Morgunblaðið - 18.08.1992, Blaðsíða 25
MORGUNBLAÐIÐ ÞRIÐJUDAGUR 18. ÁGÚST 1992
2 i
Flokksþing bandarískra repúblikana í Houston:
George Bush heldur
til Texas í baráttuhug
Boston. Frá Karli Blöndal, fréttaritara Morgunblaðsins.
Richard Bond, formaður þjóðarnefndar flokks repúblikana, setur
flokksþingið í Houston í gær.
FLOKKSÞING Repúblikana-
flokksins hófst í Houston í Texas
í gær. George Bush forseti verð-
ur formlega tilnefndur forseta-
frambjóðandi flokksins á þing-
inu, sem stendur í fjóra daga,
og vonast repúblikanar til þess
að þeir geti hleypt krafti í frem-
ur líflausa kosningabaráttu for-
setans. Bush, sem hefur haldið
því fram að kosningabarátta sín
hefjist í raun ekki fyrr en að
þinginu loknu, kvaðst í gær „full-
ur eftirvæntingar og reiðubú-
inn“ til að takast á við Bill Clint-
on, forsetaframbjóðanda demó-
krata.
Richard Bond, formaður Repú-
blikanaflokksins, setti flokksþingið
og síðar í gær tóku Ronald Reag-
an, forveri Bush í forsetastóli, og
Pat Buchanan, hans helsti keppi-
nautur í forkosningunum, til máls.
Þegar Bush lagði af stað frá
Washington til Houston stóðu
stuðningsmenn hans á blettinum
fyrir aftan Hvíta húsið með spjöld,
sem á stóð: „Bnga miskunn!" Á
sunnudag ávarpaði Bush starfs-
menn Repúblikanaflokksins í Ho-
uston: „Á morgun tek ég mér kynd-
ilinn í hönd; og saman munum við
sýna bandarísku þjóðinni hvernig
forystu hún getur treyst."
Repúblikanar leggja nú mikla
áherslu á traust. Skoðanakannanir
hafa sýnt að kjósendur treysta
Clinton betur til að knýja fram
breytingar, en bera meira traust
til Bush þegar mikið liggur við.
Aðstoðarmenn forsetans telja að
þar hafi þeir fundið veikan blett á
Clinton, sem hægt sé að nota Bush
til framdráttar.
Repúblikanar hafa lagt mikla
vinnu í flokksþingið og vonast til
þess að gera betur en demókratar,
sem í New York í síðasta mánuði
settu á svið mikla sýningu einingar
og stefnufestu.
Eftir flokksþing demókrata stóð
Clinton uppi með 24 prósenta for-
skot á Bush í skoðanakönnunum.
Nú hyggjast repúblikanar leika
sama leik og snúa almenningsálit-
inu sér í hag. Það verður ekki auð-
velt. Undanfarna tíu daga hafa
birst sex skoðanakannanir, sem
hinir ýmsu fjölmiðlar hafa látið
gera. Þar hefur Clinton notið allt
frá 17 til 26 prósenta forystu.
Flestar benda skoðanakannanirnar
þó til þess að aðeins sé að draga
saman með Bush og Clinton.
Demókratar virtust sameinaðir í
New York, en repúblikönum hefur
ekki tekist að snúa bökum saman.
Athygli hefur vakið að um þriðj-
ungur þingmanna og margir ríkis-
stjórar úr röðum repúblikana sækja
ekki flokksþingið. Margir þeirra
segja tíma sínum betur varið en í
kosningabaráttu, en aðrir eiga
greinilega erfitt með að sætta sig
við að hægri armur flokksins virð-
ist hafa tögl og hagldir. Margir
fijálslyndir repúblikanar hafa verið
settir út í kuldann.
Reikul afstaða Bush
Drög að stefnuskrá flokksins
þykja bera því vitni. Þar er kveðið
á um að fóstureyðingar skuli ekki
leyfðar undir nokkrum kring-
umstæðum. Afstaða Bush til fóst-
ureyðinga hefur verið á reiki, en
hann virðist nú vera andvígur fóst-
ureyðingum nema að um nauðgun
hafi verið að ræða eða fæðing
gæti stofnað lífi móður í hættu.
Bush sagði hins vegar í viðtali í
síðustu viku að hann myndi styðja
barnabarn sitt ef það ákvæði að
fara í fóstureyðingu. Þeir, sem vilja
leyfa fóstureyðingar, segja að þessi
orð forsetans beri því vitni að hann
styðji í raun rétt konunnar til að
ráða yfir líkama sínum. Fóstureyð-
ingar séu ekki æskilegar, en
ákvörðunin sé konunnar. En Bush
óttast að glata stuðningi hægri
vængs flokksins og hefur því ekk-
ert sagt við þessu ákvæði stefnu-
skrárinnar.
Meirihluti Bandaríkjamanna er
hins vegar hlynntur fóstureyðing-
um og margir repúblikanar óttast
að flokkurinn eyðileggi fyrir sjálf-
um sér með því að leggja áherslu
á svo einstrengingslega afstöðu í
þessu hitamáli.
Margir líta svo á sem flokkurinn
standi nú á tímamótum. Frá hra-
pallegri útreið Barrys Goldwaters
árið 1964 hafa repúblikanar haft
betur í fimm forsetakosningum af
sex. Þeir hafa verið linnulítið við
stjórnvölinn í tæpan aldarfjórðung.
Á meðan lauk kalda stríðinu en
Bandaríkjamenn komu sér upp
mesta íjárlagahalla sögunnar.
Repúblikanar hreykja sér af því að
hafa unnið kalda stríðið og kvarta
undan því að fá ekki næga viður-
kenningu fyrir. Repúblikanar
kenna meirihluta demókrata á
þingi um það hvernig komið er
fyrir efnahag þjóðarinnar og skilja
ekki að kjósendur skuli skella
skuldinni á Bush. Næstu þrjá daga
munu repúblikanar reyna að telja
kjósendur á að líta málin sínum
augum.
Honecker með
krabbamein
Berlín. Reuter.
ÞÝSKUR læknir, Volkmar
Schneider, sagði í gær að Erich
Honecker, fyrrverandi leiðtogi
Austur-Þýskalands, kynni að
deyja bráðlega af völdum lifrar-
krabbameins.
Lækninum hefur verið falið að
meta hvort Honecker sé nógu heil-
brigður til að hægt verði að halda
honum í fangelsi og sækja hann
til saka fyrir að fyrirskipa dráp á
fólki sem reyndi að flýja yfir Ber-
línarmúrinn til Vestur-Þýskalands
fyrir sameiningu þýsku ríkjanna.
Hann sagði að samkvæmt lækna-
skýrslu frá síðustu viku væri
Honecker haldinn ólæknandi sjúk-
dómi.
Lögfræðingar Honeckers, sem
er 79 ára, hafa sagt að hann geti
ekki mætt fyrir rétt og beðið um
að hætt verði við málaferlin gegn
honum, sem gætu tekið tvö ár.
Hann hafi aðeins örfáa mánuði
ólifaða.
-til btettahreinsunar-
í
F/ESTÍ MATVÖRUVERSLUNUM
Dreifingaraaili Þýzk- Islenzka h(. ff 675600
Ferðamálaskóli íslands
Höföabakka 9, Reykjavík. Sími 671466.
Starfsnám fyrir þá, sem starfa vilja við ferðaþjónustu. Nám, sem er viðurkennt
af Félagi ísl. ferðaskrifstofa. Alþjóðleg próf og réttindi (IATA).
Innritun stendur yfir.
Ath.: Fjöldi nemenda við skólann takmarkaður.
5
c/>
í
a.
Hlífar fyrir aðalljósker
Vörn gegn skemmdum af grjótkasti - Til prýði og nytja.
Fyrirliggjandi á flestar gerðir MITSUBISHI og VW bifreiða.
Flugna- og grjóthlífar
Fremst á vélarhlífina. Vörn gegn grjótkasti og flugum.
Fyrirliggjandi í ýmsar gerðir.
Ásetning á staðnum.
Sendum um aílt land.
TRAUST LAUGAVEGI 174
FYRIRTÆKI StMAR 695500 695670
m
HEKLA SMURSTÖÐ HEKLU