Morgunblaðið - 14.11.1989, Blaðsíða 17

MORGUNBLAÐIÐ ÞRIÐJUDAGUR 14. NÓVEMBER 1989
17
unum án tillits til þess hvort þær
hafa haft til þess burði eða ekki.
Án þess að hægt sé að fara nánar
út í það þá verður að geta þess að
hætta á ýmsum kvillum, s.s.
bijóstameinum og blæðingum, er
samkvæmt rannsóknum talin auk-
ast mjög við of stutta sængurlegu.
Ætlum við sem sagt að skera niður
enn frekar en orðið er fyllstu kröfur
um öryggi fæðandi kvenna og ný-
fæddra bama?
Hugsjónastarf á hrakhólum
— viðhald þjóðarinnar
Nú ætlar borgin sem sagt að
láta eftir fullbúna 1. og 2. hæðina
á meðan þrengt er að fæðandi kon-
um. Ný forstöðukona Fæðingar-
heimilisins, Sólveig Þórðardóttir,
fæðingarlæknarnir og annað starfs-
fólk, sem öll eru nánast í hugsjóna-
starfi við að byggja upp bættan
valkost til verðandi foreldra, höfðu
rennt hýru auga til 18 rúmanna á
2. hæðinni, sem sannarlega hefðu
komið í góðar þarfir. Höfðu reyndar
sent stjórn sjúkrastofnana bréf um
vanda heimilisins, talið sig fá já-
kvæð viðbrögð og uggðu ekki að
sér. Enda vissi enginn um bak-
tjaldamakk meirihlutans fyrr en
málið virðist nánast í höfn. Ekki
er þetta ný bóla en alltaf verður
venjulegt fólk jafn hissa á vinnu-
brögðunum.
Á að einkavæða
fæðingarhjálpina?
Mörgum spurningum er ósvarað
í mínum huga um þessa fram-
kvæmd. Er það í hlutverki borgar-
innar að leigja læknum, þess vegna
hveijum sem er, húsnæði og full-
kominn búnað í eigu borgarinnar
undir einkarekstur? Hvernig verður
greiðslum háttað? Eykst greiðslu-
byrði sjúklinga og jafnframt hins
opinbera? Eykst sérfræðingakostn-
aður? Erum við að tala um hinn
eina sanna „pilsfaldakapítalisma"
þar sem svo kallað einkaframtak
mjólkar opinbera sjóði í þess nafni?
Er þetta e.t.v. síðasta skrefið í að
leggja Fæðingarheimilið niður?
Hvernig verður þörfum fæðandi
kvenna þá mætt 'í borginni? Eða
stendur ekkert til að mæta þeirri
þörf? Á jafnvel að einkavæða fæð-
ingarhjálpina og mæðraverndina,
er það næsta skrefið?
Konur, unum þessu ekki —
látum í okkur heyra
Að lokum: Það er ekki ábatasamt
að hjálpa^ nýjum einstaklingum í
heiminn. Á því verður enginn ríkur.
Fólk sem þau störf vinnur starfar
í kyrrþéy við erfiðar aðstæður og
mikið vinnuálag. Og konur sem eru
að viðhalda þjóðinni búa við minnk-
andi þjónustu og vaxandi öryggis-
leysi. Við krefjumst þess að þeirri
þróun verði snúið við og að einka-
bransinn verði sér úti um annað
húsnæði en þetta undir sína gull-
grafarastarfsemi.
Fari það og veri, við munum
ekki una þessu, og alls ekki þegj-
andi. Konur, látum í okkur heyra.
Hafið samband á Laugaveg 17.
Höfundur er borgarfulltrúi
Kvennalist-ans.
Sigríður Björnsdóttir
■ NÁMSKEIÐí myndþerapíu hjá
Sigríði Björnsdóttur hefst á morg-
un að Nönnugötu 1. Námskeiðið
er verklegt og fyrst og fremst ætl-
að kennurum, fóstrum, þroskaþjálf-
um, hjúkrunarfólki og öðru fagfólki
í kennslu-, uppeldis- og heilbrigðis-
stéttum, svo og þeim sem áhuga
hafa á að kynnast myndþerapíu af
eigin raun.
■ BÓKAVERSLUN Sigfusar
Eymundssonar efndi til skóla-
markaðar í nýju húsnæði verslunar-
innar í Mjódd í september sl. Við-
skiptavinir skólamarkaðarins áttu
þess kost að taka þátt í laufléttri
getraun og eygðu um leið mögu-
leika á að vinna Sögu mannkyns
— Ritröð AB í 12 bindum. Nýlega
var dregið úr réttum lausnum og
vinningshöfum afhent verðlaun. Á
myndinni eru vinningshafarnir
Hulda E. Helgadóttir, Áslaug
Grímsdóttir og Snævar Sigurðs-
son, sem tekur við verðlaunum
sínum úr höndum Áslaugar
Grímsdóttur verslunarstjóra.
■ VERSL UNIN Berglist stendur
fyrir námskeiði 24.-26. nóvember.
Á námskeiðinu gefst þátttakendum
kostur á að þroska með sér dýpra
innsæi og hæfileika til náinna sam-
skipta, segir í frétt frá Berglist.
Leiðbeinandi er John W. Alden
Ijölskylduráðgjafi frá Banda-
ríkjunum.
■ STEFÁN Bergmann lektor
flytur í dag, þriðjudag, fyrirlestur
á vegum Rannsóknastofnunar
uppeldis- og menntamála er nefn-
ist „Staða líffræðikennslu, ýmis
álitamái". Þetta er fimmti fyrirlest-
urinn á vegum RUM um náttúru-
fræðikennslu í grunn- og fram-
haldsskólum. Fyrirlesturinn verður
haldinn í Kennaraskólahúsinu við
Laufásveg og hefst kl. 16.30. Öllum
er heimill aðgangur.
■ BJORN Þorsteinsson varði
doktorsritgerð
sína í plöntulíf-
eðlisfræði við
Stokkhólms-
háskóla þann
29. september sl.
Björn fæddist 3.
febrúar 1958.
Hann lauk stúdentsprófi frá
Menntaskólanum við Hamrahlíð
1978 og_BS-prófi í líffræði frá
Háskóla Islands 1981. Hann vann
að doktorsverkefninu við grasa-
fræðistofnun Stokkhólmsháskóla
frá 1983. Björn mun fljótlega heíja
störf við Búvísindadeild Hvann-
eyrarskólans.
Á 22 SENTDVŒm LETO
SKAPAST MIKIL VERÐMÆTI
FLUTNIN G AÞJÓNU STA
EYKUR VERÐMÆTI
Flutningur til kaupenda erlendis er loka-
skrefið í íslenskri gjaldeyrisöflun en þá er
að baki mikil vinna við hráefnisöflun,
framleiðslu og markaðsstarf.
Vara, sem komin er heilu og höldnu til
viðtakenda, er mun verðmætari en þegar
hún stóð við verksmiðjudymar hér heima.
Því þarf útflytjandi að vanda val á flutn-
ingafyrirtæld - ekki síst ef um viðkvæma
vöru er að ræða og þegar áreiðanlegrar
tfmasetningar er krafist.
VÍÐTÆKT FLUTNINGANET
___________EIMSKIPS______________
Flutningaleiðir EIMSKIPS liggja víða
um heim.
Aðaláhersla er lögð á flutninga til helstu
viðskiptaríkja okkar og er siglt vikulega til
áætlunarhafna á meginlandi Evrópu, Bret-
landi og Norðurlöndum og hálfsmánaðar-
lega til Ameríku.
Auk þess sér fyrirtækið um áætlunar-
flutninga til fjarlægari staða, svo sem Jap-
ans og annarra landa í SA-Asíu.
ÖFLUGT DREIFIKERFI
GREIÐIR FYRIR VIÐSKIPTUM
Forráðamenn fyrirtækja vita að í áætl-
unum sínum geta þeir reitt sig á fag-
lega þjónustu og þróað flutningakerfi
EIMSKIPS.
Þeir geta jafnframt litið á hvort tveggja
sem hluta af eigin markaðs- og sölukerfi.
Kaupandi erlendis getur treyst á að fá
vörur sfnar reglulega og stillt birgðahaldi í
hóf - og þannig vex áhugi á frekari víð-
skiptum.
Reynsla viðskiptavina af þjónustu
EIMSKIPS og traust á fyrirtækinu eru tví-
mælalaust meginá; tæður fyrir sterkri stöðu
þess á íslenska flumingamarkaðinum.
Það er fyrirtækinu kappsmál að halda
þeirri stöðu með því að vera vakandi yfir
síbreytilegum þörfum viðskiptavina sinna.
EIMSKIP
VIÐ GREIÐUM ÞÉR LEIÐ