Morgunblaðið - 17.04.1993, Blaðsíða 16
16
MORGUNBLAÐIÐ LAUGARDAGUR 17. APRÍL 1993
Páskaveisla í MS-heimilinu.
Þátttakendur í Norðurlandamóti MS-félaga, sem haldið var í Reykjavík.
MS-félag Islands 25 ára
eftir Oddnýju
Lárusdóttur, Gyðu
Ólafsdóttur og
Sigurbjörgu
Armannsdóttur
MS-félag íslands er félag fólks
með sjúkdóminn Multiple Sclerosis,
aðstandenda þeirra og annarra vel-
unnara. Markmið félagsins er að
styrkja rannsóknarstörf, kynna sjúk-
dóminn og stuðla að velferð MS-
sjúklinga. Aðalhvatamaður að stofn-
un félagsins 20. september 1968 var
Kjartan R. Guðmundsson yfirlæknir
og fyrsti formaðurinn var Haukur
Kristjánsson yfírlæknir. Núverandi
stjóm félagsins skipa: Gyða Ólafs-
dóttir formaður, Oddný Lárusdóttir
varaformaður, Elín Þorkelsdóttir
gjaldkeri, Sigurbjörg Ármannsdóttir
ritari, John E.G. Benediktz með-
stjórnandi.
MS er langvinnur bólgusjúkdómur
í miðtaugakerfí. Hann leggst einkum
á yngra fólk, sem gjaman er í námi
eða er í þann veginn að stofna fjöl-
skyldu, fátítt er að sjúkdómurinn
byiji innan fímmtán ára aldurs eða
eftir fimmtugt. Einkenni sjúkdóms-
ins eru afar mismunandi og má þar
nefna sjóntruflanir, óeðlilega mikla
þreytu, skerðingu á samhæfðum
hreyfíngum, jafnvægisleysi og
stundum lömun. Gangur sjúkdóms-
ins er mjög breytilegur og erfítt að
segja fyrir um þróun hans.
Dagvist MS-félagsins
Hinn 4. apríl 1986 var sett á stofn
MS-félag íslands á 25
ára afmæli á þessu ári.
Alþjóðasamband MS-
félaga, IFMSS, er einn-
ig 25 ára á þessu ári
og er afníælisárið hugs-
að til fjáröflunar og
kynningar á MS-sjúk-
dómnum um heim allan,
þessum dularfulla sjúk-
dómi sem enn hefur
ekki fundist skýring
eða lækning á.
dagvist fyrir MS-sjúklinga. Starf-
semi dagvistarinnar felst í sjúkra-
þjálfun, sundi, iðjuþjálfun, féiags-
ráðgjöf og aðstoð við sjúklinga og
aðstandendur þeirra. Dagvistin veit-
ir fólki ekki aðeins líkamlega þjálf-
un, heldur er félagslegum þörfum
sinnt, m.a. með stuttum ferðalögum,
heimsóknum á listasöfn, leikhúsferð-
um o.fl. Daglega njóta u.þ.b. 25
manns þessarar þjónustu, aðsókn
hefur farið ört vaxandi og er svo
Greinarhöfundar og stjórnarmenn MS-félagsins: Sigurbjörg Ármanns-
dóttir, ritari, Oddný Lárusdóttir, varaformaður, og Gyða Olafsdóttir,
formaður. Fjórða konan er Elín Þorkelsdóttir, gjaldkeri.
komið að núverandi húsnæði er orð-
ið allt of lítið. Þess vegna ráðgerir
félagið að byggja nýja dagvist á
Sléttuvegi 5, og er hönnunar- og
undirbúningsvinna á lokastigi.
í september nk. á félagið 25 ára
afmæli og verður þess minnst með
ýmsum hætti, sérstakt afmælisblað
kemur út, opið hús verður í dagvist-
inni og fyrirhuguð er fjáröflun vegna
nýbyggingar félagsins.
Á þeim tímamótum væri því ákaf-
lega ánægjulegt ef okkur tækist að
ýta óskaverkefninu úr vör, þ.e. bygg-
ingu nýs og stærra húsnæðis sem
gjörbreyta myndi aðstöðu MS-sjúkl-
inga.
HUNDASNYRTIM
- SÝMNG
Margrét Kjartansdóttir, hundasnyrtir,
mun sýna klippingu og snyrtingu hunda i verslun
okkar á morgun, sunnudaginn 18. apríl,
kl 10.00, 13.00 og 16.00.
Sýnd verdur snyrting smáhunda, STORRA hunda
og allt þar á milli.
Stutthœrðra, siðhœrðra, stríðhœrðra og annarra.
T.d. Irish Setter, Sheffer, Dalmation,
silki-Terrier og dverg-Schnauzer.
Allir velkomnir meðan húsrúm leyfir.
DÝRARÍKIÐ
Hreyfilshúsinu við Grensásveg.
Félagsstörf og fræðsla
Félagsstarf er með ágætum hjá
MS-félaginu, fréttablað kemur út
einu sinni til tvisvar á ári, auk þess
sem gefnir hafa verið út bæklingar
og fræðsluefni um sjúkdóminn.
Fundir eru haldnir ijórum sinnum
á ári, auk aðalfundar, á þeim er
ýmist eitthvað til skemmtunar eða
fræðslu, og eru fundir vel sóttir. Til
fjáröflunar selja félagsmenn jóla-
kort, minningarkort eru líka seld í
apótekum og á skrifstofu félagsins.
Á vegum félagsins er starfandi
stuðningshópur, tilgangur hans er
að fræða og veita stuðning þeim,
sem nýlega hafa fengið úrskurð um
MS-sjúkdóminn. Fundir þessa hóps
eru haldnir í húsi dagvistarinnar í
Álandi 13, þar sem skrifstofa félags-
ins er til húsa.
MS-félagið er eitt af 19 aðildarfé-
lögum Öryrkjabandalags íslands,
tekur virkan þátt í starfsemi þess
og leggur sitt af mörkum í baráttu
fatlaðra til betra lífs.
Norrænt samstarf
Innan MS-félaga á Norðurlöndum
er mikii og góð samvinna en íslenska
félagið er aðili að norræna MS-ráð-
inu, fundir eru haldnir árlega og nú
í mars var fundurinn haldinn hér á
landi. Með samböndum okkar við
erlend félög höfum við fengið að-
gang að miðstöðvum til endurhæf-
ingar fyrir félagsmenn okkar og
hafa nokkrir sjúklingar getað nýtt
sér það.
Danska MS-félagið (Sclerosefor-
eningen) hefur komið sér upp
skemmtilegum sumarhúsum á Jót-
landi, sem þeir hafa verið svo vin-
samlegir að bjóða okkur afnot af.
Alþjóðafélagið og
rannsóknarstörf
MS-félagið er einnig aðili að
IFMSS sem er alþjóðasamband MS-
félaga en alls eiga 35 lönd aðild að
sambandinu. í tilefni þess að 25 ár
eru liðin frá stofnun alþjóðasam-
bandsins er árið í ár alþjóðlegt MS-
ár.
Eitt af meginverkefnum þeirra er
að ijármagna og stuðla að rannsókn-
arvinnu á MS-sjúkdómnum. Árið
1992 var unnið að 850 verkefnum
í 23 aðildarlöndum, og til rannsókn-
anna var varið 5,2 milljörðum króna.
Árlega er haldið þing IFMSS þar
sem niðurstöður nýjustu rannsókna
eru kynntar og áhersluatriði í fé-
lags- og fjáröflunarmálum eru rædd.
Þessi þing eru sérstæð að því leyti
að þau sækja vísindamenn, sjúkling-
ar og heilbrigðisstarfsfólk og miðla
hvert öðru af reynslu sinni.
Fjölmörg stór alþjóðleg fyrirda-
tæki, svo sem Esso, Goodyear og
fleiri, greiða árlega háar íjárhæðir
til rannsóknarverkefna, og forstjórar
þeirra sitja gjarnan í stjórn IFMSS.
Þá er algengt erlendis að þjóðhöfð-
ingjar og frammámenn séu verndar-
. ar MS-félaga, og taki virkan þátt í
starfsemi þeirra.
„Við göngum svo aðrir geti
gengið“
Sem dæmi um fjáröflunarleiðir til
rannsóknarstarfa má nefna áheita-
göngu tveggja Englendinga, þeirra
Sir Ranulph Fiennes og dr. Michael
Strouder, sem er nýlokið og getið
var um í fjölmiðlum, en Karl Breta-
prins var verndari átaksins.
Englendingarnir lögðu upp í
göngu þvert yfír Suðurskautslandið,
u.þ.b. '2.400 km leið, undir kjörorð-
inu: „Við göngum svo aðrir geti
gengið“. Þeir drógu allar nauðsyn-
legar vistir á sleðum, hvor maður
um 250 kg. Þetta var mikil þolraun
og eftir 95 daga þegar aðeins voru
eftir 200 kílómetrar í áfangastað,
voru þeir orðnir svo kalnir fótum og
illa haldnir að nauðsynlegt reyndist
að sækja þá. Dugnaður þeirra félaga
skilaði alls um tvö hundruð milljón-
um króna í áheitum og gjöfum.
Afmælisárið er hugsað til tjáröfl-
unar og kynningar á MS-sjúkdómn-
um um heim allan, þessum dular-
fulla sjúkdómi sem enn hefur ekki
fundist skýring eða lækning á.
Höfundar eru sijórnarmenn í
MS-félagi íslnnds.
Fjárfestar mótmæla eignatekjuskatti
Vafasöm kjarabót
sem hækkar vexti
„ÁLAGNING 10% eignatekjuskatts sem stjórnvöld hafa nú til umfjöllun-
ar að lagður verði á, mun koma hart niður á launþegum í landinu.
Þessi skattur mun leggjast á heimilin af tvöföldum þunga, fyrst sem
skattur á sparnað þeirra, en einnig sem hækkun vaxta af skuldum
heimilanna, sem sljórnvöld hafa marglofað lækkandi vaxtabyrði," seg-
ir í ályktun frá Samtökum fjárfesta en þau skora á stjórnvöld og að-
ila vinnumarkaðarins að hverfa þegar í stað frá öllum áformum um
skattlagningu eignatekna ti! fjármögnunar yfirstandandi kjarasamn-
inga.
í fréttatilkynningu samtakanna
eru stjómvöld vöruð við því að láta
kjarabaráttu aðila vinnumarkaðarins
hafa áhrif á stjórn efnahagsmála.
Bent er á, að ákvarðanir af þessu
tagi feli í sér beina skattahækkun,
sem hafi í för með sér ófyrirsjáanleg-
ar afleiðingar á fjármagns- og pen-
ingamarkaði, þar sem ekki hafi verið
tekið tillit til annarra eigna- og
eignatekjuskatta. í þessum tillögum
felist vafasöm kjarabót og þær muni
leiða til almennra vaxtahækkana.
Tillögumar eru sagðar geta leitt
til neikvæðra raunvaxta í aukinni
verðbólgu og þar með valdið hruni
almenns sparnaðar, þvert á þá stað-
reynd að verulega þurfi að örva inn-
lendan sparnað og koma í veg fyrir
hugsanlegan fjármagnsflótta, sem
verði raunhæfur kostur við væntan-
lega aðild íslands að EES.