Morgunblaðið - 05.05.1993, Blaðsíða 17
MORGUNBLAÐIÐ MIÐVIKUDAGUR 5. MAI 1993
17
Morgunblaðið/Árni Sæberg
Stefánsstyrknum úthlutað
ÞÓRIR Guðjónsson formaður Félags bókagerðarmanna afhendir
Gylfa Gröndal rithöfundi (t.v.) Stefánsstyrkinn á alþjóðlegum
baráttudegi verkalýðsins, 1. maí sl. í húsakynnum Félags bóka-
gerðarmanna á Hverfisgötu 21. Styrkinn hlaut Gylfi til að safna
saman í bók ljóðum um verkalýðsbaráttuna á íslandi og hefur
þegar verið gerður útgáfusamningur við bókaútgáfuna Forlagið.
Stefánsstyrkurinn er kenndur við Stefán Ögmundsson prentara
og fyrsta formann Menningar- og fræðslusambands alþýðu. Styrk-
inn veita í sameiningu Félag bókagerðarmanna og Menningar-
og fræðslusamband alþýðu og nemur hann 230 þúsund kr. Styrkn-
um er úthlutað á hveiju ári og að þessu sinni bárust fimmtán
umsóknir. Tveir fulltrúar frá hvorum aðila ákveða hver hlýtur
styrk.
Deilur um undir-
búning samræmdra
prófa grunnskóla
ÁGREININGUR var milli Rannsóknastofnunar uppeldis- og
menntamála og kennara um hvernig standa skyldi að samn-
ingu og undirbúningi samræmdu grunnskólaprófanna sem
nú er nýlokið. Einnig komu upp deilur um launagreiðslur til
þeirra sem sömdu prófin. Ágreiningsmálin leystust og voru
prófin svipuð að gerð og undanfarin ár, að stærðfræðiprófinu
undanteknu.
Samkvæmt ákvörðun mennta-
málaráðherra í haust fékk Rann-
sóknarstofnun uppeldis- og
menntamála það hlutverk að sjá
um undirbúning og samningu sam-
ræmdu prófanna en menntamála-
ráðuneytið hafði áður haft þetta
verkefni með höndum. Ráðinn var
sérstakur yfirmaður samræmdra
prófa hjá stofnuninni og prófa-
nefndir til að sjá um samræmdu
prófin, sem að mestu leyti voru
skipaðar sama fólki og áður hafði
undirbúið prófin á vegum mennta-
málaráðuneytisins.
í grein sem Birna Sigurjónsdótt-
ir, formaður skólamálaráðs Kenna-
rasambands íslands, skrifar í fé-
lagsblað Bandalags kennarafélag-
anna kemur fram, að hvað eftir
annað hafi komið upp ágreiningur
milli yfirmanns samræmdra prófa
og kennara í prófanefndum um
hvernig staðið skyldi að samningu
prófanna, og hvert væri verksvið
yfirmannsins og nefndanna.
Engir skriflegir samningar
Birna sagði við Morgunblaðið,
að kennarar í prófanefndunum
hefðu talið sig vera ráðna til að
semja próf í tiltekinni grein, en
yfirmaður samræmdu prófanna
hefði talið að prófanefndirnar væru
ráðnar til að semja úrval spurninga
sem hann gæti raðað saman. Einn-
ig hefði verið ágreiningur milli
þessara aðila um launagreiðslur
þar sem ekki hefðu verið gerðir
skriflegir samningar um vinnu
prófanefndanna.
Þá sagði Birna, að um tíma hefði
litið svo út að samræmdu prófin
yrðu ekki byggð upp á svipaðan
hátt og verið hefur undanfarin ár,
eins og skólunum hefði þó verið
tilkynnt um í haust og þeir miðað
starf sitt við. „Um þetta stóðu
átökin að hluta til, þegar kennar-
arnir í prófanefndunum vildu
tryggja að prófin sem færu út
væru eins og áður og eins og þau
sem nemendurnir voru að undirbúa
sig undir. Því var síðan afstýrt að
prófunum yrði breytt og prófin
voru með svipuðu sniði og nemend-
urnir höfðu reiknað með,“ sagði
Birna.
Ágreiningsmál leyst
Þórólfur Þórlindsson forstöðu-
maður Rannsóknarstofnunar upp-
eldis- og menntamála sagði það
rétt, að komið hefði upp ágreining-
ur um launamál kennara. Sá
ágreiningur hefði verið leystur.
Hins vegar sagðist Þórólfur ekki
kannast við að af hálfu stofnunar-
innar hafi annað staðið til en að
prófin yrðu í öðrum farvegi en
undanfarin ár. „Það er minn skiln-
ingur, að prófanefndirnar sem
semja prófin hafi síðasta orðið um
það hvernig prófin skuli líta út og
þannig var það í þessu tilfelli. Hitt
er svo annað mál, að það hafa
verið skiptar skoðanir um sam-
ræmd próf, hlutverk þeirra og
gildi. Prófín eru aldrei samin af
einum manni, heldur í hópvinnu,
og það er eðlilegt að ekki séu allir
sammála í hópvinnu og að upp
komi atriði sem þarf að ræða frek-
ar. Aðalatriðið er að þau ágrein-
ingsatriði leysist eins og best má
verða. Við sendum út könnun til
kennara í þessum greinum sem
prófað er í, þar sem þeim gefst
tækifæri til að segja sínar skoðan-
ir á prófunum og hlutverki þeirra,“
sagði Þórólfur.
Hann sagði að ekki hefðu borist
kærur eða kvartanir vegna sam-
ræmdu prófanna nú.
Tvöfalt límband
Nýtt farkort býður auk-
in fríðindi og þjónustu
Morgunblaðið/JI
Visa-ísland hefur m.a. gert samning við Budget-bílaleiguna sem
rekur 3.800 skrifstofur í 110 löndum og er þriðja stærsta bílaleigu-
fyrirtæki heims. Hér handsala þeir Einar S. Einarsson, framkvæmda-
sljóri Visa-íslands, og John Larsen, einn framkvæmdastjóra Bud-
get, samninginn.
Greiðslukortafyrirtækið Visa-
Island hefur gert samninga um
fríðindi, afslátt og sérþjónustu
við ýmsa þjónustuaðila, bæði inn-
anlands og utan fyrir farklúbbs-
félaga sína, en far- og gullkorts-
hafar njóta sjálfkrafa aðildar að
Farklúbbi Visa. Þá hefur Visa-
Island opnað sérstaka þjónustu-
miðstöð í húsakynnum sínum á
Höfðabakka 9 til að veita klúbb-
félögum margvíslegar upplýs-
ingar og fyrirgreiðslu. Starfsfólk
mun jafnframt annast pantanir á
gistingu og bílaleigubílum fyrir
korthafa sé þess óskað.
Handhöfum farkorta munu standa
til boða sérstakar ferðaupplýsingar,
hótelbæklingar og leiðarlýsingar á
vinsælum ferðaslóðum Islendinga,
m.a. um Mið-Evrópu. Þá hefur verið
unnið að samningum um fríðindi og
afsláttarkjör fyrir far- og gullkorts-
hafa á sólarströndum Portúgals,
Spánar og Flórída, auk afsláttar hjá
hótelum og fyrirtækjum í Kaup-
mannahöfn, London, Lúxemborg og
París.
Samstarfsslit við FÍF
Að sögn Einars S. Einarssonar,
framkvæmdastjóra greiðslukortafyr-
irtækisins Visa-ísland, er hér á ferð-
inni ný og endurbætt útgáfa af far-
korti, alþjóðlegu ferða- og fríðinda-
korti banka og sparisjóða. „Ráðist
var í nýju útgáfuna í framhaldi af
því að ákveðið var að slíta samstarfi
við Félag íslenskra ferðaskrifstofa,
sem ekki hafði gefið nógu góða
raun.“ Eldri farkortum verður öllum
skipt út nú í vor og verður korthöfum
þá afhent um leið ítarlegt þjónustu-
rit, auk vasabæklings, þar sem fram
koma helstu þjónustustaðir og af-
sláttarkjör.
Að sögn Einars fylgir fjölbreyttur
þjónustupakki nýju farkortunum, svo
sem ódýrar utanlandsferðir ársfjórð-
ungslega til eftirsóttra staða og í
tengslum við tónlistar- eða íþrótta-
viðburði erlendis, þar á meðal árleg
ferð til Vínar og Búdapest og önnur
til Baltimore og Flórída.
Tryggingafríðindi hafa verið aukin
með þrenns konar tafatryggingum;
forfalla-, ferðatafa- og samgöngu-
tryggingum. Að öðru leyti veitir far-
kort ýmsa aðra tryggingavemd. Sem
dæmi má nefna 6,5 milljóna kr.
ferðaslysatryggingu, 1,6 milljóna kr.
sjúkratryggingu, 130 þúsunda kr.
farangurstryggingu og fleira.
Þess má að lokum geta að árgjald
fyrir farkort er nú 3.800 kr. Auka-
gjald fyrir kort með mynd er 250 kr.
Laugardagsblaði Morgunblaðsins, 15. maí nk., fylgir blaðauki sem heitir
Stangaveiði. í þessu blaði verður greint frá ýmsu því sem viðkemur
stangaveiðinni í sumar, fjallað um flugur og fluguhnýtingar, aðferðir og
útbúnað veiðimanna, öryggisbúnað, vatnaveiði, sjóstangaveiði og veiði í
ólíkum ám, svo eitthvað sé nefnt. Þá verður fjallað um stangaveiðisýningu
sem haldin verður 15.-23. maí nk.
Þeim, sem áhuga hafa á að auglýsa í þessum blaðauka, er bent á að
tekið er við auglýsingapöntunum til kl. 16.00 mánudaginn 10. maí.
Nánari upplýsingar veita Agnes Erlingsdóttir, Helga Guðmundsdóttir
og Petrína Ólafsdóttir, starfsmenn auglýsingadeildar,
í síma 69 1111 eða símbréf 69 1110.
- kjarni málsins!