Morgunblaðið - 10.02.1993, Blaðsíða 41

MORGUNBLAÐIÐ MIÐVTKUDAGUR 10. FEBRÚAR 1993
41
Með viti skal vegi leggja
en með óviti eyðileggja
Frá Ólafi K. Tryggvasyni:
SUMARIÐ 1992 tóku snillingar
vegagerðarinnar sig til og lokuðu
veginum sem lá frá Vesturlands-
vegi að rannsóknastofnunum á
Keldnaholti. Að sögn þess manns
sem var ábyrgur fyrir þessari
framkvæmd var veginum lokað
vegna þess að hann hafði þróast
í það að verða að nokkurs konar
þjóðbraut fyrir Grafarvogshverfið.
Einnig nefndi hann sem ástæðu
fyrir þessum framkvæmdum þá
slysahættu sem væri við gatnamót-
in þar sem þessi vegarspotti lá á
Vesturlandsveg.
Án þess að vera nokkur snilling-
ur í vegagerð tel ég að auðveldara
hefði verið að leysa þjóðbrautar-
vandamálið einfaldlega með því að
loka veginum norðan megin við
rannsóknarstofnanimar, þannig að
vegurinn hefði áfram getað þjónað
sem heimströð fyrir þessar stofn-
anir. Vandamálið við gatnamótin
við Vesturlandsveg hefði síðan ver-
ið hægt að leysa með því að færa
gatnamótin aðeins í vestur, nær
Reykjavík, svo þau væru ekki eins
nálægt brúnni yfir Úlfarsá (Korpu)
og síðan hefði verið hægt að
breikka örlítið Vesturlandsveginn
við gatnamótin, þannig að bílar í
átt að Mosfellsbæ kæmust framhjá
bílum sem kæmu frá Reykjavík og
ætluðu að beygja inn veginn að
rannsóknastofnunum. Þessar smá-
vægilegu breytingar hefðu ekki
þurft að kosta skattborgarana
mikið meira en sú eyðileggingar-
starfsemi sem Vegagerðin gerði á
veginum hefur væntanlega kostað.
Stórvirkar vinnuvélar voru notaðar
þama í marga daga til þess að
ryðja í burtu malbiki og grafa í
sundur veginn, þannig að jafnvel
er útilokað að nota hann sem vara-
veg þó brýn sé þörfin þar sem fjall-
vegurinn yfír Holtið (Víkurvegur)
er svo til ókeyrandi ef snjóar eða
hreyfír vind í snjó.
Hvað varðar slysahættuna em
gatnamót Vesturlandsvegar og
Víkurvegar mörgum sinnum
hættulegri en gatnamót sem voru
eyðilögð og auk þess er brekkan
ofan af Holtinu að Vesturlandsvegi
sem liggur í „S“ (þokkaleg svig-
brekka) stórhættuleg hvort sem
er á vetri eða sumri.
Vesturlandsvegurinn virðist
vera í einstöku uppáhaldi hjá
Vegagerðinni til þess að sýna snilli
.sína á. Hver kannast ekki við spott-
ann sem liggur frá gatnamótunum
við Höfðabakka, spottann sem
gámngarnir kalla kvartmílubraut-
ina.
ÓLAFUR K. TRYGGVASON,
Dalatanga 1, Mosfellsbæ.
Frá námsmönnum í Lundi
Frá Ólafi Eggertssyni:
HINAR nýju reglur Lánasjóðs ís-
lenskra námsmanna hafa komið
mjög illa við námsmenn í Svíþjóð
og er nú ástandið það slæmt að
margir sjá sér ekki fært að halda
áfram námi. Fyrir utan hina lágu
framfærslu sem okkur er reiknuð
(5.045 SEK á mánuði) hefur mikið
gengissig átt sér stað í Svíþjóð
síðustu vikur og gerir mörgum
erfitt fyrir. í haust vom margir
námsmenn tilneyddir að taka
bankalán á íslandi út á lánsloforð
frá lánasjóðnum, til að framfleyta
sér fram að útborgun námslána.
Samkvæmt nýju úthlutunarreglum
lánasjóðsins fá námsmenn ekki
námslán sín greidd út fyrr en eftir
að námsárangur liggur fyrir. Á
lánsloforðinu kemur fram hversu
mikið námslán viðkomandi mun fá.
Námsmaðurinn sem tók banka-
lán í haust stendur nú frammi fyr-
ir því að geta ekki greitt upp skuld
sína vegna þess að námslánið er
bundið gjaldmiðli viðkomandi
lands.
Ef dæmi er tekið um einstæðan
námsmann með eitt barn fékk
hann lánsloforð upp á 5.045 * 1,5
* 4 = 30.270 SEK fyrir fjóra mán-
uði sem jafngilti 300 þúsund ís-
lenskum krónum miðað við gengi
í lok ágúst. Hann fékk 300 þúsund
kr. lánaðar í bankanum. Nú þegar
greiða á skuldina er námslánið
bundið við sænsku krónuna, þ.e.
30.270 SEK, sem í dag eru aðeins
um 260 þúsund ÍSK. Námsmaður-
inn stendur því uppi með 40 þús-
und króna skuld við bankann.
Þannig er ástandið hjá mörgum
námsmanninum í Svíþjóð, skuldir
upp á tugi og jafnvel hundruð þús-
unda króna. Lánasjóðurinn segist
ekki koma til móts við námsmenn
og hækka framfærsluna því í regl-
unum stendur að upphæð náms-
lánsins sé bundin við gjaldmiðil
námslands.
Þessu viljum við koma á fram-
færi til að sýna fram á hversu illa
er komið fyrir okkur og skorum á
lánasjóðinn að koma til móts við
okkur og miða upphæð námsláns-
ins við gengi sænsku krónunnar
eins og það var í haust. Af hveiju
ætti hinn íslenski námsmaður í
Svíþjóð að tapa stórfé vegna falls
sænska gengisins?
F.h. íslenskra námsmanna í
Lundi, Svíþjóð.
ÓLAFUR EGGERTSSON,
FRIÐRIK BRAGASON,
Kollegiev. Lundi, Svíþjóð.
LEIÐRÉTTING
Rangt fyrir-
tækjaheiti
Heiti fyrirtækisins „Bútar og
blúndur“ misritaðist í frétt í Morg-
unblaðinu fyrir rúmri viku. Þar var
það ranglega nefnt „Bútar og
saumar“. Fyrirtækið er til húsa í
verzlanamiðstöðinni Torginu í
Hverafold 1 til 3. Hutaðeigendur
eru beðnir velvirðingar á þessu
ranghermi.
Pennavinir
Kyoko Kitamura,
840-235 Shimonofu Shing-
umachi,
Kasuyagun,
Fukuoka 811- 01,
Japan.
Frá Ítalíu skrifar 23 ára stúlka
með margvísleg áhugamál:
Daria Zuffi,
Piazzale dei Glicini 1/43,
16156 Pegli,
Genova,
Italia.
Átján ára þýsk stúlka með mikla
íslandsdellu eins og það er orðað:
Uta Muller,
Schellenbergstrasse 57,
W-8960 Kempten,
Germany.
Átján ára Ghanastúlka með
áhuga á póstkortasöfnun:
Sarah Mensah,
P.O. Box 172,
Cape Coast,
Ghana.
VELVAKANDI
STJARNA ER
FYRIR STAFNI
Elsa Georgsdóttir:
Nú skal slá á nýja og betri
strengi, nú er þörf að gæta
feðraarfsins. Það er ekki kon-
unnar að vera í forustuhlut-
verki. Kona ög maður eru til sem
tvær andstæður sem eiga að
móta og uppfylla hvor aðra og
ganga upp í eina einingu. Mað-
urinn er meiri að hugviti, en
konan býr yfir meira innsæi.
Þetta tvennt leiðir til þess að
aldrei getur orðið jafnrétti á
milli þeirra. Einfaldasta dæmið
er sköpun mannsins. Maðurinn
hrindir sköpun sinni af stað, en
konan frjóvgar hana. Svoleiðis
á það að vera í öllum samskipt-
um þeirra á lífsleiðinni. Ég held
að menn séu komnir með svo-
litla minnimáttarkennd yfir öll-
um þessu framagangi kvenna,
sem brýst út í tilbúinni stór-
mennsku, sem kemur fram í
stjórnleysi.
Ef kona. hefur ekki yndi af
að hlúa að þá er hún ekki eðli-
leg og þarf að læra það. Þess
vegna fæðist hún sem kona. Það
er og verður hlutverk konunnar
að hugsa um heimili. Hlúa að
eiginmanni og bömum. Skapa
fijósamt heimili. Ekki að vinna
út á við. Það er betra að láta
sig skorta veraldlegan munað.
Vöxtur andans er fyrir öllu. Það
em heimilin sem eru undirstaða
að góðu lífi í þjóðfélaginu. Þar
fer fram hinn andlegi vöxtur.
Skólarnir taka við hinni vitrænu
þekkingu. Á vegi þess lýðs er
hafnar hjartans menningu er
hætta við að margir steinar
hlaðist. Hvert það ríki er hafnar
kærleikskenningu Krists í verki,
fær ei lengur staðist.
TAPAÐ/
FUNDIÐ
Lyklar fundust
Þrír lyklar á kippu með
filmuboxi á fundust á Tómasar-
haga sl. fímmtudagskvöld. Upp-
lýsingar í síma 18048.
Ur tapaðist
Gullhúðað kvenúr, Reymond
Weel, tapaðist fyrir sl. helgi, lík-
lega í Fákafeni. Finnandi vin-
samlega hringi í síma 33865.
Fundarlaun.
Týnd gleraugu
Sporöskjulöguð kvengleraugu
með ljósi umgjörð töpuðust í
Austurstræti eða Lækjargötu sl.
mánudag. Finnandi vinsamlega
hafí samband í síma 43205.
Kápa tapaðist
Dökkblá ullarkápa tapaðist sl.
fímmtudagskvöld á Hótel ís-
landi á nemendamóti Versló.
Upplýsingar í síma 74533.
TÝNDUR KÖTTUR
Þessi bröndótti fressköttur
týndist frá Þingholtsstræti 26
sl. miðvikudag. Hann er hvitur
á bringu, 3ja ára og stórvaxinn.
Þeir sem kynnu að hafa orðið
hans varir vinsainlega hringi í
síma 22461.
Forsetaembættíð settí niöur
Frá Ásmundi U. Guðmundssyni:
Þessi kviðlingur varð til 15. janúar
1993:
Mörgum virðist gatan greið
glögg til meiri skaða.
Þjóðarvilja, vék af leið
Vigdís Bessastaða.
Það var æðimikil sjónblinda eða
öllu heldur hugsanadoði af forseta
íslendinga, Vigdísi Finnbogadóttur,
að ganga erinda skammsýnna sölu-
manna á landinu okkar kæra og
gögnum þess og gæðum, með und-
irritun samningsins um EES, 13.
janúar sl., með þeim formerkjum
sem tilfærð voru í munnlegiit?
flutningi sem og skriflegum. Að
öðru leyti tek ég undir hvert orð
sem Indriði AðalSteinsson, Skjald-
fönn við ísafjarðardjúp, segir í
Morgunblaðinu 27. janúar 1993 á
blaðsíðu 40.
ÁSMUNDUR U. GUÐMUNDSSON,
Suðurgötu 124, Akranesi.
Bílamarkadurinn
Smiðjuvegi 46E
v/Reykjanesbraut^
Kopavogi, sími
671800
Talsverð hreyfing
Vantar góða bíla á
sýningarsvæðið
Opið sunnud. kl. 14 - 18.
HEIMILISIÐNAÐARSKOLINN
Laufásvegi 2 - sími 17800
V
ÞJÓDBÚNINGASAUMUR J
Kennari: Vilborg Stephensen. ^I.
22. febrúar - 3. maí mánudaga kl. 19.30-22.30.
Skráning fer fram á skrifstofu skólans mánudaga ji
- fimmtudaga kl. 14-16 í síma 17800.
Þorra ^ 10-30%
AFSLATTUR
af úrum og klukkum
GARÐAR ÓLAFSSON ;
úrsmiSur - Lækjartorgi ;
620700
^ 20010 eða 21618
LÉTTA
DANSSVEIFLU
ÁTVEIM
DÖGUMt
æstu námskeið
13. oi 14. febrúai'93
Áhugahópur um
almenna óansþátttöku á Islandi