Morgunblaðið - 02.06.1990, Blaðsíða 21

MORGUNBLAÐIÐ LAUGARDAGUR 2. JUNI 1990
21
Menntaskólinn við Hamrahlíð:
Tuttugu ára stúd-
entar í fyrsta sinn
HUNDRAÐ OG TUTTUGU nýstúdentar, áttatíu og þrír úr dagskóla
og þrjátíu og átta úr öldungadeild, útskrifuðust frá Menntaskólanum
við Hamrahlíð laugardaginn 26. maí.
Athöfnin hófst með því að Örnólf-
ur Thorlacius, rektor, flutti skóla-
slitaræðu þar sem hann minntist
meðal annars á byggingarfram-
kvæmdir við skólann. Að henni lok-
inni flutti Sigurlaug Bjarnadóttir
kveðju kennara.
Þá afhenti rektor nemendum
lokaprófsskírteini og viðurkenning-
ar fyrir góðan árangur í einstökum
greinum. Nýstúdentar skiptust
þannig eftir brautum: 36 útskrifuð-
ust af náttúrufræðibraut, 32 af
nýmálabraut, 30 af félagsfræði-
braut, 17 af eðlisfræðibraut, 4 af
tónlistarbraut og 2 af náttúru og
eðlisfræðibraut. Viðurkenningu fyr-
ir bestan heildarárangur hlaut Ólöf
Hrund Andradóttir af eðlisfræði-
braut. Ólöf er einungis 17 ara göm-
ul.
Eftir afhendingu viðurkenninga
fluttu ávörp fulltrúar 20, 15 og 10
ára stúdenta frá skólanum. Þess
má geta 20 ára stúdentarnir voru
þeir fyrstu sem skólinn braut-
skráði. Þá flutti Halldóra Jónsdóttir
ávarp fyrir hönd nýstúdenta úr
dagskóla og Þórólfur Daníelsson
talaði fyrir hönd nýstúdenta úr öld-
ungadeild.
Einn nýstúdentanna, Arinbjörn
Arnason, lék á píanó við skólaslitin
og kór skólans undir stjórn Þorgerð-
ar Ingólfsdóttur söng nokkur inn-
lend og erlend lög.
Morgunblaðið/Þorkell
Að venju voru sungnir nokkrir stúdentasöngvar.
Nýútskrifaðir stúdentar frá Verzlunarskóla íslands.
Verzlunarskóli Islands:
Morgunblaðið/KGA
Tvö hundruð tuttugu o g
tveir stúdentar útskrifast
VERSLUNARSKÓLA íslands var slitið með viðhöfh í hátíðarsal
skólans fóstudaginn 25. maí. Frá skólanum brautskráðust 165 stúd-
entar úr dagskóla, 33 stúdentar úr öldungadeild og 26 nemendur
með verslunarmenntapróf. Er þetta Qölmennasti brautskráningar-
liópur sem útskrifaður hefúr verið frá skólanum.
Þrfr stúdentar hlutu fyrstu ágæt-
iseinkunn á prófum; dúx skólans
Ása Ólafsdóttir, semi-dúxinn Einar
Farestveit og Kristjón Freyr Sveins-
son, öll úr hagfræðideild.
Valdimar Hergeirsson, skóla-
stjóri, flutti skólaslitaræðu og af-
henti nemendum prófskírteini sín.
Jóhann J. Ólafsson, formaður
Verzlunarráðs íslands, flutti ávarp
og afhenti Kristjóni Frey Sveinssyni
úr hagfræðideild og Bryndísi Jóns-
dóttur úr verslunarmenntadeild,
verðlaun fyrir bestan árangur í við-
skiptagreinum.
Skólastjóri afhenti síðan nem-
endum verðlaun og viðurkenningar
fyrir bestan árangur í einstökum
námsgreinum og fyrir bestan heild-
arárangur.
Börkur Gunnarsson, nýstúdent,
flutti ávarp og kveðjur til skóla frá
brautskráðum nemendum. Þá af-
henti Hildigunnur Sverrisdótt-
ir,formaður NFVÍ, nemendum við-
urkenningu fyrir félagsmálastörf.
Fulltrúi 25 ára afmælisárgangs,
Gunnar Hansson, flutti skólanum
kveðjur og árnaðaróskir og færði
skólanum peningagjöf í Minningar-
sjóð dr. Jóns Gíslasonar.
Stúdentshópurinn í ár er 45.
stúdentsárgangurinn sem braut-
skráður er frá skólanum og síðast-
liðið skólaár var 85. starfsár
skólans.
Nýr glæsilegur Volvo
Volvo 460 er glæsileg viðbót við framhjóladrifnu 400 línuna sem
markaði tímamót hjá Volvo. Volvo 460 er bíll sem sameinar öryggi,
frábæra aksturseiginleika og fágað útlit.
Volvo 460 er ríkulega búinn:
Öflug 106 hestafla vél með beinni innspýtingu, 5 gíra beinskipting eða
4 gíra sjálfskipting, framhjóladrif, álfelgur, vökvastýri/veltistýri,
lúxusinnrétting, upphituð framsæti, rafstýrðar rúður og speglar,
samlæsing á hurðum/skottloki, litað gler o.fl.
Volvo á einstöku verði
Verðið á Volvo 460 er einstaklega gott, eða frá 1.344.000 kr. stgr.
kominn á götuna.
Brimborg hf.
FAXAFENI 8 • S.68 58 70