Morgunblaðið - 30.04.1993, Blaðsíða 20

20_________________________
Sameinaðir
keyptu nær
engin hluta-
bréf í fyrra
RANGT var farið með í frétt af
aðalfundi Sameinaðra verktaka
hér í Morgunblaðinu í gær, þar
sem sagt var: „Vakti athygli á
fundinum að á síðastliðnu ári fjár-
festu Sameinaðir verktakar fyrir
50 milljónir króna í öðrum hlutafé-
lögum, einkum í Eimskipafélagi
íslands og íslandsbanka."
Hið rétta er að Sameinaðir verk-
takar fjárfestu einungis fyrir 100
þúsund krónur í hlutabréfum á liðnu
ári en jafnframt fór fram endurmat
til hækkunar, þegar ný hlutabréf
voru gefin út í íslandsbanka. Þannig
hækkaði á milli áranna 1991 og
1992 eignarhluti Sameinaðra verk-
taka í hlutafélögum úr 129,9 millj-
ónum króna í 181,7 milljónir króna.
Á aðalfundi Sameinaðra verktaka
í fyrradag lagði stjóm félagsins fram
tillögu um 10% arðgreiðslu og var
hún samþykkt, þannig að um 220
milljónir króna verða á næstunni
greiddar út til hluthafa.
-----♦---------
íslandsmót í
samkvæm-
isdönsum
um helgina
ÍSLANDSMEISTARAMÓT í sam-
kvæmisdönsum verður haldið
helgina 1. og 2. maí nk. í Laug-
ardalshöllinni. Dansráð Islands
sér um framkvæmd keppninnar.
Þetta verður áttunda árið sem
þessi keppni fer fram.
Mótið hefst laugardaginn 1. maí
kl. 11 en kl. 14 verður setningarat-
höfn með innmarsi. Keppt verður í
suður-amerískum- og standard-döns-
um í grunnsporum. Riðlar verða 3 í
öllum aldurshópum. Um 500 danspör
hafa látið skrá sig og koma þau frá
10 dansskólum víðs vegar af landinu.
Sú nýbreytni verður höfð í ár að
sérstakur dömuriðill verður í fjórum
aldurshópum. Einnig verður keppt í
2 dönsum með fijálsri aðferð i fjórum
aldurshópum.
Dómarar verða 5 talsins, 2 íslensk-
ir og 3 erlendir. Forsala miða hefst
30. apríl í anddyri Laugardalshallar
og stendur frá kl. 17 til 19. Miða-
sala verður jafnframt báða keppnis-
dagana frá kl. 9. Húsið opnar kl. 10.
(Fréttatilkynning)
♦ ♦ ♦
Þrír gripn-
ir með þýfi
VAKTMAÐUR á athafnasvæði
Skeljungs í Skerjafirði varð var
við ferðir unglings um svæðið í
fyrrinótt. Unglingurinn lagði á
flótta og henti frá sér útvarps-
tækjum sem reyndust vera þýfi.
Vaktmaðurinn sá að unglingurinn
komst undan ásamt tveimur féiögum
sínum á rauðum bíl og hafði sam-
band við lögreglu. Skömmu síðar
stöðvaði lögreglan bílinn. í þann
mund sem unglingamir komu á lög-
reglustöðina kom þangað fólk og til-
kynnti þjófnað út tveimur bílum.
Þýfið reyndist í fómm piltana.
Tveir piltanna voru vistaðir í
fangageymslum en einn þeirra var
undir 16 ára aldri og var reynt að
fá hann vistaðan hjá unglir.gaheimil-
inu í Efstasundi en það reyndist ekki
unnt þar sem heimilið var fullsetið.
Varð hann því einnig að gista fanga-
geymslur.
Að sögn Ómars Smára Ármanns-
son aðstoðaryfirlögregluþjóns kveða
vinnureglur lögreglunnar á um að
unglingar undir 16 ára aldri séu
ekki vistaðir í fangageymslum og
þeim þykir miður að sú staða þurfi
að koma upp.
MORGUNBLAÐIÐ FÖSTUDAGUR 30. APRÍL 1993
Globus telur
samanburð
á korninu
óeðlilegan
GLOBUS hf., sem verið hefur
aðalinnflytjandi á sáðkorni und-
anfarin ár, hefur látið rækta sér-
staklega veðurþolin afbrigði
byggs í Noregi og Svíþjóð. Magn-
ús Ingþórsson í búvéladeild Glob-
us segir að ekki sé eðlilegt að
bera saman verð á þessu sér-
ræktaða korni og korni sem
hægt sé að fá á almennum mark-
aði á Norðurlöndunum, eins og
kombændur sem sjálfir flytja inn
sáðkornið gera í frétt í Morgun-
blaðinu. Magnús segir að það
komi ekki ljós fyrr en haust,
þegar uppskeran verður komin
í hús, hvaða sáðkom sé ódýrast
miðað við gæði.
Magnús sagði að korn af sér-
ræktuðum _ stofnum fyrir lítinn
markað á íslandi væri dýrara en
kom sem hægt væri að fá á almenn-
um markaði, til dæmis í Noregi.
Það væri hins vegar uppskeran sem
skipti máli og rannsóknir sýndu að
menn væru mun öruggari með upp-
skeru, sérstaklega í köldum sumr-
um og þegar slæm veður kæmu
síðari hluta sumars, ef þeir notuðu
sérræktuðu stofnana. Hætta væri
á að uppskeran færi forgörðum
þegar notað væri bygg af almenn-
um markaði í Noregi, enda sagði
Magnús að þeir sem væru í for-
svari fyrir innflutning bændanna
hefðu sjálfir keypt sérræktað sáð-
korn af Globus. Fyrirtækið hefði
þegar selt allar sínar birðir, þrátt
fyrir innflutning bændanna.
VR hefur óskað formlega eftir viðræðum við vinnuveitendur
Endurskoðun kröfugerð-
Flugleiðir reyklaust fyrirtæki frá 1. september
Stefnt að heilnæmu vinnuumhverfi
Morgunblaðið/Kristinn
í SAMSTARFSHÓPI um heilnæmt vinnuumhverfi hjá Flugleiðum eru (f.v.) Már Gunnarsson, Halldóra
Arnórsdóttir, Una Eyþórsdóttir, Margrét H. Hauksdóttir, Sigríður Bragadóttir, Mekkín Bjarnadóttir,
Gunnar Ólafsson, Þorgeir Haraldsson, Örn Geirsson, Björgvin Hannesson og Ólafur Ólafsson. Guðrún
Birgisdóttir var fjarstödd á fyrsta fundinum. Ætlunin er að fulltrúarnir taki við ábendingum frá
starfsfólki í sínum deildum og beri þær upp á fundi nefndarinnar sem velji úr hugmyndum.
Heilbrigðissjónarmiðð
að baki ákvörðuninni
TÓLF manna samstarfshópur starfsmanna Flugleiða um heilnæmt
vinnuumhverfi kom saman til fyrsta fundar síns í gær. Verkefni
hópsins er að annast undirbúning að því að fyrirtækið verði reyk-
Iaust 1. september. Már Gunnarsson, starfsmannastjóri, segir að
heilbrigðissjónarmið Iiggi að baki markmiði um reyklausan vinnu-
stað og verði stefnt að því með jákvæðni.
Til fundarins komu auk fulltrú-
anna þau Þorvarður Ömólfsson og
Ingileif Ólafsdóttir frá Krabba-
meinsfélagi íslands og Helgi Guð-
bergsson frá Tóbaksvarnarnefnd
en þessir aðilar hafa boðist til að
aðstoða við að gera fyrirtækið
reyklaust. Már segir að ekki hafí
endanlega verið ákveðið hvaða leið
verði farin en fyrst og fremst verði
þó lögð áhersla á fræðslu. Hún
fari fram á vinnustað og í vinnu-
tíma þannig að allir starfsmenn
ættu að verða varir við hana.
Andar góðu
Már sagði að ekki væri ástæða
til að ætla annað en markmiðið
'næðist með góðu. „Okkur fínnst
anda góðu til átaksins,“ sagði hann
aðspurður um hvað reyking-
armönnum í fyrirtækinu fyndist um
tiltækið. „Annars hugsa ég að sum-
ir reykingarmannanna hugsi enn
sem svo að það sé svo langt þang-
að til að fyrirtækið verði reyklaust
að það sé hægt að reykja mikið í
millitíðinni," bætti hann við og
sagði að markmiðið um reyklausan
vinnustað 1. september héldist í
hendur við markmið um reykleysi
í Evrópuflugi Flugleiða frá og með
sama degi.
Engin athvörf fyrir reykinga-
menn verða í fyrirtækinu eftir 1.
september.
ar félagsms nú undirbúin
VERSLUNARMANNAFÉLAG Reykjavíkur skrifaði Vinnuveitenda-
sambandi Islands og Vinnumálasambandi samvinnufélaganna bréf í
gær þar sem óskað var eftir viðræðum um kjarasamning í samræmi
við samþykkt félagsfundar VR á miðvikudag.
í dag verður fundur í fulltrúaráði
starfsgreina innan VR þar sem end-
urskoðun kröfugerðar félagsins
verður rædd. Magnús L. Sveinsson
formaður VR sagði Ijóst, að úr því
félagið væri ekki lengur í samfloti
í almennum kjarasamningum yrði
að laga nýja kröfugerð að þörfum
VR-félaga.
Vinnuveitendasamband íslands
hefur lýst því yfir að það vilji gera
samning til áramóta eftir að viðræð-
um um langtímasamning hefur verið
slitið. Guðmundur Þ. Jónsson for-
maður Landssambands iðnverka-
fólks sagði að fulltrúar aðildarfélaga
sambandsins myndu koma saman
eftir helgina til að ræða stöðuna í
samningamálunum. Hann sagði að
sér litist ekki nægilega vel á hug-
myndir VSÍ um samning til ára-
móta, þar sem iðnverkafólk hefði
einkum horft á þær kjarabætur sem
fólust í tilboði ríkisstjórnarinnar, en
það tilboð var miðað við samning
án launabreytinga til nær tveggja
ára.
V erkfallsheimild
Á aðalfundi Verkalýðs- og sjó-
mannafélags Keflavíkur á miðviku-
dagskvöld var samþykkt að heimila
stjórn og- trúnaðarráði félagsins að
boða til verkfalls náist ekki samning-
ar. Á sama fundi var skorað á stjórn
félagsins að leita eftir viðræðum við
vinnuveitendur á Suðurnesjum, heist
í samráði við önnur verkalýðsfélög
á svæðinu.
Fyrsti samráðsfundur verkalýðs-
félaganna var haldinn í gær. Kristján
Gunnarsson, formaður Verkalýðs-
og sjómannafélags Suðurnesja,
sagði að staðan væri óljós, bæði
hvað varðaði samningsmöguleika og
kröfur verkalýðsfélaganna sem yrði
að endurskoða í ljósi þess að ríkið
yrði ekki aðili að samningunum.
Morgunblaðið/Kristinn
Útvarp Bessastaðir
VÍMUVARNADAGUR Lionshreyfingarinnar er á morgun, laugardag,
og af því tilefni verður útvarpað efni sem nememendur í Álftanesskóla
hafa undanfarna daga verið að undirbúa til útsendingar í íþróttamiðstöð
Bessastaðahrepps. Þar hafa staðið yfir upptökur á efni eftir nemend-
urna sjálfa sem fjallar um vímuefnavandamál. Dagskráin hefst í kvöld
kl. 20, en síðan hefst formleg dagskrá kl. 10 í fyrramálið og stendur
hún fram eftir degi. Nemendunum var boðið til samstarfs vegna vímu-
varnadagsins og flytja börn og unglingar allt niður í átta ára aldur
verkefni sem þau unnu, en einnig flytja 13-16 ára nemendur í Garða-
skóla sem verða með hluta af dagskránni. Á myndinni sjást nemendur
úr Álftanesskóla þegar upptökur stóðu yfír í íþróttamiðstöðinni í gær.
Tölvusamskipti á sýningu í boði Microsoft
Gæti opnað markaði
í N orður-Amerí ku
MICROSOFT Inc. í Bandarikjunum hefur boðið Tölvusamskiptum hf.
að taka þátt í Windows World, stærstu tölvusýningu Bandaríkjanna,
til að kynna íslenska hugbúnaðarframleiðslu fyrirtækisins, svonefnt
Skjáfax. Sýningin er hluti af Comdex Spring og er ráðgert að meira
en 100 þúsund gestir sæki hana.
Nýlega bauð Microsoft Tölvusam-
skiptum til samstarfs við OLE 2.0
deild Microsoft. Tekist hefur að
tengja Skjáfaxið við OLE 2.0 og er
það þar með orðinn fyrsti faxhug-
búnaðurinn sem styður þessa nýju
tækni. Þá valdi bandaríski faxkorta-
framleiðeandinn GammaLink Inc.
nýlega Tölvusamskipti hf. til sam-
starfs og var það eitt af sex hugbún-
aðarfyrirtækjum sem urðu fyrir val-
inu og eina hugbúnaðarfyrirtækið
utan Bandaríkjanna.
Frosti Siguijónsson fram-
kvæmdastjóri markaðssviðs Tölvu-
samskipta hf. segir að fyrirtækið
hafi flutt Skjáfax út til allra helstu
markaða annarra en Norður-Amer-
íku fram að þessu, en sýningin geti
orðið mikilvægur þáttur í því að
opna fyrirtækinu markaði. Fyrirtæk-
ið hyggst hefja markaðsátak í Norð-
ur-Ámeríku í næsta mánuði.
Notendur skjáfax eru vel á fjórða
þúsund í um 150 fyrirtækjum víða
um heim en meðal notenda eru
Shell, Reuters, Citibank og fleiri al-
þjóðleg fyrirtæki.