Morgunblaðið - 17.02.1990, Blaðsíða 3

MORGUNBLAÐIÐ LAUGARDAGUR 17. FEBRÚAR 1990
3
Fundur um atvinnu-
mál og framtíð Kópa-
skers og nágrennis
Kópaskeri.
FUNDUR um hið alvarlega ástand í atvinnumálum og erfíðleika
íyrirtækja á Kópaskeri var haldinn fímmtudaginn 15. febrúar.
Rúmlega helmingur hreppsbúa mætti á fundinn. Auk þeirra komu
fimm af þingmönnum kjördæmisins, íjórir starfsmenn Byggða-
stofnunar og þrír frá Samvinnubankanum.
Alger óvissa er um nýtingu á
mannvirkjum Árlax hf. sem varð
gjaldþrota á síðasta ári, Kaupfélag
N-Þingeyinga stefnir í gjaldþrot og
hráefni skortir til vinnslu í rækju-
verksmiðju Geflu hf. og fiskvinnslu-
húsi Útness. Þessu fylgja svo veru-
legir erfíðleikar hjá sveitarsjóði
vegna lækkandi tekna og gjaldfall-
inna ábyrgða.
Eins og við mátti búast voru
vandamálin ekki leyst á þessum
fundi en undirtektir ráðamanna
gáfu þó ástæðu til meiri bjartsýni
ef frá eru talin neikvæð viðbrögð
fulltrúa Byggðastofnunar.
Fundurinn beindi þeirri áskorun
til stjórnvalda að stuðla að endur-
reisn og styrkingu þeirra fyrirtækja
sem hér eru, svo hægt sé að nýta
betur þær íjárfestingar og þekkingu
sem þegar er fyrir hendi. Einnig
þarf að taka á ijárhagsvanda sveit-
arfélagsins. Þau viðhorf komu fram
á fundinum að þetta þyrfti að ger-
ast strax til að koma í veg fyrir
fleiri áföll ogtil að eyða þeirri óvissu
sem er í huga fólks varðandi framtíð
byggðar hér.
- Marinó
Morgunblaðið/Marinó Eggertsson
Hluti gesta fundarins á Kópaskeri sem haldinn var um atvinnumál og framtíð Kópaskers og nágrennis.
Fjármálaráðuneytið:
Borgarsljóri misskilur áhrif kjara-
samninganna á afkoinu rikissjóðs
FJÁRMÁLARÁÐUNEYTIÐ hefur sent frá sér fréttatilkynningu þar
sem segir að misskilnings hafí gætt í ræðu borgarstjórans í Reykjavík,
Davíðs Oddssonar, við umræður um fjárhagsáætlun Reykjavíkur-
borgar. Þar nefndi Davíð að útgjöld borgarinnar lækki um 431 millj-
ón króna vegna áhrifa kjarasamninganna og hann sagði að sparnað-
ur ríkisins vegna samninganna væri miklu meiri en sá útgjaldaauki
sem þeir hefðu í för með sér. Þessu afiieitar ráðuneytið og segir
vera misskilning borgarsljóra, útgjöld ‘ríkisins umfiram tekjur aukist
um 1.300 til 1.400 milljónir króna.
í tilkynningu ráðuneytisins segir
að kjarasamningarnir hafi áhrif á
afkomu ríkissjóðs með tvennum
hætti. Annars vegar lækki bæði
tekjur og gjöld miðað við fjárlög,
hins vegar hafi ríkisstjórnin fallist
á að leggja ákveðnar kvaðir á ríkis-
sjóð í því skyni að greiða fyrir gerð
kjarasamninganna. „Þetta hefði að
öðru óbreyttu getað leitt til talsvert
meiri halla á ríkissjóði en fjárlög
gerðu ráð fyrir. Til þess að mæta
þessum útgjaldaauka hafa þing-
flokkar stjórnarflokkanna til með-
ferðar tillögur ríkisstjórnarinnar um
sérstakan niðurskurð," segir í til-
kynningunni.
Raktar eru forsendur fjárlaga,
að verðlag hækkaði um 16% til 17%
milli ára og forsendur kjarasamn-
inganna feli í sér að breytingar að
meðaltali milli ára verði 1,5% til
2,5% minni, bæði á tekju og gjalda-
hlið. í tilkynningu ráðuneytisins
segir að breyttar verðforsendur
skiiji „heildarafkomu ríkissjóðs eftir
í svipuðum sporum og áður, ef til
vill 100 m. kr. lakari, en það skýr-
ist meðal annars af því að ýmsir
útgjaldaliðir lækka ekki, svo sem
niðurgreiðslur.“
Þá segir að til viðbótar við breyt-
ingar sem verði á fjárlögum vegna
breyttra verðlagsforsendna komi
Framlag borg-
arinnar trygg-
ir nýtt orgel
HÖRÐUR Áskelsson, organisti
Hallgrímskirkju, segir að fímmt-
án milljóna króna framlag
Reykjavíkurborgar í orgelsjóð
kirkjunnar geri henni kleift að
standa við samninga um kaup á
nýju orgeli.
„Þetta skiptir okkur verulega
miklu máli,“ sagði Hörður í samtali
við Morgunblaðið. Hann sagði að
stefnt væri að því að nýja orgelið
yrði vígt um mitt ár 1992, en það
kæmi væntanlega til landsins í árs-
byijun sama ár. Nýja orgelið verður
70 radda, með um 5.000 pípum. Það
■er smíðað hjá Klais-orgelsmiðjunum
í Bonn í Þýzkalandi.
sérstakar aðgerðir sem kosti 1.300
milljónir. Þær séu 800 milijónir
vegna hækkunar niðurgreiðslna á
búvörum, 100 milljónir vegna
hækkunar frítekjumarks, 100 millj-
ónir vegna ríkisábyrgðar launa við
gjaldþrot og loks 300 milljónir
vegna lækkunar skatta.
Launa- og verðlagsbreytingar
eru sagðar hafa ólík áhrif á tekju-
stofna ríkissjóðs og borgarsjóðs.
„Verðlagsbreytingar hafa mikil og
bein áhrif á afkomu ríkissjóðs þar
sem bæði beinir skattar, til dæmis
staðgreiddir tekjuskattar, og óbein-
ir, til dæmis virðisaukaskattur, mið-
ast við laun og verðlag hvers tíma-
bils. Þegar verðlag og laun hækka
minna en ráð var fyrir gert, eins
og nú er útlit fyrir, eru áhrifin
umtalsverð tekjuminnkun hjá ríkis-
sjóði. Talsverður hluti af tekjum
borgarsjóðs er hins vegar óháður
breytingum á verðlagi eða launum
á ijárhagsárinu. Skattarnir að-
stöðugjald og fasteignagjald eru
lagðir á skattstofna næstliðins árs
og lækka því ekki nema með sér-
stakri ákvörðun sveitarstjórnar.
Reykjavíkurborg hefur ekki tekið
ákvörðun um að lækka aðstöðu-
gjöld og fasteignagjöld í kjölfar
kjarasamninganna. Samanburður
milli rikissjóðs og sveitarfélaga er
óraunhæfur nema tekið sé mið af
þessum grundvallaratriðum við
tekjuöflun. Sambærileg sjálfkrafa
tekjuminnkun og gerist hjá ríkis-
sjóði kemur ekki fram hjá borgar-
sjóði eða sjóðum annarra sveitarfé-
laga,“ segir í tilkynningu fjármála-
ráðuneytisins.
Austur-
stræti lOa
til sölu
AUSTURSTRÆTI lOa, hefur
verið auglýst til sölu og er sölu-
verðið um 90 milljónir króna.
Húsið er rúmlega 1.700 fer-
metrar að stærð á sex hæðum
og er brunabótamatið 109 millj-
ónir króna og lóðarmat 35 millj-
ónir króna.
Morgunblaðiö/Sigurður Jónsson
ÚtfÖr Guðmundar Daníelssonar
ÚTFÖR Guðmundar Daníelssonar rithöfundar var gerð frá Selfosskirkju í gær, 16. febrúar. Séra Sigurður
Sigurðarson sóknarprestur jarðsöng, organisti var Glúmur Gylfason, Jónas Ingimundarson lék einleik á
píanó og Kirkjukór Selfoss söng.
Á myndinni er kista Guðmundar borin úr Selfosskirkju. Frá vinstri eru Kolbeinn Gunnarsson, Páll Lýðs-
son, Indriði G. Þorsteinsson, Sverrir Kristinsson, Jón R. Hjálmarsson og Matthías Johannessen.
Frekari inn-
flutningur
á leiturum
stöðvaður
PÓSTUR og sími hefur sent inn-
flytjendum svokallaðra leitara
bréf, þar sem segir að frekari
innflutningur sé óheimill. Sam-
göngumálaráðuneytið hafði áður
úrskurðað að leitarar væru
óæskilegir og brytu í bága við
ákvæði í fjarskiptalögum.
Þessir leitarar geta leitað uppi
símtöl í farsímakerfinu. Þorvarður
Jónsson, framkvæmdastjóri tækni-
sviðs Pósts og síma, sagði við Morg-
unblaðið að notendur farsímakerfis-
ins hefðu kvartað undan leíturum
og í kjölfarið hefði Póstur og sími
vakið athygli samgöngumálaráðu-
neytisins á málinu. Þar hefði
ákvörðunin um innflutningsbann
verið tekin, en ekki hefur verið
ákveðið hvernig tekið verði á leitur-
um, sem þegar eru í notkun.
Þoivarður sagði að vandamálið
væri mun meira hér en erlendis.
Hér væru fáar rásir og stór svæði
fyrir hveija, en erlendis margar
rásir og lítil svæði.
Húsið er í eigu einkaaðila, byggt
árið 1931 en síðan bætt við það
árið 1942 verslunar- og skrifstofu-
húsnæði. Árið 1960 var húsinu enn
breytt og aftur árið 1977 þegar
verslunin Torgið var þar til húsa
og þá í þeirri mynd sem það er í
dag. Að sögn Þórólfs Halldórsson-
ar hjá Eignarmiðlun, hafa borist
nokkrar fyrirspurnir um húsið en
engin tilboð. „Við höfum trú á að
nú þegar miðbærinn er að fyllast
af bílastæðum, þá muni færast líf
í hann á ný,“ sagði Þórólfur.