Morgunblaðið - 18.05.1991, Blaðsíða 43

reei íam .8i auaAQjiA&u aj 'filU tÖHwfl lit
MORGUNBLAÐIÐ IÞROTTIR LAUGARDAGUR 18. MAÍ 1991 43
„Vona innilega að
spáin verdi rétl“
- segirGuðni Kjartansson, þjálfari KR-inga
GUÐNI Kjartansson, þjálfar KR,
er hóflega bjartsýnn fyrir
sumarið þrátt fyrir að KR-ing-
um sé spáð meistaratitlinum.
„Ég tek nú ekki of mikið mark
á spám, en vona innilega að
spáin verði rétt. Við förum í
þetta mót með það hugarfar
að ná titli og ég reikna með
að fleiri ætli sér það líka,“
sagði Guðni.
Guðni, sem tók við þjálfun KR
í vor, sagðist vera nokkuð
ánægður með mannskapinn hjá KR.
„Það eru að vísu meiðsli eins og
hjá öðrum félögum. Ragnar Mar-
geirsson og Pétur Pétursson hafa
verið meiddir, en ég ætla ekki að
afsaka neitt. Við spilum með þann
mannskap sem er heill hveiju sinni,
annað getum við ekki notað. Ég er
bjartsýnn þar sem við erum með
góðan mannskap og það verður
síðan að koma í ljós í haust hvar
við lendum."
Hvernig er að vera kominn í her-
búðir KR-inga?
„Ég vissi það fyrir að þetta er
stór klúbbur og það eru gerðar
miklar kröfur til þjálfara og ég er
ekki óvanur því. Menn segja oft að
það sé erfitt að þjálfa KR því þar
séu svo margir sem vilja ráða. En
ég vel mitt lið út frá því sem ég
held að sé það besta, en ekki ein-
hver annar,“ sagði Guðni.
Valsmenn til alls líklegir
Ingi Bjöm Albertsson, þjálfari
Vals, sagði að nokkur endurnýjun
hefði átt sér stað hjá Val og liðið
væri nú án manna, sem hefðu haft
mikla reynslu. „Ég er samt með
ágætis hóp, en þetta getur brugðist
til beggja átta. Liðið er til alls
líklegt, en það getur barist um nán-
ast hvaða sæti sem er. Þetta er
fyrst og fremst spurning um hugar-
far.“
Ingi Björn var ekki ánægður með
að þurfa að leika á möl gegn Stjörn-
unni, en sagði að það kæmi jafnt
niður á báðum liðum. „Það er hins
vegar slæmt fótboltans vegna.“
Hann sagði að ómögulegt væri
að spá um endanlega röð. „Ég er
ekki sannfærður um að KA og Víðir
falli, en ég held að tími KR sé kom-
inn á toppnum."
Trú annarra styrkir Víking
„Ég hef trú á að við getum stað-
ið okkur vel og það hjálpar okkur,
þegar aðrir hafa einnig trú á okkur
samanber spá forráðamannanna,"
sagði Logi Ólafsson, þjálfari
Víkings.
Víkingum var spáð 4. sæti. Þeir
byijuðu ágætlega í fyrra en botninn
datt úr leik þeirra undir lokin. „í
fyrra spáðu margir okkur falli, en
þegar sætið var tryggt var eins og
menn sættu sig við stöðuna í stað
þess að stefna hærra. Breiddin er
meiri nú og ég vona að slíkur meðal-
mennskuháttur eins og síðast end-
urtaki sig ekki.“
Logi sagðist eiga almennt von á
meiri baráttu en í fyira. „Liðin
koma betur undirbúin vegna þess
að aðstæður til að æfa og spila
knattspymu í vetur voru allt aðrar
og betri en árið áður. Þetta skilar
sér í betri deild og þó stórveldin
KR, Fram og Valur virðist í fljótu
bragði ætla að beijast um titilinn,
vona ég að við blöndum okkur í
slaginn.“
„Framlínan er höfuðverkur“
Sigurlás Þorleifsson, þjálfari
IBV, sagði að tímabilið í ár yrði
mjög erfitt þar sem töluverðar
breytingar hafi verið á liðinu frá
því í fyrra. „Liðið var stórt spum-
ingarmerki í fyrra og ég held að
það sé enn stærra núna. Það hefur
verið erfitt að raða saman mann-
skapnum enda verðum við með fjóra
til fímm nýja unga drengi. Við erum
því hæfílega bjartsýnir," sagði Sig-
urlás.
Sigurlás sagðist vonast til að
Tómas Ingi Tómasson kæmi inní
liðið, en hann hefur leikið í Þýska-
landi í vetur. „Hann losnar fljótlega
ef liðið hans verður í fallsæti, sem
allt bendir nú til, en ef ekki fáum
við hann í fyrsta lagi í síðari um-
ferð mótsins. Ég hef átt í miklunv
vandræðum með að stilla upp
framlínu og koma þar 5-6 leikmenn
til greina í tvær stöður."
Gera betur en í fyrra
Ólafur Jóhannesson, þjálfari FH,
sagði að íslandsmótið legðist vel í
sig. „Við stefnum að því að gera
betur en í fyrra. Það er erfítt að
spá um úrslit mótsins fyrirfam, en
ég hef trú á því að það verði KR
og Fram sem komi til með að beij-
ast um titilinn og Valur verði í
þriðja sæti. Hin liðin sjö eru öll
mjög jöfn að styrkleika og koma
til með að taka stig hvert af öðru,“
sagði Ólafur.
Hann sagði að FH-liðinu hafí
ekki gengið vel í vorleikjunum, en
vonaði að þetta væri að smella sam-
an núna. „Við komum óhræddir í
leikinn gegn Víkingi á mánudaginn
og ætlum okkur sigur. Þetta verður
baráttuleikur eins og oft vill verða
í fyrstu umferðunum. Sjálfsagt lítið
um áferðarfallega knattspyrnu. En
það er mikið atriði að byija mótið
vel,“ sagið Ólafur. Engin meiðsli
eru í herbúðum FH-inga, sem mæta
með sitt sterkasta lið.
„Fengum eldskírnina ífyrra“
Jóhannes Atlason, þjálfari
Stjörnunnar, henti gaman að spá
félaganna. „Þetta eru menn, sem
eiga að hafa vit á þessu. Okkur var
spáð 10. sæti í fyrra, en lentum í
5. sæti. Það munaði ekki nema
fimm sætum og ef sama verður
uppi á teningnum í ár verð ég án-
ægður,“ sagði hann, en Stjörnunni
var spáð 7. sæti að þessu sinni.
„Það er voðalega auðvelt að spá,
en erfiðara að standa undir vænt-
ingunum. Við fengum eldskírnina í
fyrra og árangurinn var hæfilega
góður til að menn fari ekki að ganga
á stóru tánum í ár. Annað árið er
oft hættulegt og það væri ánægju-
legt að fara að sjá allan mannskap-
inn, en þýðir ekkert að skæla og
við mætum galvaskir til leiks.“
Áhersla á góða knattspyrnu
Hörður Hilmarsson tók við
Breiðabliksliðinu í 2. deild í fyrra
og náði takmarkinu. „Nú eru ekki
kröfur um að ná einu af tveimur
efstu sætunum og því er spilið mun
agaðra og við höfum verið að leika
betri knattspyrnu en í fyrra. Ég er
með ágætan hóp og leggjum
áherslu á áferðarfallega og góða
knattspymu."
UBK verður án fímm fastamanna
í fyrsta leik. „Það er viss blóðtaka,
en það er gaman að byija á íslands-
meisturunum og ég á von á góðum
leik.
Hörður taldi að KR, Fram og
Valur yrðu einna helst í baráttunni
um titilinn. „Að öðru leyti geri ég
ráð fyrir að hin liðin verði frekar
jöfn, en kannski á Víkingur einna
helst meiri möguleika en önnur lið.
Hins vegar kemur alltaf eitthvað
óvænt uppá og við spyijum að leiks-
lokum.“
Mikilvægt að byrja vel
„Spáin er eins og ég bjóst við,
en vonandi rætist hún ekki,“ sagði
Ormarr Örlygsson, þjálfari KA.
Hann sagði að sumarið yrði erfítt
fyrir KA og leikmenn þyrftu að
halda vöku sinni.
„Það er mikilvægt að byija mó-
tið vel og við reynum að beijast
fyrir hveiju st.igi. Fyrsta markmiðið
hjá okkur er að gera betur en í
fyrra og sjá síðan til. En ég held
að það verði Fram, KR og Valur
sem komi til með að beijast um
titilinn. Þau eru með breiðasta hóp-
inn og allt leikmenn sem eru í eða
við landsliðið. Hin liðin eru jöfn.“
„Spáin þjappar okkur saman"
Óskar Ingimundarson tók við
Víði í 2. deiid fyrir tveimur árum,
stjórnaði liðinu til sigurs í deildinni
í fyrra og er á ný kominn í 1. deild,
en spá forráðamanna liðanna gerir
ráð fyrir að Víðir fari strax niður
aftur.
„Þetta er eðlileg spá gagnvart
liði, sem er að koma upp,“ sagði
Óskar, „en úrslitin ráðast inni á
vellinum en ekki í kaffísamsæti.
Við höfum ekki mikla breidd og
okkur gekk ekki vel í vorleikjunum,
en ég er með leikreynt lið og ég
vona að baráttan verði áfram aðal
þess. Það er gott að mæta toppliði
strax í 1. umferð, því þá sjáum við
vel hvar við stöndum. Fall er farar-
heill og spáin þjappar okkur sam-
an.“
ípRÚmR
FOLX
■ OPNUNARLEIKUR íslands-
mótsins verður leikur FH og
Víkings á aðalvellinum í Kapla-
krika og hefst hann kl. 16 á mánu-
dag, annan í hvítasunnu. Aðrir leik-
ir hefíast kl. 20
■ VILHJÁLMUR Einarsson,
Víði, er eini leikmaður 1. deildar,
sem verður í leikbanni í fyrsta leik.
■ KLEMENZ Sæmundsson
missir af fyrstu tveimur leikjum
Víðis — er í Bandaríkjunum.
■ PÉTUR Pétursson verður
sennilega ekki tibúinn að leika með
KR í fyrsta leik. Óvíst er með Ragn-
ar Margeirsson og Hilmar
Björnsson.
■ RAGNAR Gíslason missir af
fyrstu leikjum Stjörnunnar vegna
uppskurðár og Bjarni Benedikts-
son hefur verið lengi frá vegna
meiðsla.
■ HAFSTEINN Jakobsson leik-
ur ekki með KA gegn ÍBV í 1.
umferð þar sem hann heldur utan
á morgun með blaklandsliðinu, sem
tekur þátt á Smáþjóðaleikunum í
Andorra.
■ KRISTINN R. Jónsson og
Anton Björn Markússon verða
ekki með Fram á næstunni vegna
meiðsla.
■ BREIÐABLIK byijar mótið án
fjögurra eða fimm fastamanna.
Sigurjón Kristjánsson, Willum
Þór Þórsson og Þorsteinn Geirs-
son eru meiddir. Valur Valsson
hefur verið meiddur og er tæpur
og Hákon Sverrisson er í Tékkó-
slóvakíu með U-18 ára landsliðinu.
■ INGI Björn Albertsson, þjálf-
ari Vals, er enn markahæsti leik-
maður 1. deildar frá upphafi. Hann
skoraði 126 mörk fyrir Val og FH.
Hermann Gunnarsson kemur
næstur með 95 mörk fyrir Val og
ÍBA. Guðmundur Steinsson er
markahæstur þeirra sem enn spila
í 1. deild, hefur gert 80 mörk fyrir
Fram, en hann leikur nú með
Víkingi.
KSI
Mótabókin komin út
Mótabók KSÍ er komin út í 21.
skipti. Hún er með breyttu
sniði að þessu sinni; í tveimur hlutum.
Annars vegar er mótaskrá sem „pass-
ar vel í vasa“ einsog þeir hjá KSÍ
orða það, og hins vegar handbók í
stærra broti, þar sem er að finna lög
KSÍ, hinar ýmsu reglugerðir og fleiri
upplýsingar. Mótaskráin kostar 500
krónur og handbókin 400 kr.