Morgunblaðið - 29.07.1993, Blaðsíða 42

42
MORGUNBLAÐIÐ IÞROTTIR FIMMTUDAGUR 29. JÚLÍ 1993
EHt högg skilur
í kvennaflokki
Morgunblaðið/Óskar Særaundsson
Þorsteinn Hallgrímsson lék ótnálega vel í gær miðað við aðstæður og
náði forystunni. „Það þarf kunnáttu til að leika í roki eins og hérna,“ sagði hann
á eftir.
KAREN Sævarsdóttir, íslands-
meistari frá Keflavík, leiðir í
meistaraflokki kvenna eftir tvo
daga, en munurinn er aðins eitt
högg og því útlit fyrir að keppn-
in geti orðið spennandi og jöfn.
Það var hin unga Ólöf María Jóns-
dóttir úr Keili sem lék best af
stúlkunum í gær og kom inn á 81
höggi, fímm höggum færra en næsta
stúlka, sem var Karen. Ólöf lék mjög
vel fyrri níu holurnar og notaði að-
eins 39 högg á þær.
„Eg er mjög ánægð með fyrri níu
holumar en seinni níu hefðu mátt
vera betri. Eg reyndi að láta veðrið
ekki fara í taugamar á mér og hugs-
aði ekki um það. Púttin hjá mér voru
mjög góð þó svo það væri erfitt að
standa kyrr á meðan púttað var, en
þau rötuðu einhvem vegin rétta leið
í dag.
Ég ætla að gera mitt besta á
morgun og föstudaginn og vona bara
að það dugi eitthvað. Ef ég leik eins
vel og ég get þá er ég nokkuð bjart-
sýn á úrslit mótsins, en ég er eigin-
lega viss um að þetta verður jafnt
og spennandi næstu tvo daga,“ sagði
Ólöf María.
„Þetta gekk vel og illa,“ sagði
Karen eftir hringinn en bætti við;
„Ég læt ekki hafa eftir mér það sem
mér fannst um veðrið. Annars var
þetta ágætt þannig lagað. Ég lék
seinni níu á 41 höggi og þar af þrí-
púttaði ég á síðustu flötinni og svo
fór ég þijá yfír á þrettándu braut,
að öðru leyti er ég nokkuð sátt. Þetta
verður spennandi næstu tvo daga,“
sagði Karen.
Herborg Arnarsdóttir úr GR lék
illa í gær en hún var aðeins einu
höggi á eftir Karenu eftir fyrsta
dag. Herborg kom inn á 93 höggum
og er nú átta höggum á eftir Karenu
eins og Ragnhildur Sigurðardóttir
úr GR sem lék á 90 höggum í gær.
Þórdís Geirsdóttir úr Keili og Asgerð-
ur Sverrisdóttir úr GR koma ekki
langt undan.
Karen Sævarsdóttir hefur eins
höggs forskot í meistaraflokki kvenna.
Spennandi í 2.
flokki kvenna
Keppnin í 2. flokki kvenna er
jöfn og spennandi. Sigrún
Sigurðardóttir úr GG hefur tveggja
högga forystu á Guðnýju Sigurðar-
dóttur úr GS fyrir síðasta dag
> keppninnar. Sigrún lék á 98 högg-
um í gær og var eina konan í
flokknum sem lék á undir 100
höggum. Raunar lék hún á sex
höggum færra en næsti keppandi.
Unnur Henrýsdóttir úr GS er í
þriðja sæti og sækja nokkrar konur
að henni og það er því barátta um
öll sæti í 2. flokki kvenna sem lýk-
ur leik í dag.
Þorsteinn náði forystu
GOLF / LANDSMOTIÐ
ÞORSTEINN Hallgrímsson hefur forystu í meistaraflokki karla eft-
ir tvo daga. Þorsteinn á eitt högg á Björn Knútsson úr Keili og
Sigurjón Arnarsson úr GR og ekki er langt í aðra kylfinga þannig
að útlit erfyrir jafna og skemmtilega keppni síðari tvo dagana.
Gríðarlegar
svíftingar
Gríðarlegar sviftingar í öðr-
um flokki karla á þriðja
og næst síðasta degi þeirra, í
gær. Jóhann Júlíusson úr GS
hefur nú þriggja högga forystu
og er ákveðinn í að halda henni
til loka.
Þegar 1. flokkur hóf leik í
gær var Garðar Vilhjálmsson
úr GS með tveggja högga for-
skot á Helga Ölafsson úr GR
sem var í öðru sæti. Garðar átti
mjög slæman dag í gær, lék á
100 höggum en Helgi iék á 92
og hélt öðru sætinu. Garðar er
nú í 14. sæti.
Ungur kylfingur úr GS, Jó-
hann Júiíusson, skaust hins veg-
ar í fyrsta sætið og á hann þrjú
högg á Helga. Jóhann lék hreint
ótrúlega vel í gær þvi þrátt fyr-
ir hávaða rok kom hann inn á
79 höggum, sem er sex höggum
betra en Sváfnir Hreiðarsson úr
GB sem lék á næst fæstum
höggum í 1. flokki í gær og er
nú í þriðja sæti.
Jóhann sagðist hafá byijað
illa í gær. „Ég missti teighöggið
á fyrstu braut og komst ekki
einu sinni fram fyrir bláu teig-
ana, en síðan lék ég mjög vel
og það munaði miklu að pútta
vel," sagði Jóhann. Hann vann
13 högg af Helga og 21 högg
af Garðari sem hafði forystu
fyrir daginn í gær.
Kári setti mikinn svip á leik meist-
araflokksmanna eins og ann-
arra kylfinga í gær. Þorsteinn Iét
það þó ekki á sig fá
■■■■■■■ og bætt leik sinn frá
Skúli Unnar fyrsta degi um fímm
Sveinsson högg. Mun algeng-
ara var að þróunin
væri á hinn vegin því þó það hafi
verið rok á þriðjudaginn þá var enn
hvassara í gær.
„Ég lék í rauninni í beinu fram-
haldi af því sem ég var að gera á
þriðjudaginn," sagði Þorsteinn eftir
að hann kom inn í gær. „Ég er sátt-
ur við það sem ég hef verið að gera,
nema hvað ég þarf að ná betra skori
á fyrstu brautunum. Fyrsta daginn
var ég sex yfir eftir fjórar holur en
í dag var ég þijá yfír eftir fjórar og
er mjög sáttur við það. Annars eru
þær gífurlega erfiðar, sérstaklega í
þessu roki.
Mér er alveg sama hvað menn
segja og þeir geta kallað það grobb
í mér, en það þarf kunnáttu til að
leika í roki eins og hérna. Ég hef
æft stuttu höggin mjög mikið og þá
ekki bara með sandjárni og fleyg-
járni, heldur með öllum járnum upp
í fímmu og það skilar sér í svona
veðri þegar maður verður að nota
fjmm járn til að slá hundarð metra.
Ég púttaði einnig mjög vel í dag og
var ellefu sinnum á „regulation",
sem er gott.
Ég setti stefnuna á verðlaunasæti
og ég held áfram að leika eins vel
og ég get og ef það dugar þá er það
í fínu lagi,“ sagði Eyjapeyinn hressi
og var rokinn til Reykjavíkur til að
sjá leik Fram og ÍBV í 1. deildinni
í knattspyrnu.
Bjöm Knútsson úr Keili lék einnig
vel í gær, kom inn á 76 höggum,
tveimur höggum betur en fyrsta
daginn. „Ég er sáttur við þettta,
þannig lagað en ég fór fjóra yfir á
síðustu þremur holunum og það er
of mikið. Ég hefði hæglega getað
verið á betra skori því þetta voru
óþarfa skollar sem ég fékk á síðustu
holunum," sagði Björn, en hann lék
mjög vel framan af, eða alveg þar
til kom á 16. holu.
Sigurjón Arnarsson úr GR er einn-
ig á 154 höggum eins og Bjöm, en
hann var ekki sáttur frekar en marg-
ur annar. „Þetta er ekki hægt. Eg
get bara ekki púttað í þessu roki.
Boltinn er á hreyfíngu og maður er
dauðhræddur við örstutt pútt. Ég
slæ vel en skora bara alls ekki,“
sagði Sigurjón. Hann lék á 78 högg-
um í gær, tveimur höggum fleira
en fyrsta daginn.
Gamli „refurinn" Ragnar Ólafsson
úr GR er í fjórða sæti með 157 högg.
Hann lék á 78 höggum í gær og
bætti sig um eitt högg á milli daga.
Ragnar sagðist þokkalega sáttur við
hringinn þó svo veðrið hefði gert
þeim lífið leitt. Hann fékk fálka á
14. holuna, átti gott upphafshögg
og sló síðan úr karganum með sex
járni og átti þá aðeins eftir rúmlega
meters pútt sem hann setti niður.
íslandsmeistarinn Úlfar Jónsson
lék ekki vel í gær en er þó í sjötta
sæti með 159 högg eins og þrír <.Jr-
ir kylfingar. „Það eru hræðilega
mikil vonbrigði að fá svona veður í
landsmótinu. Völlurinn er frábær og
það em mikil vonbrigði að fá ekki
tækifæri til að nýta sér það. Ég get
ekki leikið á pari í svona veðri,“
sagði Úlfar sem kom inn á 82 högg-
um í gær.
„Ég er að sjálfsögðu alls ekki
hættur, en ég get varla séð að þetta
sé í mínum höndum núna því eins
og ég sagði þá get ég ekki leikið á
pari í þessu veðri og það eru helst
púttin sem reynast erfið. Mér finnst
skorið hjá þeim Þorsteini og Birni
alveg ótrúlega gott því sjálfur hafði
ég varla nokkra tilfínningu fyrir því
sem ég var að gera þarna úti,“ sagði
íslandsmeistarinn.
Björgvin Sigurbergsson úr Keili,
sem hafði forystu eftir fyrsta dag
átti ekki góðan dag í gær. Hann lék
á 84 höggum og er nú í 6.-9. sæti.
Björgvin lék mjög illa fyrri níu hol-
urnar og var þá 12 höggum yfir
pari þeirra. Á síðari níu gekk betur
því þær lék hann á pari. Miklar
sveiflur þar.
------»--»-♦..—
Öruggt hjá Rut
RUT Þorsteinsdóttir úr GS virð-
ist nokkuð örugg með sigur í
1. flokki kvenna en þar hefur
hún átján högga forystu fyrir
síðasta dag.
Rut hefur leikið mjög jafnt á
þessu landsmóti, fyrsta dag-
inn kom hún inn á 85 höggum,
annan daginn lék hún á 86 höggum
og í gær notaði hún aðeins einu
höggi meira.
■ BJÖRGVIN Þorsteinsson úr
Golfklúbbi Akureyrar tekur nú
þátt í landsmóti 30. árið í röð. Logi
Þormóðsson, mótsstjóri afhenti hon-
um blómvönd af því tilefni, þegar
Björgvin kom inn eftir fyrstu 18
holumar á mánudaginn.
■ ÞEGAR kylfingarnir í meistara-
flokki karla voru að fara út á fyrsta
teig var gríðarlega hvasst og höfðu
margir á orði að réttast hefði verið
að láta spila í Grafarholtinu, velli
GR, enda veðrið í Reykjavík mun
betra en í Leirunni.
■ ÞAÐ gerist ýmislegt í golfinu,
ekki síst þegar veðrið er eins og það
hefur verið fyrstu tvo dagana sem
meistaraflokkarnir leika. í gær mis-
heppnaðist til dæmis upphafshögg
hjá Sigurði Sigurðssyni úr GS á
12. braut, en svo heppilega vildi til
að boltinn lenti í auglýsingaskilti og
kastaðist þaðan langt inná braut svo
úr varð hið besta teighögg.
■ BERGVÍKIN er par 3 hola sem
margir hræðast því slá þarf yfir sjó
til að komast inná flöt. í mótvindi
er hún enn erfíðari en ella og í gær
var hún hræðileg. Það fékk kona úr
2. flokki kvenna að reyna. Hún sló
sex bolta í hafíð en þrettánda högg-
ið heppnaðist og náði hún að leika
holuna á 17 höggum sem er „aðeins"
14 höggum yfir pari.
■ EIGINMAÐUR hinnar lánlausu
frúar sagði eftir að hann kom inn,
að vegna þess hversu margir boltar
hefðu farið í hafið hefði hann ekki
þorað öðru en hlaupa upp í golfskála
til að kaupa fleiri bolta.
■ KRISTJÁN Einarsson er yfir-
dómari mótsins og sagði hann að lít-
ið merkilegt hefði komið uppá. Einn
kylfingur lét þó kalla í dómara til
að athuga hvort ekki bæri að víkja
honum úr keppni því hann taldi að
hann hefði leikið röngum bolta. Svo
var ekki og hélt hann áfram leik.
Kristján taldi þetta merki um heiðar-
leika kylfinga.
■ TEIGURINN á 7. brautinni er
alveg niður við fjöru og í gær var
útlit fyrir að þyrfti að færa hann
vegna roks og sjógangs. Úr því varð
ekki en sumar konurnar í 1. og 2.
flokki fengu yfir sig gusu á teignum.
■ RÆSAR mótsins sögðu meist-
araflokksmönnum af þessu þegar
þeir voru ræstir út og tóku stundum
fram að teigurinn yrði færður ef
Hilmar Björgvinsson myndi fjúka
á teignum, en Hilmar er stór og
þungur og var í fyrsta riðlinum og
því góður mælikvarði á hvort teig-
urinn væri nothæfur.
■ MARGIR meistaraflokksmenn
höfðu orð á því að þeir hefðu aldrei
leikið í öðru eins roki. Einn sagði til
dæmis að hann hefði notað járn núm-
er eitt til að slá rúma hundrað metra
inná flöt og tekist ágætlega, en
venjulega nota meistarflokksmenn
sandjárn eða fleygjárn.
■ BJÖRGVIN Signrbergsson
hafði forystu í meistaraflokki karla
fyrir daginn í gær en lék illa í gær.
Á 4. braut hreinlega fauk hann á
teignum rétt í þann mund sem hann
sló og kúlan fór auðvitað hafið. „Það
er svona að vera svona lítill og létt-
ur,“ sagði Björgvin.
■ HILMAR Björgvinsson úr GS
og Guðný Magnúsdóttir kona hans
eiga von á sínu fyrsta bami og á
hún að eiga á morgun. Sigurður
Sigurðsson, félagi Hilmars vill að
hún eigi á sunnudaginn því þá verð-
ur Sigurður þrítugur.
■ HILMAR sagði að konuan myndi
hringja um leið og eitthvað færi að
gerast og þá væri hann farinn upp
á spítala.
■ MARGT getur gerst í golfi og
meira að segja í logni. Á móti við-
skiptafræðinga sem haldið var í Leir-
unni ekki alls fyrjr lögnu í góðu veðri
gerðist það að einn kylfingur var að
slá á 16. teigi en hitti frakar illa.
Boltinn fór til hægri og endaði í
holunni á 9. flöt. Hola í höggi, en
Sví miður ekki gild!
I EFTIR að Ieik lauk á þriðjudag-
inn höfðu 43 keppendur fengið þrjá
fugla eða fleiri og þannig höfðu alls
152 fuglar litið dagsins ljós. Fimm
kylfingar höfðu fengið fimm fugla.