Morgunblaðið - 10.04.1990, Blaðsíða 38

38
MORGUNBLAÐIÐ ÞRIÐJUDAGUR 10. APRÍL 1990
AÐALFUNDUR
Aðalfundur íslandsbanka hf. áríð 1990 verður haldinn
íÁtthagasal Hótels Sögu mánudaginn 30. apríl
og hefst hann kl. 16:30
Dagskrá:
1. Aðalfundarstörfí samræmi við ákvæði 28. gr.
sampykkta fyrir bankann.
2. Stofhun Menningarsjóðs íslandsbanka.
Hluthafar sem vilja fá ákveðið mál tekið til meðferðar
á aðalfundinum skulu í samræmi
við ákvœði 25. gr. samþykkta fyrir bankann
gera skriflega kröfu þar að lútandi til bankaráðs,
Kringhmni 7, Reykjavík,
í síðasta lagi 18. apríl 1990.
Aðgöngumiðar að fundinum og atkvæðaseðlar
verða afhentir hluthöfum eða umboðsmönnum þeirra
í afgreiðslu íslandsbanka, Kringlunni 7, 1. hœð,
dagana 2S.-27. apríl 1990 kl. 9:15-16:00,
svo og á fundardag við innganginn.
Reykjavík, 3. apríl 1990
F.h. bankaráðs íslandsbanka hf.
Ásmundur Stefánsson, formaður
ÍSLANDSBANKI
Morgunblaðið/Ámi Sæberg
Frá fundi SVS og Varðbergs á laugardag. John G.D. de Chastelain hershöfðingi flytur ræðu sína. Við
háborðið sitja frá vinstri Magnús Þórðarson framkvæmdastjóri, Kjartan Gunnarsson, formaður SVS,
og Þórður Ingvi Guðmundsson, formaður Varðbergs.
Varnir Kanada:
Leggja áherslu á að
liafá herafla í Evrópu
KANADASTJÓRN ákvað að falla frá skyldum sínum til að senda sér-
staka herdeild til Noregs á hættutímum vegna þess, að ekki var með
raunhæfúm hætti unnt að halda henni úti samhliða því sem kanadískur
herafli væri í Vestur-Þýskalandi. Styrkur sovéska flotans á Norður-Atl-
antshafi veldur því, að Kanadamönnum yrði á hættutímum um megn
að tryggja öryggi á samgönguieiðum við eigin herafla á norðurslóðum
og í miðhluta Evrópu. Þeir leggja áherslu á að halda liðsafla úti í
Evrópu einnig nú eftir að aðstæður hafa breyst í álfunni.
Þetta kom fram í erindi, sem John
G.D. de Chastelain, hershöfðingi og
yfirmaður alls herafla Kanada, flutti
á fundi Samtaka um vestræna sam-
vinnu (SVS) og Varðbergs síðastlið-
inn laugardag. Hershöfðinginn sagði,
að þrátt fyrir minni skuldbindingar
Kanadamanna í Norður-Noregi hefði
gildi íslands fyrir varnir Kanada og
Norður-Atlantshafsins ekki breyst.
Eftirlitssvæði kafbátaleitarvéla frá
Keflavíkurflugvelli lægi að svæði
kanadísku eftirlitsflugvélanna. Sam-
kvæmt samkomulagi um verkaskipt-
ingu um hraðlið NATO ættu Kanda-
menn að senda liðsafla til Norður-
Noregs á hættutímum og tengdist
ísland áætlunum um það eins og
öllum ráðagerðum um varnir' sigl-
inga- og flutningaleiða yfir Norður-
Atlantshaf.
Hershöfðinginn sagði, að Kanada-
menn hefðu ekki tekið jafn ákveðna
afstöðu og Bandaríkjamenn gegn
viðræðum við Sovétmenn um tak-
mörkun vígbúnaðar á höfunum.
Kanadamenn væru aðilar að sam-
komulaginu um, að ekki skuli rætt
um afvopnun á höfunum í CFE-við-
ræðunum í Vín um fækkun hefð-
bundins herafla í Evrópu. Á hinn
bóginn hefðu þeir sagt, að viðræður
við Sovétmenn um höfin kæmu til
greina á síðari stigum, enda yrði
sýnt fram á siglingaleiðir og varnir
þeirra skiptu sköpum fyrir Atlants-
hafsbandalagið (NATO) en ekki Sov-
étríkin.
John G.D. de Chastelain ræddi um
hinar miklu breytingar, sem orðið
hefðu í Austur-Evrópu og menn
væru enn að átta sig á áhrifum
þeirra á öryggismál og varnir í Evr-
ópu. Framvindan myndi ráðast í við-
ræðum um afvopnunarmál og með
auknum tengslum þjóða á milli á
öllum sviðum, sjálfur sagðist hann
hafa á dagskrá sinni að heimsækja
starfsbræður í Sovétríkjunum,
Tékkóslóvakíu og Ungveijalandi.
Hann taldi, að það væru óskir ráða-
manna bæði fyrir austan og vestan,
að Bandaríkjamenn héldu áfram úti
herafia í Evrópu.
Hor nafjarðarbátar taka upp netin um helgar:
Beginmunur á gæðum
- segir Hannes Halldórsson, verkstjóri hjá KASK
MEÐ minnkandi kvóta fer það vaxandi, að bátar bæði fækki netum í
sjó og taki þau upp um helgar til að bæta gæði og verðmæti aflans.
Það er þó nokkuð mismunandi eftir verstöðvum hvort svo er gert, en
þar sem fískurinn er gæðametinn inn í verkunarhúsin og greitt fyrir
hann samkvæmt því, virðist hvatinn vera meiri til þess að koma með
betri fisk að landi en þar, sem fyrirfram er samið um fast verð og
mat. Hornafjarðarbátar draga netin upp um helgar og segir Hannes
Halldórsson, verkstjóri í saltfiskverkun KASK, að það sé reginmunur
á gæðum fisksins frá því, sem var í fyrra. Halldór Árnason, fiskmats-
stjóri, segir að það hljóti að hafa áhrif á gæði landaðs afla, að verðið
sé sem mest tengt gæðum fiskins.
„Þessi 'vertíð er sú fyrsta, sem
reglan er, að menn dragi netin upp
um helgar eða skilji eftir eina og
eina trossu til að halda góðum stöð-
um. Það er reginmunur á gæðum
fisksins nú, en var í fyrra. Það skilar
hærra verði til sjómanna og verð-
meiri fiski úr vinnslunni svo hagnað-
urinn er gagnkvæmur. Það, sem
kannski veldur mestu um þetta er,
að við höidum þeirri aðferð að meta
fiskinn af bátunum og greiða fyrir
hann eftir því. Yfirborgun á lág-
marksverðið er þannig háttað, að
mest kemur á bezta fiskinn, en hlut-
fallslega minna á þann lakari," segir
Hannes.
Grindavíkurbátar, sem leggja nest
sín fyrir austan Eyjar hafa gert tölu-
vert af því að taka upp netin um
helgar, en þeir, sem leggja á heima-
slóð og landa daglega, hafa ekki
gert það. Á Suðurnesjum er í nær
öllum tilfellum samið um fast verð
eða fasta gæðaflokkun á fiski, sem
hvorki fer á markað né í gáma. Sami
háttur er hafður á víðast hvar og
ennfremur er lítið gert af því að
LJÓSMYNDA-
ALBUM /rá Múlalundi..
... vel geymdar verða
minningarnar
enn ánægjulegri.
^&Múlalundur
SlMI: 62 84 50
gera að fiskinum og ísa hann um
borð. Það er þó gert á bátum á Vest-
fjörðum og hefur það skilað mjög
góðu hráefni samkvæmt upplýsing-
um í fréttabréfi Ríkismats sjávaraf-
urða.
Halldór Árnason, fiskmatsstjóri,
segir að Ríkismatið sjái ekki lengur
um almennt ferskfiskmat og hafi því
ekki beinar upplýsingar um gæði
þess afla, sem nú berst á land.
„Byggjum við hins vegar á fyrri
upplýsingum, er það alveg ljóst að
séu netin ekki tekin upp um helgar,
fæst mun verri fiskur, en séu þau
tekin upp. „Svartir mánudagar" voru
allt of algengir meðan við fylgdumst
með þessu og það er ekkert sem
bendir til þess, að ástandið breytist
nema menn taki upp netin. Fái menn
enga hvatningu eða svörun, með
hvaða hætti sem það er, leggja þeir
sig síður fram um að koma með sem
beztan fisk að landi. Því hlýtur það
að hafa áhrif að verðið sé sem mest
tengt gæðum fiskins. Að mati okkar
er hægt að bæta verðmæti mögulegs
afla um milljarða króna á ári með
því að standa rétt að öllum þáttum,
allt frá frá því fiskurinn kemur í
veiðarfærið og þar til hann er kom-
inn til neytenda.. Ég tel þó ekki rétt
að opinbert gæðamat á ferskum fiski
komi til að nýju, það er hlutverk við-
komandi fyrirtækja að taka það upp
hjá sjálfum sér. Meðal annars með
þeim hætti er hægt að auka gæðavit-
und fólksins, verðmæti aflans og
framleiðslunnar um leið,“ segir Hall-
dór Árnason.