Morgunblaðið - 22.10.1989, Blaðsíða 22

'22
MORGUNBLAÐIÐ SUNNUDAGUR 22. OKTOBER
Reykingamaður
númer eitt
- „Þýðir ekkert að kasta til höndunum“
segir Jóhannes Esra Ingólfsson
Morgunblaðið/Sigurgeir Jónasson
Jóhannes „reykingamaður" við störf.
Frá Grími
Gíslasyni í wl
VESTM.EYJUM L
EYJAMENN hafa löngum ver-
~ :ð þekktir fyrir fuglaveiði sína
og bjargmennsku. Kattliprir
bjargmenn hafa vakið aðdáun
fyrir fimi sína og veiðimenn liafa
oft verið í sviðsljósinu.
En það er langt frá því að bráð-
in sé tilbúin í pottana þegar
veiðimaðurinn hefur fangað hana.
Þá á eftir að hamfletta eða reyta
fiðurfénaðinn og verka síðan eftir
hinum ýmsu kúnstarinnar reglum.
Einn þeirra manna sem hvað at-
kvæðamestur hefur verið í verkun
bjargfugla í Eyjum hin síðari ár er
Jóhannes Esra Ingólfsson. Hann
hefur um margra ára skeið reykt
lunda og ýmislegt fleira í frístund-
um sínum en hefur nú stofnað fyrir-
tækið Kofareykingu hf. og vinnur
við það hluta úr degi. Morgunblaðið
heimsótti Esra á vinnustað hans í
reykhúsinu við Hásteinsveg einn
daginn fyrir skömmu.
Hefur fengið mjög góða
dóma fyrir laxinn
„Ég bytjaði að fikta við að reykja
lunda þegar ég var 16 ára gamall
og hef verið meira og minna í þessu
^fiau 25 ár sem eru liðin síðan. Fyrst
var þetta tómstundagaman fyrir
fjölskylduna en síðan fóru vinir og
kunningjar að biðja mig um þetta
þannig að þetta vatt smátt og smátt
upp á sig. Ég hef alltaf haft ákaf-
lega gaman af þessu og þetta hefur
fyrst og fremst verið áhugamál hjá
mér að standa í þessu,“ sagði Esra.
Esra hefur mikið starfað við
matargerð. Hann hefur verið kokk-
ur og einnig starfað við kjötiðn.
Fyrir ári stofnaði hann fyrirtæki
sitt Kofareykingu og vinnur þar
hluta úr degi en hans aðalstarf er
við kjötiðn hjá Kaupfélaginu í Eyj-
um. Ésra er með reykhús á tveimur
stöðum. I Dölum er hann með tað-
reykingu, þar sem hann reykir fugla
og annað kjötmeti en í húsnæðinu
við Hásteinsveg reykir hann lax í
reykofni.
Eyjabúar hafa um áraraðir róm-
að verkun Esra á reykta matnum
og nú er hróður hans farinn að
berast út fyrir Eyjarnar og meira
að segja út fyrir landsteinana. „Ég
reyki mikið af laxi sem kemur úr
eldinu hjá Isno hér á Klettsvíkinni.
Laxinn sel ég síðan mikið til Banda--
ríkjanna og einpig hefur hann farið
til Benidorm. Ég hef fengið ákaf-
lega góða dóma fyrir laxinn og eft-
irspurn eftir honum er sífellt að
aukast þannig_að hann er nú orðin
uppistaðan í vinnslunni hjá mér,“
sagði Esra.
Verkar bróðurpartinn af
feng bjargveiðimanna
Hann verkar svartfugl, súlu og
lunda og reykir mikið magn af því
á hverjuári. í sumar keypti hann
bróðurpartinn af lunda þeim sem
veiddur var í Eyjum. Lundann kaup-
ir hann í fiðrinu og hamflettir hann.
Síðan selur hann lundann í umbúð-
um, tilbúinn í pottinn, bæði reyktan
og nýjan. Esra hefur náð að vinna
markað erlendis fyrir lunda þann
er hann verkar og hefur selt bæði
til Færeyja og Svíþjóðar. Hann
sagði að það væru engin vand-
kvæði á að losna við þessar afurðir
því fuglakjötið væri vinsæll matur-
og veitingastaðir á höfuðborgar-
svæðinu sæktust grimmt eftir öllum
tegundum fuglakjöts.
Þegar Morgunblaðið heimsótti
Esra var hann önnum kafinn við
að verka súlu. Súluhrúga lá á gólf-
inu og fagmannlegum höndum fletti
hann hamnum af fuglunum og flak-
aði síðan kjötið af beinunum. „Ég
gæti selt mun meira af súlunni en
það vantar bara hráefni. Það kom
hingað til Eyja kokkur af einu stóru
veitingahúsi í Reykjavík í gæi'.
Hann hafði smakkað súlu á veit-
ingastaðnum Muninn og var svo
hrifinn að hann pantaði hjá mér
eins mikið og ég gæti útvegað hon-
um. Súlan þykir afbragðsgóður
matur og margir segja að hún sé
langbesti maturinn af þessum sjó-
fuglum. Hún er borðuð bæði steikt
og einnig reykt og þykir mikið lost-
æti,“ sagði Esra.
Reyktu sviðin hafa fengið
góðar viðtökur
En það er ekki bara fuglakjöt
og lax sem Esra verkar. Hann hef-
ur gert mikið af því að reykja
lambakjöt og útbýr hangikjöt, Lon-
donlamb o.fl. Fyrir tveimur árum
fór hann að gera tilraunir með að
reykja sviðahausa og tókst það svo
vel að nú eru reyktu sviðin frá hon-
um orðin mjög vinsæl. „Ég gerði
þetta svona að gamni mínu að prófa
að reykja nokkra sviðahausa. Ég
hafði aldrei heyrt um að þetta væri
gert en grunaði að það yrði mjög
gott. Fólki leist nú ekki allt of vel
á að prófa þetta fyrst en flestir sem
hafa smakkað reyktu sviðin eru
mjög hrifnir og nú er farið að selj-
ast talsvert af þeim og þykir mörg-
um þetta vera hinn mesti veislumat-
ur“, sagði Esra.
Ekkert auglýst en nóg að
gera
Esra sagði að galdurinn við að
ná góðum árangri við reykingu á
mat væri að leggja sig allan í það
sem verið væri að gera. „Það þýðir
ekkert að kasta til hendinni. Maður
verður að hafa áhuga á þessu og
nánast vera í þessu af lífi og sál.
Það liggur mikil vinna á bak við
svona verkun og ég er hræddur um
að tímakaupið gæti oft orðið lágt
ef maður ætti að fara að telja til
allar þær stundir sem í þetta fara.
Ég hef gaman af þessu og meðan
að ég get sameinað áhugamál mitt
vinnu óg haft eitthvert lifibrauð af
því þá er ég ánægður. Ég hef ekk-
ert auglýst þessa starfsemi mína
en samt hef ég haft nóg að gera
og það hlýtur að vera vegna þess
að varan er góð og hefur auglýst
sig sjálf. Meðan svo er er ég ánægð-
ur og ætla að halda þessu áfrarn,"
sagði Esra að lokum og kepptist
við að verka súlurnar sem í vetur
verða á diskum veislugesta veit-
ingahúsa á höfuðborgarsvæðinu.
£
I
I
Multiplan 4.0
Fjölbreytt og vandað námskeið í notkun hins
vinsæla töflureiknis Multiplan 4.0.
Leiðbeinandi: Gíáli Friðgeirsson
verkfræðingur.
Tími: 26/10, 27/10, 2/11 og
3/11, kl. 13-17.
ÍTM Tölvufræðslan
Borgartúni 28, sími 687590
I
I
I
I
I
I
I
I
I
I
I
I
I
I
I
I
iJ
Góðar fréttir frá sólríkri Kýpur
DIDACTA International I.A.T.A.- U.F.T.A.A. viðurkenmtur skóli
íslensku nemendurnir vöktu svo aðdáun skólastjórans, að
hann ákvað að bjóða 15 nemendum til viðbótar 50% af-
slátt af námskeiðunum sem hefjast í janúar og apríl 1990.
Ef þú hefur áhuga á ferðamálum og ferðamannaþjónustu
og vilt öðlast þau réttindi, sem I.A.T.A. veitir þér, sendu
þá úrklippuna til:
Unnur Matthíasdóttir, pósthólf 3084, 123 Reykjavík, sem
jafnframt veitir frekarí upplýsingar í síma 91-17872 eftir
kl. 20.00 virka daga.
Nafn........
Heimilisfang
Bleika dúfan
Ed Koch borgarstjóri féll sem
kunnugt er í forkjöri demó-
krata vegna fyrirhugaðra borgar-
stjórakosninga í New York. Hann
er því úr sögunni.
Éins og aðrir frambjóðendur
lofaði hann borgarbúum gulli og
grænum skógum.
Eitt af vandamálum borgarinn-
ar er mikill fjöldi af dúfum sem
eru til óþurftar. Koch setti því
heilsíðu auglýsingu í. New York
Times þar sem hann hét hveijum
þeim, sem gæti losað borgina við
dúfumar, .25 þúsund dollurum.
Fljótlega kom náungi nokkur og
sagðist geta framkvæmt verkið.
Hann var beðinn að hefjast handa
og nokkrum dögum seinna mætti
hann á staðinn með fuglabúr sem
í var bleik dúfa.
Hvað er þetta, sagði Koch, við
viljum losna við dúfurnar en ekki
fá fleiri!
Bíddu rólegur, sagði náunginn
og sleppti dúfunni úr búrinu.
Hún hóf sig hátt á loft og hnit-
aði nokkra hringi yfir miðborg-
inni. Brátt tóku hinar dúfurnar
eftir þessari óvenjulegu bleiku
dúfu og tóku að elta hana. Þá tók
bleika dúfan stefnu út á Atlants-
hafið. Og hinar á eftir. Eftir því
sem lengra dró frá landi steyptust
þær niður hver á eftir annarri
þangáð til engin var eftir nema
sú bleika. Þá sneri hún til baka
og fór í búr eiganda síns.
Koch greiddi manninum orða-
laust og glaður í bragði 25 þúsund
dollarana. Um leið og hann af-
henti honum peninga hallað hann
sér að honum og spurði lágum
rórni:
„Þú átt ekki bleikan svertingja
í fórum þínum?“
Frá A. St., St. Cloud
HÚSGANGAR
okkar á milli ...
■ BANADARÍKJAMENN eyða
samkvæmt tímaritinu Priority
Management fimm árum af ævi
sinni standandi í biðröðum,
tveimur í að reyna að ná sam-
bandi við einhvern sem hafði
hringt í þá og átta mánuðum í
að opna póst. Heil sex ár fara í
að borða og eitt ár í að leita að
týndum hlutum.
-STS
■ ÞO að fjöldi ferðamanna heim-
sæki Vestur-Þýskaland árlega
staldra þeir flestir stutt við og
hafa þýsk ferðamálayfirvöld af „
því áhyggjur að menn líti einung-
is á Þýskaland sem stað þar sem
hægt er að komast greitt yfir til
næsta áfangastaðar. Þannig
dveljast ferðamenn að meðaltali
2,58 daga í Vestur-Þýskalapdi,
5,44 daga í Austurríki, 4,99 daga
á Italíu og næstum því heila viku
á Spáni.
-STS
■ ÞYSK garðhús má ekki nota
til næturgistingar og þau mega
ekki vera allt of heimilisleg. Að
þessari niðurstöðu komst þýskur
dómstóll af einhverri ástæðu á
dögunum. Segir í dómnum að
garðhús megi nota til
skammtímadvalar og þá fyrst og
fremst til varnar gegni veðri og
vindum en ekki til næsturgisting-
ar. Hið raunverulega hlutverk
þeirra sé að þjóna sem geyinslu-
staður undir garðverkfæri.
-STS
■ SÆNSKyfirvölduppgötvuðu
um daginn að hægt er að flytja
nýtt eiturlyf inn til landsins. Lög-
lega. A þessu ári hafa verið flutt
inn 1.049 kíló af þessu eiturefni
og tollverðir geta ekkert annað
gert en að skrá niður innflutning-
inn þar sem plantan sem eiturlyf-
ið er unnið úr er í sænskum toll-
skrám ekki skráð sem eiturlyf
heldur „eldhúsplanta". Planta
þessi heitir „khat“ og er afrísk
að uppruna. Hún er flokkuð með
amfetamíni hvað styrkleika varð-
ar og hefur innflutningur á khat
til Noregs verið bannaður frá
síðustu áramótum.
-STS
■ HRAÐAAKSTURSMET sum-
arsins á vestur-þýskur ferðamað-
ur í Frakklandi. A þjóðveginum
(ekki hraðbrautinni) milli bæj-
anna Arles og Martigues í Suð-
ur-Frakklandi mældist Porsche-
bifreið Þjóðverjans á 218 kíló-
metra hraða. Franska vegalög-
reglan beið róleg þangað til mað-
urinn var kominn á leiðarenda,
gómaði hann þá þar og svipti
hann ökuleyfi.
-STS
■ SJÓN hins fjörutíu og tveggja
ára Grikkja Stavros Karakostas
hefur greinilega farið förlandi
með aldrinum. Stavros brá sér á
refaveiðar í sumar í Larissa-
héraðinu í Norður-Grikklandi.
Þegar hann koin loks auga á ref
eftir mikla leit mundaði liann
haglabyssu sína og hleypti af.
Tvisvar til vonar og vara. „Refur-
inn“ öskraði hins vegar furðu-
lega og þegar Stavros athugaði
málið aðeins nánar reyndist hann
þá hafa hitt afturhluta tveggja
bænda.
-STS
■ ALLIR olíuborpallar í norskri
landhelgi verða fljótlega aö vera
útbúnir sérstöku tæki er sendir
út viðvörunarmerki til kafbáta
Varsjábandalagsins og Atlants-
hafsbandalagsins. Var ákvörðun
um þetta tekin eftir að vestur-
þýskur kafbátur sigldi á olíubor-
pall og olli tjóni upp á tæplega
tvö hundruð milljónir íslenskra
króna. Hið nýja kerfi gerir kaf-
bátunum kleyft að vara sig á olíu-
borpöllunum í fimm til átta kiló-
metra fjarlægð.
-STS