Morgunblaðið - 10.02.1993, Blaðsíða 34
34
MORGUNBLAÐIÐ MIÐVIKUDAGUR 10. FEBRÚAR 1993
-
fclk f
fréttum
FINNLAND
Islenskir sveppir
vekja athygli Finna
Frán berserkjasveppur till kúa-
lubbi“ er fyrirsögn sem sjá
mátti í fínnska dagblaðinu Huvud-
stadsbladet fyrir nokkru. í fyrir-
sögninni segir einnig að úrval
sveppa á íslandi sé meira en menn
gruni. Höfundur greinarinnar, Berit
Thors, segir m.a. frá því þegar hún
kom til Islands fyrir 12 árum og
fór inn í Þórsmörk. Þar tíndu hún
og dóttir hennar reiðinnar býsn af
sveppum sem tuttugu manna hópur
grillaði síðan fyrir utan sæluhúsið.
Síðan hefur Berit komið aftur til
íslands, haldið hér námskeið fyrir
sveppaáhugafólk og kynnt sér nán-
ar hvaða tegundir vaxa hér á landi.
í greininni rekur hún hvar hinar
og þessar tegundir sé að finna. Þá
vísar hún einnig í umfjöllun í Vik-
unni 1984 og til íslenskra bóka sem
fjalla um sveppi.
Greinin sem birtist í Huvudstads-
bladet sýnir einnig kort af ís-
landi og eru staðirnir sem Berit
Thors fjallar um merktir inn á.
Krakkarnir í 5. og 6. bekk Höfðaskóla ásamt sr. Agli Hallgrímssyni. Morgunblaðið/Óiafur Bemðdusson
Heildsöluverð á undirfatnaði
frá CACHAREL og PLEYTEX.
Einnig snyrtivörurá
kynningarverði.
ÞOKKI
Faxafeni 9, sími 677599
HJÁLPARSTARF
Kökur seldar
fyrir bágstadda
Skagaströnd.
Krakkarnir í 5. og 6. bekk
Höfðaskóla fengu sr. Egil
Hallgrímsson, sóknarprest, í heim-
sókn til sín í skólann nú nýverið.
Tilefni heimsóknarinnar var að
krakkamir voru að afhenda prestin-
um rúmlega 4.200 króna gjöf til
Hjálparstofnunar kirkjunnar.
Krakkamir söfnuðu peningum
þannig að þau tóku sig til fyrir jól-
in og bökuðu smákökur. Kökurnar
seldu þau síðan í versluninni Borg
hf. gegn vægu verði, einn föstu-
dagseftirmiðdag skömmu fyrir jól.
Þau höfðu fengið leyfi verslunar-
stjórans til að stunda sölumennsku
sína í þijá tíma en allar kökumar
seldust upp á þremur stundafjórð-
ungum.
Sr. Egill þakkaði krökkunum
framlagið og sagði þeim jafnframt
ýmislegt um Hjálparstofnunina.
Meðal annars það að með 1.000
króna framlagi á mánuði sé hægt
að taka að sér fósturbam á Ind-
landi. Em krakkamir nú að athuga
möguleika sína á að taka að sér
slíkt fósturbam með föstu mánað-
arlegu framlagi.
- Ó.B.
Höföar til
.fólksíöllum
starfsgreinum!
Jltofgiiitltfitfrife
^ VIÐURKENNIN G AR
Oli Þór Magnús-
son Iþróttamaður
ársins í Keflavík
Keflavík.
A
Oli Þór Magnússon, knatt-
spymukappi og markakóngur
í liði IBK, var útnefndur íþrótta-
maður ársins í Keflavík. Oli Þór
hefur um langt skeið verið einn
Morgunblaðið/Bjöm Blöndal
Óli Þór Magnússon, íþróttamað-
ur ársins í Keflavik.
helsti markaskorari Keflvíkinga og
á síðasta ári hefur frægðarsól hans
skinið hvað hæst þegar hann varð
markakóngur 2. deildar með 18
mörk og var einn af lykilmönnum
ÍBK sem þá vann sig upp í 1. deild.
Óli Þór Magnússon er annars
trésmiður að atvinnu. Hann er 29
ára og hefur leikið á þriðja hundrað
leiki í deild og bikar frá því hann
lék sinn fyrsta leik með meistar-
flokki ÍBK sem var gegn Víkingi í
Keflavík árið 1980, þá 17 ára.
Fyrsta markið sem Óli Þór setti var
gegn Þrótti úr Reykjavík þetta
sama ár og síðan hefur hann verið
iðinn við að hrella markverði.
„Mér gekk ágætlega á síðasta
keppnistímabili eins og flestum í
liðinu. Við höfum æft ákaflega vel
í vetur og emm staðráðnir í að
standa okkur vel í 1. deildinni næsta
sumar,“ sagði Óli Þór í samtali við
Morgunblaðið. Þegar hann var
spurður að því hver galdurinn væri
við að skora mörk sagði hann að
þar hjálpaðist margt að, útsjónar-
semi, heppni og síðast en ekki síst
löngun til að skora. „Annars get
ég nú líka verið óttalegur klaufí
fyrir framan markið," sagði Óli Þór
ennfremur.
-BB
PENINGAMÁL
Willie Nelson
gerir upp
við skattmann
Austín í Texas. Frá Stefáni Þór Stefánssyni, fréttaritara Morgunblaðsins.
Síðustu þijú árin hefur hinn víð-
frægi sveitasöngvari, Willie
Nelson frá Texas, unnið baki brotnu
við að safna fyrir ógreiddum skött-
um. Vandræði hans eiga rætur að
rekja til lélegra fjárfestinga á árun-
um 1980-84 að ráði Price Waterho-
use ráðgjafarfyrirtækisins. Eftir
stranga samningalotu síðasta ár
komust skattayfírvöld að sam-
komulagi við Willie um að hann
greiddi 9 milljónir Bandaríkjadala
af þeim 17 milljónum sem hann
skuldaði í skatta. Nelson skrifaði
ekki bara undir ávísanir til greiðslu
skatta í gær, heldur einnig fjölda
eiginhandaráritana og sagðist vera
hamingjusamur með að málinu
væri lokið.
Eftir eignaupptöku og uppboð
skattayfírvalda árið 1990 á sveita-
setri Willie Nelsons í Dripping
Springs, Texas, keyptu vinir og
aðdáendur Willies setrið til baka
og gáfu honum. „Það erfiðasta var
að sjá allt fólkið í kringum mig;
allir komu mér til varnar og það
var yfirþyrmandi,“ sagði Willie.
Undanfarin þijú ár hefur hann
eingöngu unnið að því að koma sér
út úr skattavandræðunum. Hann
hefur því ekki getað einbeitt sér
að nýsmíði undanfarið, en þar sem
hann er nú „on the road again“
má búast við nýju efni á næstunni,
einkum með nýliðna reynslu í huga.
Willie Nelson er einmitt á uppleið
á réttum tíma, því sveitatónlist á
nú vaxandi fylgi að fagna í Banda-
ríkjunum.
COSPER
11492 C0SPER
Mér finnst nú kominn tími til að þau fái sér litasjónvarp!