Morgunblaðið - 20.06.1991, Blaðsíða 18

;MORGUNBLAÐIÐ FIMMTUÐAGUR 20. JUNI 1991
J8
Séra Bolli Gústavsson vígð-
ur vígslubiskup í Hólastifti
BISKUP íslands, herra Ólafur
Skúlason, vígir séra Bolla
Gústavsson sóknarprest í Lauf-
ási, vigslubiskup i Hólastifti
næstkomandi sunnudag, þann 23.
júní.
Vígslumessan fer fram í Hóla-
dómkirkju og hefst kl. 14. Vígslu
lýsir séra Birgir Snæbjörnsson, pró-
fastur Eyfirðinga. Vígsluvottar
verða séra Árni Sigurðsson á
Blönduósi, séra Dalla Þórðardóttir
í Miklabæ, séra Hjálmar Jónsson
prófastur á Sauðárkróki og séra
Ingimar Ingimarsson á Þórshöfn.
Altarisþjónustu annast séra Gísli
Gunnarsson í Glaumbæ, séra Guðni
Þór Ólafsson á Melstað og séra
Stína Gísladóttir, Hólastaðarpresta-
kalli.
Kirkjukór Hóla- og Viðvíkur-
sókna leiðir söng við undirleik Pál-
ínu Skúladóttur.
Að lokinni vígslu verður kirkju-
gestum boðið upp á kaffiveitingar
í Bændaskólanum að Hólum.
(Fréttatilkynning)
Loftmyndir af íslandi
Þessar loftmyndir voru teknar af íslandi skömmu fyrir kl. 9.30 í
gærmorgun. Vinstri myndin er hitamynd. Á henni sýnast svæði því
dekkri eftir því sem þau eru heitari. Þar sést að hlýtt er á landinu
um þessar mundir. Sú til hægri er venjuleg ljósmynd. Á henni sést vel
að engin ský eru yfir landinu um þessar mundir enda hafa veðurguð-
irnir verið landanum hliðhollir upp á síðkastið.
Kristnihátíðamefnd fundar
KRISTNIHÁTÍÐARNEFND fundaði í annað skipti í gærmorgun.
Nefndina skipa biskupinn yfir íslandi, forseti íslands, forseti Hæsta-
réttar, forseti Alþingis og forsætisráðherra. Þrír nefndarmanna,
Guðrún Erlendsdóttir, Salóme Þorkelsdóttir og Davíð Oddsson,
sátu sinn fyrsta fund í þessari nefnd í gær.
Nefndin var formlega skipuð í
fyrra. Forseti Islands, biskupinn
yfir íslandi, forseti Hæstaréttar,
forseti Alþingis og forsætisráð-
herra eiga sæti í henni samkvæmt
embættisstöðu sinni. Á fyrsta
fundi nefndarinnar, í fyrra, var
undirbúningur hafinn að ritun
Kristnisögu íslands og var dr.
Hjalti Hugason ráðinn ritstjóri að
verkinu. Jafnframt var ákveðið að
fjármagna þýðingu Gamla testa-
mentisins úr hebresku. Gamla test-
amentið hefur ekki verið þýtt áður
úr hebresku á íslensku í heild sinni.
Aðalþýðandi er Sigurður Örn Stein-
grímsson.
í gærmorgun hittist nefndin svo
aftur í tilefni af því að skipt hefur
verið um þijá nefndarmenn. Biskup
íslands, herra Ólafur Skúlason, gaf
skýrslu um gang mála. Talið er að
Kristnisögunni verði lokið 1995 en
þýðingu Gamla Testamentisins árið
1998. Á fundinum ræddu menn
aðrar leiðir til að minnast þúsund
ára afmælis kristnitökunnar. Sú
hugmynd hefur komið upp að efnt
verði til samkeppni um tónsmíðar,
ljóð eða leikrit til að minnast afmæl-
isins og ýmislegt fleiri kemur til
greina. Nefndin kemur aftur saman
í haust og þá verður ákveðið hvað
fleira skuli gera í tengslum við
kristnihátíðina.
Kristnihátíðin sjálf verður haldin
á Þingvöllum í júní árið 2000 en
auk þess verða haldnar héraðshátíð-
ir árið áður, 1999. Ekki eru allir á
einu máli hvort kristnitakan fór
fram árið 999 eða 1000 en með
þessu móti er komið til móts við
bæði sjónarmiðin.
Morgunblaðið/Ámi Sæberg
Kristnihátíðarnefnd. F.v: Herra Ólafur Skúlason biskup, Salome Þorkelsdóttir forseti Alþingis, Vig-
dís Finnbogadóttir forseti íslands, Guðrún Erlendsdóttir forseti Hæstaréttar, frú Ebba Sigurðardótt-
ir biskupsfrú og Davíð Oddsson forsætisráðherra.
Brúartorg:
Opnunarhá-
tíð Hyrnunnar
Ný þjónustumiðstöð
opnar í Borgarnesi
Borgarnesi.
Á MORGUN, föstudag, opnar
Kaupfélag Borgfirðinga og Olíu-
félagið hf. 900 fermetra þjónustu-
miðstöð „Hyrnuna“ við Brúartorg
í Borgarnesi. Áætlaður bygginga-
kostnaður stöðvarinnar er um 100
milljónir króna.
Þjónustumiðstöðin verður ein sú
stærsta og fullkomnasta sinnar teg-
undar við hringveginn. Þar verður
starfrækt kjörbúð, sjötíu manna veit-
ingastaður, greiðasala, banki og upp-
lýsingamiðstöð fyrir ferðamenn.
Bensínafgreiðslan verður öll á yfir-
byggðu svæði með sjálfsölum og
hraðvirkum dælum fyrir dísilolíu.
Bifreiðastæði og plön stöðvarinnar
ei-u um 8.000 fermetrar og stór hluti
þeirra verður upphitaður. Stöðin
verður opin daglega frá kl. 8 til
23.30.
í tilefni opnunarinnar verður efnt
til fjölbreyttrar hátíðar sem hefst kl.
12 á hádegi. Kynningar og sérstök
tilboð verða á ýmsum framleiðsluvör-
um matvælaiðnfyrirtækja í Borgar-
nesi. Grillað verður Borgarnesgrill-
kjöt og einnig verður lax frá Eðal-
fiski á boðstólum. Gestum verður
boðið ókeypis upp á ís, gos og pyls-
ur. Ýmislegt verður til skemmtunar
jafnt fyrir böm sem fullorðna fram
eftir degi og ef veður leyfír verður
stiginn dans á Brúartorgi fram á
kvöld. TKÞ.
Morgunblaðið/Theodór
Nýja þjónustumiðstöðin.
*
Stundakennaradeilan við Háskóla Islands:
Sama óvissa um stundakennslu
eftir niðurstöðu Félagsdóms
TALSMENN samtaka háskóla-
menntaðra ríkisstarfsmanna og
háskólakennara eru sammála um
að dómur Félagsdóms í máli Fé-
lags ísl. náttúrufræðinga gegn
fjármálaráðherra um viðurkenn-
ingu á samningsumboði félagsins
vegna stundakennslu við Háskóla
Islands breyti í engu stundakenn-
aradeilunni við háskólann. í dóm-
inum, sem kveðinn var upp 30.
maí, er ríkið sýknað af kröfum
stefnanda með þeirri röksemd
að stundakennsla félagsmanna
stefnanda séu aukastörf en lög
veiti félaginu aðeins rétt til að
gera kjarasamninga, sem taki til
aðalstarfa viðkomandi starfs-
manna.
Kjör stundakennara við Háskóla
íslands sem standa utan Félags
háskólakennara eru ákveðin ein-
hliða af fjármálaráðherra en Fé-
lagsdómsmálið var höfðað af Félagi
ísl. náttúrufræðinga til að fá viður-
kenndan rétt þess til að gera kjara-
samninga við fjármálaráðherra um
kaup og kjör fyrir stundakennslu
þeirra félagsmanna sinna, sem eru
ríkisstarfsmenn og sinna slíkri
kennslu við háskólann.
Páll Halldórsson, formaður
BHMR, segir að dómurinn opni
ekki leiðir fyrir að gerðir verði
samningar um laun vegna stunda-
kennslu við háskólann og deilan
sitji í sama fari og áður. Margir
hafa horfíð frá stundakennslu við
Háskólann vegna þessa ástands en
fastráðnir kennarar við skólann
bættu á sig kennslu á síðari hluta
vetrar til að draga úr þeim vand-
ræðum sem sköpuðust við háskól-
ann. Hólmfríður Ámadóttir, fram-
kvæmdastjóri Félags háskólakenn-
ara, segir að vandræði vegna stund-
akennaraskorts muni trúlega auk-
ast í haust ef ekki fínnst lausn á
deilunni.
í Félagsdómi kom fram að þeim
sem nú sinna stundakennslu við
háskólann megi skipta í a.m.k. sjö
hópa; Félagsmenn í Félagi háskóla-
kennara en laun þeirra fara eftir
ákvæðum kjarasamnings félagsins,
fastráðna stundakennara skv. sér-
stökum samningum á milli Félags
háskólakennara og fjármálaráð-
herra, háskólamenntaða ríkisstarfs-
menn, sem eru félagar í öðrum fé-
lögum innan BHMR en standa utan
Félags háskólakennara, ríkisstarfs-
menn sem standa utan BHMR, rík-
isstarfsmenn sem sæta ákvörðun
Kjaradóms um laun sín, starfsmenn
á almenna vinnumarkaðinum og
loks nemendur við Hskaóla íslands.
Þeir hópar sem ekki tilheyra Félagi
Háskólakennara hafa ekki rétt til
að semja um stundakennaralaun sín
heldur eru kjör þeirra ákveðin ein-
hliða af fjármálaráðherra sem hefur
ítrekað hafnað kröfum þessara að-
ila um að gera kjarasamninga um
stundakennslu.
Telur Félag ísl. náttúrufræðinga
að mikill launamismunur ríki á milli
þeirra sem sinna stundakennslu við
Háskólann. Félagsmenn í Fálagi
háskólakennara fái stundakennslu
sína greidda sem yfírvinnu en aðrir
ríkisstarfsmenn ekki þó að um sama
vinnuveitanda sé að ræða í öllum
tilvikum, þ.e. ríkið. Félagsmenn í
Félagi ísl. náttúrufræðinga benda á
að til að jafnræði verði komið á í
launum þessara hópa verði laun
þeirra að hækka um 72%.
Niðurstaða Félagsdóms byggðist
á því að lög um kjarasamninga
opinberra starfsmanna veiti stéttar-
félögum aðeins rétt til að gera kja-
rasamninga sem taki til aðalstarfa
viðkomandi starfsmanna. Ekki sé
ágreiningur um að þau störf sem
þessir félagar hafi sinnt séu auka-
störf og því beri að sýkna ríkið af
kröfum Félags ísl. náttúrufræðinga.