Morgunblaðið - 29.07.1993, Blaðsíða 3

MORGUNBLAÐIÐ FIMMTUDAGUR 29. JÚLÍ 1993
3
Sala á undanrennu
og léttmjólk eykst
SALA á undanrennu og léttmjólk hefur aukist á síðustu árum
á kostnað nýmjólkurinnar, að sögn Baldurs Jónssonar, fram-
kvæmdasljóra sölusviðs Mjólkursamsölunnar. Þá hefur sala á
ijóma aukist á sama tíma og segir Baldur að líklegasta skýr-
ingin á því sé að meira sé notað af honum í matargerð en áður.
Baldur segir að sala á ný-
mjólk, léttmjólk og undanrennu
í heild hafi staðið í stað undan-
farin fimm ár en léttmjólk og
undanrenna hafi sótt á og séu
þessar tvær tegundir nú um
helmingur af heildarsölu þess-
ara þriggja tegunda. Mjólkur-
samsalan selji árlega um 27
milljónir lítra af mjólk og hafi
gert undanfarin fimm ár.
Sem dæmi um aukningu í
sölu á léttmjólk og undanrennu
má nefna að árið 1988 seldi
Mjólkursamsalan á sínu sölu-
svæði um 6 milljónir lítra af
léttmjólk og um 1,9 milljónir
lítra af undanrennu. Árið 1992
voru 9 milljónir lítra af létt-
mjólk seldar og um 2,9 milljón-
ir lítra af undanrennu. Árið
1988 seldi Mjólkursamsalan um
18,5 milljónir lítra af nýmjólk
en á síðasta ári hafði salan fall-
ið niður í um 14,8 milljónir lítra.
Baldur segir að gífurleg
aukning hafi orðið í sölu á
ýmiss konar sýrðum mjólkur-
vörum með ávaxtabrögðum, svo
sem jógúrti, þykkmjólk og ABT
mjólk. „Fólk hefur í raun ekki
minnkað mjólkurneyslu heldur
hefur það fært neyslu sína yfir
í aðrar mjólkurvörur. Hins veg-
ar hefur mikil aukning á neyslu
gosdrykkja, ávaxtasafa og þess
háttar drykkja, sem telja má
að keppi óbeint við mjólkur-
drykki, óneitanlega haft ein-
hver áhrif á sölu mjólkur," seg-
ir hann.
Þá segir Baldur að neysla á
ijóma hafi aukist þó nokkuð
undanfarin ár. Mun meira virð-
ist vera notað af honum í mat-
argerð nú en áður.
Time fjallar um sólóplötu Bjarkar
Tímabært að Island
komist á poppkortið
YIKURITIÐ
Time fjallar í nýj-
asta tölublaði
sínu um söngkon-
una Björk Guð-
mundsdóttur.
Undir fyrirsögn-
inni „Með ástar-
kveðju frá Is-
landi“ segir blað-
ið að þótt Island
hafi hingað til
ekki komið í hug-
ann þegar nefnd
eru lönd sem
framkallað hafa
poppstjörnur þá
sé að verða breyt-
ing þar á.
Klausan um
Björk er aðalefnið
á „Fólks í fréttum“-
síðu blaðsins. Þar
segir: „Nefnið þau
lönd sem framkall-
að hafa poppstjöm-
ur. Kemur Island í
hugann? Líklega
ekki, en e.t.v. er tími til kominn.
Björk, 27 ára gömul, fyrrverandi
aðalsöngvari íslensku rokksveitar-
innar sérvitru, Sykurmolanna, hef-
ur nú gefíð út kraftmikla sólóplötu
sem kallast Debut. í annarri viku
eftir útgáfu komst hún upp í 6.
sætið á breskum vinsældalistum.
Þetta er sú fyrsta sem „inniheldur
mín lög,“ segir hún, „tónlistina sem
hljómar í huga mér.“ Björk hefur
ekki bara sagt skilið við Molana
heldur er hún nú flutt frá Reykja-
vík til London til að auka eigin
hróður (þótt hún hafí reyndar fellt
niður hið hljómfagra, torskilda eft-
irnafn sitt, Guðmundsdóttir). Björk
er dökkhærð og skáeyg og var
uppnefnd „Kínastelpan“ af skólafé-
lögum sínum. En sjálf segir hún
að útlit sitt gerist ekki öllu íslensk-
ara. Ýkt.“
Tveir teknir með fjög-
ur kíió af fíkniefnum
TVEIR menn voru handteknir í Leifsstöð sl. sunnudag en á
öðrum þeirra fundust 3 kg af hassi og 900 g af amfetamíni.
Mennirnir voru að koma frá Amsterdam en efnið fannst við
tollskoðun.
Að sögn fíkniefnalögreglunnar
er annar mannanna rúmlega fímm-
tugur en hinn á fimmtugsaldri.
Fíkniefnin fundust innanklæða á
öðrum þeirra en sá hefur ekki kom-
ið við sögu fíkniefnalögreglunnar
áður. Félagi hans mun hinsvegar
þekktur hjá lögreglunni. Báðir voru
úrskurðaðir í gæsluvarðhald til 11.
ágúst. Málið er í rannsókn.
Á mánudagskvöldið fundust svo
1.100 grömm af hassi í Flugleiða-
vél. Verið var að þrífa vélina er
hassið fannst í læstri hirslu sem
starfsfólk hefur aðgang að. Það
mál er einnig í rannsókn.