Morgunblaðið - 14.05.1993, Blaðsíða 25
MORGUNBLAÐIÐ FÖSTUDAGUR 14. MAÍ 1993
25
Mario Segni sækist eft-
ir fylgi úr öllum áttum
Róm. The Daily Telegraph.
ALLSHERJAR uppstokkun á ítölskum stjórnmálum virðist
vera í uppsiglingu eftir að Mario Segni, sem var í forystu
fyrir umbótasinnum í þjóðaratkvæðagreiðslunni í síðasta
mánuði, lýsti því yfir að hann væri að mynda nýjan stjórn-
málaflokk. Flokkur. Segnis ber heitið Lýðræðisbandalagið
og standa helstu bandamenn hans í þjóðaratkvæðagreiðsl-
unni einnig að flokknum. Búist er við að næstu þingkosning-
ar muni fara fram í októbermánuði og ætlar Lýðræðis-
bandalagið þá að bjóða fram.
Markmið flokksins er að ná til Kristilegir demókratar segja
kjósenda úr öllum áttum. Hann Segni vera farin að stunda „gull-
ætlar, auk almennra umbótasinna,
að höfða til kjósenda græningja,
kommúnista, hófsamra kommún-
ista og hluta kjósenda Kristilega
demókrataflokksins, sem ráðið hef-
ur ríkjum í ítölskum stjórnmálum
undanfarinn áratug.
Það gefur því að skilja að nýi
flokkurinn hefur þegar verið gagn-
rýndur úr öllum áttum.
gerðarlist", en hann yfirgaf flokk
þeirra í síðasta mánuði. Fijálslyndir
segja hann vera með „ruðning" en
gamli kommúnistaflokkurinn, sem
nú kennir sig raunar ekki lengur
við kommúnista, segir hann vera
að mótmæla en ekki benda á hveiju
eigi að breyta. Flokkurinn Norður-
sambandið, sem berst fyrir stofnun
sambandsríkis á Ítalíu, hefur einnig
tekið illa í stofnun Lýðræðisbanda-
lagsins og segir Segni vera fulltrúa
„valdastéttarinnar".
Reynsluleysi
Akkilesarhæll nýja flokksins er
skortur á fólki með mikla reynslu
af stjórnmálum. Segni virðist hins
vegar gera ráð fyrir að hið gamal-
gróna flokkakerfi muni liðast í
sundur og honum takast að ná til
sín flokkabrotum úr ýmsum áttum.
Er Lýðræðisbandalagið raunar ein-
ungis einn angi af þeirri þróun sem
nú á sér stað. Gömlu flokkarnir eru
að leysast upp og nýjar stjórnmála-
hreyfíngar að myndast. Þá gera líka
hinar fyrirhuguðu breytingar á
kosningakerfinu, sem felast í því
að taka upp einmenningskjördæmi
í stað hlutfallskosningar, að stjórn-
málamenn verða að hópast saman
í breiðari fyikingar. Tími hinna fjöl-
mörgu ítölsku smáflokka líður und-
ir lok með nýju kosningakerfí.
Frakkar
lækka vexti
FRANSKI seðlabankinn iækkaði
vexti í gær úr 8% í 7,75% og er
þetta sjötta vaxtalækkun bankans
á einum mánuði. Með vaxtalækk-
ununum er ætlunin að reyna að
hleypa nýju lífí í efnahaginn sem á
í vök að veijast eins og víðar á
Vesturlöndum. Fyrir skömmu boð-
aði ný stjóm borgaraflokkanna
undir forystu Edouards Balladurs
skattahækkanir er mæltust illa
fyrir hjá talsmönnum launþega en
stjórn segir opinber útgjöld vera
farin gersamlega úr böndunum og
geta grafíð undan efnahag þjóðar-
innar. Þýski seðlabankinn dró í gær
úr vonum manna um frekari vaxta-
lækkanir þar í landi og hvatti þess
í stað til að dregið yrði úr ríkisút-
gjöldum.
Umdeildur
nauðgunar-
dómur
ÁSTRALSKUR áfrýjunardómstóll
þyngdi í gær fyrri dóm í nauðgun-
ar- og morðmáli en annar dómari
hafði í fyrra úrskurðað að ekki
skyldi beita þyngstu refsingu á
þeirri forsendu að sakbomingur
hefði fyrst barið fórnarlambið, 17
ára gamla stúlku, meðvitundar-
lausa áður en hann nauðgaði henni
og síðan myrti. Áfrýjunardómarinn
sagðist ekki geta tekið undir það
álit að nauðgunin hefði verið minna
ofbeldisverk vegna meðvitundar-
leysis stúlkunnar. Morðinginn
hlaut 12 ára fangelsi.
Nýjar upptökur af „samtölum bresku konungsfjölskyldunnar“
Hafa æsifréttablöðin
tekið of stórt upp í sig?
EINSTÖK NÝJUNG
Elancyl Transdiffuseur
Nýtt vopn sem boðar byltingu
í baráttunni gegn cellulite
London. Reuter, The Daily Telegraph.
BRESK æsifréttablöð héldu í gær áfram að birta fréttir
af upptökum af meintum samtölum bresku konungsfjöld-
unnar. í Sun mátti lesa um samtal sem Díana prinsessa á
að hafa átt við góða vinkonu sína fyrir tveimur árum, þar
sem hún segir m.a. að hjónaband sitt hafi verið einn alls-
herjar látbragðsleikur. „Eg er á förum og strákarnir líka,“
á prinsessan m.a. að hafa sagt. I Today var að finna frétt-
ir af sama samtali.
Það var í fyrradag sem aftur
fóru að berast fregnir af ýmis kon-
ar upptökum af samtölum konungs-
fjölskyldunnar. Sun fullyrti þá að
leyniþjónustan MI5 hefði hlerað og
tekið upp á segulband samtöl Karls
ríkisarfa og Díönu prinsessu í nóv-
ember, áður en þau skildu að borði
og sæng. Þessar upplýsingar er
einnig að finna í bók James Whita-
ker, hirðblaðamanns Daily Mirror,
sem koma mun út á næstunni.
Hefur hann sakað Sun um að hafa
stolið upplýsingunum frá sér, en
um hundrað þúsund eintök af bók
hans voru geymd í vörugeymslu
skammt frá Heathrowflugvelli. For-
ráðamenn Sun neita því hins vegar
harðlega að „heimsfréttin" eigi
rætur sínar að rekja til Daily Mirror.
Hver hleraði?
Enn hefur hins vegar enginn
getað staðfest hvaðan þessar upp-
tökur koma og hvort þær séu ófals-
aðar. Talsmaður Buckinghamhallar
sagði í gær að dagbækur hirðarinn-
ar sýndu greinilega að Karl og
Díana hefðu ekki verið saman þann
dag sem hið meinta samtal átti að
eiga sér stað.
Kenneth Clarke innanríkisráð-
herra sagði í fyrradag að svo virtist
sem einhver væri að hlera konungs-
fjölskylduna og að hann gæti vel
ímyndað sér að mikinn pening væri
að hafa upp úr í slíku. Hann sagði
hins vegar einnig að ekkert benti
til að það væri leyniþjónustan sem
stæði að baki hlerununum. „Ég hef
ekki hugmynd um hver er ábyrg-
ur,“ sagði Clarke en hann og aðrir
ráðherrar eru sagðir vera „100%
vissir“ um að MI5 komi þar hvergi
nærri. Fréttir þess efnis sagði
Clarke einungis vera lið í þeirri við-
leitni æsifréttablaða að fylla blað-
síður sínar með slúðurfréttum af
konungsfjölskyldunni. Með því að
tengja leyniþjónustuna við málið
væri komin „afsökun" til að birta
endalaus afrit af upptökum og ljós-
myndir. Velta mörg af virtari
dagblöðum Bretlands upp þeirri
spurningu hvort að þessar nýjustu
„uppljóstranir" séu ekki einfaldlega
ómerkilegur stormur í vatnsglasi,
eða ósannaðar fullyrðingar sem séu
einungis settar fram sem liður í
hinni hörðu samkeppni æsifrétta-
blaðanna um hylli lesenda.
I! IHTI
wm
■HM
ELANCIL
FALLEGUR
LÍKAMIÁN
CELLULITE - FETI FRAMAR
Fæst í apótekum og snyrtivöruverslunum um land allt.
Keuter
Njósnað um konungsfjölskylduna?
ELÍSABET Bretadrottning og Filipus prins ræða við bresk börn í
Búdapest þar sem þau hafa verið í opinberri heimsókn. Bresk æsi-
fréttablöð hafa haldið því fram að breska leyniþjónustan M-15 hafi
árum saman njósnað um alla konungsfjölskylduna.
Æ R F Ö T
Það besta næst þér!
HAGKAUP
KRINGLUNNI