Morgunblaðið - 27.08.1992, Blaðsíða 31
MORGUNBLAÐIÐ FIMMTUDAGUR 27. ÁGÚST 1992
31
Minning
Jóna A. Illugadóttir
Fædd 7. júlí 1918
Dáin 22. ágúst 1992
í dag verður til moldar borin frú
Jóna Alda Ulugadóttir, Ásgarði 8
hér í borg, en hún lést í Landspítal-
anum 22. ágúst síðastliðinn eftir
skamma sjúkdómslegu. Að Jónu
Öldu stóðu sterkir stofnar. Foreldr-
ar hennar voru Illugi Hjörtþórsson,
skipstjóri í Landlyst Vestmannaeyj-
um og Guðný Eyjólfsdóttir ættuð
frá Miðskála undir Eyjafjöllum.
Illugi faðir hennar var fæddur á
Skúmsstöðum á Eyrarbakka þar
sem Hjörtþór faðir hans var versl-
unarmaður. Foreldrar Hjörtþórs
voru Illugi Ketilsson, hreppstjóri í
Síðumúla í Borgarfirði, og kona
hans, Vigdís Þórðardóttir prests í
Lundi, Lundarreykjadal Jónssonar.
Guðný móðir hennar var dóttir
Eyjólfs Ketilssonar bónda að Mið-
skála, síðar Rafnseyri, Vestmanna-
eyjum, og konu hans, Guðrúnar
Guðmundsdóttur, en þau voru bæði
komin af hinni miklu ætt Valda
Ketilssonar á Sauðhúsvelli, sem var
afkomandi Halldórs Skúlasonar,
sýslumanns í Þykkvabæjarklaustri.
Guðný Eyjólfsdóttir ólst upp hjá
föðursystur sinni, Þuríði Eyjólfs-
dóttur, og manni hennar, Jóni Stef-
ánssyni í Úthlíð, Vestmannaeyjum.
Jón Stefánsson drukknaði á mótor-
bátnum Haffara 1916. Guðný var
trúlofuð Ágústi Sigurhanssyni frá
Brimnesi og átti með honum tvær
dætur, Guðrúnu, f. 6. september
1910, og Sigríði, f. 5. júní 1912.
Guðrún ólst upp hjá móður sinni í
Úthlíð en Sigríður í Brimnesi hjá
föðurfólki sínu. Unnusta sinn miss-
ir Guðný ásamt tvíburabróður sín-
um þegar vélbáturinn Fram fórst
við Vestmannaeyjar 15. janúar
1914. Hún eignast síðan Jónu Öldu
17. júlí 1918.
Jóna Alda ólst upp í Úthlíð með
móður sinni og systur ásamt Þuríði
afasystur sinni og liennar börnum.
Þá átti hún sitt annað heimili í
Langholti hjá Ólafíu Jónsdóttur
frænku sinni og hennar manni,
Guðjóni Scheving, og þeirra böm-
um. Jóna bjó við gott atlæti í æsku
og var umvafin miklum frændgarði
en fór á mis við uppeldi og sam-
gang við föður sinn.
Hinn 6. október 1944 gekk hún
að eiga Pál Guðmundsson, f. 5.
september 1914, frá Stokkseyri.
Poreldrar Páls voru Guðmundur
Pálsson ættaður frá Galtarholti á
Rangárvöllum og kona hans,
Magnea Halldórsdóttir, sem komin
var af Helluvaðsætt í Holtum. Jóna
og Páll byijuðu sinn búskap í Lundi
og fluttist Guðný móðir Jónu þá til
þeirra og einnig afi hennar, Eyjólf-
ur Ketilsson, þá kominn á tíræðis-
aldur og var hann hjá þeim til
dauðadags.
Mikið jafnræði var með þeim
hjónum Jónu og Páli og vom þau
samhent í þvi að hlúa að skyldum
og vandalausum allan sinn búskap.
Þeim varð ekki barna auðið en árið
1954 tóku þau í fóstur Sigríði Vig-
dísi Gunnlaugsdóttur, þá 4 ára.
Móðir Sigríðar Jóhanna Margrét
Jónsdóttir, ættuð frá Mið-Grund
undir Eyjafjöllum, hafði dáið frá
finim ungum börnum sínum og
varð eiginmaður hennar, Gunnlaug-
ur Sigurðsson frá Hruna, að leysa
upp heimilið og koma bömunum í
fóstur.
Jóna og Páll ólu Sigríði upp sem
sína eigin dóttur og naut hún alls
þess besta sem barn getur óskað
sér; ást og umhyggju góðra for-
eldra. Þau veittu af kærleika og
örlæti hinu móðurlausa barni gott
uppeldi. Hún hefur líka reynst fóst-
urforeldrum sínum góð dóttir.
Eins og áður sagði byijuðu Jóna
og Páll búskap í Lundi en fluttu
árið 1956 í nýbyggt hús sitt á Hóla-
götu 22 og búa þar til ársins 1964
er þau flytja til Reykjavíkur. Þar
festu þau kaup á raðhúsi við Ás-
garð og Páli varð verslunarstjóri
hjá Sláturfélagi Suðurlands. Starfs-
vettvangur Jónu var fyrst og fremst
heimilið því Guðný móðir hennar
flutti með þeim frá Eyjum og Guð-
mundur faðir Páls flutti einnig til
þeirra og var hjá þeim síðustu æfi-
árin, en hann lést árið 1968. Jóna
hlúði að hinum öldruðu foreldrum
þeirra og tók miklu ástfóstri við
Guðnýju Öldu, dóttur Sigríðar, sem
fæddist 8. júní 1970. Hún saknaði
Vestmannaeyja í fýrstu en var fljót
að aðlagast í Reykjavík og vildi
hvergi annars staðar vera.
Ég kynntist þessum elskulegu
hjónum vegna vinskapar okkar
Siggu fósturdóttur þeirra og fann
strax fyrir þeirri miklu góðvild sem
frá þeim stafaði og birtist í allri
þeirra framkomu við menn og mál-
leysingja. Ávallt hef ég notið mikill-
ar gestrisni og velvildar á heimili
þeirra og er þakklát fyrir að hafa
kynnst þessu góða fólki.
Það urðu mikil umskipti í lífí
Jónu þegar Sigga gifti sig og flutti
með Guðnýju Oldu dóttur sína til
Bandaríkjanna í janúar 1979. Sama
ár lést Guðný Eyjólfsdóttir móðir
Jónu 89 ára.
Eiginmaður Sigríðar er Ralph
Dean Clark, kennslustjóri við O.T.I.
Technology Institute í Waycross í
Georgíufylki. Þeirra böm eru Vict-
oria Magdalena, f. 19. nóvember
1979, og Páll Dean, f. 22. júní 1982.
Guðný Alda flutti til íslands fyrir
þremur árum og var það Jónu og
Páli mikilsvirði. Unnusti Guðnýjar
Öldu er Engilbert Adolfsson.
Þó að höf og lönd skildu fjölskyld-
urnar að var alltaf mikið og gott
samband þeirra í milli. Sigga kom
eins oft og hún gat með sína fjöl-
skyldu og hringdi alltaf annan
hvem sunnudag. Hún var komin
hingað sólarhring eftir að móðir
hennar veiktist til að standa við
hlið föður síns þessa erfíðu daga.
Nú er skarð fyrir skildi á heimil-
inu í Ásgarðinum, Páll hefur misst
sinn kæra lífsförunaut eftir nær
fimmtíu ára samfylgd. Elskandi
dóttir sér á bak þeirri konu er gekk
henni í móðurstað fjögurra ára og
barnabörnin trega ástríka ömmu.
Við fjölskyldan í Öldutúninu send-
um þeim öllum innilegar samúðar-
kveðjur.
Hvað er það ljós, sem lýsir fyrir mér
þá leið, hvar sjón mín enga birtu sér?
Hvað er það ljós, sem ljósið gjörir bjart
og lífgar þessu tákni rúmið svart?
Hvað málar ást á æskubrosin smá
og eilíft líf í feiga skörungs brá?
Hvað er þitt ljós, þú varma hjartans von
sem vefur faðmi sérhvem tímans son?
Guð er það Ijós.
(Matth. Jochumsson.) -
Guð blessi minningu Jónu Öldu
Illugadóttur.
Guðlaug Konráðsdóttir.
í dag fer fram í Bústaðakirkju
útför frænku minnar, Jónu Öldu
Illugadóttur. Hún var fædd og upp-
alin í Úthlíð í Vestmannaeyjum.
Móðir hennar var Guðný Eyjólfs-
dóttir, sem fædd var 7. júní 1890,
d. 10. febrúar 1979. Guðný hafði
fylgt föðursystur sinni, Þuríði Ket-
ilsdóttur, úr föðurhúsum hennar frá
7 ára aldri. Amma mín, Þuríður,
sagði mér að Guðný hefði komið
til hennar strax eftir brúðkaup
hennar, en hún giftist Jóni Stefáns-
syni frá Miðskála undir Eyjafjöllum,
f. 21. júlí 1898. Guðný, móðir Jónu,
var síðan með Þuríði og börnum
hennar í Úthlíð og þar ólst Jóna
upp við gott atlæti og þar var hún
þar til hún giftist eftirlifandi manni
sínum, Páli Guðmundssyni, verslun-
arstjóra, fæddum á Stokkseyri 5.
september 1914.
Þau giftu sig í Vestmannaeyjum
6. októver 1944 og átti móðir henn-
ar síðan heimili hjá þeim. Þau flutt-
ust til Reykjavíkur 1964 og bjuggu
þar síðan.
Þau eignuðust ekki böm en ólu
upp Sigríði Gunnlaugsdóttur frá 4
ára aldri, hún var þeirra augasteinn.
Mikill samgangur var alla tíð
milli móður minnar og Jónu og öll
systkinin í Úthlíð báru hana á hönd-
um sér, enda var þetta allt mikið
öðlingsfólk, það fengum við systkin-
in í Langholti fljótt að kynnast.
Alla mína æsku og fullorðinsár
vorum við Jóna miklar vinkonur,
hún var níu árum eldri en ég og
var mér sem systir. Þegar ég fór
að heiman hafði ég alltaf mikið
samband við Jónu og hún reyndist
mér og minni fjölskyldu vel. Þegar
börnin voru lítil var mikill samgang-
ur á milli heimila okkar í Vest-
mannaeyjum en Jóna var einstak-
lega barngóð. Árin liðu og fiarlægð-
in óx eins og gerist í þessu nútíma-
þjóðfélagi en alltaf vissum við hvor
af annarri, ég tók upp símann og
hringdi í Jónu frænku ef mig vant-
aði að vita eitthvað um köku- og
mataruppskriftimar frá gömlu dög-
unum. Jóna var frekar heilsuhraust
alla ævi þar til hún veiktist skyndi-
lega þann 2. ágúst sl. og lést hún
í Landspítalanum aðfaranótt 22.
ágúst 1992.
Mikill harmur er kveðinn að Páli
eiginmanni hennar, en þau vom
mjög samrýnd og hafa aldrei verið
langt frá hvoru öðru öll þessi ár.
Sólarhring eftir að Jóna veiktist
kom Sigríður, fósturdóttir þeirra,
strax heim frá Ameríku en þar er
hún búsett og sýnir það meira en
orð fá lýst sambandi hennar við
fósturforeldra sína og var hún Páli
mikil stoð þessa erfiðu daga.
Ég og fjölskylda mín sendum
þeim Páli innilegar samúðarkveðjur
og biðjum Guð að blessa þau í sorg-
inni og veita þeim styrk til að tak-
ast á við ókomna tíð.
Blessuð sé minning frænku
minnar, Jónu Öldu.
Steina Scheving.
+
Eiginmaður minn, faðir okkar, tengdafaðir, afi og langafi,
ADOLF HALLGRÍMSSON,
fyrrverandi loftskeytamaður frá Patreksfirði,
til heimiiis f Stóragerði 14,
Reykjavík,
lést í Landspítalanum föstudaginn 21. ógúst.
Útförin fer fram frá Fossvogskirkju föstudaginn 28. ágúst kl. 15.00.
Helga Guðmundsdóttir,
Hilmar Adolfsson, Svava Hauksdóttir,
Gylfi Adolfsson, Vilborg Geirsdóttir,
Hildigunnur A. Dixon, Louis T. Dixon,
Adolf Þráinsson, Aðalheiður Pálmadóttir,
barnabörn og barnabarnabörn.
Haustmisseri Fræðslumiðstöðvar RKÍ
Málþing verður hald-
ið um þróunaraðstoð
FRÆÐSLUMIÐSTÖÐ Rauða kross íslands hefur gefið út rit sem hefur
að geyma upplýsingar um námskeið og námstefnur á vegum RKÍ,
Rauða kross deilda og Ungmennahreyfingar RKÍ á haustönn. Mest ber
á hefðbundnum námskeiðum sem tengjast skyndihjálp, forvörnum og
almennri Rauða kross fræðslu, en einnig er bryddað upp á nýjungum.
I október mun RKI ásamt alþjóða-
stofnun Háskóla íslands gangast
fyrir málþingi um þróunaraðstoð,
sem haldið verður í Odda. Einnig
verður námskeið fyrir sendifulltrúa
Rauða krossins haldið í Munaðamesi
í Borgarfírði í október. Námskeiðið
fer fram á ensku og á því er fólk
búið undir hjálparstörf vegna nátt-
úruhamfara eða stríðs. Til þess að
gerast sendifulltrúi er skilyrði að
hafa setið slíkt námskeið.
Ungu fólki í Rauða krossinum
býðst að sækja námskeið til undir-
búnings sjálfboðastarfi erlendis, en
nú er til dæmis í gangi sjálfboðaverk-
efni í Gambíu. Til þess að komast á
slíkt námskeið þarf að sækja grunnn-
ámskeið um Rauða kross hreyfmg-
una en það verður haldið í september.
Námskeið fyrir nýbúa, sem sér-
staklega eru sniðin fyrir fólk frá fjar-
lægum menningarsvæðum sem sest
hefur að á íslandi, verða tvö í haust.
Annað fer fram á tælensku en hitt
á kínversku. Fólk búsett hér á landi
sem á þessi tvö tungumál að móður-
máli er vel á þriðja hundrað.
Námstefna um alnæmi sem RKÍ,
Landsnefnd um alnæmisvarnir og
Samtök áhugfólks um alnæmisvand-
ann standa sameiginlega að, verður
haldin í október. Aðalfyrirlesarar eru
tvær sænskar konur, sem hafa getið
sér orð fyrir störf sín að alnæmismál-
um í Svíþjóð. Starfslokanámskeið
verða haldin á nokkrum stöðum á
landinu á haustmisseri. Eins og nafn-
ið bendir til er fræðslan sniðin að
þörfum þeirra sem eru að ljúka eða
hafa þegar lokið starfsævinni.
Á vegum Ungmennahreyfingar
RKÍ verða haldin námskeið fyrir
sjálfboðaliða Vinalínunnar og fyrir
þá sem vilja leggja Rauða kross hús-
inu lið. Þátttakendur beggja nám-
skeiða þurfa að þekkja til grundvall-
arreglna og skipulags Rauða kross-
ins.
(Fréttatilkynning)
+
Elskuleg móðir okkar, tengdamóðir, amma og langamma,
LIUA ÁGÚSTARDÓTTIR
fró Lýsuhóli,
til heimilis f Asparfelli 6,
Reykjavfk,
lést á Borgarspítalanum 18. ágúst.
Útför hennar hefur farið fram.
Hugheilar þakkir fyrir auðsýnda samúð.
Aðalheiður Edilonsdóttir, Sveínn Kristjónsson,
Magnea Edilonsdóttir,
Kristófer Edilonsson, Ásthildur Geirmundsdóttir,
Gústaf Edilonsson Bergljót Óladóttir,
barnabörn og barnabarnabörn.
+
Ástkær eiginmaður minn, faðir okkar, tengdafaðir og afi,
INGIMUNDUR S. MAGNÚSSON
fró Bæ, Króksfirði,
Hofgörðum 2,
Seltjarnarnesi,
sem andaðist f Landspítalanum 21. ágúst síðastliðinn, verður
jarðsunginn frá Fossvogskirkju föstudaginn 28. ágúst nk. kl. 10.30.
Jarðsett verður í Gufuneskirkjugarði.
Sjöfn K. Smith,
Magnús Ingimundarson, Brynja Haraldsdóttir,
Sverrir Ingimundarson, Steinþóra Ágústsdóttir,
Laufey Anna Ingimundardóttir,
Hjördís Ingimundardóttir,
og barnabörn.
Útför elskulegrar eiginkonu minnar, móður, tengdamóður og
ömmu,
HULDU SVEINSDÓTTUR,
Kambahrauni 30,
Hveragerði,
verður gerð frá Hveragerðiskirkju laugardaginn 29. ágúst kl. 14.00.
Erlendur Hilmisson,
Hólmfríður Hilmisdóttir,
Björg Hilmisdóttir,
Brynjólfur Hilmisson,
Júlfana Hilmisdóttir,
Harpa Hilmisdóttir,
■ ■■■iiiii iiiiii uvoauii,
og barnabörn.
Guðlaug Bjarnþórsdóttir,
Hilmar Magnússon,
Úlfar Andrésson,
Anna Högnadóttir,
Viktor Sigurbjörnsson,
Óskar Sigurþórsson
+
Einlægar þakkir sendum við öllum þeim, sem sýndu okkur samúð
og hlýhug við andlát og útför
SIGURGRÍMS GRÍMSSONAR
verkstjóra.
Sérstakar þakkir sendum við til starfsfólks og lækna deildar 13D
Landspítalanum.
Valgerður Bjarnadóttir,
Erna Ragnheiður Sigurgrfmsdóttir, Árni Ólafsson,
Bjarni Sigurgrfmsson, Hjördís Óskarsdóttir,
Ingibjörg Sigurgrfmsdóttir, örn Leósson,
barnabörn og barnabarnabörn.