Morgunblaðið - 18.04.1993, Side 18

18
MORGUNBLAÐIÐ SUNNUDAGUR 18. APRÍL 1993
Eldhafið
Eldhafið, mynd Sigurgeirs
Jónassonar í Vestmannaeyjum
frá upphafi eldgossins í Heklu
,í janúar 1991, var valin besta
fréttamyndin ogjafnframt
besta mynd samkeppninnar.
Myndin var tekin af Þrælaeiði
í Vestmannaeyjum skömmu
eftir að fréttir bárust af gosinu
og sýnir hún eldhafið vel enda
var gosið þá nálægt hámarki.
Fljótlega fór að élja og byrgði
það sýn þannig að myndin frá
Vestmanneyjum var ein af
bestu myndunum af upphafi
gossins. Þá sýna ljós frá
bæjum í Landeyjunum vel
nálægð fólksins við
náttúruhamfarimar.
, LÍFIÐ
ILANDINU
MORGUNBLAÐIÐ hefur á að skipa
yflr 100 fréttariturum á landbyggðinni.
Þeir gegna mikilvægu hlutverki í frétta-
öflun blaðsins. Flestir fréttaritararnir eru
jafnframt ljósmyndarar blaðsins á við-
komandi stað en á sumum stöðum skipta
fréttaritari og ljósmyndari með sér verk-
um. Okkar menn, félag fréttaritara Morg-
unblaðsins á landsbyggðinni, efndi ný-
lega til samkeppni um bestu myndir
fréttaritara frá árunum 1991 og 1992 og
hér á opnunni eru birtar þær myndir sem
dómnefnd taldi bestar í hverjum efnis-
flokki. Mjög góð þátttaka var í keppn-
inni, alls bárust yfir 300 myndir frá 24
fréttariturum og hafði dómnefndin úr
mörgum góðum myndum að velja.
Myndirnar eru Qölbreyttar og sýna fólkið
í landinu við leik og störf og marga helstu
atburði í lífi þess. Þær eru þverskurður
af líílnu ílandinu og verður það heiti
sýningar á 28 ljósmyndum úr samkeppn-
inni sem haldin verður á nokkrum stöð-
um á landsbyggðinni á næstu vikum og
mánuðum.
Axel á Gjögri
Vilmundur Hansen fréttaritari í Trékyllisvík á bestu andlitsmyndina, Axel
á Gjögri. Axel Thorarensen á Gjögri er óvenjulegur maður á margan hátt
og er nánast orðinn þjóðsagnapersóna. Líf hans er nátengt þeim náttúru-
öflum sem ráða ríkjum í þessari harðbýlu og afskekktu sveit norður á
Ströndum. í öll sín áttatíu og sex ár hefur Axel búið á Gjögri, lifað í sátt
við umhverfið, sótt sjóinn og stundað veiðar. Sagt hefur verið að allt lands-
lag íslands sjáist í andliti hans.