Morgunblaðið - 09.10.1992, Blaðsíða 24

24
MORGUNBLAÐIÐ FÖSTUDAGUR 9. OKTÓBER 1992
Jón Sigurðsson iðnaðar- og viðskiptaráðherra
Undirboð og ríkisstyrk-
ir Pólverja verða könnuð
Fríverslunarsamningur EFTA við PóIIand og viðgerð á strandferða-
skipinu Heklu voru rædd i umræðum um þingsályktunartillögu Alþýðu-
bandalagsmanna um jöfnunartoll á skipasmíðaverkefni. Jón Sigurðsson
iðnaðarráðherra sagði að ekki hefði verið haft samráð við sitt ráðu-
neyti um að senda Heklu í viðgerð til Póllands.
í gær mælti Jóhann Ársælsson
(Ab-Vl) fyrir þingsályktunartillögu
sem hann flytur með flokksbræðrum
sínum Hjörleifí Guttormssyni (Ab-
Al) og Steingrími J. Sigfússyni (Ab-
Ne). Tillagan gerir ráð fyrir að fjár-
málaráðherra gefi svo fljótt sem auð-
ið er út reglugerð á grundvelli tolla-
laga um jöfnunartoll á skipasmíða-
verkefni sem framkvæmd væru er-
lendis fyrir íslendinga. Jóhann innti
eftir fregnum af fríverslunarsamn-
ingi milli Póllands og Fríverslunar-
samtaka Evrópu, EFTA. Það hefðu
komið fram fullyrðingar um að sam-
kvæmt þessum samningi gætu
EFTA-ríki ekki lagt á jöfnunargjöld
til að jafna samkeppnisaðstöðu sinna
skipasmíðastöðva gagnvart niður-
greiðslum og ríkisstuðningi í Pól-
landi. Hann spurði einnig hvort ráð-
gert væri að Islendingar létu það
koma fram með sérstakri bókun eða
með einhveijum öðrum hætti þann
vilja sinn og fyrirætlan að styðja ís-
lenskan skipaiðnað.
Jóhann og aðrir þingmenn sem
tóku til máls lögðu mikla áherslu á
mikilvægi skipasmíðaiðnaðarins fyrir
íslenskt þjóðarbú og atvinnulíf. Það
væri ekki af heimsku að aðrar þjóðir
reyndu að veija sinn skipaiðnað og
hamla gegn því að atvinnutækifæri
hyrfu úr landi. Guðjón Guðmunds-
son (S-Vl) hafði efasemdir um að
jöfnunartollur myndi duga til vamar
gegn pólskum undirboðum; þar feng-
ist vinnuaflið nánast fyrir ekki neitt.
En það væri ólíklegt að fólki yrði
haldið við sultarmörk í launum til
lengdar eftir að þjóðin hefði jafnað
sig eftir kúgun kommúnismans. Guð-
jón tók undir gagnrýni flutnings-
manna tillögunnar um að tómlæti
stjómvalda og jafnvel neikvæð af-
staða forystumanna í sjávarútvegi
hefði verið rílqandi á undanfömum
árum. Nýjasta dæmið um þetta tóm-
læti væri viðgerðir á strandferðaskip-
inu Heklu, en í bígerð væri að vinna
það verk í Póllandi. Það væri forkast-
anlegt að senda þetta verk til Pól-
lands.
Jón Sigurðsson
Jóhann
Ársælsson
Starfshópur
Jón Sig-
urðsson iðnað-
ar- og við-
skiptaráðherra
sagði skipa-
smíðaiðnaðinn
vera í erfiðum
vanda. í fram-
haldi af umræð-
um um sam-
Guðjón
Guðmundsson
keppnisstöðu skipasmíðaiðnaðarins
hefði ríkisstjómin ákveðið í síðasta
mánuði að setja á fót starfshóp í því
skyni að kanna hvort um ólögmætt
undirboð pólskra skipasmíðastöðva
hafi verið að ræða, þegar þær hafa
undanfarið gert tilboð í breytingar á
íslenskum fiskiskipum. Jafnframt
hefði þessum hópi verið falið að
kanna fyrirkomulag ríkisstyrkja, sem
samkeppnisaðilar íslenskra skipa-
smíðastöðva nytu í öðrum ríkjum
hins fyrirhugaða Evrópska efnahags-
svæðis og bera þann stuðning saman
við þann sem íslenskur skipasmíða-
iðnaður nyti. Nefndinni væri einnig
ætlað að gera tillögur um hvemig
bregðast ætti við aðstæðum.
Iðnaðarráðherra treysti sér ekki
til að segja til um hver niðurstaða
starfshópsins yrði. En meðal þess
sem kannað yrði væru þau úrræði
sem þingsályktunartilllagan gerði
ráð fyrir. En á því gætu verið ýmis
tormerki. Iðnaðarráðherra taldi að
það yrði ekki undan því vikist að
kanna þessa tillögu Alþýðubanda-
lagsmanna mjög vandlega, áður en
til greina kæmi að samþykkja hana.
Ekki samráð við
iðnaðarráðuneyti
Jón Sigurðsson iðnaðar- og við-
skiptaráðherra vildi láta það koma
fram í þessum umræðum að íslend-
ingar hefðu ekki undirritað fríversl-
unarsamning milli EFTA og Pól-
lands; hann hefði ekki verið staðfest-
ur af okkar hálfu. Eftir því sem hann
best vissi væru ekki nein sérstök
ákvæði um skipasmíðar. Spurningin
væri hvort almenn ákvæði samnings-
ins um skuldbindingar varðandi tak-
mörkun á ríkisstuðningi gætu átt
sérstaklega við skipasmíðar, hvort
heldur væri í Póllandi eða EFTA-ríkj-
unum. Að sinni beiðni yrði þetta mál
kannað í utanríkisráðuneytinu. Og
iðnaðarráðherra kvaðst þar myndu
reyna að gæta hagsmuna okkar
skipaiðnaðar eftir því sem kostur
væri.
Iðnaðarráðherra vildi einnig láta
það koma fram að sínu ráðuneyti
hefði verið öldungis ókunnugt um
samning um viðgerð á strandferða-
skipinu Heklu. Hafi samningur verið
gerður væri það á ábyrgð samgöngu-
ráðuneytis og fjármálaráðuneytis.
Iðnaðarráðherra sagði sína skoðun
að ekki væri hyggilegt að gera slíkan
samning af hálfu íslenska ríkisins á
meðan ríkið sjálft væri að kanna
hvort um undirboð væri að ræða og
það einmitt frá Póllandi. Iðnaðarráð-
herra kvaðst myndu láta á það reyna
hvort bindandi samningur hefði verið
gerður um þessa viðgerð. Aðstæður
væru nú þannig, vegna athugunar-
innar á hugsanlegum undirboðum,
hlyti ríkisstjómin að halda að sér
höndum í þessu máli. Jón Sigurðsson
taldi að á þessu stigi málsins væri
ekki heldur tímabært að segja til um
það hvort Islendingar ætluðu sér að
gera sérstaka bókun við væntanleg-
an fríverslunarsamning við Pólland.
Kristinn H. Gunnarsson og Gunnar Birgisson. Morgunbiaðið/Þorkei!
Bræður hittast á Alþingi
Sjálfstæðismaðurinn Gunnar Birgisson (S-Rn) fyllir nú þingsæti
Ólafs G. Einarssonar menntamálaráðherra. Alþýðubandalagsmað-
urinn Kristinn H. Gunnarsson (Ab-Vf) bauð Gunnar velkominn til
þings af ópólitísku bræðraþeli en Gunnar og Kristinn eru sam-
mæðra.
I gær tók Gunnar Birgisson
(S-Rn) sæti á þingi sem varamað-
ur Ólafs G. Einarsonar, fyrsta
þingmanns Reykjaneskjördæmis.
Gunnar Birgisson er m.a. fram-
kvæmdastjóri fyrirtækjanna
Gunnars og Guðmundar hf. og
Klæðningar hf.
Gunnar er fæddur 30. septem-
ber 1947. Hann er sonur Birgis
Guðmundssonar sjómanns og
bryta. Gunnar gékk til liðs við
Sjálfstæðisflokkinn fyrir u.þ.b.
áratug.
Kristinn H. Gunnarsson alþing-
ismaður er fæddur 19. ágúst 1952,
sonur Kristins H. Gunnarssonar
hitaveitustjóra. Gunnar gékk í
Alþýðubandalagið árið 1979.
Móðir þeirra bræðra og póli-
tísku andstæðinga er Auðbjörg
Brynjólfsdóttir húsmóðir. Auð-
björg starfar við Heimilishjálp
Reykj avíkurborgar.
Eyjólfur Konráð Jónsson
EES - þverbrot
á stj órnarskránni
SKAMMSTÖFUNIN EES táknar í daglegu tali „Evrópskt efnahags-
svæði“. Sumir hafa lesið úr þessum þrem stöfum: „Ef Eyjólfur samþykk-
ir,“ en alkunna er að Eyjólfur Konráð Jónsson (S-Rv) hefur haft mikl-
ar efasemdir um samninginn um Evrópskt efnahagssvæði. í gær kall-
aði hann samninginn um EES „slitur" og ekki vafamál að hann bryti
í bága við stjórnarskrá.
I umræðum um frumvarp um jarð-
hitaréttindi tók Eyjólfur Konráð
Jónsson (S-Rv) til máls. Þingmaður-
inn sagði samninginn um EES vera
„slitur", „drög“ eða í besta falli „upp-
kast“. Við viðurkenndum ekki að
neinn samningur væri til. Við hefðum
ekki samþykkt eitt eða neitt í þá
áttina. Við gætum í besta falli talað
um „uppkast“ fyrir þá sem vildu
„beija þessi ósköp í gegn“. Enginn
íslenskur þingmaður gæti talað um
samning. Ráðherramir hefðu ekki
heimildir af einu né neinu tagi til
að heita einu eða neinu. Eyjólfur
Konráð Jónsson (S-Rv) lagði áherslu
á að: „Fyrst verður auðvitað Alþingi
að samþykkja eitthvað. Sem það
vonandi aldrei gerir. Þá kemur til
kasta forseta íslands að sjálfsögðu
og við vitum auðvitað ekkert um
hvað forseti íslands myndi gera um
samning sem augljóslega, og ég segi
núna augljóslega, er þverbrot á okk-
ar stjómarskrá. Það er ekkert vafa-
mál í mínum huga lengur."
Þingmaðurinn taldi sýnt að Ev-
rópubandalagið kæmi til með að hafa
öll völdin í framtíðinni „og raunar
strax ef við samþykktum samning
um Evrópskt efnahagssvæði sem ég
vona að guð gefi að hendi þingmenn
á Alþingi aldrei, og brytu þannig
stjómarskrána ofan á allt annað."
Til leigu
glæsilegt 127 m2 verslunarhúsnæði á góð-
um stað. Laust strax.
Upplýsingar í síma 688715 milli kl. 10.00-
18.00 alla virka daga.
I.O.O.F. 12 = 174109872 =
I.O.O.F. 1 = 174109872 =Sp.
KFUM/KFUK, SÍK
og KSH
Námskeiðið „Kristiö líf og vitnis-
buröur'' heldur áfram á morgun,
laugardag, í Breiðholtskirkju
kl. 10.30.
Annar hluti: „Sigrandi trúarlíf".
Kennari: Miriam Óskarsdóttir.
Allir velkomnir - ekkert nám-
skeiösgjald.
/
KFUM/KFUK
Suðurhólum 35
Muniö námskeiöið „Kristið líf og
vitnisburöur" í kvöld kl. 20.30.
Annar hluti: „Sigrandi trúarlíf'.
Kennari: Ragnar Gunnarsson.
Allir velkomnir - ekkert nám-
skeiðsgjald.
FERÐAFELAG
ÍSLANDS
MÖRKINNI 6 - SÍMI 682533
LaugardagurlO. okt.
Kl. 9: Straumfjörður á Mýrum
(ný ferð). Litast um á ströndinni
viö Mýrar. Farið á slóðir Straum-
fjarðar-Höllu og strands franska
hafrannsóknaskipsins Pourquo-
ui pas? (sbr. kvikmyndina “Svo
á jörðu sem á himni").
Verð 2.000.- kr.
Sunnudagsferðir
11. okt.
Kl. 13.00 - 1. Selatangar, fjöl-
skylduferð. Strandbál. 2. Núps-
hlfðarháls. Nánar auglýst um
helgina. Verð. 1.200.- kr, en
með afmælisafslætti til félaga
kr. 900.- frítt f. börn m. fullorðn-
um. Brottför frá Umferðarmið-
stöðinni, austanmegin (stans-
að við Mörkina 6).
Ferðafélag Islands.