Morgunblaðið - 09.10.1992, Blaðsíða 18

18
MORGUNBLAÐIÐ FÖSTUDAGUR 9. OKTÓBER 1992
Þotuslysið í Amsterdam:
Færri fórust en
áður var talið
Amsterdam. Reuter.
ED van Thyn borgarstjóri í
Amsterdam sagði í gær að nú
benti allt til þess að mun færri
hefðu týnt lífí er ísraelsk flutn-
ingaflugvél hrapaði niður á tvö
fjölbýlishús í borginni sl. sunnu-
!iJ "N .Jl. •a,
GÖNGUSKÓR
ISLAND Stærðir 4047.
Verðkr. 13.780,-
ISLAND LADY Stærðir 36-41.
Verðkr. 12.970,-

útiufí
GLÆSIBÆ, SÍMI812922
dag en áður var talið. í gær
höfðu lík 49 manna fundist og
sagði van Thyn að ekki væri
gert ráð fyrir að öllu fleiri fynd-
ust.
Van Thijn og aðrir embættis-
menn vildu ekki geta sér til um
hversu margir hefðu farist, sögðu
það eitt að líklega yrði aldrei hægt
að slá því föstu nákvæmlega. Tals-
menn lögreglunnar sögðu að
manntals- og íbúaskýrslur væru
greinilega haldlaus gögn sem
leiddu menn á villigötur. Byija
yrði frá byijun og reyna að átta
sig á því hversu margir áttu heima
í íbúðunum sem þotan skall á með
því að yfirheyra heimilisfólk ann-
arra íbúða blokkanna.
Um tíma var talið í gærmorgun
að hljóðriti þotunnar, segulbands-
upptaka með samtölum í flug-
stjómarklefanum, hefði fundist.
Þegar sérfræðingar á Schiphol-
flugvellinum skoðuðu hins vegar
stykkið kom strax í ljós að um
misskilning hefði verið að ræða.
Alþjóðleg sveit sérfræðinga
rannsakar brak E1 A1 þotunnar í
Hollandi en óljóst er enn hvað olli
því að hún fórst. í fyrstu var talið
að báðir stjómborðshreyflamir
hefðu rifnað af þotunni á flugi en
um tíma í fyrradag var það dregið
að nokkru til baka. í gær héldu
rannsóknarmenn svo aftur í upp-
runalegu kenninguna þar sem
brak úr báðum hreyflum hefur
fundist við vatn 15 km frá slys-
staðnum. Þar hefur þó aðeins ann-
ar hreyfillinn fundist.
Rannsókn er hafin á flugrita
E1 A1 þotunnar, svarta kassanum
svonefnda, í rannsóknarstofnun á
flugvelli breska hersins í Fam-
borough suðvestur af London.
Stofnunin þykir öðrum fremri að
greina upplýsingar af skemmdum
flugritum og leiddi m.a. í ljós að
það var sprengja hryðjuverka-
manna sem grandaði Pan Am-þot-
unni yfir Lockerbie í Skotlandi í
desember 1988.
Reuter
Chris Patten á almennum borgarafundi sem hann hélt í gær,
Hong Kong
Fækkað hjá
Alusuisse
Ziirich. Frá Önnu Bjarnadóttur, fréttarit-
ara Morgunblaðsins.
STARFSFÓLKI álfyrirtækis
Alusuisse-Lonza (A-L) í Wallis í
Sviss verður fækkað um 10% á
næsta ári til að draga úr starfs-
mannakostnaði fyrirtækisins.
Rekstrarerfiðleikar í áliðnaðinum
valda þvi að vinnutími um 1.600
starfsmanna af 2.028 verður stytt-
ur og 200 munu missa vinnuna.
Eftirspum eftir áli hefur dregist
samán m.a. vegna kreppu í bygg-
inga- og bílaiðnaði sem og öðrum
iðnaði sem notar ál í framleiðslu
sinni. Stjómendur A-L segja ríkis-
studd álfyrirtæki sem njóta niður-
greidds orkuverðs þau einu á Vestur-
löndum sem eigi ekki við verulega
rekstrarerfíðleika að etja um þessar
mundir.
Patten landslj óii boð-
ar lýðræðisumbætur
Hong Kong. Reuter.
CHRIS Patten, landstjóri Bretlands í Hong Kong, flutti sína fyrstu
stefnuræðu í fyrradag. Þar boðaði hann aukið lýðræði og meiri fram-
lög til velferðarmála. Kínversk stjórnvöld, sem taka við nýlendunni
árið 1997, gagnrýndu Patten harkalega fyrir að boða slíkar breyting-
ar án samráðs við þau. Úr röðum breskra stjórnmálamanna og heima-
manna heyrðust hins vegar þær raddir í gær að Patten hefði ekki
gengið nógu langt.
Patten tók við landstjóraembætt-
inu í júlí síðastliðnum. Síðan hefur
hann getið sér orð fyrir að tala tæpit-
ungulaust við Kínveija en þeir fylgj-
ast eins og vonlegt er mjög grannt
með öllum gerðum landstjórans og
þróun mála í nýlendunni. Undanfar-
in ár hafa Bretar og Kínveijar sam-
ið sín á milli fyrir luktum dyrum um
framtíð Hong Kong. Ræða Pattens
í fyrradag var brot á þeirri hefð.
Hann mun ekki kynna Kínveijum
tillögur sínar fyrr en í lok mánaðar-
ins.
„Eins og öllum er kunnugt eru
því takmörk sett hversu hratt er
hægt að auka lýðræði í Hong Kong,“
sagði Patten i ræðu sinni. „En þótt
um hömlur sé að ræða þá er ekki
loku fyrir það skotið að hægt sé að
auka lýðræði." Núna eru 18 af 60
þingmönnum Hong Kong kosnir
beint. Kínveijar hafa fallist á að
bæta við tveimur þjóðkjömum í
kosningunum árið 1995 en þeir hafa
verið mjög tregir til að ganga lengra.
Patten boðaði í ræðu sinni að í kosn-
ingum myndi almenningur hafa
meiri eða minni áhrif á kosningu 39
þingmanna af 60. Patten gaf skýrt
til kynna að þótt hann myndi hlýða
á viðbrögð Kínveija þá myndi hann
ekki breyta tillögum sínum. Það yrði
þing Hong Kong sem myndi eiga
lokaorðið. Kínveijar gætu þá breytt
þessari skipan eftir flmm ár ef þeim
líkaði hún ekki.
Patten boðaði einnig stóraukin
framlög til umhverfisverndar,
menntunar og löggæslu. Þykir víst
að það muni fara fyrir brjóstið á
Kínveijum en þeir hafa lagt á það
áherslu að ekki verði gengið á sjóði
Hong Kong fyrir afhendinguna
1997. Patten sá sér hins vegar ekki
fært að leggja til að fulltrúar stjórn-
málaflokka í Hong Kong tækju sæti
í ríkisstjórn landsins. Talsmenn lýð-
ræðissinnaðra flokka mótmæltu
þessu í gær.
Viðbrögð talsmanns kínversku
Xinhua-fréttastofunnar í Hong
Kong, sem er nokkurs konar sendi-
ráð Kína í nýlendunni, voru harka-
leg: „[Tillögumar] em óábyrgar og
óskynsamlegar. Kínveijar munu
ekki bera neina ábyrgð á þeim deil-
um sem kunna að rísa,“ sagði hann.
Allan Rogers, talsmaður breska
Verkamannaflokksins í utanríkis-
málum, sagði í gær að hann hefði
vonast eftir mun róttækari tillögum
frá Patten. Paddy Ashdown, leiðtogi
Fijálslyndra demókrata, fagnaði til-
lögunum almennt en sagði það þó
vonbrigði að Patten hefði ekki lagt
til að lýðræðislega kjörnir fulltrúar
tækju sæti í ríkisstjórninni.
Tilbod t spariskírteini
ríkissjóðs
Fyrsta tilbob í spariskírteini
ríkissjóbs verbur mibviku-
daginn 14. október
Næstkomandi miövikudag fer fram fyrsta tilboð í
spariskírteini ríkissjóðs. Um er að ræða hefðbundin
verðtryggð spariskírteini í eftirfarandi flokkum:
Flokkur Lánstími Gjalddagi
l.fl.D 1992 5 ár 1. febrúar 1997
l.fl.D 1992 10 ár 1. apríl 2002
Þessir flokkar eru skráðir á Verðbréfaþingi íslands
/
og er Seðlabanki Islands viðskiptavaki þeirra.
Spariskírteinin verða seld með tilboðsfyrirkomu-
lagi. Löggiltum verðbréfafyrirtækjum, verðbréfa-
miðlurum, bönkum og sparisjóðum gefst einum
kostur á að gera tilboð í spariskírteinin samkvæmt
tilteknu tilboðsverði. Lágmarkstilboð er
kr. 5.000.000 að nafnverði.
Aðrir sem óska eftir að gera tilboð í spariskír-
teinin eru hvattir til að hafa samband við
framangreinda aðila, sem munu annast
tilboðsgerð fyrir þá og veita nánari
upplýsingar.
Öll tilboð í spariskírteinin þurfa að hafa borist
Lánasýslu ríkisins fyrir kl. 14, miðvikudaginn
14. október. Tilboðsgögn og allar nánari
upplýsingar eru veittar hjá Lánasýslu ríkisins /
Þjónustumiðstöb ríkisverðbréfa, Hverfisgötu 6,
í síma 62 60 40.
LANASYSLA RIKISINS
ÞJONUSTUMIÐSTOÐ
RÍKISVERÐBRÉFA
Hverfisgötu 6, 2. hæð, 150 Reykjavík, sími 91- 62 60 40,