Morgunblaðið - 28.02.1992, Blaðsíða 40
MORGUNULÁDIÐ, AÐALSTRÆTl 6, 101 REYKJAVÍK
SÍMl 6111100, FAX 691181, PÓSTHÓLF 1555 / AKVREYRl: HAFNARSTRÆTI 85
FÖSTUDAGUR 28. FEBRÚAR 1992
VERÐ í LAUSASÖLU 110 KR.
Atlantsflug semur við Vietnam Airlines:
SAS býður upp á sérstök fargjöld fyrir hjón:
Annað hjóna greiðir
'fullt gjald en hitt 10%
SAS flugfélagið býður upp á sér-
stakt tilboð fyrir hjón, sem ferð-
ast saman, til allra áfangastaða
SAS á Norðurlöndunum frá 1.
mars til 31. maí næstkomandi
þannig að annað hjónanna greið-
ir fullt fargjald en hitt greiðir
aðeins 10% af því verði. Jóhannes
Georgsson, framkvæmdastjóri
SAS á íslandi, segir að slík tilboð
hafi verið gerð á öðrum mörkuð-
um SAS og það hafi reynst vel
og því sé boðið upp á þennan 90%
afslátt hérlendis til reynslu.
Jafnframt felst í þessu tilboði frí
hótelgisting fyrstu nóttina á SAS-
hóteli og einnig 50% afsláttur á
gistingu aðrar nætur á tveggja
manna herbergjum. „Það er stað-
reynd að þeim farþegum, sem hafa
verið að greiða full fargjöld, fer
fækkandi. m.a. vegna aukins að-
halds og minnkandi ferðaþarfa fyr-
irtækja. Þetta er því svar fyrirtæk-
isins til að reyna að hvetja farþega
til að ferðast á þessu farrými vélar-
innar og kynnast betur þeim kost-
um sem slíku fargjaldi eru sam-
í'ara,“ segir Jóhannes.
Hann segir það vera mjög spenn-
andi að sjá hvernig þetta muni
ganga þar sem slík tilboð hafi verið
reynd víða hjá SAS og gefist vel.
„Þetta er í rauninni ekkert nýtt sem
við erum að reyna nema hvað þetta
er í fyrsta skipti sem við bjóðum
þetta frá íslandi. Við ætlum að
bjóða þetta í þrjá mánuði til að
byija með og sjá hvernig gengur.
Þetta er fyrst og fremst gert til að
hvetja farþega en auðvitað er þetta
hluti af samkeppni SAS og Flug-
leiða sem felur í sér að gera við-
skiptavinunum tilboð,“ segir Jó-
hannes.
Klakkur mokar upp búra
Morgunblaðið/Sigurgeir Jónasson
Klakkur VE kom til hafnar í Eyjum í gær með trollið
á dekkinu fullt af búra. Lestar skipsins voru fullar og
ís og kör á þrotum svo siglt var til hafnar þar sem
gengið var frá búranum í kör. Hermann Kristjánsson
skipstjóri sagði að þeir hefðu verið á karfa í túrnum.
Hann hafi tekið eitt hol á búraslóðinni í upphafi túrs-
ins en ekkert fengið. Þeir hafi svo aftur reynt við
búrann í lok túrsins, fengið 30 tonn eftir klukkutíma
tog, kastað aftur og fengið önnur 30 tonn eftir jafn-
langt tog. Hermann sagði að búrann sendu þeir á
markað í Frakklandi en þeir hefðu fengið ágætt verð
fyrir hann til þessa, síðast 153 krónur fyrir kílóið.
Búrinn er utan kvóta og því er þetta góð búbót hjá
útgerð og áhöfn Klakks. Grímur
22% raunhækkun á raforku samkvæmt afltaxta 1988-91:
Stór kaupandi borgar meira
fyrir orkuna en smánotandi
- segir formaður Félags íslenskra iðnrekenda
HÆKKUN á raforkuverði til meðalnotenda á afltaxta í Reykjavík er
um 22% að raungildi frá janúar 1988 þar til í desember 1991. A sama
tímabili lækkaði verðið um 8% til smárra og meðalstórra notenda.
Þetta kemur fram í greinargerð Gunnars Svavarssonar, formanns
Félags íslenskra iðnrekenda, í Á döfinni, blaði FII, sem nýkomið er út.
1. janúar sl. varð til viðbótar 3-5% liækkun á afltaxtanum, en þá lækk-
aði almennur taxti um 2,3-2,5%.
Landsvirkjun ákvað á sínum tíma
að breyta hlutfalli milli afls og orku
í taxta sínum, og ákvað Rafmagns-
veita Reykjavíkur að koma þessari
breytingu á í sex áföngum á tímabil-
inu frá apríl 1988 til janúar 1993.
Ef orkunotkun kaupanda er stöðugt
yfir 200 þús. kílówattstundir á ári
verður hann að kaupa samkvæmt
afltaxta, sem samsettur er úr hæsta
afltoppi ársins þar sem greitt er
fyrir hvert árskílówatt og notkun
í kílówattstundum. Orkuverðið fer
lækkandi eftir því sem nýting
ársaflstopps er betri, en að öðru leyti
er orkuverð á hvetja kílówattstund
óháð því hvort heildarkaup rafmagns
nemur einni milljón króna eða t.d.
30 milljónum. Um 220 fyrirtæki og
stofnanir í Reykjavík kaupa orku
samkvæmt afltaxta. Þau eru um 3%
orkukaupenda á veitusvæðinu, en
kaupa 33% orkunnar.
Gunnar Svavarsson sagði í sam-
tali við Morgunblaðið að hækkun
afltaxtans lenti á fyrirtækjum á sama
tíma og þau væru að aðlaga sig þjóð-
arsáttinni og helst ekkert mætti
hækka. „Þetta er liður sem skiptir
verulegu máli hjá sumum þessara
fyrirtækja, en þau kaupa rafmagn
fyrir milljónatugi á ári. Þarna er
ekki beitt neinum viðskiptasjónar-
miðum, því sá sem er tiltölulega lít-
ill og kaupir á afltaxta borgar sama
og sá sem kaupir miklu meira raf-
magn á sama taxta. Við höfum bent
á að ein leið til þess að laga þetta
sé að veittur verði einhvers konar
magnafsláttur. Það tíðkast yfirleitt
í viðskiptum, nema í þessu tilfelli þar
sem skipt er við einokunarfyrirtæki.
Menn eru settir upp við vegg þannig
að ákvörðun er bara tekin annars
staðar, sem segir það að þeir séu að
breyta sínum töxtum í samræmi við
Landsvirkjunartaxta, og þeir eigi að
endurspegla allan raunkostnað.
Staðreyndin er a.m.k. sú að mjög
stór kaupandi er farinn að kaupa
orku á hærra verði heldur en smánot-
andi ef nýtingin hjá honum er ekki
sérlega góð,“ sagði hann.
Einar Ingi Halldórsson, fram-
kvæmdastjóri Kringlunnar, sagði í
samtali við Morgunblaðið að þar
hefði hækkunarinnar á afltaxtanum
orðið áþreifanlega vart. „Við höfum
reiknað það út að gjaldskrárbreyt-
ingin sem varð 1. janúar þýðir um
þriggja milljóna hækkun fyrir
Kringluna á ári, ef borið er saman
við gjaldskrána í janúar 1991. Við
erum ekki sáttir við þetta þegar um
svona trygga og jafna orkunotkun
er að ræða eins og hjá okkur,“ sagði
hann.
Flogið frá Saig-
on til sexborga í
Asíu og Ástralíu
ATLANTSFLUG hf. hefur gert samning við Vietnam Airlines, ríkis-
flugfélagið í Víetnam, um leiguflug til eins árs frá Saigon til Bang-
kok, Singapore, Hong Kong, Darwin og Sidney í Ástralíu. Atlantsflug
mun einnig fljúga til borga innanlands, meðal annars til Hanoi og
Da Nang. Samningurinn hljóðar upp á sex milljónir dollara, eða um
360 miiyónir ísl. kr.
Aðeins er beðið skriflegs leyfis
flugmálayfirvalda í Víetnam en
munnleg staðfesting hefur þegar
borist Atlantsflugi. Samningurinn
tekur gildi 9. mars næstkomandi og
gildir til eins árs. Að sögn Halldórs
Sigurðssonar, framkvæmdastjóra
Atlantsflugs, bendir flest til þess að
framhald geti orðið á þessu verkefni
í Víetnam þegar samningurinn renn-
ur út.
Halldór sagði að viðræður um
verkefnið hefðu verið í gangi frá því
síðasta sumar. Samningurinn trygg-
ir Atlantsflugi tíu flug í viku og
minnst 170 flugtíma á mánuði. Tvær
íslenskar áhafnir, alls 15 manns,
munu sinna þessu verkefni, hvor í
einn mánuð í senn. Boeing 727-200
vél Atlantsflugs verður notuð í leigu-
fluginu. Er um VET-leigu að ræða,
þ.e.a.s. Atlantsflug leigir vélina,
tryggingar, viðhald og áhafnir. Viet-
nam Airlines greiðir allan breytileg-
an kostnað, að sögn Halldórs.
Halldór sagði að tvö önnur evr-
ópsk flugfélög væru í leiguflugi í
Víetnam, TEA frá Sviss og JES frá
Búlgaríu, og sagði hann að þau
hefðu góða reynslu af þessu flugi.
Víetnamar væru að reyna að efla
ferðamannaiðnað í landi sínu og
hefði verið mikil uppbygging í því
sambandi í landinu. Þannig kæmi
þetta leiguflug til.
„Við erum komnir þarna með
langtímaverkefni sem gefur okkur
ákveðinn grunn og styrkir fyrirtækið
á allan hátt því flug hér heima er
svo árstíðabundið. Eg á von á því
að það verði framhald á þessu og
ef allt gengur vel á ég von á því að
verkefnin verði fleiri: Þarna er vaxt-
arbroddur. Þeir þurfa á þessari þjón-
ustu að halda og ef við erum með
þeim fyrstu sem fljúga þarna þá
erum við komnir með fótinn inn fyr-
ir gættina," sagði Halldór.
Atlantsflug hefur leigt Boeing
737-300 vél sem er í eigu norsks
banka til að sinna leiguflugi frá og
til íslands í sumar.