokkurrt tíma
skoraðist hann undan. Meðal ánn-
ars leiðbeindi hann á fyrsta ræðu-
námskeiðinu í félaginu og hafði ein-
stakt lag á að fá okkur til að sigr-
ast á óttanum við ræðustólinn.
Fleiri leiðbeiningastörfum átti hann
eftir að gegna í þágu félagsins í
Hafnarfirði og leggja af mörkum
mikilvægt starf við uppbyggingu
þesj3.
Eg bar strax mikla virðingu fyr-
ir þessum manni, sem ætíð var til-
búinn til að fórna af tíma sínum
þegar aðsfoðar var leitað. Alltaf
jafn vingjarnlegur, áhugasamur og
um leið glettinn. Og enn átti virð-
ingin eftir að vaxa er leiðir okkar
lágu saman í landsstjórn JC starfs-
árið 1974 til 1975, en hann varþá
varalandsforseti.
í landsstjórn kynntist ég enn
frekar ósérhlífni hans, örlæti og
skjpulagshæfileikum. Meðal þeirra
verkefna sem hann tók sér fyrir
hendur ásamt þáverandi landsfor-
seta var að útbúa kynningargögn,
sem gefin voru út ásamt litskyggn-
um og glærum í möppum. Möppur
þessar voru síðan notaðar til kynn-
ingar á JC-hreyfingunni, en á
næstu mánuðum og árum átti félag-
afjöldi í JC á íslandi eftir að marg-
faldast. Kynningarmappa þessi
færði JC íslandi fyrstu alþjóðlegu
viðurkenninguna, en hún þótti besta
kynning sem' fram hafði komið á
hreyfingunni, Var hún síðar þýdd
á ensku og dreifðist víða.
Er ég handlék umslagið með
fréttabréfinu sem hafði átt að fara
til Ásgeirs og tilkynna honum m.a.
um árlegan morgunverð okkar
senatora, einhveija léttustu sam-
komu okkar og þá sem við horfðum
jafnan til með mestri tilhlökkun,
rifjuðust upp ýmis þau gamanyrði
sem Ásgeir hafði þar látið sér um
munn fara og sá þáttur hans I að
gæða samkomur okkar léttleika.
Sjálfur hafði hann á sínum tíma sem
forseti Hins íslenska senats sett
formlega á blað þær skipulagsregl-
ur sem senatið starfar eftir. Snyrti-
lega fram sett, eins- og hans var
von og vísa, engum formsatriðum
gleymt og ekki heldur því, að létt
skyldi vera yfir starfinu fyrst og
fremst.
Það ,er okkur senatorum afar
þungbæit að hugsa til þess að fé-
lagsskapai' Ásgeirs Gunnarssonar
eigi ekki eftir að njóta framar við.
En um leið og við hörmum þá stað-
reynd hugsum við með þakklæti til
þeirra íjölmörgu ánægjustunda sem
við fengum notið með honum, smit-
andi starfsgleði hans og fórnfýsi.
Þó Ásgeir Gunnarsson hverfi nú
af póstskránni hverfur hann ekki
úr hugum okkar félaganna. Það er
mannbætandi að hafa fengið að
kynnast svo hjartahlýjum og góðum
dreng.
Fyrir hönd Hins islenska senats
votta ég eiginkonu hans, Guðlaugu
Konráðsdóttur, og Guðrúnu Val-
gerði dóttur þeirra, sem og öðrum
aðstandendum innilegustu samúð.
Megi góður Guð veita þeim styrk
til að sigrast á sorginni.
Þórarinn Jón Magnússon,
forseti senatsins.
Brids
Arnór Ragnarsson
Sveitakeppni á Húsavík
- veg-leg verðlaun
Helgina 3.-5. nóvember nk. fer
fram opið mót á vegum Bridsfélags
Húsavíkur og Hótels Húsavikur.
Spiluð verður sveitakeppni meö
Monrad-fyrirkomulagi, 7 umferðir,
16 spila leikir. Mótið liefst á fostu-
dagskvöld og verða þá spilaöir tvær
umferðir, 3 umferðir á laugadag og
2 umferðir á sunnudag.
Spilað verður um silfúrstig og
verður keppnisgjald 12 þúsund
krónur á sveit.
Fyrii' lengra að komna verða eftir-
taldir pakkar í boði:
Flug og hótelpakki: Rvík — Hvík —
Rvík + gisting í tvíbýli i 2 nætur með
morgunverði: kr. 11.000 per mann.
Hótelpakki: Gisting í tvíbýli í 2 nætur
•■o'unverði: kr. 3.900 per. mann.
Verðlaun:
1. verðlaun kr. 100.000.
2. verðlaun: Kr. 50.000. /
3. verðlaun: kr. 25.000.
Þátttaka tilkynnist fyrir mánaðá-
mótin október/nóvember til Ferðaskrif-
stofu Húsavíkur (Guðlaug), sími
96-42100. Enn fremur veitir Björgvin
Leifsson (hs. 96-42076, vs. 96-41344)
nánari upplýsingar.
Ath. að mótið verður ekki haldið
nema minnst 16 sveitir taki þátt! Enn
fremur áskilur mótsstjórn sér allan rétt
til að breyta út af auglýstri dagskrá
ef ástæða þykir til.
Landstvímenningur BSÍ
Hinn árlegi Landstvímenningur BSÍ
verður. spilaður vikuna 16.-20. október
nk. Spiluð eru sömu spilin um allt land,
að venju, og er árangurinn síðan reikn-
aður á landsvísu. Auk þess er reiknað
út hjá hveiju því félagi sem þátt tek-
ur, eins og um venjulegan tvímenning
sé að ræða. Spilarar og félög cru hvött
til þess að vera með í þessari lands-
keppni. Spilagjald á spilara er 550 kr.
eða 1.100 kr. á parið. Að gefnu tilefni
er spilrum bent á að þeir geta ekki
spilað þessa keppni nema hjá einu fé-
lagi, þar sem sömu spil eru spiluð hjá
öllum félögum. Efstu pörum verða veitt
verðlau og auk þess hljóta efstu pör á
landsvísu silfurstig.
Námskeið fyrir
landsliðskonur
Áætlað er að halda námskeið fyrir
þær konur, sem hug hafa á að spila i
landsliði kvenna á komandi árum.
Þátttaka tilkynnist til:
Bridssambands íslands,
Sigtúni 9,
105 Reykjavík.
I síðasta lagi 16. október.
Nánari upplýsingar fást hjá Brids-
sambandi íslands, síma 91—689360 og
hjá Hjalta Elíassyni, síma 91—40690.
L

loðnu-og
síldardælan
Sterkbyggð og afkastamikil.
Leitið upþlýsinga hjá
sölumönnum okkar.
VÉLASALAN H.F.
ÁNANAUST 1, REYKJAVÍK. SÍMI 91-26122
Fd*SPS2H
o hnðiu Ihobo
l .. ir#,m\kiWerð\a3kkun.«
Góðar vowr Qi n« fótnaður,

MIKIÐÚRVAL
'4kajh>staw»