Morgunblaðið - 17.05.1992, Page 1

104 SIÐUR B/C
111. tbl. 80. árg.
Guðlast fólgið
í skóförum
PRESTUR grísku rétttrúnaðarkirkj-
unnar hefur höfðað sérstætt mál fyrir
dómstólum í Aþenu. Hann fer fram á
að sala á tilteknum tegundum af banda-
rískum og grískum skóm verði stöðvuð.
Ástæða þess að hann vill ekki slíka skó
í landi sínu er sú að þeir skilja eftir
sig skóför sem líkjast krossi. Fyrirtækj-
unum sem flytja inn og selja þessa skó-
tegund var veittur 40 daga frestur til
að undirbúa málsvörn sína. Á því tíma-
bili verður bannað að selja bandaríska
Timberland-skó og 10 aðrar skótegund-
ar í Grikklandi.
Helmingur
presta syndgar
SÁLFRÆÐINGUR, sem hefur kannað
kynlifssögu 1.500 presta, hefur haldið
því fram að allt að helmingur presta
kaþólsku kirkjunnar í Bandaríkjunum
hafi rofið skírlífsheit sín. Sálfræðingur-
inn, Richard Sipe, prófessor við John
Hopkins-háskóla í Baltimore, segir að
„á þessari stundu“ stundi 25.000 prest-
ar kynlíf með konum, körlum og börn-
um. Staðhæfingar hans hafa fengið byr
undir báða vængi vegna hneykslismáls
í Chicago, þar sem verið er að rann-
saka mál nokkurra presta sem eru
grunaðir um að hafa haft mök við unga
drengi.
Dómari grípur
til skammbyssu
Leonard Fleet, dómari í Miami í
Flórída, notaði óhefðbundnar aðferðir
til að koma á ró því hann dró upp
skammbyssu í réttarsal og beindi henni
að sakborningi sem lét ófriðlega. Sak-
borningurinn hafði sýnt dómaranum
ógnandi tilburði og hrópað að honum
ókvæðisorðum. Réttarþjónar reyndu að
flytja sakborninginn á brott úr salnum
en hann baðaði út öngum og sagði:
„Þessi dómari er tíkarsonur og ef ég
væri með byssu skyti ég hann.“ Dómar-
inn brást þegar við áhrínisorðunuin
með því að beina skammbyssu að höfði
sakborningsins sem hnipraði sig saman
af hræðslu. Verjandi mannsins sagði
að viðbrögð dómarans hefðu skotið sér
skelk í bringu. „Hann kom þó vissulega
á lögum og reglu í dómsalnum. Það
þorði enginn að bæra á sér,“ sagði
hann.
Færst hefur í vöxt að konur sem lagð-
ar eru í einelti af hálfu fyrrverandi
maka eða sambýlismanna leiti ásjár hjá
Samtökum um kvennaathvarf.
STOFNAÐ 1913
SUNNUDAGUR 17. MAÍ 1992
PRENTSMIÐJA MORG UNBLAÐSINS
Morgunblaðið/KGA
SVO VERÐUR HVER AÐ FLJÚGA ...
Stríðið í Bosníu-Herzegovínu:
Öryggisráð Sameinuðu þjóð-
anna hvetur til friðargæslu
## Samcinuðu þjóðunum, Sarajevo. Reuter, The Daily Telegraph.
ÖRYGGISRÁÐ Sameinuðu þjóðanna hefur hvatt framkvæmdastjóra samtakanna,
Boutros Boutros-Ghali, til að reyna að senda friðargæslusveitir til Bosníu-Herzego-
vínu, en hann hafði sjálfur hafnað þeim möguleika. Ráðið samþykkti jafnframt
samhljóða á föstudagskvöld ályktun þar sem þess er krafist að allar hersveitir Júgó-
slavíu og Króatíu verði fluttar frá Bosníu og þarlendir skæruliðar afvopnaðir.
í ályktuninni er Boutros-Ghali ennfremur
hvattur til að kanna hvernig hægt verði að
verja birgðir matvæla, sem sendar hafa
verið til Bosníu, og að tryggja að unnt verði
að nota flugvöllinn í Sarajevo til að koma
þangað hjálpargögnum. Serbneskar her-
sveitir hafa haldið borginni í herkví með
þeim afleiðingum að mikill hörgull er þar á
lyfjum og hætta á hungursneyð.
Haris Silajdzic, utanríkisráðherra Bosníu,
hvatti til þess að Sameinuðu þjóðirnar stofn-
uðu fjölþjóðaher til að hrekja serbnesku
hersveitirnar úr Bosníu. „Sameinuðu þjóð-
irnar geta haft frumkvæði að hernaðar-
aðgerðum eins og þeim sem gripið var til í
Persaflóa,“ sagði hann er hann ræddi við
fréttamenn í New York. Hann viðurkenndi
hins vegar að slíkum hugmyndum hefði
hingað til verið tekið fálega innan Atlants-
hafsbandalagsins og Evrópubandalagsins.
Um 200 friðargæsluliðar á vegum Sam-
einuðu þjóðanna fóru í gær frá Sarajevo,
þar sem þeir hafa haft höfuðstöðvar vegna
friðargæslunnar í nágrannalýðveldinu
Króatíu. Aðeins 100 friðargæsluliðar eru
eftir í borginni og í ráði er að flytja þá
þaðan á mánudag.
Bardagarnir í Sarajevo hörðnuðu enn í
gær. Barist er á götunum og heilu íbúðar-
hverfin eru orðin að vígvöllum. Dæmi eru
um skotbardaga á milli íbúðarhúsa og reykj-
armökkur er yfir borginni þar sem kviknað
hefur í fjölda bygginga í stórskotaárásum
Serba.
Yfii’völd hafa staðfest að 1.300 manns
hið minnsta hafi beðið bana í stríðinu í
Bosníu á þremur mánuðum. Serbar, sem
eru um þriðjungur 4,3 milljóna íbúa lands-
ins, hafa náð stórum svæðum á sitt vald
frá því í mars, er Króatar og múslimar sam-
þykktu yfirlýsingu um sjálfstæði landsins.
Bardagarnir eru aðallega á milli Serba, sem
njóta stuðnings júgóslavneska hersins, og
bandalags Kroata og múslima. Múslimar
hafa hins vegar kvartað yfir því að Króatar
hafi gert samninga við Serba um að skipta
á milli sín landsvæðum á kostnað múslima.
Þá hafa skæruliðasveitir múslima sagt að
Króatar hafi komið í veg fyrir að þær fengju
liðsauka í bardögunum við Serba um
Sarajevo.
<
‘U
Hvað er að gerast á
Balkanskaganum
og hverjar eru ræt-
ur átakanna þar
Enginn er
spámaður
íslensk söfn
taka nú í
fyrsta skipti
þótt í al-
þjóðadegi
safna
Safnið
sem
tímavél