Morgunblaðið - 01.12.1992, Síða 27
MORGUNBLAÐIÐ ÞRIÐJUDAGUR 1. DESEMBER 1992
27
Morgunblaðið/Kristinn
Meðal gesta á ráðstefnu um matvælaiðnað, samstarf og nýja möguleika sem sjávarútvegs-, iðnaðar-
og landbúnaðarráðuneytið stóðu að í samstarfi við hagsmunasamtök í matvælaiðnaði, voru þeir Sigur-
geir Þorgeirsson aðstoðarmaður landbúnaðarráðherra, Halldór Blöndal landbúnaðarráðherra, Jón Sig-
urðsson iðnaðarráðherra og Björn Friðfinnsson ráðuneytsstjóri viðskipta- og iðnaðarráðuneytis.
Upplagseftirlit
Tímaritið Uppeldi er
með mesta dreifingu
AF 5 tímáritum sem notfæra sér þjónustu Upplagseftirlits VÍ var dreif-
ing tímaritsins Uppeldi mest á tímabilinu júlí-október á þessu ári.
Onnur tímarit sem hafa fengið opinbera staðfestingu á upplagi sínu á
sama tíma eru tímaritin Heilbrigðismál, Heimsmynd, Æskan og 3T.
Tímaritið Uppeldi var prentað í
10.000 eintökum á fjögurra mánaða
tímabili frá júlí til október. Af þeim
fóru 8.930 til áskrifenda, 250 í lausa-
sölu og 150 var dreift ókeypis. Á
lengra tímabili, mars-október, var
upplag tímaritsins það sama, eða
10.000. Af því fóru 9.148 til áskrif-
enda, 350 í lausasölu og 150 var
dreift ókeypis.
Prentað upplag tímaritsins Heims-
myndar var á fjögurra mánaða tíma-
bilinu 8.056 eintök. Þar af fóru 937
tímarit til áskrifenda og 7.119 í
lausasölu. Heilbrigðismál var gefið
út í 7.725 eintökum og fóru 6.060
til áskrifenda. Æskan var prentuð í
6.825 eintökum. Af þeim fóru 5.792
til áskrifenda og 255 í lausasölu.
Upplag tímaritsins 3T var ekkert á
umræddu tímabili. Á lengra tímabil-
inu, mars-október, var upplag tíma-
ritsins 6.500 eintök og fóru 6.100
eintök í lausasölu en 225 eintök ein-
tökum var dreift ókeypis.
Samstarf og nýir möguleikar í matvælaiðnaði
Nauðsyn á sameiginleffri mið-
stöð vöruþróunar og þjónustu
Á RÁÐSTEFNU þriggja ráðuneyta sjávarútvegs, iðnaðar og landbún-
aðar í samvinnu við hagsmunasamtök í matvælaiðnaði, var rætt um
samstarf og nýja möguleika í grcininni. í erindi Hannesar Hafsteinsson-
ar forstöðumanns matvælasviðs Iðntæknistofnunar íslands, kom með-
al annars fram að hann telur hefðbundna verkaskiptingu í matvælaiðn-
aði úrelta, þar sem eingöngu er miðað við uppruna hráefnisins. Nauð-
synlegt væri að koma upp einni sameiginlegri miðstöð fyrir vöruþró-
un, þjónustu og þekkingaröflun. Valgerður Bjarnadóttir fulltrúi Fé-
lags íslenskra iðnrekenda og Vinnuveitendasambans íslands í Bruss-
el, sagði að íslenskur sjávarútvegur væri eina atvinnugreinin, sem
hefði náð árangri á alþjóðamörkuðum þrátt fyrir að keppinautar nytu
bæði markaðsverndar og ríkisstyrkja.
Hannes lagði áherslu á að aukin
þekking með námi og rannsóknum
væri besta leiðin til að auka verð-
mæti í matvælavinnslu í sívaxandi
samkeppni. Sagði hann að af 110
félögum í Matvæla- og næringa-
fræðifélagi íslands störfuðu 90 við
fagið og dreifast þeir á ýmsar grein-
ar iðnaðarins. „Eitt vekur þó at-
hygli, en það er sú staðreynd að
einungis einn skuli starfa í mjólkur-
iðnaði. Þetta stafar fyrst og fremst
af því að mjólkurfræðingar, sem eru
rúmlega eitt hundrað í landinu í dag
og hafa að baki fjögurra ára nám,
hafa séð um greinina. Það má raun-
ar með sanni segja að engin grein
innan matvælaiðnaðar hafí eins hátt
hlutfall menntaðra starfskrafta og
mjólkuriðnaðurinn, enda sýnir það
sig í mjög svo vönduðum vörum og
mikilli grósku í vöruþróun innan
greinarinnar."
Sagði hann, að Háskóla íslands
hafi tekist vel til við útfærslu á
grunnnámi í matvælafræði en miðað
við þarfir matvælaiðnaðarins hér á
landi vantað þar talsvert á. Þar sem
um undirstöðuiðnað væri að ræða
væri brýnt að koma á tveggja ára
framhaldsnámi í matvælafræði við
Háskólann.
Benti hann á að í dag væri unnið
að rannsóknum og þróunarvinnu á
sviði matvæla hjá fimm opinberum
aðilum. Milli þriggja þeirra hafi
skapast ákveðin verkaskipting sem
helgast af uppruna hráefnisins.
Sagði hann það skoðun sína að þessi
hefðbundna verkaskiptin væri úrelt
og tími til komin að taka hana til
endurskoðunar. Við værum fámenn
þjóð með lítið fjármagn til rannsókna
og hefðum ekki efni á að dreifa
kröftunum. Til að ná árangri hið
fyrsta yrði að færa undir sama þak
starfsemi Fræðsludeildar RALA,
Matvælatæknisviðs Iðntæknistofn-
unar og hluta af starfsemi Hollustu-
verndar ríkisins. „Þarna yrði komið
upp miðstöð fyrir vöruþróun, þjón-
ustu og þekkingaröflun í matvæla-
iðnaði. Með þátttöku fyrirtækja
verður hægt að fullþróa vörur frá
hráefni yfir í markaðshæfa vöru. Á
þessum sama stað ættu einnig einn
eða fleiri dósentar í matvælafræði
við Háskólann að hafa aðsetur og
stunda sínar rannsóknir."
Valgerður Bjamadóttir sagði að
flest benti til aukis frelsis í verslun
með landbúnaðarvörur í Evrópu og
að þá muni athyglin beinast að frek-
ari leiðum til að tryggja markaðs-
hlutdeild íslensku framleiðsunnar á
heimamarkaði. „Tækifærin verða fá
eða engin til að skora erlendis af
þeirri einföldu ástæðu að framleiðsl-
an verður ekki samkeppnisfær í
verði. Endurskoðun landbúnaðar-
stefnu Evrópubandalagsins mun
ekki breyta neinu þar um, þvert á
móti. Hún byggist fyrst og fremst
á markaðsíhlutun og að halda uppi
verði á markaði."
Valgerður vék að reglum, sem
gilda um markaðssetningu og benti
á að megin inntak innri markaða
EB væri að samræma þær. í grófum
dráttum eru ákveðnar reglur um
meðferð á matvöru, til dæmis hrein-
læti og aðbúnað á vinnustað. Mark-
aðssetning vörunnar og loks reglur
um skilyrði fyrir fullyrðingum um
næringargildi hennar eða hollustu.
„Meira og minna sömu reglur, sem
settar verða af opinberum aðilum,
munu gilda um meðferð og markaðs-
setningu vörunnar," sagði Valgerð-
ur. Aukið fijálsræði í viðskiptum
með matvöru gæti leitt til þess að
í samningum um milliríkjaviðskipti
hentaði íslendingum að styðja land-
búnaðarframleiðslu annarra gegn
því að fallist verði á stuðning þeirra
við íslenskan sjávarútveg.
Ingi T. Lárusson
Afmælisdagskrá
Inga T.
Lárusson-
ar minnst
I DAG, fullveldisdaginn, verð-
ur flutt í Þjóðmiryasafninu
dagskrá í umsjá Jóns Þórar-
inssonar tónskálds í tilefni
aldarafmælis Ingas T. Lárus-
sonar tónskálds. Dagskráin
hefst klukkan 17.
Rakinn verður æviferill Inga
T. Lárussonar og félagar úr röð-
um íslenzku hljómsveitarinnar
leika og syngja, Elín Ósk Ósk-
arsdóttir,, John Spade, Þóra
Fríða Sæmundsdóttir og Svein-
björg Vilhjálmsdóttir.
Afmælisdagskránni verður
útvarpað beint á Rás 1.
Nýtt tilbob í ríkisvíxla
fer fram mibvikudaginn
2. desember
Næstkomandi mibvikudag fer fram 3. tilboð í
ríkisvíxla. Um er að ræða 3. fl. 1992 í eftirfarandi
verðgildum:
Kr. 1.000.000 Kr. 50.000.000
Kr. 10.000.000 Kr. 100.000.000
Ríkisvíxlarnir eru til 3 mánaða, með gjalddaga
5. mars 1993. Þessi flokkur verður skráður á
Verðbréfaþingi íslands og er Seðlabanki íslands
viðskiptavaki ríkisvíxlanna.
Ríkisvíxlarnir verba seldir með tilboðsfyrirkomu-
lagi. Lágmarkstilboð samkvæmt tilteknu tilboðs-
verði er 5 millj. kr. og lágmarkstilboð í meðalverð
samþykktra tilboða er 1 millj. kr.
Löggiltum verðbréfafyrirtækjum, verðbréfa-
miðlurum, bönkum og sparisjóðum gefst einum
kostur á að gera tilboð í ríkisvíxlana samkvæmt
tilteknu tilboðsverði.
Abrir sem óska eftir ab gera tilboð í ríkisvíxla eru
hvattir til að hafa samband við framangreinda
abila, sem munu annast tilboðsgerð fyrir þá og
veita nánari upplýsingar. Jafnframt er þeim
sjálfum heimilt ab bjóba í vegið mebalverö
samþykktra tilboða (meðalávöxtun vegin með
fjárhæb).
Öll tilboð í ríkisvíxlana þurfa að hafa borist
Lánasýslu ríkisins fyrir kl. 14, miövikudaginn
2. desember. Tilboðsgögn og allar nánari
upplýsingar eru veittar hjá Lánasýslu ríkisins /
Þjónustumiðstöð ríkisverðbréfa, Hverfisgötu 6,
í síma 62 60 40.
LÁNASÝSLA RÍKISINS RÍKISVERÐBRÉFA
Hverfisgötu 6, 2. hæö, 150 Reykjavík, sími 91- 62 60 40.